मुंबई: अयोध्येतील राम मंदिराच्या भूमिपूजनाच्या निर्णयाबद्दल राष्ट्रवादी काँग्रेसचे अध्यक्ष यांनी केलेल्या वक्तव्यावरील वाद संपत नाही तोच त्यांनी सोहळ्याच्या उपस्थितीबद्दल प्रतिक्रिया दिली आहे. त्यावरूनही आता राजकीय टीकाटिप्पणी सुरू झाली आहे. ‘जसजसं वय वाढतंय तसा पवार साहेबांचा हिंदू धर्मावरील रागही वाढताना दिसतोय,’ असा चिमटा माजी खासदार यांनी काढला आहे. ( taunts )

काही दिवसांपूर्वीच केंद्र सरकारनं अयोध्येतील राम मंदिराच्या भूमिपूजनचा मुहूर्त निश्चित केला होता. देशात करोनाचं असताना केंद्र सरकारनं घेतलेल्या या निर्णयाबद्दल पवार यांनी आश्चर्य व्यक्त केलं होतं. ‘राम मंदिर बांधल्यानं करोना जाईल असं काही लोकांना वाटत असेल,’ असा टोला त्यांनी हाणला होता. त्यावरून राजकीय वादंगही माजलं होतं. राज्यातील भाजप नेत्यांनी शरद पवारांवर जोरदार टीका केली होती. त्यानंतर काल एका मुलाखतीत त्यांनी भूमिपूजन सोहळ्याला उपस्थित राहण्याबाबत आपली भूमिका मांडली होती. ‘भूमिपूजनासाठी आमंत्रण मिळालं तरी मी जाणार नाही, कारण देशात सध्या करोनाची गंभीर स्थिती आहे. अशा परिस्थिती राज्यातच राहणं महत्त्वाचं आहे. राज्याच्या हिताचीही जबाबदारी मोठी आहे,’ असं ते म्हणाले होते.

‘महाराष्ट्र टाइम्स ऑनलाइन’नं या संदर्भातील वृत्त प्रसिद्ध केलं होतं. हेच वृत्त रीट्वीट करून नीलेश राणे यांनी पवारांच्या वक्तव्यावर प्रतिक्रिया दिली आहे. ते म्हणतात, ‘बातमीची हेडिंग वाचली तेव्हा वाटलं एमआयएम पक्षाचे नेते ओवेसी बोलताहेत. नंतर पवार साहेबांचं नाव दिसलं. एवढं मात्र खरं की पवार साहेबांचं वय बघून कोण काय बोलत नाही. पण, जसं जसं वय वाढतंय तसा हिंदू धर्मावर त्यांचा रागही वाढताना दिसतोय.’

नीलेश राणे हे सातत्यानं वेगवेगळ्या मुद्द्यांवर प्रतिक्रिया देत असतात. विशेषत: सत्ताधारी महाविकास आघाडीच्या नेत्यांना लक्ष्य करत असतात. यापूर्वी साखरेच्या प्रश्नावर शरद पवार यांनी केंद्र सरकारला पत्र लिहिल्यानंतरही त्यांनी सत्ताधाऱ्यांवर टीका केली होती. पवारांचे नातू व कर्जत-जामखेडचे आमदार रोहित पवार यांनी नीलेश यांना उत्तर दिल्यानंतर दोघांमध्ये बरेच दिवस ट्विटर युद्ध रंगले होते.

हेही वाचा:

गेले अनेक दिवस लाखो विद्यार्थी उत्कंठेने ज्या निकालाची आतुरतेने वाट पाहत होती, तो दहावी परीक्षेचा निकाल आज दुपारी १ वाजता जाहीर होत आहे. करोनाचे सावट राज्यातल्या कोणत्या महत्त्वाच्या परीक्षेवर आले तर ते दहावीच्या. बारावीची परीक्षा तोवर उलटून गेली होती, मात्र दहावीच्या भूगोल विषयाच्या मुख्य विषयासह काही अन्य विषयांची परीक्षा लॉकडाऊन पुकारण्यात आला त्यावेळी शिल्लक होती. परिणामी यंदा अनेक वर्षांनंतर प्रथमच भूगोलाचा पेपर रद्द करण्याची वेळ राज्य मंडळावर आली. विद्यार्थ्यांना या विषयाचे सरासरी गुण दिले जाणार असून त्यासह उर्वरित विषयांचा निकाल आज जाहीर होत आहे…निकालाचे सर्व ताजे अपडेट्स तुम्ही येथे जाणून घ्या…

– थोड्याच वेळात निकाल होणार जाहीर

– राज्य मंडळाची ११ वाजता पत्रकार परिषद

– कोणत्या वेबसाइटवर पाहता येणार निकाल?

