अयोध्या: मंदिराच्या भूमिपूजन कार्यक्रमावर (Bhoomi Pujan in ) करोनाचे संकट घोंघावत आहे. राम मंदिराचे (Ram Mandir in Ayodhya)पुजारी यांना करोनाची लागण झाल्याचे स्पष्ट झाले आहे(Ayodhya priest test ). प्रदीप दास हे मंदिराचे मुख्य पुजारी आचार्य सत्येंद्र दास यांचे शिष्य आहेत. या बरोबरच राम जन्मभूमीच्या सुरक्षेसाठी तैनात असलेल्या १६ पोलिसांना देखील करोनाची लागण झाल्याचे स्पष्ट झाले आहे.

राम जन्मभूमीमध्ये मुख्य पुजारी आचार्य सत्येंद्र दास यांच्या सोबत आणखी चार पुजारी रामलल्लाची सेवा करतात. याच चार पुजाऱ्यांपैकी प्रदीप दास हे एक पुजारी आहेत. प्रदीप दास यांना करोनाची लागण झाल्याचे स्पष्ट झाल्यानंतर त्यांना होम क्वारंटीन राहण्याच्या सूचना देण्यात आल्या आहेत. या बरोबरच राम जन्मूभूमीच्या सुरक्षेसाठी तैनात असलेल्या आणि करोना विषाणूची लागण झालेल्या १६ पोलिस कर्मचाऱ्यांना देखील क्वारंटीन करण्यात आले आहे.

दरम्यान, राम जन्मभूमी मंदिराच्या भूमिपूजन कार्यक्रम ५ ऑगस्टला आयोजित करण्यात आला आहे. या कार्यक्रमात पंतप्रधान नरेंद्र मोदी यांच्यासह २०० लोक सहभाग घेणार आहेत. करोनाच्या उद्रेकामुळे अधिक लोकांना आमंत्रण दिले जात नाहीए. फक्त निवडक लोकांनाच भूमिपूजन कार्यक्रमाचे आमंत्रण देण्यात आले आहे.

करोनाच्या संसर्गामुळे भूमिपूजनाच्या कार्यक्रमासाठी राम जन्मभूमी परिसरात ५०-५० लोकांचे वेगवेगळे ब्लॉक्स तयार करण्यात येत आहेत. यामध्ये केवळ २०० व्यक्ती बसू शकणार आहेत. देशातील ५० मोठे साधू या कार्यक्रमाला हजर राहणार आहेत. त्याच प्रमाणे देशातील ५० मोठे नेते आणि राम जन्मभूमी आंदोलनात सहभागी असलेले नेते येथे उपस्थित राहणार आहेत. यात लालकृष्ण आडवाणी, मुरली मनोहर जोशी, उमा भारती आणि कल्याण सिंह यांचा समावेश आहे.

वाचा:

राम मंदिराच्या बांधकामासाठी भूमीपूजन येत्या ५ ऑगस्टला होणार आहे. मात्र असे असले तरी ३ ऑगस्टपासून अयोध्येत या महोत्सवाला प्रारंभ होईल. येथे दिवाळीसारखे वातावरण दिसणआर आहे. यावेळी प्रशासनाकडून शहरात लाखो दिवे जाळण्यात येणार आहेत. तसेच सर्वसामान्यांना त्यांच्या घराबाहेर दिवे जाळण्याचे आवाहनही करण्यात येणार आहे.

ही बातमी नक्की वाचा:

मुंबई: अयोध्येत महाबुद्ध विहार व्हावं म्हणून प्रसिद्ध गायक आता मैदानात उतरले आहे. अयोध्येतील बाबरी मशिदीच्या जागी सापडलेल्या अवशेषावरून तिथे बुद्ध विहारच होते हे सिद्ध झालेले आहे. त्यामुळे अयोध्येत बुद्ध विहार झालंच पाहिजे आणि सापडलेल्या अवशेषांचंही जतन झालं पाहिजे, अशी मागणी करतानाच अयोध्येतील बुद्ध विहारासाठी लढा उभारण्याचं आवाहनही आनंद शिंदे यांनी आंबेडकरी अनुयायांना केलं आहे.

