Friday, January 27, 2023
Home Blog Page 5242

करोनाची भिती; आदर्शगाव हिवरे बाजारमध्ये होणार धार्मिक ग्रंथाचे वाचन

0

म.टा. प्रतिनिधी, नगरः आदर्शगाव हिवरे बाजारमध्ये करोनाचे रुग्ण नसले तरी प्रसार माध्यमांतील बातम्या वाचून ग्रामस्थांच्या मनात भितीचे वातावरण आहे. लोकांच्या मनातील ही भिती दूर करण्यासाठी आणि विशेष म्हणजे लोकांना घरातच गुंतवून ठेवून बाहेर पडणे टाळण्यासाठी गावाने एक भन्नाट उपाय हाती घेतला आहे. ग्रामपंचायत कार्यालयासमोर दररोज एक तास संविधानाचं पारायण होणार आहे तर प्रत्येक नागरिक घरात दिवसातून तीन वेळा आपापल्या धार्मिक ग्रंथाचे वाचन करणार आहेत.

राज्याच्या आदर्श गाव संकल्प व प्रकल्प समितीचे कार्याध्यक्ष व हिवरे बाजारचे सरपंच पोपटराव पवार यांनी या उपक्रमाची माहिती दिली. हिवरे बाजारामध्ये हनुमान मंदिराच्या जीर्णोद्धाराचे काम सुरू आहे. तेथे हनुमान, राम, लक्ष्मण, सीता, विठ्ठल, रुक्मिणी, संत ज्ञानेश्वर, संत तुकाराम यांच्या मूर्तींची प्राणप्रतिष्ठा लॉकडाउन संपल्यानंतर करण्यात येणार आहे. सध्या करोनाचे संकट आहे. त्यावर मात करण्यासाठी यावर आधारितच उपक्रम घेतला आहे. गावात दररोज एक तास भारतीय संविधानाचे वाचन ग्रामपंचायत कार्यालयासमोर होणार आहे. याशिवाय प्रत्येकाने स्वतःच्या घरात सकाळ, दुपार, संध्याकाळ आपापल्या धार्मिक ग्रंथाचे पारायण करायचे आहे. यामध्ये विशेषतः साईचरित्र, हनुमान चालीसा, रामरक्षा, ज्ञानेश्वरी गाथा, गुरुचरित्र, ग्रामगीता, बौध्दतत्त्वज्ञान, कुराण, बायबल, नवनाथगाथा यांचे पारायण होणार आहे. यातून मनोबल वाढण्याचा प्रयत्न होणार असून ताणतणाव दूर होऊन आनंद मिळेल व कुटुंबातील स्नेहभाव वाढेल. मुख्य म्हणजे निष्कारण बाहेर फिरणेही कमी होईल.

गेल्या चार महिन्यांपासून करोनाच्या नियमांचे अतिशय काटेकोर पालन ग्रामस्थांनी केले. त्यामुळे आजपर्यंत एकही करोना बाधित रुग्ण आढळला नाही. सध्या करोनाने जगभर थैमान घातले बातम्या पाहून सर्वत्र भितीचे वातावरण निर्माण झाले आहे. करोनाचा प्रादूर्भाव ग्रामीण भागात सुद्धा झपाट्याने सुरु झाला आहे. त्यातून बाहेर पडण्यासाठी हिवरे बाजार येथे या विशेष उपक्रमाचे आयोजन करण्यात आले आहे. श्रावण महिन्यात सर्वत्र भक्तिमय वातावरण असते. अनेक गावांत सार्वजनिक अखंड हरिनाम सप्ताह आयोजित केले जातात. अनेक घरांत महिनाभर धार्मिक ग्रंथांचे पारायण केले जाते. याचा पद्धतीचा वापर करोनासंबंधीच्या उपाययोजनांसाठी करण्यात येणार आहे.

Maharashtra News, Latest Maharashtra News in Marathi, ‎महाराष्ट्र ठळक बातम्या | Maharashtra Times

गहलोत सरकारचा राज्यपालांना नवा प्रस्ताव; विश्वासदर्शक ठरावाचा उल्लेख नाही

0

जयपूर: राजस्थानमध्ये राजकीय उलथापालथ सुरूच आहे. दरम्यान, अशोक गेहलोत सरकारने () कालराज मिश्रा यांना विधानसभेचे अधिवेशन (assembly session) बोलावण्याचा नवा प्रस्ताव पाठविला आहे. या बाबत मिळालेल्या माहितीनुसार, या प्रस्तावात ३१ जुलैपासून विधानसभेचे अधिवेशन बोलविण्याची मागणी करण्यात आली आहे. नवीन प्रस्तावात विश्वासदर्शक ठरावाचा उल्लेख नाही. या प्रस्तावात कोरोना विषाणूच्या स्थितीबद्दल चर्चा करण्याविषयी उल्लेख आहे. कोरोनासह काही विधेयकावरील चर्चेचा या प्रस्तावात देखील उल्लेख करण्यात आला आहे. (Rajasthan govt sends new proposal to and asks to start assembly session on july 31st)

