मुंबई: अनेक घडामोडी आणि बातम्यांच्या आधारावर आज बाजारात कोणत्या शेअर्सकडे ट्रेडर्स आणि गुंतवणूकदारांचे लक्ष असणार आहे. अशा शेअर्सची माहिती आपण घेणार आहोत. यामध्ये प्रामुख्याने हिरो मोटोकॉर्प , बजाज फायनान्स, गोदरेज प्रॉपर्टीज , इंडियन ऑइल कॉर्पोरेशन , एफएसएन ई-कॉमर्स व्हेंचर्स, इंडियन एनर्जी एक्सचेंज, जेके सिमेंट, मुथूट फायनान्स , श्रीराम प्रॉपर्टीज, लेमन ट्री हॉटेल्स आदी शेअर्सचा सामावेश असणार आहे.

हिरो मोटोकॉर्प: देशातील सर्वात मोठ्या दुचाकी निर्मात्या कंपनीने सांगितले की, ते त्यांच्या मोटारसायकली आणि स्कूटरच्या किमती १ डिसेंबरपासून १,५०० रुपयांनी वाढवतील. नेमकी रक्कम दरवाढ विशिष्ट मॉडेल्स आणि बाजारपेठेनुसार बदलू शकते.

नवीन आठवड्यात कमाई करण्याची उत्तम संधी, दोन IPO बाजारात धडकणार; जाणून घ्या सविस्तर माहिती
बजाज फायनान्स: बजाज फायनान्सने स्नॅपवर्क टेक्नॉलॉजीज मधील ४० टक्के भागभांडवल प्राथमिक आणि दुय्यम व्यवहारांद्वारे ९३ कोटी रुपयांमध्ये विकत घेण्यासाठी शेअर-खरेदी करार केला आहे. डिसेंबर २०२२ पर्यंत पूर्ण होणार्‍या या संपादनाद्वारे तंत्रज्ञान मजबूत करण्याचा कंपनीचा मानस आहे.

गोदरेज प्रॉपर्टीज: रियल्टी फर्म गोदरेज प्रॉपर्टीजला मार्च तिमाहीत दिल्लीतील अशोक विहार येथे एक लक्झरी गृहनिर्माण प्रकल्प सुरू होण्याची अपेक्षा आहे आणि या मालमत्तेतून ८ हजार कोटी रुपयांच्या विक्री उत्पन्नावर लक्ष आहे. फेब्रुवारी २०२० मध्ये हा लक्झरी गृहनिर्माण प्रकल्प विकसित करण्यासाठी १,३५९ कोटी रुपयांना राष्ट्रीय राजधानीत जवळपास २७ एकर जमीन संपादित केली होती.

अदानींच्या कंपनीत कमाईची बंपर संधी! तीन वर्षात शेअर्स हजार पटींनी वर चढले, गुंतवणूकदरांची भरभराट होणार
इंडियन ऑइल कॉर्पोरेशन: तेल विपणन कंपनीने खाजगी प्लेसमेंटच्या आधारावर अपरिवर्तनीय कर्जरोखे (NCD) जारी करून २,५०० कोटी रुपये उभे केले आहेत. इंडियन ऑइल कॉर्पोरेशन सध्याचे कर्ज फेडण्यासाठी किंवा भांडवली खर्चासाठी निधी उभारण्यासाठी निधी वापरेल.

एफएसएन ई-कॉमर्स व्हेंचर्स: नायकाने पिंक फ्रायडे सेलच्या पहिल्या दिवशी एकूण व्यापारी मूल्यात ७५ टक्के वाढ नोंदवली आणि महसूलात १२ पट वाढ नोंदवली आहे. २१ नोव्हेंबरपासून सुरू झालेल्या सेलच्या पहिल्या दिवशी प्रति मिनिट ४०० पेक्षा जास्त ऑर्डर नोंदवल्या गेल्याचे कंपनीने म्हटले आहे.

टाटांची शानदार कामगिरी! या कंपन्यांनी दिलाय घसघशीत परतावा, गुंतवणूक करण्यापूर्वी सविस्तर जाणून घ्या
इंडियन एनर्जी एक्सचेंज: वीज मंडळाने सांगितले त्यांच्या बोर्डाने ९८ कोटी रुपयांचे शेअर्स बायबॅक करण्याच्या प्रस्तावाला मंजुरी दिली आहे. बायबॅक योजनेंतर्गत जास्तीत जास्त ४९ लाख शेअर्स २०० रुपयांपेक्षा जास्त नसावेत.

जेके सिमेंट: सिमेंट कंपनीने तिची सिमेंट ग्राइंडिंग क्षमता प्रतिवर्ष २ दशलक्ष टन वाढवली आहे. उपकंपनी जयकेसेमने उत्तर प्रदेशात नव्याने उभारलेल्या सिमेंट उत्पादन प्रकल्पात सिमेंट ग्राइंडिंग प्रक्रिया यशस्वीपणे सुरू केली आहे.

मुथूट फायनान्स: कंपनी २८ नोव्हेंबर ते १९ डिसेंबर दरम्यान प्रत्येकी १,००० रुपयांच्या दर्शनी किंमतीच्या अपरिवर्तनीय कर्जरोख्यांद्वारे ३०० कोटी रुपये उभारेल.

एल अँड टी फायनान्स होल्डिंग्ज: वित्तीय सेवा फर्मने एल अँड टी एएमसीची ची एचएसबीसी एएमसीला विक्री केली.

लेमन ट्री हॉटेल्स: लेमन ट्री हॉटेल्सने जमशेदपूरमधील ४२ खोल्यांच्या हॉटेलसाठी परवाना करार केला आहे. हे हॉटेल सप्टेंबर २०२३ च्या अखेरीस कार्यान्वित होण्याची अपेक्षा आहे. लेमन ट्रीची व्यवस्थापन शाखा कार्नेशन हॉटेल्स हे हॉटेल चालवणार आहे.

श्रीराम प्रॉपर्टीज: रियल्टी फर्म श्रीराम प्रॉपर्टीजने सुविलास रियालिटीजमध्ये १०० टक्के इक्विटी संपादन पूर्ण केली आहे. सुविलास रियालिटीज आपला ४०० कोटी रुपयांचा गृहनिर्माण प्रकल्प विकसित करत आहे.

LEAVE A REPLY

Please enter your comment!
Please enter your name here