Friday, January 27, 2023
Home Blog Page 5215

म्हणून बेळगावला ठरवण्यात आला राम मंदिर भूमीपूजनाचा मूहूर्त

5

कोल्हापूरः अयोध्या येथील रामजन्मभूमीवर बांधण्यात येणाऱ्या भव्य राम मंदिराचे भूमीपूजन येत्या पाच ऑगस्टला पंतप्रधान नरेंद्र मोदी यांच्या हस्ते होत आहे. या महत्वपूर्ण सोहळ्याचा मुहूर्त बेळगाव येथील श्री राघवेंद्र स्वामी नववृंदावन आश्रमालयाच्या विद्याविहार विद्यालयाचे कुलपती पंडित एन. आर. विजयेंद्र शर्मा यांनी काढून दिला आहे. मुहूर्त काढून देण्याचा मान मिळाल्याने पंडित शर्मा चांगलेच चर्चेत आले आहेत. ()

अयोध्या येथील राममंदिराचा प्रश्न गेले अनेक वर्षे वादात होता. पण सर्वोच्च न्यायालयाच्या निकालानंतर त्यावर पडदा पडला. त्यानंतर तेथे राममंदिर बांधण्याच्या हालचाली सुरू झाल्या. मंदिर बांधकामास लवकरच सुरूवात होणार आहे. या मंदिराच्या भूमीपूजनाचा कार्यक्रम भव्य दिव्य करण्यासाठी नियोजन सुरू होते. पण करोना संसर्गाने देशात हाहाकार माजल्याने ठराविक मान्यवरांच्या उपस्थितीत येत्या पाच ऑगस्टला हा कार्यक्रम होणार आहे. पंतप्रधान मोदी यांच्या हस्ते होणाऱ्या या कार्यक्रमाची उत्सुकता देशभर लागून राहिली आहे. भूमीपूजनाचा शुभारंभ धनिष्ठा नक्षत्रावर म्हणजे १२ वाजून १५ मिनीटांनी तर सांगता समारंभ शतभिषा मुहूर्तावर होणार आहे. या पार्श्वभूमीवर पाच ऑगस्टचाच मुहूर्त कसा निश्चित झाला याबाबत पंडित विजयेंद्र शर्मा यांनी प्रसारमाध्यमांना नुकतीच माहिती दिली.

वाचाः

अयोध्या येथील राम मंदिराचे विश्वस्त स्वामी गोविंद देवगिरी महाराज उर्फ किशोरजी व्यास आणि पंडित शर्मा यांचे अनेक वर्षापासून स्नेहाचे संबंध आहेत. स्वामी गोविंद महाराज यांनी शर्मा यांच्याशी संपर्क साधून राम मंदिराच्या भूमीपूजनासाठी शुभ मुहूर्त काढून देण्याची विनंती केली. त्यानुसार त्यांना चार मुहूर्त पाठवण्यात आले. त्यामध्ये २९ जुलै, ३१ जुलै, तीन ऑगस्ट व पाच ऑगस्ट या तारखांचा समावेश होता. यामध्ये पाच ऑगस्टची तारीख निश्चीत करण्यात आली. तसे त्यांना कळवण्यात आले.

वाचाः

शर्मा यांनी प्रसारमाध्यमाला सांगितले की, देशभर उत्सुकता लागलेल्या या कार्यक्रमाचा मुहूर्त काढून देण्याचा मान आपल्याला मिळाला याचा अत्यानंद आहे. यापूर्वी अटल बिहारी वाजपेयी यांच्या पंतप्रधानपदाच्या शपथविधीचा मुहूर्त देखील आपणच काढून दिला होता. पंडित विजयेन्द्र शर्मा यांनी वेद, पुराण आणि शास्त्राचा अभ्यास केला आहे. त्यांचा ज्योतिष्याशास्त्राचा देखील गाढा अभ्यास आहे. बनारस हिंदू विद्यापीठाचे ते सुवर्णपदक विजेते आहेत.

Maharashtra News, Latest Maharashtra News in Marathi, ‎महाराष्ट्र ठळक बातम्या | Maharashtra Times

डॉक्टर आहे की हैवान? १०० हून अधिक हत्यांचा आरोप, पोलिसांनी केली अटक

5

नवी दिल्ली: आपल्या देशात डॉक्टरला देवासमान मानलं जातं. परंतु, ह्या डॉक्टरमध्ये देव नाहीए तर तो नरभक्षक आहे. ५० जणांची हत्या केल्यानंतर आपण पुढची मोजणी थांबवली, अशी धक्क्दायक कबुली त्याने पोलिसांना दिलीय. हा डॉक्टर उत्तर प्रदेशमधील अलिगढ जिल्ह्यातील पुरेनी गावचा आहे. त्याचं नाव देवेंद्र शर्मा असं आहे. ६२ वर्षीय देवेंद्र शर्मा हा बीएएमएस पदवीधर आहे. हत्येप्रकरणी पॅरोलचा कालावधी संपल्याच्या सहा महिन्यांनंतर दिल्ली पोलिसांच्या गुन्हे शाखेच्या पथकाने त्याला अटक केली.