३१ जुलैपासून सरकारने विधानसभा अधिवेशनाबाबत प्रस्ताव पाठविला
शनिवारी राज्यपालांना पाठविण्याच्या सुधारित प्रस्तावाला गेहलोत मंत्रिमंडळाने मान्यता दिली. त्यानंतर हा प्रस्ताव राज्यपालांना रविवारी पाठविण्यात आला. नवीन प्रस्तावामध्ये कोरोना विषाणूच्या स्थितीचा उल्लेख करण्यात आला आहे. यात बहुमत चाचणीचा उल्लेख टाळण्यात आला आहे. विधानसभेचे अधिवेशन ३१ जुलैपासून बोलविण्यात यावे, असे मुख्यमंत्र्यांनी ठरावामध्ये म्हटले आहे. यापूर्वी काँग्रेसच्या आमदारांनीही विधानसभा अधिवेशनाच्या मागणीसाठी निदर्शने केली होती. त्यासाठी शुक्रवारी काँग्रेसच्या आमदारांनी राजभवनाच्या लॉनवर धरणे आंदोलन केले.

वाचा:

नवीन प्रस्तावात कोरोना हाच मुख्य अजेंडा
राज्यपाल कलराज मिश्रा यांनी शुक्रवारी राज्य भवन येथे या निदर्शनासंदर्भात सहा मुद्द्यांवर स्पष्टीकरण मागितले. यानंतर शनिवारी मुख्यमंत्र्यांच्या निवासस्थानी मंत्रिमंडळाची बैठक झाली. त्यात राज्यपालांनी उपस्थित केलेल्या मुद्द्यांवर चर्चा करण्यात आली. त्यानंतर सुधारित प्रस्तावाला मान्यता देण्यात आली. विचारविनिमयानंतर, सर्व कायदेशीर प्रक्रिया आणि तरतुदी लक्षात घेऊन सुधारित प्रस्ताव तयार करण्यात आला. आता हा प्रस्ताव सरकारच्या वतीने राज्यपालांना पाठविण्यात आला आहे.

वाचा:

राज्यपाल कलराज मिश्रा यांच्या निर्णयाच्या प्रतीक्षेत

त्याचबरोबर शनिवारी काँग्रेस विधिमंडळ पक्षाच्या बैठकीत सीएम गरज भासल्यास आम्ही राष्ट्रपती भवनात राष्ट्रपतींना भेटायला जाऊ, असेही म्हटले होते. तसेच गरज भासल्यास आम्ही पंतप्रधानांच्या घराबाहेर देखील निदर्शने करू, अशी भूमिकाही गेहलोत यांनी घेतली होती. आता मात्र, गेहलोत विधानसभेचे अधिवेशन बोलण्याची मागणी करीत आहेत. हे पाहता त्यांनी राज्यपालांना नवीन प्रस्ताव पाठविला आहे. तथापि, या नव्या प्रस्तावात विश्वासदर्शक ठरावाचा उल्लेख नाही. आता, नवीन प्रस्तावाबद्दल राज्यपाल कलराज मिश्रा काय निर्णय घेतात याकडे सर्वांचे लक्ष लागले आहे.

वाचा:

Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times

मानखुर्दच्या चिल्ड्रन्स होममध्ये २९ गतिमंद मुलांना करोनाची बाधा

0

नवी मुंबईः महाराष्ट्रात करोनाचा विळखा अधिक घट्ट होताना दिसत आहे. दिवसेंदिवस करोना रुग्णांची संख्या वाढत असताना आता करोनानं मानखुर्दच्या चिल्ड्रन्स होममध्येदेखील शिरकाव केला आहे. मानखुर्द येथील गतीमंती व्यक्तींसाठी असलेल्या शेल्टर होममधील २९ मुलांना करोनाची लागण झाली आहे.

मानखुर्द येथील बालसुधारगृह परिसरात गतिमंद व्यक्तींसाठी शेल्टर होम असून यात लहान मुलांपासून वृद्ध व्यक्तींनाही ठेवण्यात आलं आहे. व्यवस्थापनाने दोन आठवड्यांपूर्वी मुंबई महानगरपालिकेशी संबंध साधून काही मुलांना खोकला असल्याची माहिती दिली होती. यानंतर मुंबई महानगरपालिकेच्या वतीने याठिकाणी फिव्हर कॅम्प चे आयोजन करण्यात आले होते. या कॅम्पमध्ये एकूण २६८ मुलांची स्क्रिनिंग करण्यात आली. त्यातील ८४ मुलांमध्ये करोनाची लक्षणे आढळून आल्याने त्यांची करोना टेस्ट करण्यात आली.

