Tuesday, October 4, 2022
Home Blog Page 4279

जिद्दीला सलाम! १०० वर्षांच्या आजींची फक्त १० दिवसांत करोनावर मात

0

म. टा. प्रतिनिधी, पुणे: आयुष्यभर कोणताही आजार नसतानाही केवळ पॉझिटिव्ह रुग्णांच्या संपर्कात आल्याने त्या शंभर वर्षाच्या आजींना करोनाची लागण झाली. कोणतीही लक्षणे नसल्याने दहा दिवसांच्या उपचारानंतर त्या करोनामुक्त होऊन पुन्हा घरी परतल्या आहेत. चंदननगर येथील या आजींना सेंटरमधील डॉक्टरांसह कर्मचाऱ्यांना त्यांना पुष्पगुच्छ देऊन त्यांना घरी पाठविले. ()

पुण्यात करोनाची आकडेवाडी दिवसेंदिवस वाढत आहे. त्यामुळं पुणे हा करोनाचा नवा हॉटस्पॉट बनत आहे. रुग्णांच्या वाढत्या संख्येबरोबर खाटांची कमतरता ही नवी समस्याही निर्माण झाले आहे. असं असतानाही पुण्यातून ही समाधानकारक बातमी समोर आल्यानं काही प्रमाणात दिलासाही मिळत आहे. चंदननगर येथील श्रीमती दराडे यांना पॉझिटिव्ह रुग्णाच्या संपर्कात आल्यानं करोनाची लागण झाली. मात्र, त्यांनी न डगमगता या करोनावर यशस्वी मात करून घरी परतल्या आहे.

पतीच्या निधनानंतर दराडे या चंदननगर येथे त्या आपल्या मुलीसह जावयाकडे राहतात. दराडे आजींचे जावई हरी घुगे यांनी याबाबत माहिती दिली. ‘माझ्या पत्नीला हृदयरोगाचा आजार आहे. तिच्यावर काही वर्षापूर्वी बायपासची शस्त्रक्रिया झाली. परंतु, नियमित तपासणी करावी म्हणून खासगी रुग्णालयात आम्ही गेलो. तेथे पत्नीची करोनाची चाचणीबरोबर माझीही चाचणी करण्यात आली. त्यावेळी आम्ही दोघेही पॉझिटिव्ह असल्याचे निदान झाले. मला काही लक्षणे नव्हती. त्यामुळे पत्नीला रुबी हॉल रुग्णालयामध्ये दाखल केले. तिच्यावर उपचार सुरु आहेत. पण मला लक्षणे नसल्याने डॉक्टरांच्या सल्ल्याने होम क्वारंटाइन झालो, या दोघांमुळं आजींनाही करोनाची लागण झाली मात्र, केवळ १० दिवसांतच त्या करोनामुक्त झाल्या असल्याचं, असं हरी घुगे यांनी सांगितलं.

वाचाः

Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times

अयोध्येत मशिद बांधण्यासाठी ट्रस्ट स्थापन; पुढच्या महिन्यापासून बांधकाम?

5

अयोध्याः अयोध्येतील राम मंदिरा बांधकामाच्या भूमिपूजनाची तयारी सुरू असताना बुधवारी मशिदीच्या बांधकामासाठी ट्रस्टची स्थापना करण्यात आली आहे. या मशिदीसाठी हे संस्थापक विश्वस्त झाले आहेत. या ट्रस्टचे १५ सदस्य असतील.

मशिद बांधण्यासाठी बनवण्यात आलेल्या ट्रस्टला ‘इंडो इस्लामिक कल्चरल फाउंडेशन’ असे नाव असेल. सद्यस्थितीत ट्रस्टमध्ये समावेश असलेल्या ९ सदस्यांची नावे जाहीर झाली आहेत. झुफर फारुकी हे ट्रस्टचे अध्यक्ष असतील. ट्रस्ट सदस्य अतहर हुसेन हे त्याचे अधिकृत प्रवक्ते असतील.

इस्लामिक रिसर्च सेंटरचीही स्थापन होणार

मशिद बांधण्यासाठी अयोधेतील धन्नीपूर पूर गावात ५ एकर जागा देण्यात आली आहे. या जागेवर मशिद, इंडो-इस्लामिक रिसर्च सेंटर, ग्रंथालय आणि हॉस्पिटल बांधले जाईल. त्यासाठी ‘इंडो-इस्लामिक कल्चरल फाउंडेशन’ नावाने एक ट्रस्ट तयार करण्यात आला आहे.