आनंद शिंदे यांनी सोशल मीडियावरून आंबेडकरी जनतेला हे आवाहन केलं आहे. अयोध्येतील उत्खननात सापडलेल्या प्राचीन अवशेषावरून त्या ठिकाणी बाबरी मशिदीपूर्वी बुद्धाची साकेत नगरी असल्याचं सिद्ध होत आहे. या उत्खननात बुद्धाच्या मूर्त्या आणि बौद्ध परंपरेशी नाते सांगणारे अवशेष सापडले आहेत. ऑल इंडिया मिली कौन्सिलनेही त्या ठिकाणी साकेत नगरी असल्याचं मान्य केलं आहे. उत्खननामध्ये सापडलेल्या या प्राचीन अवशेषांचे जतन करण्यासाठी अयोध्येत मोठं संग्रहालय आणि महाबुद्ध विहार झालं पाहिजे. त्यासाठी सर्व बौद्ध नेत्यांनी गटतट विसरून एकत्र यावं. सर्व मतभेद विसरून या प्रश्नावर लढा उभारला पाहिजे, असं शिंदे म्हणाले.

अयोध्येत होणाऱ्या राम मंदिराला आमचा विरोध नाही. मशिदीलाही विरोध नाही. पण आमचा हक्क आम्हाला मिळाला पाहिजे. अयोध्येत बुद्ध विहार व्हावं ही आमची मागणी आहे. ही सरकारने पूर्ण करायला हवी. सरकार जर मागणी मान्य करत नसेल तर प्राणांची आहुती देण्यासाठीही सज्ज व्हा, असं आवाहन शिंदे यांनी केलं आहे.

राम मंदिराचं भूमिपूजन ५ ऑगस्ट रोजी

अयोध्येतील राम मंदिराच्या भूमिपूजनासाठी ५ ऑगस्टचा मुहूर्त निश्चित करण्यात आलाय. राम जन्मभूमी तीर्थ क्षेत्र ट्रस्टकडून पंतप्रधान कार्यालयाला ३ आणि ५ ऑगस्ट अशा दोन तारखा पाठवण्यात आल्या होत्या. त्यापैंकी पंतप्रधान कार्यालयाकडून ५ ऑगस्ट ही तारीख निवडण्यात आलीय. मिळालेल्या माहितीनुसार, पंतप्रधान नरेंद्र मोदी स्वत: राम मंदिराच्या भूमी पूजनात सहभागी होणार आहेत. राम जन्मभूमी तीर्थ क्षेत्र ट्रस्टचे महासचिव चंपत राय यांच्या म्हणण्यानुसार, शनिवारी मंदिर ट्रस्टच्या बैठकीनंतर दोन तारखा निवडण्यात आल्या होत्या. शनिवारी सर्किट हाऊसमध्ये झालेल्या बैठकीत चंपत राय यांच्याशिवाय अप्पर मुख्य सचिव गृह अवनीश अवस्थी, कामेश्वर चौपाल, नृत्यगोपाल दास, गोविंद देव गिरी महाराज आणि दिनेंद्र दास यांच्यासहीत इतरही ट्रस्टी उपस्थित होते.

अमरावती: करोनाबाधित रुग्णाच्या संपर्कात आलेल्या २४ वर्षीय तरुणीच्या गुप्तांगातून स्वॅब घेतल्याची धक्कादायक आणि तितकीच संतापजनक घटना अमरावतीत उघडकीस आली आहे. मात्र, कोविड टेस्टसाठी अशा प्रकारे गुप्तांगातून स्वॅब घेत नसल्याचे समजल्यानंतर तिनं बडनेरा पोलीस ठाण्यात तक्रार दाखल केली. या प्रकरणी असलेल्या तरुणावर गुन्हा दाखल करण्यात आला आहे. पोलिसांनी त्याला अटक केली आहे.

अमरावतीतील बडनेरा येथील कोविड टेस्ट लॅबमध्ये हा धक्कादायक प्रकार घडला. आपल्या सहकाऱ्याचा करोना चाचणी अहवाल पॉझिटिव्ह आल्यानंतर पीडित तरुणीची करोना चाचणी करायची होती. त्यासाठी ती कोविड टेस्ट लॅबमध्ये गेली. त्यावेळी तेथील टेक्निशिअन तरुणाने तिच्या गुप्तांगातील स्वॅब घेतला. मात्र, करोना चाचणीसाठी गुप्तांगातून स्वॅब घेत नसल्याचं तरुणीला डॉक्टरांमार्फत समजले. त्यानंतर तिनं पोलीस ठाण्यात आरोपीविरोधात तक्रार दिली. यावरून त्याच्याविरोधात बलात्कार आणि विविध कलमान्वये गुन्हा दाखल करण्यात आला आहे. अल्पेश देशमुख असं या ३० वर्षीय आरोपीचं नाव आहे तो अमरावतीतील पुसदा येथील रहिवासी आहे.