करोनाची टेस्ट केल्यानंतर त्यातील ३० मुलांचा अहवाल पॉझिटिव्ह आला आहे. तर त्यातील २ मुलांना कर्करोग आहे. या दोन्ही मुलांवर सायनच्या लोकमान टिळक रुग्णालयात उपचार सुरु आहेत. तर उर्वरित मुलांना बीकेसीतील कोव्हिड केअर सेंटरमध्ये हलवण्यात आलं आहे. तसंच, हा संपूर्ण परिसर सील करण्यात आला असून महापालिकेकडून सर्व ती खबरदारी घेण्यात येत आहे. अशी माहिती खासदार राहुल शेवाळे यांनी दिली आहे. दरम्यान, चिल्ड्रन्स होममध्ये करोनाचा फैलाव नेमका कसा झाला, याची चौकशी करण्याची मागणी करण्यात येत आहे.

दरम्यान, राज्यात करोनामुळे काल आणखी २५७ रुग्ण दगावले असून मृतांची एकूण संख्या आता १३ हजार ३८९ इतकी झाली आहे. राज्यात सध्या ३.६५ इतका मृत्यूदर आहे. राज्यात काल दिवसभरात ९२५१ नवीन करोना बाधित रुग्णांची नोंद झाली. या रुग्णांना राज्यातील विविध कोविड रुग्णालयांमध्ये दाखल करण्यात आले आहे. त्याचवेळी दिलासा देणारी बाब म्हणजे आज ७२२७ रुग्ण करोनावर मात करून आपल्या घरी परतले आहेत. दरम्यान, राज्यात आतापर्यंत १८ लाख ३६ हजार ९२० जणांची करोना चाचणी करण्यात आली असून त्यातील ३ लाख ६६ हजार ३६८ जण करोना पॉझिटिव्ह आढळले आहेत.

Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times

हार्दिकच्या घरी पाळणा हलणार… नताशाच्या बेबी बंपसह शेअर केला फोटो

0

भारताचा अष्टपैलू क्रिकेटपटू हार्दिक पंड्याच्या घरी आता पाळणार हलणार आहे. हार्दिकने आपली पत्नी नताशाबरोबरचा एक रोमँटीक फोटो सोशल मीडियावर पोस्ट केला आहे. हा फोटो आता चांगलाच व्हायरल झालेला पाहायला मिळत आहे.

भारतीय क्रिकेट संघातील अष्ठपैलू हार्दिक पंड्या () बाबा होणार आहे. काही दिवसांपूर्वी हार्दिकने त्याची गर्लंफ्रेंड नताशा स्टॅन्कोविक () सोबत विवाह केल्याची आणि आपण बाबा होणार असल्याचे सांगितले होते. पण आता हार्दिकने नताशाबरोबरचा काढेलला फोटो हा रोमँटीक आहे. चाहत्यांनी या फोटोला उस्फुर्तपणे प्रतिसाद दिल्याचे पाहायला मिळत आहे.

करोजनामुळे सध्याच्या घडीला भारतातील क्रिकेटपटू आपल्या घरीच आहे. ते मैदानात सराव करतानाही दिसत नाहीत. पण दुसरीकडे हार्दिकने मात्र आपल्या चाहत्यांसाठी पत्नीबरोबरचा एक रोमँटीक फोटो शेअर केल्याचे पाहायला मिळत आहे. संपूर्ण पंड्या कुटुंबीय घरातील नव्या पाहूण्याच्या स्वागताची तयारी करत आहे. हार्दिकने इस्टाग्रामवर नताशाच्या बेबी बंपसह एक फोटो शेअर केला आहे. हार्दिकने शेअर केलेला हा फोटो आता चांगलाच व्हायरल झालेला आहे.

हार्दिकने या वर्षाच्या सुरुवातीला नताशाबरोबर साखरपुडा केला होता. ही बातमीही हार्दिकने आपल्या चाहत्यांना सोशल मीडियाच्या माध्यमातूनच दिली होती. त्यानंतर हार्दिकने नताशाबरोबर लग्न केलं आणि आपल्या घरी नवीन पाहुणा येणार असल्याचेही जाहीर केले. हार्दिकने आपल्या लग्नाचे काही फोटो सोशल मीडियावर पोस्ट केले होते आणि चाहत्यांनी या फोटोंना जबरदस्त प्रतिसाद दिला होता. आता नताशा गर्भवती असल्याचे फोटोही हार्दिकने सोशल मीडियावर पोस्ट केले असून ते चांगलेच व्हायरल होताना दिसत आहेत.

हार्दिक केल्या अनेक महिन्यांपासून क्रिकेटपासून दूर आहे. गेल्या वर्षी इंग्लंड मध्ये झालेल्या वर्ल्ड कपनंतर त्यांनी कोणताही वनडे सामना खेळला नाही. त्याने अखेरचा टी-२० सामना सप्टेंबरमध्ये खेळला होता. त्यानंतर दुखापतीमुळे त्याच्यावर शस्त्रक्रिया करण्यात आली. मार्च महिन्यात आफ्रिकेविरुद्धच्या वनडे संघात त्याला संधी मिळणार होती पण करोनामुळे ही मालिका रद्द झाली.