५० हून जणांची हत्या केली

दिल्ली आणि शेजारच्या राज्यांमधील ५० हून अधिक ट्रक आणि टॅक्सी चालकांची हत्या केलीय. शर्मा हा आयुर्वेदिक डॉक्टर आहे. त्याला बपरोला भागातून अटक करण्यात आलीय. पॅरोलमधून पळून जानेवारीपासून तो तेथे रहात होता. हा डॉक्टर १०० हून अधिक घटनांमध्ये सामील असल्याचा अंदाज पोलिसांनी वर्तवला आहे. दिल्ली, उत्तर प्रदेश, हरियाणा आणि राजस्थानमध्ये त्याच्याविरोधात गुन्हे दाखल आहेत. या संबंधी पोलित त्याची चौकशी करत आहेत.

किडनी विकण्याचे रॅकेट चालवायचा

अपहरण आणि हत्येच्या अनेक प्रकरणांमध्ये शर्माला दोषी ठरवण्यात आलं आहे. बनावट गॅस एजन्सी चालवल्याबद्दल त्याला उत्तर प्रदेशात दोनदा अटक करण्यात आली होती. किडनी विकणारी टोळी चालवल्याप्रकरणी अनेक राज्यातीव तुरुंगात त्याची रवानगी झाली होती. ‘पूर्वी तो मोहन गार्डनमध्ये राहत होता आणि तिथून ते बपरोला येथे पळाला. तिथे त्याने एका विधवेशी लग्न केलं आणि मालमत्तेचा व्यवसाय सुरू केला. याची माहिती मिळताच आमच्या मंगळवारी त्याला अटक केली, असं डीसीपी (गुन्हे) राकेश पवेरिया यांनी सांगितलं.

गॅस एजन्सीपासून गुन्हेगारीच्या दलदलीत

बिहारमधील सिवान येथून बीएएमएसची डिग्री मिळवल्यानंतर जयपूरमध्ये त्याने स्वतःचे क्लिनिक उघडले. त्यानंतर १९९२ मध्ये त्याने गॅस डीलरशिप योजनेत ११ लाख रुपयांची गुंतवणूक केली. पण त्यात त्याचे मोठे नुकसान झाले. यानंतर १९९५ मध्ये त्याने अलीगढच्या छारा गावात बनावट गॅस एजन्सी सुरू केली आणि तिथून त्याची गुन्हेगारी सुरू झाली.

२००४ मध्ये इतर डॉक्टरांसोबत अटक

शर्मा आणि त्याचे साथीदार एलपीजी सिलिंडर घेऊन जाणारा ट्रक लुटायचे आणि ड्रायव्हरची हत्या करायचे. यानंतर ते ट्रकमधून सिलिंडर उतरवून आपल्या बनावट गॅस एजन्सीत नेत होते. सन १९९४ मध्ये तो किडनी ट्रान्सप्लांटच्या आंतरराज्यीय टोळीत सामील झाला. गुरुग्राम किडनी रॅकेट प्रकरणी २००४ मध्ये इतर डॉक्टरांसोबत त्यालाही अटक करण्यात आली होती, असं डीसीपींनी सांगितलं.

Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times

प्रतिकात्मक रुग्ण घेऊन मनसेचे कार्यकर्ते पुणे महापालिकेत

5

पुणे: जम्बो कोविड सेंटरसाठी महापालिकेने निधी नाकारल्याच्या निषेधार्थ महाराष्ट्र नवनिर्माण सेनेनं आज जोरदार आंदोलन केलं. मनसेच्या कार्यकर्त्यांनी प्रतिकात्मक रुग्णच महापालिकेत आणला आणि महापालिकेतील सत्ताधारी भाजपचा जोरदार निषेध केला. ‘भाजपच्या लोकप्रतिनिधींनी पुणेकरांना मरण्यासाठी सोडून दिलं आहे,’ असा घणाघाती आरोप मनसेच्या पदाधिकाऱ्यांनी यावेळी केला.

पुणे जिल्ह्यातील करोना पॉझिटिव्ह रुग्णांची संख्या आतापर्यंत ८० हजारच्या पुढं गेली असून १८८५ जणांचा मृत्यू झाला आहे. पुणे जिल्ह्यात सध्या ४८,९८४ रुग्णांवर उपचार सुरू असून ही संख्या राज्यात सर्वाधिक आहे. रोजच्या रोज वाढणाऱ्या रुग्णांना उपचारासाठी दाखल करून घेण्याचं आव्हान जिल्हा प्रशासनापुढं आहे. जिल्हा प्रशासन शाळा, खासगी रुग्णालये व हॉटेल ताब्यात घेत आहे. उभारण्याचेही जिल्हा प्रशासनाचे प्रयत्न सुरू आहेत. मात्र, या कोविड सेंटरसाठी निधी देण्यास पुणे महापालिकेच्या स्थायी समितीनं नकार दिला आहे. याचा निषेध म्हणून मनसेनं आज महापालिकेतील स्थायी समिती अध्यक्षांच्या कार्यालयासमोर जोरदार आंदोलन केलं.

हेही वाचा:

माजी नगरसेविका रुपाली पाटील-ठोंबरे यांच्या नेतृत्वाखाली मनसेच्या कार्यकर्त्यांनी प्रतिकात्मक रुग्णच महापालिकेत आणला होता. पुणे महापालिकेची सत्ता भारतीय जनता पक्षाचा निषेध करणारे फलक मनसे कार्यकर्त्यांच्या हातात होते. करोना रुग्णांसाठी जम्बो आयसोलेशन सेंटर उभारले गेलेच पाहिजे, अशी मागणी यावेळी कार्यकर्त्यांनी केली. ‘कोविड सेंटरसाठी महापालिका पैसे नाकारत असेल तर महापालिकेचा फंड गेला कुठे? किती रुग्णांवर आतापर्यंत उपचार केले आणि त्यासाठी किती पैसे खर्च झाले?, याचा हिशेब देण्याची मागणी मनसेनं केली. ‘निवडून दिले पुणेकरांनी, चाकरी करतात दिल्लीकरांची… पुणेकरांच्या पैशाची लावलीय लूट… निधी आमच्या हक्काचा, नाही भाजपच्या…’ अशा घोषणा यावेळी देण्यात आल्या.

