एनडीटीव्हीच्या भागधारकांनी शनिवारी म्हणजेच ४ डिसेंबर २०२२ रोजी अदानी समूहाला सुमारे ५३ लाख शेअर्स ऑफर केले होते. तर अदानी समूहाने अप्रत्यक्षपणे एनडीटीव्हीमधील २९.१८ टक्के भागीदारी एका छोट्या कंपनीचे अधिग्रहण करत मिळवली होती. त्यानंतर समूहाने मीडिया कंपनीच्या गुंतवणूकदारांना खुली (ओपन) ऑफर दिली, जी ५ डिसेंबर म्हणजे सोमवारी रोजी बंद झाली. आता अदानी ग्रुप मीडिया कंपनीचा सर्वात मोठा शेअरहोल्डर बनला असून ब्रॉडकास्टिंग कंपनीच्या अध्यक्षपदी नियुक्ती करण्याचा अधिकारही त्यांना मिळणार आहे.

Ravish Kumar Resigns : रवीश कुमार यांचा राजीनामा, NDTV सोबतचा प्रवास थांबवला
एनडीटीव्हीचे शेअर्स
एनडीटीव्हीचे शेअर्स सोमवारी प्रत्येकी ३९३.९० रुपयांवर बंद झाले, जे ऑफर किंमतीपेक्षा सुमारे ३४ टक्क्यांनी जास्त आहे. गेल्या तीन महिन्यांत ५ सप्टेंबर २०२२ रोजी एनडीटीव्ही समभागांनी ५४०.८५ रुपयांचा उच्चांक गाठला. आपल्या ओपन ऑफरमध्ये एनडीटीव्हीमधील कॉर्पोरेट गुंतवणूकदारांनी सर्वाधिक ३.९३ दशलक्ष शेअर्सची ऑफर दिली, तर किरकोळ गुंतवणूकदारांनी ०.७ दशलक्ष आणि पात्र संस्थात्मक खरेदीदारांनी ०.६८ दशलक्ष समभागांची ऑफर दिली.

Ravish Kumar : NDTV ला अलविदा, आता कोणत्या चॅनेलवर? रवीश कुमार यांनी पत्ता सांगितला
एनडीटीव्ही अदानींच्या ताब्यात
अदानी समूहाच्या खुल्या ऑफरपूर्वी कंपनीतील सर्वात मोठे भागधारक संस्थापक-प्रवर्तक राधिका आणि प्रणॉय रॉय होते, ज्यांचे ६१.४५ टक्के हिस्सेदारी होती. यामध्ये एनडीटीव्हीची प्रवर्तक संस्था RRPR होल्डिंगच्या २९.१८ टक्क्यांचा समावेश होता, जो अदानी समूहाने ऑगस्टमध्ये अप्रत्यक्षपणे विकत घेतला. या टेकओव्हरनंतर एनडीटीव्हीमधील आणखी २६ टक्के भागभांडवल खरेदी करण्यासाठी अदानींनी खुली ऑफर दिली होती. दरम्यान, रॉय दाम्पत्याने आरआरपीआर बोर्डाने राजीनामा दिल्याची एनडीटीव्हीने गेल्या आठवड्यात घोषणा केली पण ते न्यूज कंपनीच्या बोर्डावर राहतील असे सांगितले.

तेल उत्पादक देशांचा मोठा निर्णय, भारतात पेट्रोल-डिझेलचे दर घटणार? जाणून घ्या आजची किंमत

वाहनधारकांसाठी गुड न्यूज… पेट्रोल-डिझेलचे भाव घटणार? इंधन दरांबाबत मत्त्वाचे अपडेट
ब्रेंट स्वस्त, भारताला फायदा
भारत सर्वाधिक ब्रेंट कच्च्या तेलाची आयात करतो. यामागचे कारण म्हणजे ब्रेंट क्रूड तेलाचा दर्जा अमेरिकन तेलापेक्षा खूप चांगला असतो आणि त्याच्या शुद्धीकरण खर्चही जास्त नाही. त्यामुळे भारत प्रामुख्याने आखाती देशांमधून ब्रेंट क्रूड तेल आयात करवतो. दरम्यान ब्रेंट क्रूड ऑईल स्वस्त झाल्याचा थेट फायदा भारताला मिळेल असे समजू नका. सर्वात मोठा फायदा म्हणजे देशाचे आयात बिल कमी होईल आणि त्याच वेळी भारताला महागाई नियंत्रणात ठेवण्यास मदत होईल.