या ट्रस्टमधील एकूण ९ सदस्यांची नावे जाहीर करण्यात आल्याची माहिती सुन्नी वक्फ बोर्डाचे मुख्य कार्यकारी अधिकारी सय्यद मोहम्मद शोएब यांनी दिली. बोर्ड स्वतःच त्याचे संस्थापक विश्वस्त असेल आणि मंडळाचे मुख्य कार्यकारी अधिकारी त्याचा कार्यकारी प्रतिनिधी असतील. या व्यतिरिक्त ते स्वत: या ट्रस्टचे मुख्य विश्वस्त आणि अध्यक्ष असतील, असे त्यांनी सांगितले. मंडळाचे अध्यक्ष झुफर अहमद फारुकी यांना ट्रस्टचे अध्यक्ष केले गेले आहे.

फैज आफताब हे मशिद कन्स्ट्रक्शन ट्रस्टचे कोषाध्यक्ष असतील. मोहम्मद जुनैद सिद्दीकी, शेख सैदुज्म्ममान, मोहम्मद रशीद आणि इम्रान अहमद यांना ट्रस्टचे सदस्य केले गेले आहे. मशिद कन्स्ट्रक्शन ट्रस्टचे सचिव अतहर हुसेन हे ट्रस्टचे अधिकृत प्रवक्तेही असतील.

दरम्यान, सरकारने मशिद बांधण्यासाठी सुन्नी बोर्डाला जमीन दिली आहे. या संदर्भातील सर्वोच्च न्यायालयाच्या निर्णयाचे पूर्णपणे पालन केले गेले आहे. सुन्नी वक्फ बोर्डाने ती जमीन आमच्याकडून ताब्यात घेतली आहे, असं उत्तर प्रदेशचे मंत्री मोहसीन रझा यांनी सांगितलं.

पुढील महिन्यापासून बांधकाम सुरू होईल

मशिद कधी आणि कशी तयार करावी? याचा निर्णय फक्त सुन्नी वक्फ बोर्डच घेईल. सध्या सुन्नी बोर्डाची मुदत संपुष्टात आली आहे. त्यामुळे नवीन कार्यकाळ वाढण्यापूर्वी त्यांना ६ महिन्यांची मुदत देण्यात आली आहे. यामुळे त्यांना मशिदीशी संबंधित निर्णय घेता येईल, असं मोहसीन रझा म्हणाले.

सर्वोच्च न्यायालयाने गेल्या वर्षी ९ नोव्हेंबरला राम जन्मभूमी वादात ऐतिहासिक निर्णय देताना वादग्रस्त ठिकाणी राम मंदिर बांधण्याचे आणि मुस्लिमांना मशिदीच्या बांधकामासाठी अयोध्येतील एका प्रमुख ठिकाणी ५ एकर जमीन देण्याचे आदेश दिले होते. या अनुषंगाने अयोध्या जिल्ह्यातील सोहावल तहसीलच्या धन्नीपूर गावात ५ एकर जमीन वक्फ बोर्डाला देण्यात आली.

वक्फ बोर्डाने त्या जागेवर मशिदीसह इंडो-इस्लामिक रिसर्च सेंटर, हॉस्पिटल आणि लायब्ररी तयार करण्याची घोषणा केली होती. हे सर्व बांधकाम कसे होईल याविषयी निर्णय घेण्यासाठी हा ट्रस्ट स्थापन केला जाणार होता. पुढच्या महिन्यापासून ट्रस्ट मशिदीचे बांधकाम सुरू करेल, असं सांगण्यात येतंय.

Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times

'राफेल विमान म्हणजे भारतासाठी गोल्डन अ‍ॅरो' कोणी काय काय म्हटले पाहा…

5

भारतामध्ये आज राफेल या शक्तीशाली विमानाची यशस्वीपणे लँडींग करण्यात आली. भारतासाठी ही अभिमानाची बाब आहे. पण भारताच्या शत्रूंना मात्र चांगलीच धडकी भरलेली पाहायला मिळते आहे. शत्रूच्या काळजात धडकी भरवणाऱ्या घातक राफेल फायटर जेटचे हरयाणातील अंबाला हवाईतळावर आगमन झाले आहे. भारतात राफेलची यशस्वी लँडींग होणं, हे देशासासाठी फार महत्वाचे असल्याचे म्हटले जात आहे.