हेही वाचा:

‘पुण्यात सध्या असलेल्या कोविड सेंटरची स्थिती खूपच वाईट आहे. ही स्थिती पाहून जीवन नकोसं वाटतं. पुण्याच्या लोकप्रतिनिधींना त्याची लाज राहिलेली नाही. स्वत:चा विकासनिधी भाजपच्या फंडात जमा करून पुणेकरांनी त्यांनी मरण्यासाठी सोडून दिलं आहे,’ अशी टीका मनसे रुपाली पाटील-ठोंबरे यांनी केली.

हेही वाचा:

Maharashtra News, Latest Maharashtra News in Marathi, ‎महाराष्ट्र ठळक बातम्या | Maharashtra Times

जळगावात खळबळ; झाडावर चढून महिलेचा आत्महत्येचा प्रयत्न

5

म. टा. प्रतिनिधी, : कौटुंबिक वादात न्याय मिळत नसल्याने तसेच तक्रारीकडे दुर्लक्ष केले जात असल्याचा आरोप करीत हतबल झालेली संतप्त महिला पोलीस अधीक्षक कार्यालयासमोरील झाडावर चढली. झाडावरच गळफास घेऊन आत्महत्येचा प्रयत्न केला. अखेर पोलिसांनी वेळीच धाव घेत नागरिकांच्या मदतीने महिलेची समजूत काढत तिला झाडावरुन सुखरूप खाली उतरवले.

चोपडा तालुक्यातील विरवाडे येथील रहिवासी असलेल्या या २३ वर्षीय महिलेचे जळगाव तालुक्यातील गाढोदा हे माहेर आहे. अडिच ते तीन वर्षांपूर्वी तिचे विरवाडे येथील व्यक्तीशी लग्न झालेले आहे. त्यांना दीड वर्षांची मुलगी आहे. लग्नानंतर पती-पत्नी पुण्यात राहात होते. मात्र, काही दिवसांपासून त्यांच्यात कौटुंबिक वाद झाले आहेत. याच वादामुळे सासरच्या मंडळीने दीड वर्षांच्या मुलीला त्यांच्याकडेच ठेऊन घेतले आहे. मुलगी ताब्यात मिळावी म्हणून, सध्या त्यांचा वाद न्यायप्रविष्ट आहे. न्यायालयाने तीन वेळा नोटीस बजावून देखील सासरची मंडळी मुलीला आपल्या ताब्यात देत नाहीत. शिवाय गुन्हा दाखल केल्यानंतरही पोलीस सासरच्या लोकांवर कारवाई करत नाहीत. म्हणून या महिलेचा संताप झाला होता.

आज गुरुवारी याच वादासंदर्भात न्यायालयात तारीख होती. तारखेला येण्यापूर्वी महिलेच्या सासरच्या मंडळीने वकिलाकडून हमीपत्र लिहून मुलीला ताब्यात देणार असल्याचे फोनवर सांगितले होते. मात्र, सासरची मंडळी जळगावात आली तेव्हा त्यांनी मुलीला सोबत आणले नाही. याच विषयावरून त्यांच्यात पुन्हा वाद झाले. याबाबत तक्रार करण्यासाठी संबंधित महिला पोलीस अधीक्षकांच्या भेटीसाठी कार्यालयात आलेली होती. पण, पोलीस अधीक्षक नसल्याने ती पोलीस अधीक्षक कार्यालयाच्या बाहेर असलेल्या झाडावर चढली. झाडावर चढून तिने गळफास घेऊन आत्महत्या करण्याचा प्रयत्न केला. ही बाब शेजारीच असलेल्या शहर वाहतूक शाखेच्या काही पोलीस कर्मचाऱ्यांच्या लक्षात आली. त्यांनी तत्काळ धाव घेत, महिलेला झाडावरून खाली उतरण्याची विनंती केली. परंतु, ती महिला कोणाचेही ऐकून घ्यायला तयार नव्हती.

बराच वेळ विनवण्या केल्यानंतर पोलीस कर्मचाऱ्यांनी त्या महिलेला झाडावरून खाली उतरवले. घटनास्थळी पोलिसांसह नागरिकांनी मोठी गर्दी केली होती. दरम्यान, संबंधित महिलेला जिल्हापेठ पोलिसांनी ताब्यात घेऊन पोलीस ठाण्यात नेले. त्याठिकाणी महिलेची विचारपूस करण्यात येत आहे. या प्रकारामुळे शहरात एकच खळबळ उडाली होती. या घटनेनंतर संबंधित महिलेचे आईवडील देखील जिल्हापेठ पोलीस ठाण्यात पोहोचले. सासरच्या मंडळींवर कारवाई झालीच पाहिजे, अशी मागणी करत जर आमच्या मुलीला आणि आम्हाला न्याय मिळाला नाही तर १५ ऑगस्ट रोजी पालकमंत्री गुलाबराव पाटील यांच्यासमोर आत्मदहन करू, असा इशारा त्यांनी दिला.

