दिल्ली-पंजाबमधला नारा केजरीवालांनी पुन्हा दिला, कोऱ्या कागदावर लिहून दिलं, गुजरातमध्ये यावेळी…
ईडीने आता सदानंद कदम यांना समन्स पाठवत पुढील आठवड्यात चौकशीसाठी पाचारण केलं आहे. अनिल परब यांनी दापोलीतील रिसॉर्ट स्वस्त दरात कदम यांना विक्री केले. तसंच यामध्ये मोठ्या प्रमाणात गैर व्यवहार झाला, असा संशय ईडीला आहे. त्यामुळे या प्रकरणातील चौकशीत नेमकी काय माहिती समोर येते, हे पाहणं महत्त्वाचं ठरणार आहे.
मुख्यमंत्री शिंदेंचा उद्धव ठाकरेंना सूचक इशारा, ‘फ्रीज भरून खोके कुठे गेले याचा शोध घेणार…’
दरम्यान, दापोली कोर्टाने साई रिसॉर्ट घोटाळ्यासंदर्भात अनिल परबांना समन्स बजावले आहे आणि १४ डिसेंबर रोजी प्रत्यक्ष हजर राहण्याचे आदेश दिले आहेत. पर्यावरण मंत्रालय, भारत सरकारने CRZ मध्ये बांधकाम केल्याप्रकरणी कोर्टात तक्रार दाखल केली होती. तो वेगळा खटला दापोली न्यायालयात सुरू आहे. दापोली तालुक्यातील मुरुडमधील वादग्रस्त साई रिसॉर्टप्रकरणी ही सुनावणी सुरू आहे. काही दिवसांपूर्वी पंचायत समिती गटविकास अधिकारी रुपा दिघे यांनी शासनाची फसवणूक केल्याप्रकरणी भा.द.वि. ४२० नुसार अनिल परब यांच्यासह मुरुड ग्रामपंचायत तत्कालीन सरपंच व तत्कालीन ग्रामसेवक यांच्याविरोधात दापोली पोलीस स्थानकात गुन्हा दाखल केला आहे. अनिल परब यांच्यानंतर सदानंद कदम यांच्याविरोधातही शासनाकडून एफआयआर दाखल करण्यात आल्याने कदम यांच्याही अडचणी वाढण्याची शक्यता आहे.