– कसे दिले जाणार भूगोलाचे गुण?

अन्य विषयांना लेखी परीक्षेत प्राप्त झालेल्या गुणांची सरासरी काढून, त्यानुसार भूगोल विषयाचे गुण दिले जातील. तसेच दिव्यांगासाठी असणाऱ्या कार्यशिक्षण विषयाचे गुण ही सरासरी पद्धतीने दिले जाणार आहेत.

– भूगोलाचा पेपर

– दहावीची परीक्षा ३ मार्च २०२० ला सुरू झाली होती. याचदरम्यान करोनाच्या प्रादुर्भावाला सुरूवात झाली. दरम्यान, करोनाच्या वाढत्या संसर्गामुळे २३ मार्चला होणारा भूगोलाचा पेपर अखेर रद्द करण्यात आला होता. करोना प्रादुर्भावातच दहावीची परीक्षा सुरू होती. २१ मार्च रोजी १०वीचा इतिहासाचा पेपर झाला. त्यानंतर मात्र २३ मार्च रोजीचा भूगोलाचा पेपर पुढे ढकलण्यात आला असल्याचे शिक्षण मंडळाने जाहीर केले. दरम्यान, करोना संक्रमण वाढत निघाल्याने अखेर १२ एप्रिल रोजी भूगोलाचा पेपर रद्द केला असल्याचे जाहीर करण्यात आले होते.

– शिक्षणमंत्र्यांनी दिल्या विद्यार्थ्यांना शुभेच्छा

– निकालास विलंब

गेल्या वर्षी ७ जून २०१९ रोजी दहावीचा निकाल घोषित करण्यात आला होता. यंदा कोविड – १९ संसर्गाच्या संकटामुळे निकालाला जवळपास दोन महिन्यांचा विलंब झाला आहे.

– २०१९ मध्ये कसा होता दहावीचा विभागनिहाय निकाल?

कोकण- ८८.३८ टक्के
कोल्हापूर- ८६.५८ टक्के
पुणे- ८२.४८ टक्के
नाशिक- ७७.५८
मुंबई- ७७.०४ टक्के
औरंगाबाद – ७५.२०
लातूर- ७२.८७
अमरावती- ७१.९८
नागपूर- ६७.२७

– मागील वर्षीचा निकाल खूप कमी

२०१८-१९ या वर्षीचा म्हणजेच मागील वर्षीचा निकाल खूप कमी लागला होता. मागील वर्षी प्रथमच विद्यार्थी नव्या बदललेल्या अभ्यासक्रमानुसार परीक्षा देत होते. त्याचा परिणाम निकालावर जाणवला आणि निकाल तब्बल १२.३१ टक्क्यांनी घसरला होता. २००६ नंतरचा हा सर्वात कमी निकाल होता.

म. टा. प्रतिनिधी, औरंगाबाद

एखादी करोनाबाधित व्यक्ती करोनामुक्त झाल्यानंतर म्हणजेच १४ दिवसांनी संबंधित व्यक्तीपासून कुणालाही करगोनाचा संसर्ग होण्याची शक्यता नाही. त्यामुळे अशा व्यक्तींना घाबरण्याचे किंवा अशांना दूर ठेवण्याचे काहीही कारण नाही; तसेच अशा व्यक्तींशी भेदभाव होऊ नये, अशीही अपेक्षा तज्ज्ञांनी व्यक्त केली आहे.