राफेल विमानांमुळे आता भारतीय संरक्षण क्षेत्राच्या इतिहासात एका नव्या युगाचा प्रारंभ झाला आहे, असे संरक्षणमंत्री राजनाथ सिंह यांनी म्हटले आहे. भारतीय हद्दीत प्रवेश केल्यानंतर भारतीय हवाईदलाची शक्ती वाढवणाऱ्या या विमानाचा व्हिडीओही आता शेअर करण्यात आला आहे.

राफेलचे यशस्वी लँडीग झाल्यावर देशामध्ये आनंदाचे वातावरण निर्माण झाले आहे. कारण करोनाच्या काळात भारतीयांसाठी ही आनंदाची बाब ठरली आहे. भारताच्या काही क्रिकेटपटूंनीही यावेळी राफेलबाबत आपली मतं व्यक्त केली आहेत.

भारताचा क्रिकेटपटू सुरेश रैना म्हणाला की, ” आज भारतासाठी अभिमानाचा दिवस आहे. कारण भारताच्या हवाई दलामध्ये गोल्डन अ‍ॅरो असलेले राफेल विमान दाखल झाले आहे. त्यामुळे भारतीय हवाई दलाची ताकद वाढणार आहे. संपूर्ण भारताचे अभिनंदन, जय हिंद…”

भारताच्या हवाई दलामध्ये मोठे पक्षी दाखल झाले आहेत, अशी कमेंट भारताचा माजी सलामीवीर आणि भाजपाचा खासदार गौतम गंभीरने म्हटले आहे.

भारतात राफेल विमान आल्यावर शेजारच्या देशामध्ये भुकंप आल्याचे भारताचा क्रिकेटपटू मनोज तिवारीने म्हटले आहे. भारताच्या या विमानाचा शेजारच्या देशांनी धसका घेतल्याचे मनोजने यावेळी सांगितले आहे.

राफेल विमानांचे भारतात स्वागत. भारतासाठी ही अविस्मरसणीय गोष्ट आहे, असे भारताचा सलामीवीर शिखर धवनने म्हटले आहे.

राफेल हे शक्तीशाली विमान असल्याचे म्हटले जाते. कारण या विमानाची मारक क्षमता अचूक असून त्यामध्ये नवीन तंत्रज्ञानाचाही वापर करण्यात आला आहे. पंतप्रधान नरेंद्र मोदी यांच्या कार्यकाळात फ्रान्समधील एका कंपनीला राफेल या लढाऊ विमानांची ऑर्डर देण्यात आली होती. भारताने फ्रान्सच्या या कंपनीकडून ३६ विमानांची मागणी केली होती आणि त्यासाठी भारताला ५९ हजार कोटी रुपये मोजावे लागले होते. या लढाऊ विमानांची एक तुकडी भारतात दाखल झाली आहे. करोनाच्या संकटाच्या काळातही फ्रान्सच्या कंपनीने भारतात विमान पाठवण्याची तयारी दाखवली आणि ती पूर्णही केली.

Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times

सुशांत आत्महत्येचा तपास CBIकडे नाहीच; गृहमंत्र्यांनी 'ती' मागणी फेटाळली

5

मुंबई : राज्याचे उपमुख्यमंत्री अजित पवार यांचे पुत्र पार्थ पवार यांनी अभिनेता याच्या आत्महत्येप्रकरणी चौकशीची मागणी केली असतानाच आज एका बैठकीनंतर माध्यमांशी बोलताना राज्याचे गृहमंत्री यांनी तपासाबाबत महत्त्वाचे विधान केले. ( on )

वाचा:

पार्थ पवार यांच्या मागणीनंतर सुशांतसिंह राजपूतच्या आत्महत्येचा तपास सीबीआयकडे देण्याचा विचार राज्य सरकार करत असल्याची चर्चा होती. मात्र, या चर्चांना आज अनिल देशमुख यांनी पूर्णविराम दिला. विविध मुद्द्यांवर चर्चा करण्यासाठी आज अनिल देशमुख यांच्या अध्यक्षतेखाली बैठक झाली. या बैठकीनंतर माध्यमांनी सुशांतसिंहच्या आत्महत्येबाबत देशमुख यांच्यावर प्रश्नांचा भडीमार केला. सुशांतसिंहच्या आत्महत्येचा तपास राज्य सरकार केंद्रीय गुन्हे अन्वेषण विभागाकडे (सीबीआय) सोपवणार आहे का?, असा प्रश्न विचारला असता त्यास देशमुख यांनी स्पष्ट शब्दांत नकार दिला. ‘महाराष्ट्र पोलीस सक्षम आहेत. मुंबई पोलीस या प्रकरणी योग्य दिशेने तपास करत आहेत. हा तपास सीबीआयकडे देण्याचा काही प्रश्नच उद्भवत नाही’, असे देशमुख यांनी स्पष्ट केले.