Sports News in Marathi: Latest Marathi News on Cricket, Football, Tennis, Hockey & more | Maharashtra Times

अमेरिकेत करोनानंतर 'या' आजाराचा हाहाकार; ६०० जण बाधित

0

वॉशिंग्टन: करोनाचा आजार झालेल्या रुग्णांची संख्या ४० लाखांच्या घरात पोहचली असताना आता अमेरिकेत आणखी एका आजाराने डोकेवर काढले आहे. या आजारामुळे अमेरिकेत ६०० हून अधिकजण आजारी झाल्याने खळबळ उडाली आहे. हवाबंद सॅलडच्या पाकिटातून हा आजार पसरला आहे.

हवाबंद सॅलड पाकिटामध्ये आइसबर्ग लेटस, गोभी आणि गाजर असतात. हा परजीवी विषाणू सॅलडमध्ये आढळला आहे. साइक्लोस्पोरा आजाराची सुरुवातीचे रुग्ण मे महिन्यात आढळले होते. त्यानंतर जुलै महिन्यात या आजाराशी निगडीत रुग्णांची संख्या वाढली. जॉर्जिया, आयोवा, इलिनोइस, मिनेसोटा, पेन्सिल्वियासह ११ राज्यांमध्ये हा आजार पसरला आहे. रुग्णांच संख्या ६०० हून अधिक झाल्यामुळे अन्न आणि औषध प्रशासनाने याची गंभीर दखल घेतली असून आजाराचा तपास सुरू केला आहे.

वाचा:

फ्रेश एक्स्प्रेस या कंपनीने ही सॅलडची पाकिटे बाजार आणली होती. अमेरिकेतील अनेक मोठ्या रिटेल स्टोरमध्ये याची विक्री होते. अन्न आणि औषध प्रशासनाने लोकांना हवाबंद पाकिटामधील सॅलड न खाण्याचे आवाहन केले आहे. त्याशिवाय रेस्टोरंट, किरकोळ विक्रेत्यांनाही ग्राहकांना सॅलड न देण्याची सूचना केली आहे. प्रशासनाकडून विक्रीस ठेवण्यात आलेल्या सॅलडच्या पाकिटांची तपासणी सुरू करण्यात आली आहे.

वाचा:

सायक्लोस्पोरियासिस सूक्ष्म परजीवींशी संबंधित आजार आहे. भूक न लागणे, पोट फुगणे, मळमळ, सौम्य ताप, थकवा आणि अतिसार अशी या आजाराची लक्षणे आहेत. ही लक्षणे साधारणत: पॅकेटमधील अन्न किंवा पाणी प्यायल्यानंतर एका आठवड्यांनी दिसतात.

वाचा:

दरम्यान, जगभरात दीड कोटींहून अधिकजणांना करोनाची बाधा झाली आहे. तर, सहा लाखांहून अधिकजणांचा मृ्त्यू झाला आहे. तर, जवळपास ९५ लाखांहून अधिकजणांनी करोनावर मात केली आहे. करोनाची पहिली लाट आशिया आणि दक्षिण अमेरिकेत वाढत असून करोनाबाधितांच्या संख्येत दिवसेंदिवस वाढ होत आहे. अमेरिकेत करोनाचा सर्वाधिक संसर्ग फैलावला असून आतापर्यंत ३९ लाख करोनाबाधित आढळले असून एक लाख ४० हजार जणांचा मृ्त्यू झाला आहे. अमेरिकेनंतर ब्राझील आणि भारतात सर्वाधिक करोनाबाधित आढळले आहेत

Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times

बापरे! लाईट बिल पाहून हरभजन सिंगचीच पडली विकेट, तुम्हीही चक्रावाल…

0

भारताचा फिरकीपटू हरभजन सिंगने आतापर्यंत क्रिकेटच्या मैदानात बऱ्याच विकेट्स घेतल्या आहे. पण सध्याच्या घडीला लाईट बिल पाहून हरभजनची विकेट पडल्याचे पाहायला मिळाले आहे. कारण एवढी रक्कम लाईट बिलमध्ये आली असून हरभजन यामुळे चक्रावून गेला आहे. पण आता हे बिल भरायचे की नेमके काय करायचे, असा प्रश्न त्याने सोशल मीडियाच्या माध्यमातून वीज पुरवठा करणाऱ्या कंपनीलाच विचारला आहे.