मुळात करोनाच्या विषाणूचे आयुष्य हे १४ दिवसांपेक्षा जास्त नाही. त्यामुळे एखादी व्यक्ती करोनाबाधित झाली तर लक्षणे दिसू लागल्यानंतर दहा दिवसांपर्यंत अशा व्यक्तीकडून इतरांना संसर्ग होऊ शकतो, असे सांगताना जिल्हा शल्यचिकित्सक डॉ. सुंदर कुलकर्णी म्हणाले, ‘एखाद्या बाधित व्यक्तीला संसर्ग झाला व लक्षणे दिसू लागली तर, अशा व्यक्तीला रुग्णालयात दाखल केले जाते व इतर कोणतीही गुंतागुंत नसल्यास दहाव्या दिवशी घरी सोडले जाते. खरे तर अशा करोनामुक्त व्यक्तीकडून दहा दिवसानंतर इतरांना संसर्गाची शक्यता नसते. अर्थात, दहाव्या दिवशी करोनामुक्त व्यक्तीला सुट्टी दिल्यानंतर सात दिवस ‘होम क्वारंटाइन’चा सल्ला दिला जातो आणि त्यानंतरच अशी व्यक्ती आपल्या कामावर परतू शकते. त्यामुळे साहजिकच १४ दिवसांचा कालावधी पूर्ण होतो व १४ दिवसानंतर करोनामुक्त व्यक्तीकडून संसर्गाची कोणतीच शक्यता नसते. सुट्टी दिल्यानंतरच्या सात दिवसांत अशा व्यक्तीला काही त्रास असल्यास कळवण्याबाबत निक्षून सांगितले जाते. त्यामुळे सर्वसाधारणपणे अशा व्यक्ती सात दिवसांच्या विश्रांतीनंतर कामावर परतू शकतात.’

तीन आठवडे विश्रांतीची अनेकांना गरज

करोनामुक्त झालेल्या अनेक व्यक्तींना करोनामुक्तीनंतर कमालीचा थकवा आलेला असतो व त्यामुळेच अशा व्यक्तींनी रुग्णालयातून सुटी झाल्यानंतर तीन आठवड्यांपर्यंत घरीच विश्रांती घेतलेली उत्तम. त्याचवेळी करोनामुक्त व्यक्तीच्या बोलण्यातून किंवा संपर्कातून इतरांना संसर्गाची शक्यता नसली तरी, करोनामुक्त व्यक्तीच्या शौच्चातून ४० दिवसांपर्यंत विषाणूचा संसर्ग होण्याची शक्यता काही अभ्यासामध्ये व्यक्त करण्यात आली आहे. त्यामुळे अशा करोनामुक्त व्यक्तीचे स्वच्छतागृह इतरांनी ४० दिवसांपर्यंत न वापरलेले चांगले, असे ‘फिजिशियन्स असोसिएशन’चे शहराध्यक्ष डॉ. संजय पाटणे यांनी ‘मटा’शी बोलताना सांगितले.

करोनामुक्त व्यक्तीपासून १४ दिवसानंतर दुसऱ्याला संसर्ग होण्याची कोणतीही शक्यता नसते. त्यामुळे अशा करोनामुक्त व्यक्तींना विनाकारण घाबरू नये किंवा अशा व्यक्तींशी भेदभाव करू नये.

– डॉ. सुंदर कुलकर्णी, जिल्हा शल्यचिकित्सक

करोनामुक्त व्यक्तीला ‘म्युटेशन’मुळे पूर्वीपेक्षा वेगळ्या जातीच्या (स्ट्रेन) विषाणूपासून संसर्ग होऊ शकतो, असे शास्त्रीयदृष्ट्या मानण्यात येत असले तरी, प्रत्यक्षात अशी उदाहरणे समोर आलेली नाहीत.

– डॉ. संजय पाटणे, शहर अध्यक्ष, फिजिशियन्स असोसिएशन

नवी दिल्ली : समावेश असलेले ‘समाजवाद’ ( – ) आणि ‘धर्मनिरपेक्ष’ (सेक्युलर – ) हे शब्द हटविण्यासाठी सर्वोच्च न्यायालयात याचिका दाखल करण्यात आली आहे. ४२ व्या घटनादुरुस्तीनुसार या शब्दांचा सरनाम्यात समावेश करण्यात आला होता. १९७६ साली करण्यात आलेली ही दुरुस्ती राज्यघटनेच्या तत्वाच्या, तसेच भारताच्या ऐतिहासिक आणि सांस्कृतिक गाभ्याच्या विसंगत असल्याचे याचिकेत म्हटले आहे. या दुरुस्तीमुळे राज्यघटनेतील भाषण आणि अभिव्यक्ती स्वातंत्र्याच्या कलम १९(१) कलमाचा आणि धार्मिक स्वातंत्र्याच्या कलम २५चे उल्लंघन होत असल्याचेही याचिकेत म्हटलं गेलंय. कम्युनिस्टांची राज्याची कल्पना देशाच्या धार्मिक आणि आर्थिक – सामाजिक स्थितीशी मिळतीजुळती नसल्यानं ती भारताच्या संदर्भात लागू करता येणार नाही, असंही तीन याचिकाकर्ते वकील बलरामसिंग आणि करुणेशकुमार शुक्ला, तसेच प्रवेशकुमार यांचं म्हणणं आहे.