वाचा:

पार्थ यांनी देशमुख यांच्याकडे केली होती मागणी

पार्थ पवार यांनी दोनच दिवसांपूर्वी अनिल देशमुख यांना एक निवेदन देऊन सुशांतच्या आत्महत्येचा तपास सीबीआयकडे देण्याची मागणी केली होती. ‘सुशांतसिंहच्या आत्महत्येमुळं देश हळहळला होता. सुशांतचं अकाली जाणं म्हणजे आपली स्वप्नं पूर्ण करण्यासाठी मुंबईत येणाऱ्या देशभरातील तरुणाईच्या महत्त्वाकांक्षेचा मृत्यू आहे. बिहार, उत्तर प्रदेश, मध्य प्रदेश, राजस्थान, हिमाचल प्रदेश सारख्या राज्यांतून मला ई-मेल, फोन आणि मेसेज येत आहेत. या प्रकरणात मध्यस्थी करण्याची विनंती केली जात आहे. या प्रकरणाची सखोल व निष्पक्षपाती चौकशी व्हावी अशी सर्वांची भावना आहे. मी त्यांच्याशी सहमत आहे. जनभावनेची दखल घेऊन आपण हे प्रकरण केंद्रीय गुन्हे अन्वेषण () विभागाकडे सोपवावे, अशी आपणास विनंती असल्याचे पार्थ यांनी या निवेदनात नमूद केले होते. मुंबई पोलिसांवर माझा पूर्ण विश्वास आहे. मात्र, सीबीआयकडे हे प्रकरण गेल्यास ते न्यायोचित ठरेल. राज्याचं गृहखातं या प्रकरणातील गांभीर्य व तातडी लक्षात घेऊन लवकरात लवकर निर्णय घेईल,’ अशी अपेक्षाही पार्थ यांनी व्यक्त केली होती. मात्र, गृहमंत्र्यांनी ठोस भूमिका घेत ही मागणी नाकारल्याचे दिसत आहे.

वाचा:

विरोधात गुन्हा दाखल

सुशांतच्या आत्महत्येनंतर जवळपास दीड महिन्याने वडील के. के. सिंह यांनी पाटणा येथील राजीव नगर येथे सुशांतची कथित प्रेयसी रिया चक्रवर्ती हिच्यासह चार जणांविरोधात तक्रार दिली आहे. त्याआधारे पोलिसांनी एफआयआर दाखल केले असून सात पानी एफआयआरमध्ये अनेक आरोप करण्यात आले आहेत. रियावर गुन्हा दाखल झाल्यानंतर बिहार पोलिसांची टीम वांद्रे येथील सुशांत राहत असलेल्या अपार्टमेंटचा पुन्हा तपास करणार आहे, असे कळते.

वाचा:

Maharashtra News, Latest Maharashtra News in Marathi, ‎महाराष्ट्र ठळक बातम्या | Maharashtra Times

धारावी करोनामुक्तीच्या उंबरठ्यावर; आज फक्त २ रुग्ण सापडले

5

मुंबईः आशियातील सर्वात मोठी झोपडपट्टी असलेल्या लवकरच करोनाच्या विळख्यातून बाहेर येत आहे. मुंबईकरांसाठी एक सकारात्मक बातमी पुढे आली आहे. आज धारावीत फक्त दोन रुग्णांची नोंद झाली आहे. तर, माहिम परिसरात २५ रुग्णांची नोंद झाली आहे. (Coronavirus in dharavi)

गेल्या तीन महिन्यांपूर्वी धारावी हा करोनाचा हॉटस्पॉट ठरला होता. मात्र, महापालिका आणि स्थानिक नागरिकांच्या प्रयत्नांमुळं धारावी करोनामुक्त करण्यास यश हाती आलं आहे. धारावीच्या या पॅटर्नचं कौतुक केंद्र सरकारनंही केलं आहे. बुधवारी हाती आलेल्या आकडेवारीनुसार धारावीत आता ८३ अॅक्टिव्ह रुग्ण उपचार घेत आहेत. तर एकूण २ हजार ५४५ एकूण रुग्ण आहेत. आत्तापर्यंत २ हजार २१२ रुग्णांनी करोनावर यशस्वी मात करुन सुखरुप घरी परतले आहे. धारावीत करोनाचा विळखा सैल होत असल्यानं मुंबईकरांना दिलासा मिळाला आहे.