पीडित तरुणी ही एका मॉलमध्ये नोकरी करते. ती आपल्या भावाकडे राहते. ती ज्या मॉलमध्ये नोकरी करते, तेथील एका कर्मचाऱ्याचा अहवाल करोना पॉझिटिव्ह आल्यानंतर त्याच्या संपर्कात आलेल्या इतर कर्मचाऱ्यांचे स्वॅब घेण्यात आले. २८ जुलै रोजी या तरुणीचे स्वॅब घेण्यात आले. मात्र, त्यानंतर अल्पेश याने या तरुणीला पुन्हा लॅबमध्ये बोलावले. तुमचा अहवाल करोना पॉझिटिव्ह आला आहे असं तिला सांगितलं. तसेच तुम्हाला युरिनल चाचणी करावी लागेल, अशी बतावणी त्यानं केली. तरुणीनं ही बाब आपल्या एका वरिष्ठ महिला सहकाऱ्याच्या कानावर घातली. मात्र, लॅबमध्ये नमुने घेण्यासाठी महिला कर्मचारी नाही का अशी विचारणा तिनं त्या टेक्निशिअनकडे केली. त्यावर तुम्ही तपासणीसाठी एखाद्या महिलेला सोबत घेऊन येऊ शकता, असं सांगितलं.

लॅबमध्ये तरूणी गेली असता, तिथे आरोपीने तिच्या गुप्तांगातील स्वॅब तपासणीसाठी घेतले. त्यानंतर त्यानं तुमचा करोना चाचणी अहवाल निगेटिव्ह आल्याचं कळवलं. मात्र, करोना चाचणीसाठी गुप्तांगातून स्वॅब घेतल्यावर तिला शंका आली. तिनं आपल्या भावाला याबाबत सांगितलं. त्यानं एका डॉक्टरला याबाबत विचारणा केली. अशा प्रकारे चाचणीसाठी स्वॅब घेतले जात नसल्यानं त्याला डॉक्टरांनी सांगितलं. तिनं या प्रकरणी लॅब टेक्निशिअनविरोधात बडनेरा पोलीस ठाण्यात तक्रार दाखल केली. पोलिसांनी घटनेचं गांभीर्य लक्षात घेऊन आरोपीविरोधात बलात्कारासह विविध कलमान्वये गुन्हा दाखल केला आहे.

मुंबई: राज्यातील पोलीस दलासाठी धक्कादायक बातमी आहे. करोनाच्या संसर्गामुळं राज्यात आतापर्यंत १०० पोलिसांचा करोनामुळं मृत्यू झाल्याची माहिती समोर आली आहे.

राज्यातील करोनाची स्थिती दिवसेंदिवस बिकट होत चालली आहे. करोनाच्या पार्श्वभूमीवर पुकारण्यात आलेल्या लॉकडाऊनमुळं पोलिसांवरील जबाबदारी प्रचंड वाढली आहे. करोनाचा संसर्ग आटोक्यात येण्यासाठी लॉकडाऊन यशस्वीपणे राबवणं गरजेचं आहे. त्यासाठी गेल्या चार महिन्यांपासून पोलीस आघाडीवर राहून कर्तव्य बजावत आहेत. लॉकडाऊनचे नियम नागरिकांकडून मोडले जाऊ नयेत म्हणून डोळ्यात तेल घालून काळजी घेत आहेत.

जनतेच्या सुरक्षेसाठी अहोरात्र तैनात असलेल्या पोलिसांनाही करोनाचा मोठा फटका बसला आहे. राज्यात आतापर्यंत ९,०९६ पोलिसांना करोनाची लागण झाली आहे. त्यापैकी १०० पोलिसांचा मृत्यू झाला आहे. त्यात आठ अधिकारी आणि ९२ कर्मचाऱ्यांचा समावेश आहे.

पुणे: जिल्ह्यात करोनाचा संसर्ग दिवसेंदिवस वाढत असून नव्या रुग्णांना सामावून घेण्याचा प्रश्न जटील बनला आहे. यावर उपाय म्हणून शहर ताब्यात घ्या आणि त्याचं कोविड सेंटरमध्ये रूपांतर करा,’ असा सल्ला भाजपचे पुण्यातील खासदार यांनी जिल्हा प्रशासनाला दिला आहे.