करोनाच्या काळात लाईटचे मीटर रिडींग करणारे व्यक्ती आलेले नाहीत. त्यामुळे ते आता अंदाजाने लाईट बिल पाठवत आहेत. यापूर्वीही काही जणांना आतापर्यंत न भरलेली रक्कम लाईट बिलमध्ये आली आहे. त्यामुळे एवढी मोठी रक्कम भरायची तरी कशी, हा प्रश्न त्यांच्यापुढे आहे. यावेळी हरभजनने तर चक्क वीज पुरवठा करण्याचा कंपनीला चांगलेच धारेवर घेतल्याचे पाहायला मिळत आहे. कारण आतापर्यंत कधीही एवढे लाईटचे बिल हरभजनला आले नव्हते. पण आता यावेळी नेमके करायचे तरी काय, हा प्रश्नच त्याने वीज पुरवठा करणाऱ्या कंपनीला विचारला आहे.

हरभजन यावेळी जवळपास सात पटीने जास्त लाईटचे बिल आल्याचे पाहायला मिळत आहे. काही दिवसांपूर्वी बऱ्याच सेलिब्रेटींना असाल अनुभव आला होता. त्यांनीही सोशल मीडियाच्या माध्यमातून आवाज उठवला होता. वीज पुरवठा करणारी कंपनीचे डोके ठिकाणावर तरी आहे ना, असा रोष आता लोकांच्या मनात आहे. कारण आतापर्यंतच्या बिलाच्या बऱ्याच पटीने यावेळी त्यांना लाईट बिल आल्याचे पाहायला मिळाले आहे.

हरभजनला यावेळी सात पट जास्त बिल आले आहे. हरभजनच्या बिलचा आकडा पाहाल तर तुम्हीही हैराण व्हाल. कारण हरभजनला यावेळी ३३, ९०० एवढं बिल आलं आहे. हरभजनच्या घरी अदानी ही कंपनी वीर पुरवठा करते. त्यामुळे त्याने आता अदानी या कंपनीला धारेवर धरले आहे. हरभजन यावेळी म्हणाला की, ” पूर्ण एरियाचं बिल मला पाठवलंय का? हरभजनला ३३, ९०० एवढे लाईट बिल आहे. हे माझ्यासाठी दर महिन्याला येणाऱ्या बिलाच्या सात पटआहे.”

हरभजनने आपल्याला सातपट बिल आल्याचे म्हटले आहे. याचा अर्थ हरभजनला दर महिन्याला ४५००-५००० हजार एवढे लाईट बिल येत असावे. पण यावेळी तर चक्क त्याला ३३, ९०० एवढे लाईट बिल आल्याचे म्हटले जात आहे.

Sports News in Marathi: Latest Marathi News on Cricket, Football, Tennis, Hockey & more | Maharashtra Times

अंधश्रद्धेचे बळी! भूत उतरवण्यासाठी मारहाण; काकासह आजीचा जीव घेतला

0

कल्याण: अंगात संचारलेले भूत उतरवण्यासाठी मांत्रिकाच्या सांगण्यावरून तंत्रमंत्रानंतर केलेल्या बेदम मारहाणीत आजी आणि काकाचा मृत्यू झाल्याची घटना कल्याणमधील खडकपाडा परिसरात घडली. पंढरीनाथ तरे (वय ५०) आणि चंदूबाई तरे (वय ७६) अशी मृत्यू झालेल्यांची नावे आहेत. या प्रकरणी पंढरीनाथ यांची पुतणी कविता कैलास तरे (वय २७), विनायक कैलास तरे (वय २२) आणि मांत्रिक सुरेंद्र पाटील (वय ३५) यांच्यासह मृताच्या अल्पवयीन मुलाला पोलिसांनी अटक केली आहे. खडकपाडा पोलीस या घटनेचा तपास करत आहेत.

मृताची पुतणी कविता तरे हिच्या अंगात दैवीशक्ती संचारत असल्यामुळे तिला पंढरीनाथ यांची पत्नी आणि कविताची आई सुरेंद्र पाटील या मांत्रिकाकडे नियमित घेऊन जात असत. ढोंगी मांत्रिक सुरेंद्र याने त्यांना पंढरीनाथ आणि चंदूबाई या दोघांना भूतानं पछाडले असून, घराला त्याचा त्रास होत असून हे भूत उतरवल्यास घरात भरभराट येईल, असे सांगितले. त्यांच्या अंगातील भूत तंत्रमंत्र करून पळवावे लागेल अशी बतावणी केली. या अंधश्रद्धेला बळी पडत विनायक आणि कविता यांनी काका आणि आजीचे मन वळवून त्यांना अंगातील भूत उतरवून घेण्यास तयार केले. यानंतर पंढरीनाथ तरे यांच्या अटाळी येथील राहत्या घरातच भूत उतरविण्याची तयारी केली गेली.

