मुंबई: दिवसागणिक सेक्सटॉर्शनच्या घटना वाढत आहेत. आधी अश्लिल व्हिडीओ कॉल आणि त्यानंतर याच कॉलच्या आधारे खंडणी वसुली असे प्रकार गेल्या काही महिन्यांत मोठ्या प्रमाणात वाढले आहेत. मुंबईतील एका आचाऱ्यानं सेक्सटॉर्शनमुळे तब्बल १.५ लाख रुपये गमावले. आचाऱ्यानं या प्रकरणी पोलीस तक्रार दाखल केली आहे. प्रकरणाचा तपास सुरू आहे.

वांद्र्यातील एका रेस्टॉरंटमध्ये काम करणाऱ्या आचाऱ्याला २४ नोव्हेंबरला एका अनोळखी नंबरवरून व्हॉट्स ऍप व्हिडीओ कॉल आला. नेपाळचा नागरिक असलेल्या, मात्र गेल्या तीन दशकांपासून मुंबईत वास्तव्यास असणाऱ्या आचाऱ्यानं कॉल घेतला. त्यानं कॉल घेतल्यानंतर लगेचच समोर असलेली महिला कपडे काढू लागली. आचाऱ्यानं कॉल कट केला.

दुसऱ्याच मिनिटाला आचाऱ्याला एक व्हिडीओ आला. आचारी महिलेला कपडे काढताना पाहतोय, असं त्या व्हिडीओत दिसत होतं. यानंतर आचाऱ्याला एका अज्ञात महिलेचा कॉल आला. तुझा व्हिडीओ व्हायरल करेन, अशी धमकी तिनं दिली. आपली बदनामी होईल या भीतीनं आचाऱ्यानं तिला १.५२ लाख रुपये दिले. २५ नोव्हेंबरला त्याला पुन्हा एकदा महिलेचा कॉल आला. तिनं आणखी पैशांची मागणी केली. यानंतर आचाऱ्यानं पोलिसात तक्रार नोंदवली.
ना तुझ्याकडे राहणार ना माझ्याकडे…; पतीसोबत वाद होताच निर्दयी आईनं टोकाचं पाऊल उचललं
मेल एस्कॉर्टच्या नावाखाली फसवणूक
मुंबई आणि आसपासच्या परिसरातील जवळपास ३५० जणांची एका टोळीनं फसवणूक केली आहे. यातील केवळ एकानं आतापर्यंत तक्रार दाखल केली आहे. मेल एस्कॉर्ट्स म्हणून काम देण्याच्या नावाखाली टोळीनं जवळपास ३५० जणांना गळाला लावलं. या टोळीतील दोघांना पोलिसांनी अटक केली आहे.

मेल एस्कॉर्ट्सच्या नावाखाली गंडा घालण्यासाठी टोळीनं अतिशय साधीसोपी पद्धत वापरली. यातून फसवणूक झालेले पुरुष तक्रार दाखल करण्यासाठी पुढे येणार नाहीत. कारण तक्रार केल्यास त्यांचीच बदनामी होईल असा टोळीतील सदस्यांचा होरा होता. मात्र एकानं तक्रार दाखल केली आणि टोळीचा कारनामा उजेडात आला. या टोळीनं मुंबई आणि आसपासच्या परिसरातील अनेकांना गळाला लावलं.
टायर फुटले, नियंत्रण सुटले; VIP नंबरप्लेट असलेल्या BMWच्या धडकेत सायकलस्वाराचा अंत
फसवणुकीची पद्धत काय?
फ्रेंडशिप ग्रुप्सचे सदस्य व्हा आणि पैसे कमवा, अशी ऑफर टोळीकडून पुरुषांना दिली जायची. ग्राहक महिला असलेल्या हॉटेलमध्ये पोहोचायचं. तिथे पोहोचल्यावर ग्राहकाला खूष करण्यासाठी ऑनलाईन पेमेंट करून गिफ्ट खरेदी करायचं. यानंतर एस्कॉर्ट म्हणून आलेला पुरुष हॉटेलमध्ये जायचा, रुमपर्यंत पोहोचायचा. मात्र रुम एकतर रिकामी असायची किंवा मग तिथे भलतंच कोणीतरी असायचं.

टोळीचा पर्दाफाश कसा झाला?
फसवणूक झालेल्यांपैकी एकानं पोलीस तक्रार करण्याचं धाडस दाखवलं. त्यामुळे टोळीचा पर्दाफाश झाला. काही जणांनी मला व्हॉट्स ऍपवर संपर्क साधला. गीता फ्रेंडशिप ग्रुप, ऋषी फ्रेंडशिप ग्रुप आणि नीता स्पा फ्रेंडशिप ग्रुप अशा तीन ग्रुप्सचं सदस्यत्व घेण्यासाठी माझ्याशी संपर्क साधला गेला. नोंदणी शुल्क म्हणून १५०० आणि दोन महिन्यांच्या सर्व्हिसचे १५०० रुपये मला भरण्यास सांगण्यात आल्याचं फसवणूक झालेल्या व्यक्तीनं सांगितलं.
आईनं पैशांचा हिशोब मागितला; पोरानं घराबाहेर काढलं, रस्त्यात फरफटवलं, लाथाबुक्क्यांनी मारलं
गेल्या आठवठ्यात तक्रारदाराला एका थ्री स्टार हॉटेलमध्ये जाण्यास सांगितलं गेलं. तिथे त्याला गिफ्ट (बॉडी मसाज किट) विकत घेण्यास सांगण्यात आलं. त्याची किंमत ६५०० रुपये होती. यासाठीचं पेमेंट ऑनलाईन करण्यास सांगितलं गेलं. हॉटेलच्या रुमवर क्लबकडून किट दिलं जाईल असं त्यास सांगण्यात आलं होतं. त्याची ओळख पटावी यासाठी हॉटेलवर गेल्यावर त्याचा ‘लाईव्ह फोटो’देखील मागण्यात आला. हॉटेलमध्ये प्रवेश करताना तक्रारदाराकडे ११ हजार रुपये सिक्युरिटी डिपॉझिट म्हणून मागण्यात आले. हे पैसे परत केले जातील असं सांगण्यात आलं.

क्लबचा सदस्य झाल्यावर विविध हॉटेलमध्ये महिलांना मसाज सर्व्हिस देण्यासाठी पाठवू. त्या एका वेळचे ३० ते ४० हजार रुपये देतील, असं टोळीकडून तक्रारदाराला सांगण्यात आलं. या रकमेतील २० टक्के क्लबला द्यावे लागतील, असंही सांगण्यात आलं. या सगळ्यात तक्रारदारानं जवळपास २० हजार रुपये गमावले.
दर तिसऱ्या दिवशी जातेय एका रेल्वे कर्मचाऱ्याची नोकरी; कारण वाचून म्हणाल लय भारी
तक्रारीनंतर पोलिसांनी तपास सुरू झाला. पैसे जमा झालेलं बँक खातं शोधलं. अभिषेक सिंह असं खातेधारकाचं नाव होतं. पोलिसांनी त्याला ताब्यात घेतलं. चौकशीत त्यानं त्याच्या सहकाऱ्यांची नावं सांगितली. सुजित सिंह, छोटू सिंह आणि किरण सिंह अशी त्यांची नावं आहेत. पैकी छोटूच्या घरावर पोलिसांनी छापा टाकला. त्याला अटक केली. तर इतरांचा शोध सुरू असल्याचं पोलिसांनी सांगितलं.

LEAVE A REPLY

Please enter your comment!
Please enter your name here