वाचा :

वाचा :

याचिकेत प्रस्तावनेतून या शब्दांना हटवण्याची मागणी करताना म्हटलं गेलंय, की हे दोन्हीही शब्द मूळ संविधानात नव्हते. ४२ व्या संशोधनाद्वारे ३ जानेवारी १९७७ रोजी ते जोडण्यात आले. जेव्हा हे दोन शब्द प्रस्तावनेत जोडले गेले त्यावेळी देशात आणीबाणी लागू होती. यावर कोणत्याही सदनात चर्चा झाली नाही आणि कोणत्याही चर्चेविना हे दोन्ही शब्द संमत करण्यात आले. संविधान सभेचे सदस्य के टी शाह यांनी तीन वेळा ‘धर्मनिरपेक्ष’ हा शब्द संविधानात जोडण्याचा प्रस्ताव दिला होता परंतु, तीनही वेळा संविधान सभेनं हा प्रस्ताव धुडकावू लावला. इतकंच नाही तर घटनाकार डॉ. बाबासाहेब आंबेडकर यांनीदेखील या प्रस्तावाचा विरोध केला होता.

के टी शाह यांनी पहिल्यांदा १५ नोव्हेंबर १९४८ रोजी ‘धर्मनिरपेक्ष’ शब्द जोडण्याचा प्रस्ताव दिला जो फेटाळण्यात आला. दुसऱ्यांदा त्यांनी २५ नोव्हेंबर १९४८ रोजी आणि तिसऱ्यांदा ३ डिसेंबर १९४८ रोजी शाह यांनी प्रस्ताव दिला परंतु, संविधान सभेनं तो फेटाळून लावला.

वाचा :

वाचा :

धर्मनिरपेक्ष… व्यक्ती आणि सरकार!

अनुच्छेद १४, १५ आणि २७ सरकार धर्मनिरपेक्ष असल्याचं सांगतं म्हणजेच सरकार कुणाहीसोबत धर्म, भाषा, जात, स्थान किंवा वर्णाच्या आधारावर भेदभाव करणार नाही. परंतु, अनुच्छेद २५ नागरिकांना धार्मिक स्वतंत्रतेचा अधिकार देतं. यामध्ये व्यक्तीला आपला धर्म सर्वश्रेष्ठ मानण्याचा आणि त्याचा प्रचार करण्याचा अधिकार देण्यात आलाय. यात म्हटल्यानुसार नागरिक धर्मनिरपेक्ष नसतात, सरकार धर्मनिरपेक्ष आहे, असंही या याचिकेत म्हटलं गेलंय.

धर्माच्या आधारावर राजकीय संघटना?

संविधानानुसार, राजकीय पक्षांना नोंदणी करताना धर्मनिरपेक्षता सिद्धांताचं पालन करण्याची घोषणा करावी लागते. लोकप्रतिनिधी कायद्याच्या कलम १२३ नुसार, आम्ही धर्माच्या आधारावर मतं मागणार नाही परंतु, याचा अर्थ हा नाही की धर्माच्या आधारावर संघटना निर्माण केली जाऊ शकत नाही, असंही या याचिकेत म्हटलं गेलंय. यामध्ये न्यायमूर्ती डी वाय चंद्रचूड यांच्या अल्पमताच्या निर्णयाचा संदर्भ दिला गेलाय. यानुसार, संविधानाला हे माहीत आहे की भूतकाळात जात, धर्म, भाषा इत्यादीच्या आधारावर भेदभाव आणि अन्याय झाला आहे. त्यामुळे याविरुद्ध आवाज उचलण्यासाठी संघटना स्थापन करता येऊ शकते. तसंच राजकारणात या आधारावर लोकांना संघटीत करता येऊ शकतं.

