मुंबई: नवीन आठवड्याच्या पहिल्या दिवशी देशांतर्गत शेअर बाजार आज लाल चिन्हात उघडला पण बाजारातील दोन्ही निर्देशांकाने विक्रमी पातळी गाठली. परकीय निधीची आवक आणि कच्च्या तेलाच्या किमती घसरल्याने बाजारात सुधारणा झाली. बीएसई सेन्सेक्स ३८७.४१ किंवा ०.६२% वाढून ६२,६८१.०५ अंकांच्या सर्वकालीन उच्चांकावर पोहोचला. तर एनएसईचा निफ्टी ५० देखील ८४.२० अंकांनी वाढून १८,५९६.९५ अंकांवर पोहोचला. निफ्टीची ही आतापर्यंतची उच्च पातळी आहे.

गुंतवणूकदार होणार मालामाल! आज दमदार कमाईसाठी या स्टॉक्सवर ठेवा नजर, पैसा लावण्यापूर्वी जाणून घ्या
सेन्सेक्समधील समभागांमध्ये सर्वाधिक वाढ रिलायन्स इंडस्ट्रीजच्या समभागांमध्ये झाली. मुकेश अंबानी यांच्या नेतृत्वाखालील कंपनीचे शेअर्स ट्रेडिंग दरम्यान चार टक्क्यांनी वाढले आणि रु. २,७१२ वर पोहोचले. दुपारी १.३० वाजता कंपनीचे शेअर्स ३.४० टक्क्यांनी वाढून २,७०६ रुपयांवर व्यवहार करत होते. बँक निफ्टीतही आज जोरदार वाढ झाली असून आजच्या वाढीमध्ये बँक समभागांचा मोठा हात आहे. सध्या निफ्टीच्या ५० पैकी ३१ समभाग तेजीसह व्यवहार करत असून १९ समभागांमध्ये घसरण पाहायला मिळत आहे.

टाटांची शानदार कामगिरी! या कंपन्यांनी दिलाय घसघशीत परतावा, गुंतवणूक करण्यापूर्वी सविस्तर जाणून घ्या
निफ्टीची विक्रमी झेप
दंर्यान, निफ्टीने ४०५ दिवसांनंतर नवा विक्रमी उच्चांक केला असून २७५ ट्रेडिंग सत्रांनंतर आजचा दिवस आला आहे. या वर्षीच्या जूनच्या निम्न पातळीपासून निफ्टी आतापर्यंत २२ टक्के वाढले आहेत. २०२२ मध्ये पहिल्यांदाच निफ्टीने विक्रमी उच्चांक गाठला आहे. यापूर्वी, निफ्टीने ऑक्टोबर २०२१ मध्ये १८,६०४ चा उच्चांक पार केला होता. त्यांनतर १३ महिन्यांनंतर निर्देशांकाने विक्रमी उसळी घेतली आहे.

गुंतवणूकदारांची लॉटरी! एका आठवड्यात टाटा, रिलायन्सच्या भागीदारांनी केली कोटींची कमाई, अदानींना शॉक
कोणते शेअर्स फायद्यात
रिलायन्स इंडस्ट्रीज व्यतिरिक्त, एशियन पेंट्स, विप्रो, मारुती, टेक महिंद्रा, कोटक महिंद्रा बँक, इन्फोसिस आणि बजाज फिनसर्व्ह हे सेन्सेक्समध्ये सर्वाधिक नफा कमावण्याच्या कंपन्यांमधील राहिली. दुसरीकडे, एचडीएफसी, टाटा स्टील, एचडीएफसी बँक आणि इंडसइंड बँकछे शेयर्स घसरले. तसेच हिरो मोटो, बीपीसीएल आणि एसबीआय लाइफ निफ्टी समभागांमध्ये सर्वाधिक ३.५ टक्क्यांपर्यंत वाढले.

शुक्रवारची परिस्थिती
शुक्रवारी सेन्सेक्स २०.९६6 अंकांनी किंवा ०.०३ टक्क्यांनी वाढून ६२,२९३.६४ वर बंद झाला आणि निफ्टी २८.६५ अंकांनी किंवा ०.१५ टक्क्यांनी वधारला आणि १८,५१२.७५ वर बंद झाला. आंतरराष्ट्रीय तेल निर्देशांक ब्रेंट क्रूड २.५८ टक्क्यांनी घसरून ८१.४७ डॉलर प्रति बॅरल झाला. शेअर बाजाराच्या तात्पुरत्या आकडेवारीनुसार, शुक्रवारी विदेशी संस्थागत गुंतवणूकदारांनी (FII) ३६९.०८ कोटी रुपयांचे समभाग खरेदी केले.

LEAVE A REPLY

Please enter your comment!
Please enter your name here