२५ जुलैला दुपारी ४ वाजल्यापासून हा जीवघेणा प्रकार सुरू झाला. त्यात मृताचा अल्पवयीन मुलगादेखील सामील झाला. दुपारी ४ वाजण्याच्या सुमारास चंदूबाई आणि पंढरीनाथ यांच्या अंगावर हळद टाकून त्यांना काठीने बेदम मारहाण करण्यात आली. हा अघोरी प्रकार दुपारी ४ वाजल्यापासून रात्री पावणेनऊ वाजेपर्यंत सुरू होता. मांत्रिकासह इतर तिघांनी पंढरीनाथ आणि चंदूबाई यांना मारहाण केली. या मारहाणीत या दोघांचाही अखेर दुर्दैवी मृत्यू झाला. या घटनेची माहिती मिळताच मयताचा भाचा देवेंद्र भोईर याने तातडीने घटनास्थळी धाव घेतली. मात्र तोपर्यंत उशीर झाला होता. देवेंद्र याच्या तक्रारीवरून खडकपाडा पोलिसांनी पहाटे गुन्हा दाखल केला असून, चारही आरोपींना ताब्यात घेतले आहे. तिघांना अटक केली असून, अल्पवयीन मुलाला बालसुधारगृहात पाठवण्यात आले आहे, अशी माहिती खडकपाडा पोलीस ठाण्यातील वरीष्ठ पोलीस निरीक्षक अशोक पवार यांनी दिली.

Maharashtra News, Latest Maharashtra News in Marathi, ‎महाराष्ट्र ठळक बातम्या | Maharashtra Times

Kargil Vijay Diwas: भारतीय क्रिकेटपटूंनी कसा केला जवानांना सलाम, पाहा…

0

भारताने आजच्याच दिवशी पाकिस्तानवर कारगिल युद्धात विजय मिळवला होता. भारतीयांसाठी आजचा दिवस अभिमानाचा आहे. आजच्या दिवशी १९९९ साली भारताने कारगिल युद्ध जिंकत पाकिस्तानला आपली ताकद दाखवून दिली होती. त्यामुळे आज कारगिल विजय दिवस म्हणून साजरा केला जातो. भारतीय क्रिकेटपटूंनीही आजच्या दिवशी भारतीय जवानांना सलाम ठोकत कुर्निसात केला आहे. भारताच्या कोणत्या क्रिकेटपटूंनी देशभक्तीपर नेमके काय म्हटले आहे, पाहा…

भारताचा क्रिकेटपटू सुरेश रैनाने एक व्हिडीओ यावेळी शेअर केला आहे. हा व्हिडीओ पोस्ट करून रैनाने म्हटले आहे की, ” भारतीय जवान हेच खरे नायक आहे. कारगिल विजय दिनाच्या निमित्ताने मी आपल्याला मानवंदना देतो. आम्हाला स्वातंत्र्य मिळालं, सुरक्षितपणे श्वास घेता यावा, यासाठी बलिदान देणाऱ्या जवानांप्रती माझी मान कायम झुकलेलीच राहील. आम्ही कायमच तुमचे ऋणी राहू.”

भारताचा माजी महान फलंदाज सचिन तेंडुलकरने कारगिल दिनाबद्दल म्हटले आहे की, ” कारगिल युद्धादरम्यान भारताच्या ताकदिच्या, वीरतेच्या आणि निस्वार्थ बलिदानाच्या अगणित गोष्टी अविस्मरणीय अशाच आहे. आम्ही नेहमीच देशाप्रती त्यांचे कायम ऋणी राहू.”

भारताचा माजी क्रिकेटपटू व्ही.व्ही.एस. लक्ष्मणने यावेळी म्हटले आहे की, ” कारगिल विजय दिवसाबद्दल भारताचे जे शूर जवान शहिद झाले त्यांना माझ्याकडून श्रद्धांजली. आम्ही नेहमीच त्यांचे ऋणी राहू.”

भारताचा माजी क्रिकेटपटू मोहम्मद कैफने आपल्या सोशल मीडिया अकाऊंटवरून भारताच्या जवानांचा फोटो शेअर केला आहे. यावेळी कैफ म्हणाला की, ” आपल्या शूर जवानांच्या वीरतेला आणि साहसाला सलाम. तुम्ही आता म्हणूनच आम्ही आहोत. कारण तुम्ही दिवस-रात्र निस्वार्थपणे देशाची सेवा करता आणि आमची रक्षा करता. तुम्हाला सलाम. जय हिंद…”

भारताचा वेगवान गोलंदाज इशांत शर्माने यावेळी म्हटले आहे की, ” कारगिल युद्धातील सर्व जवानांना माझे नमन. या युद्धात शहीद झालेल्या जवानांना श्रद्धांजली. भारतीय जवान नेहमीच आमची सुरक्षा करत असतात, त्यासाठी त्यांना बलिदानही द्यावे लागते. त्यामुळे त्यांना सलाम, जय हिंद…”

भारत आणि पाकिस्तान यांच्यामध्ये तीन महिने हे युद्ध चालू होते. पण भारताने अखेर या दिवशी पाकिस्तानवर विजय मिळवला होता.