दुबई नव्हे; या देशातून होते भारतात सोन्याची सर्वाधिक तस्करी, वर्षभरात ८०० अधिक किलोचे सोने जप्त
पेट्रोल-डिझेलचे दर कमी होणार?
मे महिन्यापासून देशात पेट्रोल आणि डिझेलच्या दरात कोणताही बदल झालेला नाही. तर कच्च्या तेलाच्या किमतीत मार्चपासून सुमारे ४० टक्क्यांची घसरण झाली आहे. नुकसानाची भरपाई केली जात आहेत, ज्यामुळे सामान्य लोकांना कच्च्या तेलात कपातीचा लाभ दिला जात नाही, असे सरकार आणि तेल विपणन कंपन्यांनी म्हटलं आहे. याशिवाय तेलाच्या कमी किमतीचा फायदा नवीन वर्षात म्हणजेच जानेवारीमध्ये दिसून येईल. देशातील चारही महानगरांमध्ये पेट्रोल आणि डिझेलच्या दरात प्रतिलिटर ५ रुपयांची कपात केली जाऊ शकते.

फेडचे धोरण काय असणार?
फेडने त्यांच्या आगामी पॉलिसी रेटमध्ये थोडी नरमाई घेणार असल्याचे यापूर्वी संकेत दिले. डिसेंबरमध्ये होणार्‍या फेड पॉलिसी व्याजदरात ५० बेस पॉइंट्सची वाढ होऊ शकते, असा अंदाज वर्तवला जात आहे. तर गेल्या चार वेळा ७५ बेस पॉइंट्सने वाढ करण्यात आली होती. पण यावेळी विशेष बाब म्हणजे डिसेंबरमध्ये पॉलिसी रेट जाहीर करण्याची भारताची पहिली पाळी आहे. म्हणजेच, आरबीआय प्रथम त्यांचे व्याजदर जाहीर करेल.

गुंतवणूकदार झाले मालामाल, या बँकेच्या शेअरमध्ये मोठी उसळी; तुमच्याकडे आहे का हा स्टॉक?
कोणते शेअर्स वधारले
आज सेन्सेक्समधील ३० पैकी ७ समभाग तेजीसह व्यवहार करत असून २३ समभागांमध्ये घसरण होत आहे. तसेच आजच्या वधारलेल्या समभागांवर नजर टाकली तर इंडसइंड बँक, बजाज फायनान्स, बजाज फिनसर्व्ह, एनटीपीसी, एचयूएल, अॅक्सिस बँक आणि एसबीआयचे समभाग उसळी घेऊन व्यवहार करत आहेत.

कोणते शेअर्स वधारले, कोणते घसरले?
एनएसई निफ्टीवर, हिंदाल्कोच्या समभागांमध्ये सर्वाधिक १.७६ टक्क्यांची घसरण झाली. याशिवाय एचसीएल टेक, टाटा स्टील, इन्फोसिस आणि पॉवरग्रीडमध्ये सर्वाधिक घट नोंदवण्यात आली. याशिवाय वधारललेया शेअर्सबद्दल बोलायचे तर मंगळवारी, एसबीआय लाईफचे शेअर्स एनएसई निफ्टीवर ०.८० टक्क्यांच्या वाढीसह व्यवहार करत होते. त्याचप्रमाणे एचडीएफसी लाइफ, कोल इंडिया, बीपीसीएल आणि अदानी एंटरप्रायझेस या कंपन्यांचे शेअर्स तेजीसह व्यवहार करत होते.

देशांतर्गत गुंतवणूकदार सुखावले; बाजारात परदेशी गुंतवणूक वाढली; नोव्हेंबरमध्ये केली मोठी खरेदी
आशियाई बाजारातही घसरण
अमेरिकन बाजारातील घसरणीमुळे मंगळवारी आशियाई शेअर बाजारातही घसरण पाहायला मिळाली. यूएसमधील सेवा क्षेत्राच्या अनपेक्षितपणे मजबूत डेटामुळे, फेडरल रिझर्व्ह पुन्हा एकदा व्याजदर वाढवण्याची शक्यता वाढली आहे. त्यामुळे सोमवारी अमेरिकन शेअर बाजारात घसरण झाली.

टाटासोबत रिटर्नची हमी! टेलिकॉम कंपनीच्या शेअरची कमाल, तीन वर्षात वर्षात ३९०० टक्के रिटर्न
नकारात्मक ओपनिंगचे मिळाले संकेत
सिंगापूर एक्सचेंजवर निफ्टी फ्युचर्स ६१ अंकांनी किंवा ०.३२ टक्क्यांनी घसरून १८,७४९ अंकांवर व्यवहार करत होता. यावरून मंगळवारी देशांतर्गत बाजाराची नकारात्मक नकारात्मक होणार असल्याचे संकेत मिळाले.

रुपया पुन्हा ८२ च्या पुढे
दरम्यान, रुप्याच्याच्या तुलनेत अमेरिकन डॉलर पुन्हा एकदा वरचढ ठरला आहे. मंगळवारी रुपया २४ पैशांनी घसरला आणि पुन्हा एकदा ८२ चा स्तर ओलांडला. मंगळवारी सुरुवातीच्या व्यापारात अमेरिकन डॉलरच्या तुलनेत रुपया ८२.०९ वर पोहोचला.