Maharashtra News, Latest Maharashtra News in Marathi, ‎महाराष्ट्र ठळक बातम्या | Maharashtra Times

अपहृत मुलीची ६ महिन्यांनी सुटका, सोशल मीडियावर अॅक्टिव्ह होताच दोन भाऊ जाळ्यात

5

म. टा. प्रतिनिधी, : मुंब्रा परिसरातून सहा महिन्यांपूर्वी अल्पवयीन मुलीचे झाले होते. या प्रकरणामध्ये दोघा भावांना मुंब्रा पोलिसांनी यवतमाळमधून अटक केली असून, त्यांच्या तावडीतून अपहृत मुलीची सुखरूप सुटका केली. विशेष म्हणजे मोबाइल लोकेशनद्वारे पकडले जाण्याची भीती असल्याने आरोपी सोशल मीडिया अकाउंटद्वारे संबंधितांच्या संपर्कात होते. त्यामुळे पोलिसांनी संशयिताच्या आयडीचे लोकेशन मिळवले. तो अकाउंट आयडी अक्टिव्हेट होताच पोलिसांनी आरोपींच्या मुसक्या आवळल्या.

अपह्रित मुलीचे वय १७ वर्षे असून, ४ फेब्रुवारी ती अचानक गायब झाली. दुसऱ्या दिवशी ठाण्यात अपहरणाचा गुन्हा दाखल झाल्यानंतर या गुन्ह्यात जळगावमधील सात जणांचा सहभाग असल्याची बाब पोलीस चौकशीत निष्पन्न झाली. यामध्ये एका महिलेचाही समावेश आहे. यापैकी तन्वीर अहमद अजीजुद्दीन शेख आणि इस्तियाक अली लियाकत अली यांना पोलिसांनी फेब्रुवारी तसेच मार्च महिन्यात अटक केले होते. परंतु अन्य आरोपी मोबाइल व सिमकार्ड सतत बदलत असत. मोबाइल बंद ठेवून लॉकडाउनचा फायदा घेत अज्ञात स्थळी लपून बसले. त्यामुळे आरोपींचा शोध घेणे कठीण झाले होते. परंतु मोबाईल लोकेशनद्वारे पकडले जाण्याची शक्यता असल्याने आरोपी सोशल मीडियाद्वारे संबंधितांशी संपर्क करत असल्याची माहिती पोलिसांना समजली.

वरिष्ठ पोलीस निरीक्षक मधुकर कड यांच्या मार्गदर्शनाखाली सहाय्यक पोलीस निरीक्षक शहाजी शेळके या गुन्ह्याचा तपास करत असून, त्यांनी ठाणे सायबर सेलची मदत घेतली. तसेच संबंधित अॅप कंपनीकडे सातत्याने पाठपुरावा करून संशयिताच्या आयडीद्वारे आरोपींच्या संभावित लोकेशनची माहिती काढली. या माहितीनंतर पोलिसांचे पथक यवतमाळला रवाना झाले. यवतमाळमधील फुलसांगवी गावात अकाउंट आयडी अॅक्टीव्हेट झाल्याने मुंब्रा पोलिसांनी स्थानिक पोलिसांची मदत घेऊन आरोपींचा शोध घेतला. मुख्य आरोपी आबीद मजीद शेख आणि जावेद मजीद शेख यांना अटक केली. तसेच अपहृत मुलीला ताब्यात घेतले. दोन्ही आरोपी सख्खे भाऊ असल्याची माहिती वरिष्ठ पोलीस निरीक्षक मधुकर कड यांनी दिली. अशाप्रकारे पोलिसांनी मुलीची आरोपींच्या तावडीतून सुखरूप सुटका केली असून, मुलीला तिच्या नातेवाईकांच्या स्वाधीन करण्यात आले आहे.

तीन मोबाइल जप्त

आरोपींनी अन्य ओळखीच्या व्यक्तीकडील मोबाइलमधून अॅप आयडीचा वापर केला असून, त्यांचाही मुंब्रा पोलिसांनी शोध घेतला. याबाबत चौकशी करून मोबाइल आणि आरोपीकडील तीन मोबाइल, तसेच सिमकार्डही जप्त करण्यात आले आहेत.

Maharashtra News, Latest Maharashtra News in Marathi, ‎महाराष्ट्र ठळक बातम्या | Maharashtra Times

'करोना काळात दारूची दुकानं चालतात, राम मंदिराचं भूमिपूजन का नको?'

5

म. टा. प्रतिनिधी । नागपूर

‘ यांच्याप्रमाणे काही राजकारण्यांनी रामजन्मभूमीशी संबंधित कुठल्याही विषयावर हिंदूविरोधी वक्तव्य करण्याचा व्यवसाय चालविला आहे. त्यांचे राजकीय अस्तित्व त्यावर अवलंबून आहे. त्यामुळे हिंदूविरोधी बोलण्याशिवाय त्यांच्याकडे पर्याय नाही,’ अशी टीका विश्व हिंदू परिषदेचे केंद्रीय महामंत्री मिलिंद परांडे यांनी गुरुवारी केली. ( slams and CM Thackeray)

वाचा:

काही दिवसांपूर्वी राष्ट्रवादी काँग्रेसचे अध्यक्ष शरद पवार यांनी राम मंदिर उभारल्याने करोना जाणार का, असे वादग्रस्त वक्तव्य केले होते. त्या वक्तव्याचा समाचार घेताना परांडे म्हणाले,‘राम मंदिर हे राष्ट्रीय स्वाभिमानाचे, सामाजिक समरसतेचे प्रतीक आहे. सर्वोच्च न्यायालयाने मंदिराबाबत निर्णय दिला आहे. कार्यक्रमाला विरोध करणारी एक जनहित याचिका दाखल करण्यात आली होती. ती याचिका न्यायालयाने फेटाळून लावली आहे. न्यायालयाच्या निर्णयानंतरही ही मंडळी हिंदूविरोधी वक्तव्य करत असल्याने त्यांची मानसिकता प्रत्येकाने समजण्याची गरज आहे. हा कार्यक्रम हिंदूहिताय आहे. कुणाच्या विरुद्ध नाही. मात्र, हेतूपूर्वक हिंदूहितविरोधी बोलून अडथळे आणण्याचा प्रयत्न काही जण करत असतात.’ पत्रपरिषदेला विहिंपचे प्रांत उपाध्यक्ष डॉ. हेमंत जांभेकर, प्रांतमंत्री गोविंद शेंडे उपस्थित होते.

हेही वाचा:

दारूची दुकाने सुरू कशी?

सोहळा ऑनलाइन घेण्याची मागणी करणाऱ्या मुख्यमंत्री यांच्यावर निशाणा साधत ‘ठाकरेंच्या म्हणण्याला काही अर्थ नाही. कार्यक्रम ठरलेल्या स्वरुपातच होणार आहे. करोना असतानाही दारूची दुकाने सुरू आहेत. सर्व कार्यालयांचे कामकाज होत आहे. मग, भूमिपूजन सोहळा ऑनलाइन का म्हणून घेण्यात यावा? दोनशे लोकांच्या उपस्थितीत प्रत्यक्ष सोहळा केल्याने काय बिघडणार आहे,’ असा सवाल परांडे यांनी उपस्थित केला. खासदार असादुद्दीन ओवेसी यांनी पंतप्रधान हे संवैधानिक पद आहे. त्यामुळे मोदींनी सोहळ्याला जाऊ नये, असे वक्तव्य केले आहे. त्यावर बोलताना परांडे म्हणाले,‘हिंदूंना धर्मनिरपेक्षता शिकविण्याची गरज नाही. ओवेसी यांनी स्वत: धर्मनिरपेक्षताचा अभ्यास करायला हवा.’

Maharashtra News, Latest Maharashtra News in Marathi, ‎महाराष्ट्र ठळक बातम्या | Maharashtra Times

IPL 2020:आयपीएलच्या वेळापत्रकात बदल, अंतिम सामना पुढे ढकलला

0

आयपीएलच्या वेळपत्रकात आता बदल करण्यात आल्याचे पाहायला मिळत आहे. यापूर्वी आयपीएल हे १९ सप्टेंबरपासून युएईमध्ये खेळवण्यात येणार होते. आयपीएलचा अंतिम सामना ८ नोव्हेंबरला खेळवण्यात येणार होता. पण आता आयपीएलच्या वेळापत्रकात बदल केल्याचे पाहायला मिळत आहे.

काही कारणास्तव आयपीएलच्या वेळापत्रकात बदल करण्यात आला आहे. या वर्षीचे आयपीएल हे १९ सप्टेंबरलाच सुरु होणार आहे. पण आयपीएलचा अंतिम सामना पुढे ढकलण्यात आल्याचे म्हटले जात आहे. आता आयपीएलचा अंतिम सामना ८ ऐवजी १० नोव्हेंबरला होणार असल्याचे समजते आहे. पण आयपीएलच्या मार्गातील एक समस्या अजूनही सुटलेली दिसत नाही.

आयसीसीने विश्वचषक आणि बीसीसीआयने आयपीएलसाठी आशिया चषक रद्द केला. त्यानंतर आयपीएल ही १९ सप्टेंबरपासून युएईमध्ये खेळवण्यात येणार असल्याचे ठरवले गेले. युएईमध्ये आबुधाबी, दुबई आणि शारजा येथे आयपीएलचे सामने खेळवले जाणार आहेत. युएईच्या क्रिकेट मंडळानेही आज आपल्याला बीसीसीआयचे पत्र आल्याचे म्हटले आहे. त्यामुळे आता आयपीएल युएईमध्येच खेळवले जाणार, यावर शिक्कामोर्तब झाले आहे. पण आयपीएलपुढे अजूनही एक समस्या कायम आहे. ही समस्या कधी सुटणार, याकडे सर्वांचे लक्ष लागलेले आहे.

बीसीसीआयसाठी आयपीएलचा मार्ग जवळपास मोकळा झाल्याचे म्हटले जात आहे. पण तरीही आयपीएलच्या आयोजनात एक महत्वाची अडचण आहे. ही अडचण म्हणजे जोपर्यंत बीसीसीआयला भारत सरकारची परवानगी मिळत नाही, तोपर्यंत आयपीएल खेळवण्यात येऊ शकत नाही. कारण भारत सरकारने जर आयपीएलला परवानगी दिली नाही तर आयपीएल होऊ शकत नाही, असे म्हटले जात आहे. त्यामुळे बीसीसीआय आयपीएलसाठी भारत सरकारची परवानगी कशी मिळवणार, याकडे सर्वांचे लक्ष लागलेले आहे.

