tulja bhavani mandir, देवदर्शनासाठी तुळजापूरकडे येताना दुचाकीला एसटी बसची धडक; महिला आणि युवकाचा जागीच मृत्यू – two wheeler and st bus accident while coming towards tuljapur woman and the youth passed away on the spot

उस्मानाबाद : देवदर्शनासाठी तुळजापूरकडे येणाऱ्या भाविकांच्या वाहनाला भीषण अपघात झाला आहे. ही घटना तुळजापूर-सोलापूर महामार्गावर सिंदफळपासून जवळच असलेल्या बायपासवर घडली. मोटरसायकल व महाराष्ट्र राज्य आगाराच्या बसची धडक होऊन यामध्ये मोटरसायकलस्वार दोघे मृत्युमुखी पडले आहेत.

पोलीस प्रशासनाकडून मिळालेल्या माहितीनुसार, तुळजापूर-सोलापूर महामार्गावर सिंदफळपासून काही अंतरावर बायपास रोड येथे आज सकाळी ११ वाजताच्या सुमारास महाराष्ट्र राज्य परिवहन महामंडळाची अहमदनगर आगाराची बस (क्रमांक- एमएच २० बी. एल. १९९९) ही तुळजापूरवरून सोलापूरकडे जात होती तर सोलापूरकडून बायपासजवळील वळणावर आलेल्या एका दुचाकीची जोरदार धडक झाली.

अभ्यासाचा तणाव वाढला अन् तरुणाने टोकाचं पाऊल उचललं; १९ वर्षीय मुलाच्या जाण्याने कुटुंबाचा आक्रोश

या अपघातामध्ये मोटरसायकलवरील दोन जण जागीच ठार झाल्याची घटना घडली आहे. तसंच अपघातामध्ये मोटरसायकलचंही मोठ्या प्रमाणात नुकसान झालं आहे. रुपाली अनिल मनुरे (वय ४० वर्ष) तर सुधीरकुमार गणपत कोळी (वय ३१ वर्ष, दोघे रा. सर्वोदय नगर सोलापूर) अशी मृतांची नावे आहेत. सदर अपघात घडल्यावर नागरिकांनी काही काळ रस्ता रोको करत निषेध नोंदवला. परंतु नंतर पोलिसांनी केलेल्या हस्तक्षेपामुळे रस्ता मोकळा करण्यात आला. सदर मृतदेह हे पोस्टमॉर्टेमसाठी उपजिल्हा रुग्णालय येथे पाठवण्यात आले आहेत.

दरम्यान, घटनेची माहिती मिळताच उपविभागीय पोलीस अधिकारी डॉ. सई भोरे-पाटील, पोलीस निरीक्षक आजिनाथ काशीद, सहाय्यक पोलीस निरीक्षक सुशील कुमार चव्हाण, पोलीस नाईक दिलीप राठोड हे तातडीने घटनास्थळी दाखल झाले. या अपघातप्रकरणी बस चालकावर गुन्हा दाखल करण्याची प्रक्रिया सुरू आहे.