Sports News in Marathi: Latest Marathi News on Cricket, Football, Tennis, Hockey & more | Maharashtra Times

सेटवर सुरू झाली सोशल डिस्टन्सिंगसाठी ‘दादा’गिरी

0

कल्पेशराज कुबल

कोणत्याही मालिकेच्या सेटवर सर्वाधिक आवाज असतो तो; त्या मालिकेच्या दिग्दर्शकाचा. दिग्दर्शकाचा शब्द सेटवर अखेरचा असतो. दिग्दर्शक जर तापट आणि शिस्तप्रिय असेल, तर सेटवरचे सगळेच त्याला घाबरून असतात. सध्याचं चित्र मात्र काहीसं वेगळं आहे. म्हणजे, दिग्दर्शक सांगेल ते होतंच. पण, प्रत्येक सेटवर सोशल डिस्टन्सिंग पाळलं जातंय की नाही हे कठोरपणे पाहण्यासाठी ”ची नेमणूक करण्यात आली आहे. प्रत्येकाला त्याचं ऐकावंच लागतं.

लॉकडाउनच्या मोठ्या ब्रेकनंतर मालिकांच्या चित्रीकरणाला सुरुवात झाली आहे. शूटिंगचं काम करताना एका ठिकाणी अनेक मंडळी एकत्र काम करत असतात. त्यामुळे संसर्गाचा धोका अधिक असतो. नव्यानं चित्रीकरण करताना सरकारनं काही नियम घालून दिले आहेत. एकमेकांपासून सुरक्षित अंतर ठेवूनच चित्रीकरण केलं जाणं आवश्यक आहे.

करोना संसर्गाच्या पार्श्वभूमीवर सोशल सोशल डिस्टन्सिंगचे नियम काटेकोरपणे पाळले जात आहेत. त्यासाठी योग्य त्या उपाययोजना आणि सुरक्षित अंतराच्या नियमांचं पालन करणं आवश्यक असतं. या सर्व नियमांची पूर्तता कलाकार आणि तंत्रज्ञ मंडळींकडून योग्य तऱ्हेनं होतेय की नाही यावर हा ‘सोशल डिस्टन्सिंग दादा’ बारीक लक्ष ठेवून असतो. सेटवर जर कुणी मास्क न घालता वावरत असेल, किंवा सुरक्षित अंतर न ठेवता एकमेकांशी बोलत असेल, तर लगेचच हा ‘दादा’ येऊन त्या संबंधित कलाकाराला, तंत्रज्ञाला खबरदारी पाळण्याविषयी कडक सूचना देतो. म्हणूनच कलाकारांनी सेटवरच्या या ‘दादा’चं नामकरण ‘सोशल डिस्टंसिंग दादा’ असं केलं आहे.

नियम काय सांगतो?

चित्रीकरणासाठी राज्य सरकारनं सशर्त परवानगी दिली होती. सरकारकडून जाहीर केलेल्या मार्गदर्शक सूचनांमध्ये असं नमूद करण्यात आलं होतं की, सेटवर एक व्यक्ती सोशल डिस्टन्सिंगच्या नियमांचं पालन होतेय की नाही? यावर लक्ष ठेवेल. त्यासाठी सेटवर एका निरीक्षकाची नियुक्ती केली जाणं आवश्यक आहे. म्हणूनच सध्या हिंदी-मराठी मालिकांचा चित्रीकरणाच्या सेटवर एक सुपरवायजर असतो, जो सेटवरील घडामोडींवर आणि कलाकार, तंत्रज्ञ यांच्या हालचालींकडे लक्ष ठेवून असतो. बहुतांश वेळा ही व्यक्ती सुरक्षारक्षकांपैकीच कुणीतरी असते.

काय करतो ‘सोशल डिस्टन्सिंग दादा’?

* कलाकार, तंत्रज्ञ सेटवर येण्याअगोदर संपूर्ण सेटचं करून घेणं.

* मेकअप रूम्सचं निर्जंतुकीकरण करून घेणं.

* सेटवर येणाऱ्या प्रत्येक व्यक्तीच्या शरीराच्या तापमानाची, ऑक्सिजन पातळीची नोंद ठेवणं.

* सेटवर प्रवेश करताना प्रत्येक व्यक्तीला सॅनिटायजर लावून सॅनिटाइज करणे.

* दिवसभर सेटवर वावरुन लक्ष ठेवणं.

* कुणी व्यक्ती मास्क न वापरता सेटवर वावरत असेल, तर त्याला मास्क वापरण्याबाबत सूचना करणं.

* कुणी व्यक्ती सुरक्षित वावराचे नियम वारंवार न पाळताना आढळल्यास संबंधित व्यक्तीची तक्रार मालिकेचे निर्माते किंवा कार्यकारी निर्मात्याकडे करणं.

