नगर जिल्ह्यात करोनामुक्त होणाऱ्या रुग्णांची संख्या झपाट्याने वाढू लागली आहे. काल १२६ जणांनी करोनावर मात केल्यानंतर आज पुन्हा १०५ रुग्ण करोनामुक्त झाले आहेत. त्यामुळे बरे होणाऱ्या रुग्णांच्या संख्येने आता एक हजाराचा टप्पा ओलांडला आहे. जिल्ह्यातील एकूण करोनामुक्त झालेल्या रुग्णांची संख्या आता १ हजार २५ झाली आहे. तर, सध्याच्या परिस्थितीला हॉस्पिटलमध्ये उपचार घेणाऱ्या करोना बाधितांची संख्या ५१६ इतकी आहे. बाधितांच्या तुलनेत करोनामुक्त झालेल्या रुग्णांची संख्या दुप्पट आहे.

वाचा:

नगरमध्ये करोना रुग्ण वाढत असले तरी दिलासादायक बाब म्हणजे या आजारातून बऱ्या होणाऱ्या रुग्णांची संख्या आता वाढू लागली आहे. आज जिल्ह्यातील १०५ रुग्णांनी करोनावर मात केल्याचे आरोग्य विभाग जाहीर केले आहे. या सर्वांना हॉस्पिटलमधून डिस्चार्ज देण्यात आला आहे. त्यामुळे आता करोनामुक्त झालेल्या रुग्णांची संख्या १ हजार २५ एवढी झाली आहे. आज करोनामुक्त झालेल्या रुग्णांमध्ये नगर शहरातील ३८, नगर तालुका भागातील ३, पारनेर तालुक्यातील १०, राहता ८, पाथर्डी ६, भिंगार ६, राहुरी १, संगमनेर ६, श्रीगोंदा २, श्रीरामपूर येथील २२, आणि नेवासा येथील ३ रुग्णांचा समावेश आहे.

वाचा:

दुसरीकडे आज सकाळी नगर जिल्ह्यामध्ये करोनाचे आणखी आठ रुग्ण वाढले आहेत. यामध्ये संगमनेर तालुक्यातील एक आणि श्रीगोंदा तालुक्यातील सात जणांचा समावेश आहे. या सर्वांची तपासणी जिल्हा रुग्णालयाच्या करोना टेस्ट लॅबमध्ये करण्यात आली होती. त्याचा अहवाल सकाळी प्राप्त झाला असून तो पॉझिटिव्ह आला आहे. सध्याच्या परिस्थितीत जिल्ह्यात हॉस्पिटलमध्ये उपचार घेणाऱ्या करोना बाधित रुग्णांची संख्या ५१६ एवढे आहे. मात्र सध्या उपचार घेत असलेल्या रुग्णांपेक्षा दुप्पट रुग्ण करोनामुक्त झाल्यामुळे हळूहळू परिस्थिती नियंत्रणात आणण्यात प्रशासकीय यंत्रणांना येत असल्याची चिन्हे आहेत. त्यामुळे संपूर्ण जिल्हा लॉकडाउन करण्याबाबत प्रशासनासह लोकप्रतिनिधींमध्ये ही मतभेद आहेत. दरम्यान, शिर्डीत करोनानं आज पहिला बळी घेतला असून तेथील रुग्णांची संख्या ४४ झाली आहे.

ग्रामीण भागात लावून देण्याचे प्रकार वाढले आहेत. अलीकडेच अहमदनगर जिल्ह्यात चाइल्ड लाइनच्या मदतीनं अनेक बालविवाह रोखण्यात आले आहेत. आता धुळे जिल्ह्यातील ठाण्याच्या हद्दीतील एका आदिवासी पाड्यात अल्पवयीन मुलीचं लग्न लावून देण्यात येत असल्याचा प्रकार उघडकीस आला आहे. नवरदेव वरात घेऊन मुलीच्या घरी आला असता, त्याला एकलव्य आदिवासी संघटनेच्या कार्यकर्त्यांनी बेदम चोप दिला. मुलीसोबत लग्न करण्यासाठी तिच्या कुटुंबीयांना पैशांचे प्रलोभन दाखवण्यात आल्याचा आरोप संघटनेच्या कार्यकर्त्यांनी केला आहे. लग्न जमवून देणाऱ्या मध्यस्थांनी मुलीच्या कुटुबीयांना लाखो रुपये दिल्याचा आरोप कार्यकर्त्यांनी तिच्या कुटुंबीयांवर केला आहे. कार्यकर्त्यांनी सुरुवातीला नवरदेव आणि अन्य लोकांकडून संपूर्ण माहिती घेतली. त्यानंतर केली, असं व्हिडिओत दिसत आहे. वयानं तीनपटीनं मोठ्या असलेल्या व्यक्तीशी लग्न लावून दिलं जात होतं. पण मुलीला याची काहीच कल्पना नव्हती, असं सांगितलं जातं. या प्रकरणी संघटनेच्या कार्यकर्त्यांनी पिंपळनेर पोलीस ठाण्यात तक्रार दिली आहे. मुलीचे वडील आणि नवरदेवाविरोधात ही तक्रार दिली आहे.