वाचाः

एकीकडे धारावीत करोनामुक्तीच्या उंबरठ्यावर असताना धारावीला लागून असलेल्या माहीममध्येही करोनाचा प्रादुर्भाव कमी होऊ लागला आहे. आज माहिममध्ये २५ करोनारुग्ण सापडले आहेत. त्यामुळं सध्या माहिममध्ये १ हजार ६५७ रुग्ण उपचार घेत आहेत. माहिममध्ये आतापर्यंत १ हजार ३५७ जणांना डिस्चार्ज मिळाला आहे.दादरमध्येही २५ नवीन रुग्ण सापडल्यांनं एकूण रुग्णसंख्या १ हजार ६८९पर्यंत पोहोचली आहे.

वाचाः

धारावी, दादर, माहीम हा भाग मुंबई पालिकेच्या जी उत्तर विभागात येतो. या विभागात आज एकूण ५ हजार ८९१ करोनाबाधित रुग्ण सापडले आहेत. यात ४ हजार ७४७ रुग्ण बरे होऊन घरी परतले असून एकूण ७५१ अॅक्टिव्ह रुग्ण आहेत.

धारावीतील जुलै महिन्यातील स्थिती

१ जुलै- १४
२ जुलै- १९
३ जुलै- ८
४ जुलै- २
५ जुलै- १२
६ जुलै- ११
७ जुलै- १
८ जुलै- ३
९ जुलै- ९
१० जुलै- १२
११ जुलै- ११
१२ जुलै- ५
१३ जुलै- ६
१४ जुलै- ११
१५ जुलै- २३
१६ जुलै- १३
१७ जुलै- १०
१८ जुलै- ६
१९ जुलै- ३६
२० जुलै- १२
२१ जुलै- १०
२२ जुले- ५
२३ जुलै- ६
२४ जुलै- ६
२५ जुलै- १०
२६ जुलै- २
२७ जुलै- ९
२८ जुलै- ३
२९ जुलै- २

Maharashtra News, Latest Maharashtra News in Marathi, ‎महाराष्ट्र ठळक बातम्या | Maharashtra Times

राज्यात रुग्णसंख्येनं ओलांडला ४ लाखांचा टप्पा; २४ तासांत २९८ करोनाबळी

5

मुंबईः राज्याचा रुग्ण बरे होण्याचा दर वाढला असला तरी करोना रुग्णांचा वाढत्या रुग्णसंख्येचा आकडा अजूनही काळजी वाढवणारा आहे. २४ तासांत ९ हजार २११ नवीन रुग्णांची नोंद झाल्यानं आज राज्यातील रुग्णसंख्येनं चार लाखांचा टप्पा ओलांडला आहे. अशी माहिती राज्याचे आरोग्यमंत्री राजेश टोपे यांनी दिली आहे. ()

राज्यात १० हजारांहून अधिक रुग्णांनी करोनावर यशस्वी मात केली होती. आत्तापर्यंतची ही सर्वात मोठी रुग्णसंख्या ठरली होती. तर राज्याचा रिकव्हरी रेटही वाढला होता. त्यामुळं महाराष्ट्र करोनाचा विळख्यातून बाहेर पडत असल्याचं चित्र होतं. मात्र, आज करोना रुग्णांच्या संख्येनं चार लाखांचा टप्पा पार केल्यानं आरोग्य प्रशासनाची डोकेदुखी अधिक वाढली आहे. दिवसभरात २९८ जणांचा मृत्यू करोनामुळं झाला असून एकूण मृतांची संख्या १४ हजार ४६३ इतकी झाली आहे. राज्यातील मृत्यूदरही ३. ६१ टक्के इतका आहे.