सेटवर सकाळी पहिल्यांदा मी हजेरी लावतो. अगोदर स्वतःला योग्य प्रकारे सॅनिटाइज करून नंतर आमच्या टीमकडून मी संपूर्ण सेटचं निर्जंतुकीकरण करुन घेतो. हळहळू जेव्हा सेटवर कलाकार आणि तंत्रज्ञ मंडळी येऊ लागले की त्यांना सॅनिटाइज करणं, त्यांच्या शरीराचं तापमान, ऑक्सिजन पातळीची तपासणी मी करतो. दिवसभर सेटवर मी इकडे-तिकडे फिरत असतो. सेटवरील प्रत्येकावर माझं लक्ष असतं. कुणी व्यक्ती मास्क न लावता फिरत असेल तर त्याला सूचित करण्याचं काम माझं आहे. सध्या तर मला पाहून सेटवरचे सगळे जण सावध होतात.

– सौरभ नवले, सुरक्षारक्षक ()

Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times

मोदींनी पाकिस्तानला 'या' शब्दात चांगलेच फटकारले, म्हणाले…

5

नवी दिल्ली: यांनी () या कार्यक्रमाच्या माध्यमातून जनतेला संबोधित केले. कार्यक्रमात पंतप्रधान मोदींनी कारगिल विजय दिवसाचा संदर्भ देऊन जवानांच्या बलिदानाच्या स्मृती जागवल्या. या वेळी पंतप्रधानांनी पाकिस्तानला कडक शब्दांत सुनावले. याबरोबरच मोदींनी कोरोना विषाणू, स्वयंपूर्ण भारत, आसाम आणि बिहारचा पूर अशा मुद्द्यांचा देखील उल्लेख केला. लवकरच भारताचा स्वतंत्र्य दिन येत असून या दिनानिमित्त देशवासीयांनी कोरोनापासून स्वातंत्र्य मिळवण्याचा संकल्प करण्याचे आवाहन केले.

पाकिस्तानवर साधला निशाणा

कारगिल दिनी पंतप्रधान मोदींनी पाकिस्तानवर निशाणा साधला. दुष्टांचा स्वभाव हा सर्वांशी शत्रूत्व राखणे असचा असतो. असे लोक आपले हीत करणाऱ्यांचे देखील नुकसान करत असतात. पाकिस्तानने भारताच्या पाठीत सूरा खुपसला होता. पाकिस्तानने भारताची जमीन ताब्यात घेण्यासाठी खूप प्रयत्न केल्याचेही मोदी म्हणाले.

कोरोनापासून मुक्ती मिळवण्याचा संकल्प करा: मोदी

१५ ऑगस्ट रोजी, म्हणजेच देशाच्या स्वातंत्र्यदिनी देशवासीयांनी कोरोनापासून स्वतंत्र होण्याचा संकल्प केला पाहिजे, असे आवाहन देशातील जनतेला केले. करोनाबाबत बोलताना मोदी म्हणाले की, आज आपल्या देशात करोनाचे रुग्ण बरे होण्याचा दर चांगला आहे. देशातील कोरोनामुळे होणारे मृत्यूचे प्रमाणही बरेच कमी आहे. मात्र, करोनाचा धोका आजही कायम असून आपल्याला कोरोनाविरुद्ध गंभीरपणे लढावे लागेल, असेही मोदी म्हणाले. ज्या गोष्टी प्रतिकारशक्ती वाढवतात त्याचा अवलंब करा, आयुर्वेदिक काढे वगैरे घेत राहा. कोरोनाच्या या काळात आम्हाला इतर आजारांपासून मुक्त राहिले पाहिजे. या काळात रुग्णालयात जाण्याची गरज पडू नये, याची काळजी घ्यावी लागेल, असेही मोदी म्हणाले.

वाचा-

देश आसाम-बिहारच्या सोबत आहे: पंतप्रधान

पंतप्रधान नरेंद्र मोदी यांनी ‘मन की बात’ मध्ये संवाद साधताना पुराचा उल्लेख केला. मोदी म्हणाले की कोरोनाच्या या संकटाच्या काळात आसाम आणि बिहारसाठी पूर हे नवीन आव्हान आहे. संपूर्ण देश या संकटात पीडित लोकांच्या पाठीशी उभा आहे, असेही मोदी म्हणाले.

वाचा:

सुरिनाम देशाता केला उल्लेख
या वेळी मोदींनी आफ्रिका खंडातील सूरीनाम देशाचा उल्लेख केला. शेकडो वर्षांपूर्वी भारतीय लोक तेथे गेले होते. आता एका चतुर्थांशपेक्षा जास्त भारतीय मूळ असलेले लोक त्या देशाचे नागरिक आहेत. भारतीय वंशाचे चंद्रिकाप्रसाद त्या देशाचे राष्ट्रपती आहेत. तेथील भाषा, ‘सरनामी’ ही एक सामान्य भाषा असून ती ‘भोजपुरी’ ची बोली आहे, असे मोदी म्हणाले. आपल्या राष्ट्रपतिपदाची शपथ घेताना चंद्रिकाप्रसाद यांनी वेदांमधील मंत्रांचे उच्चारण केले होते, असेही मोदी म्हणाले.

वाचा:

Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times

Latest posts