भारताचे माजी कर्णधार सौरव गांगुली यांचा बीसीसीआयच्या अध्यक्षपदाचा कार्यकाळ संपलेला आहे. त्यामुळे आता बीसीसीआयचे कामकाज कोण पाहणार, हा सर्वात मोठा प्रश्न आहे. त्यामुळे बीसीसीआय आयपीएलसाठी भारत सरकारची परवानगी कशी मिळवणार, याकडे सर्वांचे लक्ष लागलेले आहे. भारत सरकारची परवानगी घेण्याची प्रक्रीया बीसीसीआयला लवकरच सुरु करावी लागणार आहे. कारण ही परवानगी मिळाल्याशिवाय त्यांना युएईमध्ये जाऊन आयपीएलचे आयोजन करता येऊ शकत नाही. त्यामुळेच भारत सरकारची परवानगी महत्वाची असल्याचे म्हटले जात आहे.

Sports News in Marathi: Latest Marathi News on Cricket, Football, Tennis, Hockey & more | Maharashtra Times

फायटर महापौर थेट करोना वॉर्डात; रुग्णांना दिला 'हा' मोलाचा सल्ला

5

मुंबई: मुंबईला करोनाच्या विळख्यातून बाहेर काढायचे असेल तर अहोरात्र रुग्णसेवा देणाऱ्या पालिका रुग्णालयांच्या पाठिशी भक्कमपणे उभे राहण्याची आवश्यकता असून हीच बाब ध्यानात घेऊन मुंबईच्या महापौर थेट रुग्णालयांत जाऊन स्थितीचा आढावा घेत आहेत. काही दिवसांपूर्वीच सायन येथील लोकमान्य टिळक रुग्णालयाला अचानक भेट दिल्यानंतर महापौरांनी आज आपला मोर्चा येथील नायर रुग्णालयाकडे वळवला. ( Visits )

वाचा:

सर्वोपचार देणारं मुंबई पालिकेचं सध्या केवळ बाधित रुग्णांसाठी समर्पित रुग्णालय म्हणून सेवा देत आहे. या रुग्णालयाची संपूर्ण टीम करोना विरुद्धच्या लढाईत जोमाने काम करत आहे. या कर्मचाऱ्यांना बळ देतानाच करोना बाधित रुग्णांना धीर देण्याच्या दुहेरी उद्देशाने महापौर रुग्णालयात पोहचल्या. स्वसंरक्षण वेश (पीपीई किट)परिधान करून थेट करोना बाधितांवर उपचार सुरू असणाऱ्या कक्षात जाऊन त्यांनी पाहणी केली. तसेच प्रत्यक्ष करोना बाधितापर्यंत जाऊन वैयक्तिकरीत्या संवाद साधला. मुंबई महानगरपालिकेच्या वतीने करोना व्यतिरिक्त इतर आजारांबाबतच्या बाह्य सेवा तसेच आपत्कालीन सेवा सुरू करण्यात येत असून त्याचे नियोजन कशा प्रकारे करण्यात येत आहे, याची पाहणीही महापौरांनी केली व संबंधित डॉक्टरांना मार्गदर्शन केले.

वाचा:

मुंबई महानगरपालिकेतर्फे याठिकाणी देण्यात आलेल्या सोयीसुविधेबद्दल आपण समाधानी आहात का?, अशी विचारणा महापौरांनी करोना बाधितांकडे केली असता सर्व जणांनी समाधानी आहोत, असे सांगितले. त्याचप्रमाणे डॉक्टर, परिचारिका आपली नीट काळजी घेत आहेत ना?, अशी विचारणाही महापौरांनी केली. त्यावर रुग्णांकडून सकारात्मक उत्तर मिळाले. जोपर्यंत आपला रिपोर्ट निगेटिव्ह येत नाही, तोपर्यंत याठिकाणी आपल्याला उपचार घ्यावे लागणार असल्याचे महापौरांनी रुग्णांना सांगितले. आपण बरे झाल्यानंतर प्लाझ्मा साठी आपले रक्त हवे असल्यास रक्तदानाची तयारी ठेवावी, असे आवाहन यावेळी महापौरांनी रुग्णांना केले. करोनामुक्त झालेल्या एका व्यक्तीच्या रक्तामुळे तीन जणांचे प्राण वाचण्यास मदत होते, असेही महापौरांनी नमूद केले. आपण लवकर बरे होऊन इतरांची सुद्धा काळजी घ्या, असेही महापौर म्हणाल्या.

वाचा:

रुग्णसेवेत कुठेही कुचराई नको

नायर रुग्णालयाच्या भेटीदरम्यान महापौरांनी सर्वप्रथम रुग्णालयाचे अधिष्ठाता यांच्या दालनात डॉक्टरांसोबत चर्चा केली. करोना कक्षाला भेट दिल्यानंतर महापौरांनी कार्यरत कर्मचाऱ्यांची भेट घेऊन आपली जबाबदारी चोखपणे पार पाडण्याच्या सूचना केल्या. रुग्णसेवेमध्ये आपण कुठेही कमी पडता कामा नये, असे निर्देश उपस्थित सर्व कर्मचाऱ्यांना महापौरांनी दिले.

Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times

'मेक इन इंडिया' अँड्रॉयड टीव्ही, किंमत १० हजार ९९९ ₹ पासून सुरू

5

नवी दिल्लीः भारतात चायनीज उत्पादनावर बंदी घालण्याची मागणी जोर धरु लागली आहे. ने नुकताच 4K रिझॉल्यूशन आणि HDR सपोर्ट सोबत OATH सीरीजमध्ये लाँच केले होते. आता गुरुवारी थॉमसनने १० हजार ९९९ रुपयांच्या सुरुवातीच्या किंमतीचे टीव्ही लाँच केले आहेत. थॉमसनच्या नव्या टीव्ही अँड्रॉयड सोबत येतात. ३२ इंचापासून ५५ इंचांपर्यंत या टीव्ही उपलब्ध आहेत. यासोबत कंपनीने OATH लाइनअप मध्ये ७५ इंचाचा टीव्ही सुद्धा लाँच केला आहे.

वाचाः

आणि 9R TV:फीचर्स
थॉमसनच्या PATH लाइनअपच्या टीव्हीला ९ए आणि ९आर दोन रेंजमध्ये लाँच करण्यात आले आहे. ९ए एचडी रेडी आणि फुल एचडी टीव्ही आहेत. तर ९आर ४के टीव्ही आहे. ९ए मध्ये कंपनीने ३२ इंचाचा एचडी PATH, ३२ इंचाचा एचडी बेजल लेज, ४० इंचाचा फुल एचडी आणि ४३ इंचाचा फुल एचडी या टीव्हीचा समावेश आहे. तर ९आर रेंजमध्ये ४३ इंचाचा ४के PATH, ५० इंचाचा ४के PATH आणि ५५ इंचाचा ४के PATH टीव्ही लाँच करण्यात आल्या आहेत.

थॉमसन च्या 9A आणि 9R सीरीज अँड्रॉयड 9 वर चालतात. म्हणजेच युजर्संना प्ले स्टोरचा अॅक्सेस मिळणार आहे. टीव्हीत क्रोमकास्ट बिल्ट इन आहे. तसेच स्ट्रिमिंग सर्विसचा मजा घेवू शकते. टीव्हीत चांगला वाईड व्हूइंग अँगल च्या आयपीएस पॅनेल दिला आहे. ४के रिझॉल्यूशनची 9R टीवी HDR सपोर्ट सोबत येते.

वाचाः

थॉमसनच्या या टीव्हीत क्वॉड कोर १ गीगाहर्ट्ज सीपीयू आणि ग्राफिक्स साठी माली क्वॉड कोर जीपीयू दिला आहे. प्रेस रिलिज च्या माहितीनुसार रिमोट मध्ये सोनी लिव, अॅमेझॉन प्राईम व्हिडिओ आणि यूट्यूब यासारखे अॅप्ससाठी वेगवेगळे बटन दिले आहेत. नेविगेशन साठी व्हाईसचा वापर केला जावू शकतो. रिमोट गुगल असिस्टेंट सोबत येतो.

वाचाः

THOMSON PATH 9A AND 9R TV: किंमत-वैशिष्ट्ये
थॉमसन ९ए आणि ९आर सीरिज फ्लिपकार्टवर ६ ऑगस्टपासून विक्रीसाठी उपलब्ध होणार आहे. 9A सीरीज च्या 32 इंच एचडी Path ची किंमत १० हजार ९९९ रुपये आहे. ३२ इंचाचा एचडी बेजल लेस ११ हजार ४९९ रुपये, ४० इंचाचा फुल एचडी आणि ४३ इंचाचा फुल एचडी टीव्हीची किंमत १६ हजार ४९९ रुपये व १९ हजार ९९९ रुपये आहे. 9R सीरीजमधील ४३ इंचाच्या ४के पॅथ ची किंमत २१ हजार ९९९ रुपये, ५० इंचाचा 4K Path ची किंमत २५ हजार ९९९ रुपये आणि ५५ इंचाच्या 4K Path टीव्हीची किंमत २९ हजार ९९९ रुपये आहे.

वाचाः

THOMSON OATH PRO TV:फीचर्स
ओथ सीरीजमध्ये थॉमसनने याआधी ४३ इंच, ५५ इंच, ५ इंच स्क्रीन साईजमध्ये टीव्ही लाँच केले आहेत. आता कंपनीने ५० इंच आणि ७५ इंच स्क्रीन साइजमध्ये टीव्ही बाजारात उतरवले आहे. या टीव्हीत आधी लाँच झालेल्या टीव्हीचे फीचर्स आहेत. या टीव्हीत ४के सपोर्ट दिला आहे. तसेच एचडीआर सोबत डॉल्बी व्हिजन सपोर्ट दिला आहे. या टीव्हीत २.४ गीगाहर्ट्ज वाय फाय ओनली सपोर्ट दिला आहे. वायर्ड कनेक्शनसाठी या टीव्हीत ईथरनेट सपोर्ट दिला आहे. या टीव्हीत स्क्रीन रिफ्रेश रेड ६० हर्ट्ज आहे.

या तिन्ही साईजच्या टीव्हीत क्वॉड कोर प्रोसेसर आणि ग्राफिक्स साठी माली ४५० जीपीयू आहे. टीव्हीत ८ जीबी स्टोरेज मिळतो. तसेच या टीव्हीत DTS TruSurround, डॉल्बी डिजिटल प्लस आणि 15वाट चे दोन स्पीकर्स दिले आहेत.