याचिकाकर्त्यांच्या म्हणण्यानुसार, त्यांना एक राजकीय पक्षाची स्थापना करायची आहे परंतु, कलम २९ ए अंतर्गत त्यांना घोषणा करायची नाही. सरकारला लोकांना समाजवाद आणि धर्मनिरपेक्ष सिद्धांताचं पालन करण्यासाठी सक्ती करण्याचा अधिकार नाही, असं कोर्टानं घोषित करावं अशी मागणी याचिकेद्वारे करण्यात आलीय.

वाचा :

वाचा :

वाचा :

मुंबई: राज्यात सर्वाधिक करोनाची सर्वाधिक रुग्णसंख्या असलेल्या मुंबई, पुणे व आसपासच्या परिसरात पुढच्या आठ दिवसांत रुग्ण आणखी कमी होतील, असा विश्वास राज्याचे आरोग्यमंत्री यांनी व्यक्त केला आहे. मात्र, संपूर्ण महाराष्ट्राचा विचार केल्यास ऑगस्टच्या अखेरपर्यंत रुग्ण वाढतच राहतील, असंही त्यांनी सांगितलं.

‘टाइम्स ऑफ इंडिया’शी बोलताना त्यांनी ही माहिती दिली. उर्वरीत महाराष्ट्राच्या तुलनेत नव्या रुग्णांची वाढ अजूनही पुणे व मुंबईमध्येच जास्त आहे. मात्र, हे वाढीचं कमाल प्रमाण आहे. यापुढं पुणे, मुंबईतील रुग्ण वाढणार नाहीत. उलट पुढील आठ ते दहा दिवसांत रुग्णवाढीचा आकडा घसरत जाईल. पुणे व मुंबईतील परिस्थिती पूर्णपणे स्थिर व्हायला आणखी काही वेळ लागेल. उर्वरीत राज्यात मागील काही दिवसांपासून चाचण्यांची संख्या वाढली आहे. त्यामुळं पुढील महिन्याच्या अखेरपर्यंत करोनाचे रुग्ण वाढतच राहतील. त्यानंतर घसरण सुरू होईल,’ असा अंदाज टोपे यांनी व्यक्त केला.

एखाद्या शहरातील २० ते २५ टक्के लोकसंख्येला करोनाची लागण झाल्यानंतर रुग्णसंख्येत घसरण होते, असं सर्वसाधारण निरीक्षण आहे. कोविड टास्क फोर्सचे सदस्य डॉ. शशांक जोशी यांनी टोपेंच्या या विधानाशी सहमती दर्शवली. मुंबईसह काही जिल्ह्यांनी रुग्णसंख्येचा कमाल आकडा गाठला आहे. त्यामुळं आता हा आकडा घसरू लागलाय,’ असं ते म्हणाले.

निरीक्षण अधिकारी डॉ. प्रदीप आवटे यांनी करोना संदर्भातील गुंतागुंतीची माहिती दिली. ‘करोनाच्या रुग्णसंख्येचा राज्यातील ट्रेंड संमिश्र आहे. एका विभागाची परिस्थिती दुसऱ्या विभागासारखी नाही. प्रत्येक ठिकाणचं चित्र वेगळं आहे. विदर्भातील ११ जिल्ह्यांपैकी फक्त अकोला व अमरावतीतील रुग्णसंख्या आणि मृत्यूचा दर उत्तर महाराष्ट्राशी साम्य दाखवतो. नागपूरमधील करोना मृत्युदर राज्यातील इतर कुठल्याही जिल्ह्याशी तुलना करता येण्यासारखा नाही. नागपूरमध्ये जवळपास ४ हजार रुग्ण आहेत. मात्र, तिथं ६५ पेक्षाही कमी मृत्यू झाले आहेत. इतर जिल्ह्यात हे प्रमाण खूपच वेगळं आहे,’ असं आवटे म्हणाले.

म. टा. प्रतिनिधी, : आजारपणाला कंटाळून पत्नीचा गळा आवळून खून केल्यानंतर पतीनेही गळफास घेऊन आत्महत्या केल्याचा धक्कादायक प्रकार परिसरात उघडकीस आला आहे. या प्रकरणी अलंकार पोलीस ठाण्यात गुन्हा दाखल करण्यात आला आहे.

