delhi murder case, श्रद्धासारखंच आणखी एक प्रकरण; वडिलांना संपवले, तुकडे फ्रिजमध्ये ठेवले, माय लेकाला अटक – dead body kept in refrigerator delhi crime branch has solved the mystery of human body parts found in east delhi

दिल्ली पोलिसांनी दिलेल्या माहितीनुसार, पूनम आणि दीपक अशी आरोपींची नावं आहेत. पूनमनं तिचा पती अंजन दासला नशेच्या गोळ्या खाऊ घातल्या. यानंतर मुलगा दीपकच्या मदतीनं त्याची हत्या केली. हत्येनंतर अंजन दासच्या मृतदेहाचे तुकडे करण्यात आले. ते फ्रिजमध्ये लपवून ठेवण्यात आले. अक्षरधामसह पांडव नगर परिसरात त्यांनी मृतदेहाचे तुकडे फेकले.
ना तुझ्याकडे राहणार ना माझ्याकडे…; पतीसोबत वाद होताच निर्दयी आईनं टोकाचं पाऊल उचललं
दिल्ली पोलिसांनी आसपास असलेल्या सीसीटीव्हीच्या आधारे महिलेसह दोघांना अटक केली. घरातील फ्रिजदेखील जप्त करण्यात आला आहे. दिल्ली पोलिसांना काही महिन्यांपूर्वी पांडव नगरात काही मानवी अवयव सापडले. पोलिसांनी या प्रकरणाचा तपास सुरू केला. सीसीटीव्हीत कैद झालेले फुटेज तपासण्यात आले. त्यावेळी एक महिला आणि एक तरुण संशयास्पद स्थितीत मैदानाच्या आसपास दिसले. पोलिसांनी त्यांना ताब्यात घेतलं आणि कसून चौकशी सुरू केली. त्यावेळी त्यांनी गुन्ह्याची कबुली दिली.
टायर फुटले, नियंत्रण सुटले; VIP नंबरप्लेट असलेल्या BMWच्या धडकेत सायकलस्वाराचा अंत
अवैध संबंधातून अंजन दासची हत्या केल्याचं आरोपींनी चौकशीत सांगितलं. अंजन दासचे अनेक महिलांशी अवैध संबंध होते. त्यावरून घरात वाद व्हायचे. एके दिवशी वाद वाढला आणि पत्नी आणि मुलानं अंजन दासला संपवलं.