वाचाः

आज एकूण ७ हजार ४७८ रुग्ण बरे होऊन घरी परतले आहेत. तर आत्तापर्यंत २ लाख ३९ हजार ७५५ करोनाबाधित रुग्णांनी करोनाची लढाऊ जिंकली आहे. राज्यातील रिकव्हरी रेटही ५९.८४ टक्के इतका आहे. तर राज्यातील अॅक्टिव्ह रुग्णांची संख्या १ लाख ४६ हजार १२९ अॅक्टिव्ह रुग्ण विविध रुग्णालयांत उपचार घेत आहेत.

वाचाः

आजपर्यंत तपासण्यात आलेल्या २० लाख १६ हजार २३४ चाचण्यांपैकी ४ लाख ६५१ (१९.८७ टक्के) अहवाल पॉझिटिव्ह आले आहेत. तर बाकीचे अहवाल निगेटिव्ह आले आहेत. तर सध्या राज्यात ८ लाख ८८ हजार ६२३ व्यक्ती होमक्वारंटाइन आहेत तर, ४० हजार ७७७ व्यक्ती संस्थात्मक क्वारंटाइन आहेत.

मुंबईत ८५ हजार रुग्ण बरे

मुंबईत २८ जुलैपर्यंत करोना रुग्णांच्या संख्येने एक लाखांचा टप्पा ओलांडला असून यातील तब्बल ८५ हजार ३२७ रुग्ण आतापर्यंत बरे होऊन घरी परतले आहेत. मुंबईत फक्त २० हजार १२३ रुग्ण विविध रुग्णालयांत उपचार घेत आहेत. धारावी, दादर, माहीम हा भाग पालिकेच्या जी उत्तर विभागात येतो. या विभागात आज एकूण ५ हजार ८९१ करोनाबाधित रुग्ण सापडले आहेत. यात ४ हजार ७४७ रुग्ण बरे होऊन घरी परतले असून एकूण ७५१ अॅक्टिव्ह रुग्ण आहेत.

Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times

मासेमारी की आणखी काही? दक्षिण अमेरिकेतील 'या' देशाजवळ २६० चिनी नौका!

4

क्विटो: चीनचे आक्रमक विस्तारवादी धोरण आता जगाच्या कानाकोपऱ्यात सुरू असल्याचे चित्र आहे. चीनपासून जवळपास १५ हजार किमी दूर असलेल्या दक्षिण अमेरिकेच्या एका देशाच्या बेटाभोवती २६० चिनी मच्छिमारांच्या नौका दिसून आल्या आहेत. एवढ्या मोठ्या संख्येने चिनी नौका दिसल्यामुळे दक्षिण अमेरिकेतील देशही सतर्क झाले आहेत.

दक्षिण अमेरिकेतील इक्वाडोर देशाच्या गॅलपागोस बेटांभोवती 260 चिनी मासेमारी करणाऱ्या नौका दिसून आल्या. चीनपासून या भागाचे अंतर सुमारे १५ हजार किलोमीटर आहे. त्यामुळे आश्चर्य व्यक्त केले जात आहे इक्वाडोरचे संरक्षण मंत्री ओसवाल्डो जेरिन यांनी सांगितले की, चिनी मच्छिमारांचे जहाज यावेळी आंतरराष्ट्रीय समुद्री क्षेत्रात आहे. त्यामुळे त्यांच्यावर कोणतीही कारवाई करता येणार नाही. तर, दुसरीकडे इक्वाडोरच्या नौसेनेने गॅलपागोस बेटाच्या भोवती आपली गस्त वाढवली आहे. या बेटांजवळ चिनी जहाज पोहचल्यास बेटाजवळ असणाऱ्या सागरी जीवनाची हानी होण्याची शक्यता आहे.

वाचा: वाचा:

इक्वाडोरचे राष्ट्रपती लेनिन मोरेना यांनी एक आठवडा आधी ट्विट करून या ऐतिहासिक बेटाच्या संरक्षणासाठी प्रतिबद्धता जाहीर केली होती. त्यानंतर इक्वाडोरच्या नौदलाने गॅलपागोस बेटांपासून २०० मैल अंतरावर २६० नौका दिसून आल्याचे सांगितले. या चिनी मच्छिमारांच्या संभाव्य धोक्याला लक्षात घेता इक्वाडोर सतर्क झाला आहे.