पुणे जिल्ह्यातील करोना पॉझिटिव्ह रुग्णांची संख्या आतापर्यंत ८० हजारच्या पुढं गेली असून १८८५ जणांचा मृत्यू झाला आहे. पुणे जिल्ह्यात सध्या ४८,९८४ रुग्णांवर उपचार सुरू असून ही संख्या राज्यात सर्वाधिक आहे. रोजच्या रोज वाढणाऱ्या रुग्णांना उपचारासाठी दाखल करून घेण्याचं आव्हान जिल्हा प्रशासनापुढं आहे. जिल्हा प्रशासन शाळा, खासगी रुग्णालये व हॉटेल ताब्यात घेत आहे. ही सगळी परिस्थिती लक्षात घेऊन खासदार बापट यांनी जिल्हाधिकाऱ्यांना पत्र लिहिलं असून लवासा ताब्यात घेण्याची सूचना केली आहे. लवासामध्ये सर्व प्रकारच्या सोयीसुविधांनी सज्ज असलेल्या अनेक इमारती आहेत. त्या वापराविना पडून आहेत. ज्या तालुक्यात लवासा वसले आहे, त्या मुळशी तालुक्यातही करोनाचे रुग्ण वाढत आहेत. त्यामुळं हे शहर ताब्यात घेऊन त्याचं क्वारंटाइन सेंटरमध्ये रूपांतर करणं योग्य ठरेल. तिथं मोठ्या संख्येनं बेड्स उपलब्ध करून देता येतील, याकडं बापट यांनी लक्ष वेधलं आहे.

हेही वाचा:

‘लवासामध्ये लोकवस्ती फारच कमी आहे. त्यामुळं क्वारंटाइन सेंटरसाठी ही जागा योग्य आहे. अनेक रिकाम्या इमारतींबरोबरच लवासामध्ये एक अद्ययावर रुग्णालय देखील तयार आहे. त्यामुळं वैद्यकीय सुविधांवर वेगळा खर्च करण्याची गरज लागणार नाही. मुळशी तालुक्यातील करोनाबाधितांना तिथं शिफ्ट करता येईल,’ असं बापट यांनी म्हटलं आहे.

बापट यांच्या या प्रस्तावाला स्थानिकांकडून विरोध होत आहे. लवासामध्ये क्वारंटाइन सेंटर सुरू केल्यास तिथं करोनाचा उद्रेक होण्याची भीती स्थानिकांनी व्यक्त केली आहे. मात्र, संसर्गाचा कमीत कमी धोका असेल अशा पद्धतीनं येथील रिकाम्या इमारती ताब्यात घेता येतील, असं बापट यांचं म्हणणं आहे.

हेही वाचा:

जिल्हाधिकारी म्हणतात…

लवासा ताब्यात घेण्याच्या बापट यांच्या प्रस्तावाबद्दल जिल्हाधिकारी नवल किशोर राम यांनी साशंकता व्यक्त केली आहे. ‘लवासा हे डोंगराळ भागात असल्यानं तिथं क्वारंटाइन सेंटर सुरू करण्यात अनेक अडचणी आहेत. खासदार बापट यांच्या सल्ल्यावर आम्ही विचार करत आहोत. मात्र, याबाबतचा निर्णय सर्व बाजूंचा विचार करूनच होईल, असंही त्यांनी स्पष्ट केलं.

काठमांडू: कालापानी, लिंपियाधुरा आणि लिपुलेख यासह भारताच्या ३९५ चौकिमी भूभागावर दावा करणाऱ्या नेपाळची शिरजोरी अजूनही कायम आहे. या भागात नेपाळी नागरिकांनी केलेल्या घुसखोरीला नेपाळने वैध ठरवत त्याचे समर्थन केले आहे. इतकंच नव्हे तर नेपाळने भारताला लिहिलेल्या पत्रात लिपुलेखा, कालापानी, लिंपियाधुरा या भागावरील दाव्याचा पुनरुच्चार केला आहे.

या महिन्यात भारताच्या उत्तराखंड प्रशासनाने नेपाळी नागरिकांना कालापानी, लिंपियाधुरा आणि लिपुलेख भागात अवैधपणे घुसखोरी करण्यापासून रोखण्याचे आवाहन नेपाळ प्रशासनाला पत्राद्वारे केले होते. नेपाळने भारताच्या या पत्राला उत्तर दिले असून आपली आडमूठी भूमिका कायम ठेवली आहे. नेपाळने आपल्या पत्रात कालापानी, लिपुलेख आणि लिंपियाधुरी आदी भाग हा नेपाळच्या अखत्यारीत असल्याच्या दावा केला आहे.