अविनाश हेमंत गोरे (वय ६९) व वैशाली हेमंत गोरे (रा. ए ४ गंगा विष्णू संकूल, कर्वेनगर) अशी मृत्यू झालेल्यांची नावे आहेत. या प्रकरणी अविनाश यांच्यावर खुनाचा गुन्हा दाखल करण्यात आला आहे. पोलिसांनी दिलेल्या माहितीनुसार, अविनाश व त्यांची पत्नी हे दोघे गेल्या काही दिवसांपासून आजारी होते. या आजारपणाला कंटाळून अविनाश यांनी पत्नीचा गळा दाबून खून केला. त्यानंतर स्वत: ओढणीच्या साह्याने घरात गळफास घेऊन आत्महत्या केली. त्यांनी दोन दिवस दरवाजा न उघडल्यामुळे नागरिकांनी पोलिसांना फोन करून घटनेची माहिती दिली. त्यानंतर हा सर्व प्रकार उघडकीस आला. या प्रकरणी अलंकार पोलीस अधिक तपास करत आहेत.

दरम्यान, सोमवारीच पिंपरी-चिंचवडमधील भालेकर नगर, पिंपळे गुरव परिसरात एका महिलेने आपल्या पोटच्या ४ वर्षीय मुलीची भिंतीवर डोके आपटून हत्या केली होती. त्रास देते म्हणून तिनं मुलीची हत्या केली. पोलिसांनी दिलेल्या माहितीनुसार, मुलगी त्रास देत असल्यानं तिच्या आईनं पोटच्या चार वर्षांच्या मुलीचा भिंतीवर डोके आपटून आणि मोबाईल चार्जरच्या वायरने गळा आवळून खून केला. सासूच्या दशक्रिया विधीसाठी कुटुंबीय बाहेर गेले होते. त्यावेळी तिनं मुलीची हत्या केली. सविता दीपक काकडे (वय २२, रा. भालेकर नगर, पिंपळे गुरव, सांगवी) या निर्दयी मातेला पोलिसांनी ताब्यात घेतले आहे. तर रिया दीपक काकडे (वय ४) असं मृत मुलीचं नाव आहे.

मुंबई: अभिनेता आत्महत्या प्रकरणास वेगळे वळण मिळाले आहे. सुशांत सिंहचे वडील कुंदन कुमार यांनी सुशांतची मैत्रीण रिया चक्रवर्ती हिने त्यास आत्महत्येस प्रवृत्त केल्याचा आरोप करत बिहार येथील न्यायालयात तक्रार दाखल केली आहे. याप्रकरणी बिहार पोलिसांचे पथक मुंबईत दाखल झाले आहे.

सुशांतसिंह राजपूत आत्महत्याप्रकरणात सुशांतच्या वडिलांनी बिहारमधील पाटण्यातील राजीवनगर पोलिस ठाण्यात तक्रार नोंदविली आहे. सुशांतकडून पैसे घेऊन त्यास आत्महत्येस प्रवृत्त केल्याचा आरोप त्यांनी केला आहे. याप्रकरणी पाटणा पोलिसांनी मुंबईत येऊन पोलिस उपायुक्तांचीही भेट घेतली आहे. राजीवनगर पोलिस ठाण्याचे प्रमुख असलेल्या अधिकाऱ्यांच्या नेतृत्त्वाखाली चार सदस्यांच्या पथकाने याप्रकरणी मुंबईत दाखल झाले आहेत.

मुख्य कार्यकारी अधिकाऱ्याकडे चौकशी
धर्मा प्रॉडक्शनचे मुख्य कार्यकारी अधिकारी अपूर्व मेहता हे पोलिसांच्या समन्सनुसार मंगळवारी अंबोली पोलिस ठाण्यात आले होते. सुशांतने धर्मा प्रॉडक्शनच्या ‘ड्राइव’ चित्रपटात भूमिका केली होती. त्यांनी सोबत कराराच्या प्रतीही आणल्या होत्या. आतापर्यंत पोलिसांनी आत्महत्या प्रकरणात जवळपास ४० जणांकडे चौकशी केली आहे.