Authored by Priyanka Vartak | महाराष्ट्र टाइम्स.कॉम | Updated: 28 Nov 2022, 1:12 pm

EPFO Interest Credit: ईपीएफ सदस्यांच्या खात्यात जमा रकमेवर व्याजाची रक्कम हस्तांतरित (ट्रान्सफर) केली जात आहे. ईपीएफओ आपल्या सदस्यांच्या खात्यात ८.१ टक्के व्याजदराने पैसे देत आहेत. या संदर्भात, तुमच्या खात्यात १० लाख रुपये असल्यास, तुमच्या खात्यात ८१ हजार रुपये व्याज म्हणून हस्तांतरित केले जातील. त्याचप्रमाणे जर तुमच्या खात्यात ५ लाख असतील तर त्यावर ४०,५०० रुपये व्याज मिळेल.

 

EPOF Interest Credit 2021-22

हायलाइट्स:

  • पीएफ खातेधारकांच्या खात्यात व्याजाची रक्कम ट्रान्सफर होणे सुरु झाले आहे.
  • चालू आर्थिक वर्षासाठी सरकार ८.१ टक्के दराने व्याज देत आहे.
  • ईपीएफ सदस्यांना त्यांच्या खात्यातील शिल्लक तपासण्यासाठी अनेक पर्याय उपलब्ध आहेत.
नवी दिल्ली: पीएफ खातेधारकांसाठी आनंदाची बातमी आहे कारण ईपीएफओ सदस्यांच्या खात्यात व्याजाची रक्कम जमा होण्याची सुरुवात झाली आहे. ज्या ईपीएफ सदस्यांच्या खात्यात १० लाख रुपये आहेत, त्यांच्या खात्यात व्याज म्हणून ८१ हजार रुपये जमा केले जातील दुसरीकडे, जर तुमच्या ईपीएफ खात्यात ५ लाख आणि १ लाख रुपये असतील तर तुमच्या खात्यात ८.१ टक्के दराने व्याजाची रक्कम हस्तांतरित केली जात आहे. तुम्हाला ईपीएफ खात्यात व्याजाची रक्कम मिळाली आहे की नाही, ते सोप्या पद्धतीने तपासले जाऊ शकते.

कर्मचारी भविष्य निर्वाह निधी संघटना (EPFO) संघटित क्षेत्रातील कर्मचाऱ्यांना वृद्धापकाळात सामाजिक सुरक्षा प्रदान करण्यासाठी कर्मचाऱ्यांच्या पगाराची ठराविक रक्कम ईपीएफ खात्यात जमा करते. यामध्ये, कर्मचाऱ्याच्या ईपीएफमध्ये नियोक्त्याचा हिस्सा देखील असतो. ईपीएफ खात्यातील रकमेवर वित्त मंत्रालय निश्चित व्याज देत असून २०२१-२२ वर्षासाठी मंत्रालयाकडून ८.१ टक्के व्याजदराने व्याजदर निश्चित करण्यात आला आहे.

तुमच्या PF खात्यात व्याज जमा झाले का, कसे तपासणार? जाणून घ्या काय आहे प्रक्रिया
अर्थ मंत्रालयाच्या माहितीनुसार, ३१ ऑक्टोबर २०२२ पासून ८.१ टक्के दराने व्याजाची रक्कम पीएफ सदस्यांच्या खात्यांमध्ये हस्तांतरित केली जात आहे. ज्या ईपीएफओ सदस्यांच्या खात्यावर व्याजाची रक्कम पोहोचली नाही, त्यांच्या रकमेचे कोणतेही नुकसान होणार नाही, असे अर्थ मंत्रालयाने यापूर्वी म्हटले होते. तसेच व्याजदर हस्तांतरणास उशीर होण्याचे सॉफ्टवेअर अपग्रेडेशनचे कारण देण्यात आले.

नोकरदारांच्या कामाची बातमी! जाणून घ्या UAN क्रमांक कसा सक्रिय करायचा, चेक करा सोपी पद्धत
कोणाला किती पैसे मिळणार

  • ज्या ईपीएफ सदस्यांच्या खात्यात १,००,००० रुपये आहेत, त्यांना ८१,००० रुपयांचा व्याज मिळेल.
  • ज्या ईपीएफ सदस्यांच्या खात्यात ५,००,०० रुपये आहेत त्यांना ४०,५०० रुपये मिळतील.
  • ज्या ईपीएफ सदस्यांच्या खात्यात १,००,००० रुपये आहेत त्यांना ८,१०० रुपये मिळण्यास पात्र आहेत.

पेन्शनधारकांनो, चेहरा स्कॅन करून जीवन प्रमाणपत्र कसे सबमिट कराल, वाचा संपूर्ण प्रकिया
EPF व्याजाची रक्कम कशी तपासणार
ईपीएफ सदस्यांना त्यांच्या खात्यातील शिल्लक तपासण्यासाठी अनेक पर्याय उपलब्ध आहेत. ईपीएफओला मिस्ड कॉल देऊन, मेसेज पाठवून किंवा ऑनलाइन लॉग इन करून तुम्ही आपल्या पीएफ खात्यातील शिल्लक तपासू शकतात. याशिवाय सदस्यांना त्यांच्या नोंदणीकृत मोबाईल क्रमांकाद्वारे ७७३८२९९८९९ मोबाईल क्रमांकावर कर्मचारी भविष्य निर्वाह निधी संस्थेला संदेश पाठवून चालू खात्यातील शिल्लक जाणून घेता येईल. याशिवाय, ०११-२२९०१४०६ वर मिस्ड कॉल देऊन आणि इपिफएओच्या अधिकृत वेबसाइट – www.epfindia.gov.in वर जाऊन सदस्य पासबुकद्वारे लॉग इन करून रक्कम जाणून घेऊ शकता.

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.

LEAVE A REPLY

Please enter your comment!
Please enter your name here