वाचा:
नेपाळच्या धारचुला भागाचे मुख्य जिल्हा अधिकारी शरद कुमार यांनी सांगितले की, सुगौली करारानुसार कलम पाच, नकाशे आणि ऐतिहासिक दस्ताऐवजांनुसार कालापानी लिपिंयाधुरी आणि लिपुलेख भाग नेपाळचा भूभाग असल्याचा दावा केला आहे. भारताने या भागात नेपाळी नागरिकांच्या प्रवेशावर बंदी आणू नये असेही म्हटले आहे. हा भाग नेपाळचा असल्यामुळे नेपाळी नागरीक आपल्या प्रदेशात जाणार, त्यामुळे त्यांना भारताने अटकाव करू नये अशी मल्लिनाथी त्यांनी केली.

वाचा:

नेपाळचा नवीन नकाशाद्वारे भूभागावर दावा

या नव्या नकाशानुसार, लिपुलेख, कालापानी, लिंपियाधुरा आदी भाग हे नेपाळमध्ये दाखवण्यात आले आहेत. हे भाग भारताकडे आहेत. नेपाळच्या आगळकीवर भारताने अद्याप कोणतीही अधिकृत प्रतिक्रिया दिली नाही. लिपुलेख या भागात भारत, नेपाळ आणि चीनची सीमा एकत्र येते. त्यामुळे या भागाला विशेष महत्त्व आहे. नेपाळचा हा नवीन नकाशा सर्व शासकीय विभाग आणि शाळांमध्ये वापरण्यात येणार आहे. नेपाळने भारताच्या ३९५ चौकिमी क्षेत्रफळावर दावा करताना लिंपियाधुरा, लिपुलेख आणि कालापानी भागाशिवाय गुंजी, नाभी आणि कुटी गावांचाही समावेश केला आहे. नेपाळच्या या ताठर भूमिकेमुळे भारत आणि नेपाळचे संबंध बिघडण्याची शक्यता आहे. नेपाळच्या खांद्यावरून चीन भारतावर निशाणा साधत असल्याची चर्चा आहे.

वाचा:
मागील महिन्यात संरक्षण मंत्री राजनाथ सिंह यांनी उत्तराखंडमधील घाटीयाबादगड ते लिपुलेख या मार्गाचे उद्घाटन केले होते. या नव्या मार्गामुळे कैलास मानसरोवरला जाणाऱ्या भारतीयांचा वेळ वाचणार आहे. मात्र, या मार्गाच्या उद्घाटनानंतर नेपाळने तीव्र नाराजी व्यक्त केली होती. भारताने बांधलेला रस्ता हा भारताच्या हद्दीतील असल्याचे भारताने सांगितले होते. त्यानंतरही नेपाळकडून भारतावर आरोप सुरू आहेत.

कन्याकुमारी: नागरकोईलमधील माजी आमदाराने एका १२ वर्षीय मुलीवर बलात्कार केल्याचा आरोप आहे. पॉक्सो कायद्यांतर्गत गुन्हा दाखल झाल्यानंतर आरोपी फरार झाला होता. त्याच्या शोधासाठी पाच विशेष पथके नेमण्यात आली होती. अखेर ए. मुरुगेशन (वय ५३) या आरोपीला अटक करण्यात आली आहे.

१२ वर्षीय मुलीवर बलात्कार केल्याप्रकरणी मुरुगेशनवर गुन्हा दाखल करण्यात आला होता. त्यानंतर तो फरारी झाला होता. तिरुनेलवेली जिल्ह्यातील उवारी आणि थिसायनविलाई गावांमध्ये तो लपून बसल्याची माहिती मिळाल्यानंतर बुधवारी दुपारी पोलिसांच्या पाच विशेष पथकांनी शोधमोहीम सुरू केली होती. ही घटना उघडकीस आल्यानंतर मुरुगेशनला सोमवारी एआयएडीएमकेमधून बडतर्फ करण्यात आले होते. या प्रकरणात त्याच्यासह इतर चार जणांवर पॉक्सो अंतर्गत गुन्हा दाखल करण्यात आला आहे.

येथील महिला पोलीस ठाण्यात त्याची चौकशी करण्यात आली. बुधवारी संध्याकाळी कन्याकुमारी येथील मेडिकल कॉलेज हॉस्पिटलमध्ये त्याची वैद्यकीय चाचणी करण्यात आली. पोलीस सूत्रांच्या माहितीनुसार, त्याला न्यायालयात हजर करण्यात येणार आहे. गुन्हा दाखल झाल्यानंतर तो फरार झाला होता. इतर जिल्ह्यांत जाण्यासाठी ई-पास अनिवार्य असताना, तो जिल्ह्याच्या सीमेबाहेर गेलाच कसा, असा प्रश्न पडला असून, पोलीस याची चौकशी करत आहेत.