वाचा:

गॅलपागोस बेट हे समुद्री जैवविविधतेसाठी ओळखले जाते. येथील मोठ्या आकाराचे कासवे जगभरात आर्कषणाचे केंद्रबिंदू आहेत. त्याशिवाय, या बेट समूहांवर राजहंस आणि अल्बाट्रोसच्या अनेक प्रजाती आहेत. मानवी उत्क्रांतीचा सिद्धांत मांडणारे शास्त्रज्ञ चार्ल्स डार्विन यांनी मांडलेला सिद्धांतही या ठिकाणाहून प्रेरीत असल्याचे म्हटले जाते.

वाचा:

याआधीदेखील गॅलपागोस बेटाजवळून २०१७ मध्ये एक चिनी जहाज ताब्यात घेण्यात आले होते. समुद्री मार्ग चुकल्याने हे जहाज या ठिकाणी आले असल्याचे म्हटले जात होते. या जहाजाची तपासणी केल्यानंतर जहाजावर ३०० टन सागरी वन्यजीव आढळले होते.

Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times

सचिन पायलट यांनी केले 'या' काँग्रेस नेत्याचे अभिनंदन, म्हणाले…

5

नवी दिल्ली: काँग्रेसचे बंडखोर नेते () यांनी पक्षाचे नवनियुक्त प्रदेशाध्यक्ष गोविंदसिंह डोटासरा (Govind SinghDotasara) यांचे राजस्थान प्रदेश काँग्रेस कमिटीचे (RPCC) अध्यक्ष झाल्याबद्दल अभिनंदन केले आहे. आपण कोणाच्याही दबावात न येता राज्यात सरकार स्थापनेसाठी मेहनत घेतलेल्या कार्यकर्त्यांचा पूर्ण सन्मान कराल, असा विश्वास व्यक्त करत सचिन पायलट यांनी गटाला अप्रत्यक्षपणे टोला लगावला आहे. यापूर्वी पायलट हे राजस्थान काँग्रेसचे अध्यक्ष होते. त्यांना काँग्रेसने उपमुख्यमंत्रिपदावरून आणि राजस्थान काँग्रेसच्या अध्यक्षपदावरून काढून टाकले होते.

पायलट यांनी बंडखोरी करत मुख्यमंत्री अशोक गहलोत यांच्याविरोधात मोर्चा उघडला आहे. सचिन पायलट यांना १८ आमदारांचा पाठिंबा आहे. पायलट यांच्या बंडाला उत्तर देताना गेहलोत यांनी सभापतींच्या नोटीशीद्वारे पायलट आणि त्यांना समर्थन देणाऱ्या आमदारांच्या विधानसभा सदस्यत्वाला आव्हान दिले आहे. या प्रकरणात दोन्ही बाजूंकडून न्यायालयात कायदेशीर लढाई लढली जात आहेत.

विशेष म्हणजे सचिन पायलट यांनी अद्याप अधिकृतपणे काँग्रेस पक्ष सोडलेला नाही. ते सातत्याने आपण अजूनही काँग्रेस पक्षाचे सदस्य असल्याचे म्हणत आहेत. अशोक गेहलोत सरकार सचिन पायलट यांच्या विरोधाचा सामना तर करत आहेतच. पण दुसऱ्या बाजूने त्यांना राज्यपाल कलराज मिश्र यांच्याकडूनही निर्माण झालेल्या अडसराला देखील सामोरे जावे लागत आहे. एकीकडे गेहलोत विधानसभेचे अधिवेशन बोलण्याची मागणी करीत आहेत, तर दुसरीकडे राज्यपाल कलराज मिश्र मात्र त्यांच्या मागणीच्या विरोधात असल्याचे दिसत आहे.

वाचा:
राजस्थानच्या राजकीय लढाईत एकीकडे काँग्रेस भारतीय जनता पक्षावर (भाजप) सरकार पाडण्याचा कट रचल्याचा आरोप करीत आहे, तर दुसरीकडे भाजप या आरोपाचा इन्कार करत हा काँग्रेस पक्षातील अंतर्गत मतभेद असल्याचा दावा करत आहे. आता सर्वांचे लक्ष विधानसभा अधिवेशनाकडे लागले आहे.

वाचा:

जर राज्यपालांनी विधानसभेचे अधिवेशन बोलावले तर सर्वांचे लक्ष गेहलोत गट, पायलट गट आणि भाजप यांची रणनीती काय असेल यावरच असेल, हे स्पष्ट आहे.