THOMSON OATH PRO TV: किंमत-उपलब्धता
५० आणि ७५ इंचाचा थॉमसन ओथ टीव्हीची विक्री ६ ऑगस्टपासून फ्लिपकार्टवर सुरू केली जाणार आहे. याची किंमत २८ हजार ९९९ रुपयांपासून ९९,९९९ रुपयांपर्यंत ठेवण्यात आली आहे.

वाचाः

वाचाः

वाचाः

Gadget News in Marathi: Computer, Mobile, Auto News in Marathi | Maharashtra Times

Miraj: करोना रुग्णांना उपचार नाकारले, खासगी रुग्णालयाच्या नर्सिंग स्टाफला दणका

0

म. टा. प्रतिनिधी, : येथील करोनाबाधित रुग्णांवर उपचार करण्यास टाळाटाळ करणाऱ्या नर्सिंग स्टाफच्या विरोधात महापालिका प्रशासनाने आक्रमक भूमिका घेतली आहे. आयुक्त नितीन कापडणीस यांच्या सूचनेनुसार महापालिका प्रशासनाने सेवा सदन सुपर स्पेशालिटी हॉस्पिटलमधील आठ जणांवर मेस्मांतर्गत गुन्हा दाखल केला. कोविड-१९ उपचारासाठी आरक्षित केलेल्या कोणत्याही हॉस्पिटलने उपचारास टाळाटाळ केल्यास त्यांचे परवाने रद्द केले जातील, असा इशाराही आयुक्त कापडणीस यांनी दिला.

मिरजेतील सेवा सदन हे असून, जिल्हा प्रशासनाने ते करोनाबाधित रुग्णांच्या उपचारासाठी आरक्षित केले आहे. जिल्ह्यात आरक्षित केलेल्या सर्व हॉस्पिटलमध्ये रुग्णांवर वेळेत उपचार केले जावेत, असा सूचना जिल्हाधिकारी डॉ. अभिजित चौधरी यांनी दिल्या आहेत. मात्र, मिरजेतील सेवासदन हॉस्पिटलने करोनाबाधित रुग्णांना दाखल करून घेण्यास टाळाटाळ केली. जे रुग्ण हॉस्पिटलमध्ये गेले होते, त्यांच्यावरील उपचार आणि देखभालीसाठी नर्सिंग स्टाफने असमर्थता दर्शवली. याबाबत रुग्णांच्या नातेवाईकांनी महापालिका आयुक्त नितीन कापडणीस यांच्याकडे तक्रारी केल्या. तक्रारी येताच आयुक्त कापडणीस यांनी तातडीने सेवा सदन हॉस्पिटलची चौकशी केली. चौकशीदरम्यान हॉस्पिटलमधील नर्सिंग स्टाफने उपचारासाठी टाळाटाळ केल्याचे स्पष्ट झाले. याबाबत महापालिका प्रशासनाने पूजा कलाब, योगेश आवळे, केतन कांबळे, केतन सूर्यवंशी, ज्योती कांबळे, श्वेता भाट, ऋषिकेश पाटील आणि पूजा भोसले या आठ जणांवर महात्मा गांधी पोलीस ठाण्यात तक्रार दिली. त्यानंतर पोलिसांनी आठ जणांवर मेस्मांतर्गत कोविड रुग्णांवर उपचार करण्यास टाळाटाळ केल्याचा गुन्हा दाखल केला.

करोना रुग्णांना तातडीने उपचार मिळावा, यासाठी जिल्ह्यातील दहा खासगी हॉस्पिटल आरक्षित केले आहेत. काही हॉस्पिटलमध्ये खाटा वाढवण्याच्या सूचना दिल्या आहेत. संबंधित डॉक्टर आणि नर्सिंग स्टाफलाही आवश्यक सूचना दिल्या आहेत. मात्र, काही खासगी हॉस्पिटलमध्ये उपचारास टाळाटाळ होत आहे. खाटा शिल्लक नसल्याचे खोटे सांगून रुग्णांना टाळले जाते. काही ठिकाणी मोठ्या खर्चाची भीती घातली जाते. रुग्णांच्या नातेवाईकांनीच तक्रारी केल्यानंतर खासगी हॉस्पिटलमधील वस्तुस्थिती समोर आली आहे. उपचारास टाळाटाळ करण्याचा प्रकार गंभीर असल्याने मनपा आयुक्त कापडणीस यांनी तातडीने आठ जणांवर गुन्हे दाखल करण्याचे आदेश दिले. आरक्षित हॉस्पिटलमध्ये रुग्णांवर उपचार करण्यात टाळाटाळ झाल्यास संबंधित हॉस्पिटलचे परवाने रद्द केले जातील, असा इशाराही आयुक्तांनी दिला आहे.

काम टाळणाऱ्या आरोग्य सेवकांनाही सज्जड दम

करोना संसर्गाच्या धास्तीने काही आरोग्य सेवकांनी कामावर जाणे टाळले आहे. गैरहजर असलेल्या आरोग्य सेवकांनी तातडीने कामाच्या ठिकाणी हजर राहावे, असे आदेश मनपा आयुक्त आणि जिल्हा प्रशासनाने दिले आहेत. मात्र, अजूनही काही आरोग्य सेवक गैरहजर आहेत. अशा आरोग्य सेवकांवर गुन्हे दाखल करण्याचा इशारा आयुक्तांनी दिला आहे.

Maharashtra News, Latest Maharashtra News in Marathi, ‎महाराष्ट्र ठळक बातम्या | Maharashtra Times

Latest posts