हे फोटोफीचर नक्की पाहा:

Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times

अनलॉक ३ : केंद्राच्या मार्गदर्शक सूचना जारी; जिम, योगाला परवानगी, पण शाळा-कॉलेज बंदच

4

नवी दिल्लीः अनलॉकसाठी केंद्राच्या मार्गदर्शक सूचना; जिम आणि योगा क्लासेस ५ ऑगस्टपासून सुरू करता येणार, रात्रीची संचारबंदीही हटवली. पण शाळा, कॉलेजेस आणि कोचिंग क्लासेस ३१ ऑगस्टपर्यंत बंद राहणार आहेत.

Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times

क्रिकेटपटू नव्हे तर देव… विश्वविजेत्या खेळाडूने उघडलं कोव्हिड सेंटर

5

करोना व्हायरसमुळे सध्याच्या घडीला देशात वाईट परिस्थिती सुरु आहे. सरकार कोव्हिडबरोबर लढण्यासाठी सर्वतोपरी उपाय करताना दिसत आहे. पण आपली लोकसंख्या पाहता हे उपाय कमी पडताना दिसत आहेत. पण जेव्हा वाईट परिस्थिती निर्माण होते, तेव्हाच देवाचे रुप पाहायला मिळते, असे म्हटले जाते. सध्याच्या घडीला सामन्य लोकांसाठी एक क्रिकेटपटू देव झाल्याचे पाहायला मिळत आहे. कारण या विश्वविजेत्या खेळाडूने कोव्हिड सेंटर उभारल्याचे पाहायला मिळत आहे.

करोना झालेल्या लोकांची संख्या वाढत असल्यामुळे सर्व जणांवर रुग्णालयात उपचार करणे शक्य होत नसल्याचे पाहायला मिळत आहे. पण ज्या व्यक्तीला करोना झाला आहे, त्याची आबाळ होत कामा नये. त्याला चांगले उपचार आणि जेवण मिळावे, असा विचार भारताच्या एका विश्वविजेत्या क्रिकेटपटूने केला आहे. त्यामुळेच त्याने एका कोव्हिड सेंटरलची उभारणी केली आहे आणि लोकांना मोफत उपचार आणि जेवण कसे मिळेल, यासाठी तो प्रयत्नशील आहे.

या क्रिकेटपटूच्या गावामध्ये करोना म्हणजे नेमकं काय आणि त्यावर काय उपाययोजना करायला हव्यात, हे लोकांना माहिती नव्हते. क्रिकेटपटूच्य गावात बाहेरील राज्यातून पाच करोनाचे रुग्ण आलेले होते. त्यामुळे गावकऱ्यांना करोनाचा धोका जास्त होता. पण लोकांना याबाबत काहीच माहिती नव्हते. त्यामुळे संपूर्ण गावात हा क्रिकेटपटू जनजागृती करत फिरत होता. तोंडाला मास्क का लावावेत, सुरक्षित अंतर कसे ठेवावे, आपले हात कसे स्वच्छ करावेत, याबाबतची माहिती तो सर्वांच्या घरी जाऊन देत होता. पण आता तर त्याने त्यापुढचेही काम केले आहे. आता या क्रिकेटपटूने आपल्या गावात चक्क कोव्हिड सेंटर स्थापन केले आहे.

गुजरातमधील भरुच या गावात भारताच्या विश्वविजयी संघातील क्रिकेटपटू मुनाफ पटेल हा राहत आहे. पण गावकऱ्यांना करोनाबद्दल काहीही माहिती नव्हती. पण जर गावात करोनाचे रुग्ण आढळले तर त्यांचे उपचार कुठे होणार, हा प्रश्न त्याला पडला. त्यामुळे त्याने आपल्या गावात कोव्हिड सेंटरची उभारणी केल्याचे पाहायला मिळते आहे.

ज्या व्यक्तींना करोनाची लक्षण आढळतील त्यांना या कोव्हिड सेंटरमध्ये ठेवले जाऊ शकते. त्याचबरोबर या रुग्णांवर योग्य ते उपचार आणि त्यांना दोन वेळचे चांगले जेवण मिळावे, यासाठी हा क्रिकेटपटू कटिबद्ध असल्याचे पाहायला मिळत आहे. करोडो रुपये कमावलेले खेळाडू काहीही करताना दिसत नसले तरी मुनाफ हा सामान्य माणसांसाठी मदतीचा हात देत असल्याचे पाहायला मिळत आहे.

Sports News in Marathi: Latest Marathi News on Cricket, Football, Tennis, Hockey & more | Maharashtra Times

Latest posts