व्हिडिओ पाहा:

नगरमध्ये २० हून अधिक बालविवाह रोखले

ग्रामीण भागात ऊस तोडणी कामगार, मजूर, गरीब शेतकरी यांच्यासाठी मुलींचे लग्न हे आव्हानच मानले जाते. समाजासोबत राहण्यासाठी रुढी-परंपरा, मानपान यांचे पालन करीत लग्न करायचे म्हणजे डोक्यावर कर्जाचा डोंगर असे चित्र अनेकदा पहायला मिळते. लॉकडाउनच्या काळात केवळ पन्नास लोकांच्या उपस्थितीत आणि घरच्या घरी लग्न करण्यास सरकारने मुभा दिली. अर्थातच नाईलाजानं का होईना, याला समाजमान्यताही मिळाली. हीच संधी समजून अनेक गरीब वधूपित्यांनी कायद्याच्या अज्ञानातून तर कुठे नाइलाजातून आपल्या मुली उजविण्यास सुरुवात केल्याचे आढ‌ळून येत आहेत. कारण एकट्या नगर जिल्ह्यात लॉकडाउन काळात जवळपास वीस बालविवाह चाइल्ड लाइनने रोखले आहेत. चाइल्ड लाइनच्या पथकाने शेवगाव, पारनेर, अकोले, पाथर्डी व नगर या पाच तालुक्यांमध्ये प्रत्येकी एक असे एकूण पाच बालविवाह रोखले आहेत.

मुंबई उच्च न्यायालयातील न्यायाधीश, त्यांच्या पत्नी आणि कुटुंबातील सदस्यांसाठी चष्मे घेण्यासाठी प्रतिवर्षी पन्नास हजार रुपयांचा भत्ता देण्यात येणार आहे. मात्र, सध्याच्या परिस्थितीत हे न्यायाधीशांनी ही सुविधा नाकारावी, अशी विनंती नगरच्या सन्माननीय नागरिक प्रतिष्ठानने केली आहे. अशी मागणी इतर सरकारी अधिकाऱ्यांकडून होऊ शकते, अशी भीती त्यामध्ये व्यक्त करण्यात आली आहे.

राज्याच्या विधी व न्याय विभागाने १० जुलैला एक परिपत्रक काढून मुंबई उच्च न्यायायातील न्यायाधीश आणि त्यांच्या कुटुंबियांना चष्मे घेण्यासाठी खर्चास मंजुरी दिली आहे. त्यानुसार प्रत्येक न्यायाधीशांना दरवर्षी चष्मा खरेदी आणि अनुषंगिक पन्नास हजार रुपये मिळणार आहेत. त्यातून त्यांना सरकारी धोरणांप्रमाणे चष्मे विकत घेता येणार आहेत.

या निर्णयाला नगरच्या सन्माननीय नागरिक प्रतिष्ठानने हरकत घेतली आहे. अध्यक्ष प्रमोद मोहोळे यांनी यासंबंधी थेट मुंबई उच्च न्यायालयाच्या मुख्य न्यायमूर्तींनाच पत्र पाठवून भावना कळविल्या आहेत. न्यायाधीशांनी सरकारने देऊ केलेली ही सुविधा नाकारावी, अशा आमच्या भावना आहेत. त्यासाठी अनेक कारण आहेत. ती येथे नमूद करण्याची गरज नाही. विशेष म्हणजे ही सुविधा न्यायाधीशांना मिळाल्यावर सरकारी यंत्रणेतील अन्य घटकही याची मागणी करतील. ते सरकारला परवडणार नाही. त्यामुळे आम्हाला आशा आहे की, न्यायाधीश स्वत: होऊन ही सुविधा नाकारतील, असे मोहोळे यांनी म्हटले आहे.

मालवणी परिसरातील निर्जन ठिकाणी एका १३ वर्षीय मुलाचा मृतदेह कुजलेल्या अवस्थेत सापडला होता. या हत्येचा छडा पोलिसांनी लावला असून, शेजारी राहणाऱ्या रिक्षाचालकाला अटक केली आहे. लॉकेट, कपडे आणि चपलांवरून मृतदेहाची ओळख पटली आणि त्याच्या कुटुंबीयांचा शोध घेतला. विद्यानंद यादव (वय १३, राहणार, आरे कॉलनी) असं मृताचं नाव आहे. आरोपी करण बहादूर (वय २३) हा शेजारीच राहतो. तो रिक्षाचालक आहे. यादव कुटुंबीय आणि बहादूर याचं छोटीशी भिंत बांधण्यावरून वाद झाला होता. यातून हे हत्याकांड घडलं, असं पोलिसांकडून सांगण्यात आलं.

बहादूर यानं विद्यानंद याला रिक्षा चालवायला शिकवतो असं सांगून मालवणी परिसरातील निर्जन ठिकाणी नेलं. तिथं त्याचा धारदार शस्त्रानं गळा चिरून हत्या केली, अशी माहिती पोलिसांनी दिली. पोलीस उपायुक्त विशाल ठाकूर यांनी सांगितलं की, मालवणीतील जोगई वाडी रस्त्यालगतच्या परिसरात एका मुलाचा कुजलेल्या अवस्थेतील मृतदेह आढळल्याची माहिती शुक्रवारी दुपारी नियंत्रण कक्षाला मिळाली. पोलीस घटनास्थळी तातडीनं पोहोचले. मृतदेह कुजलेला असल्यानं ओळख पटवणे कठीण झालं होतं. त्यानंतर मृतदेह विच्छेदनासाठी जवळील सरकारी रुग्णालयात नेण्यात आला.

मुलाच्या शरीरावर एक लॉकेट सापडलं. तसंच कपडे आणि चपलांवरून मुलाच्या कुटुंबीयांचा शोध घेण्यास मदत झाली. अशाच वर्णनाचा एक १३ वर्षीय मुलगा बेपत्ता झाल्याची तक्रार त्याच्या कुटुंबीयांनी आरे पोलीस ठाण्यात दिली होती. त्यानंतर आम्ही कुटुंबीयांशी संपर्क साधला. ते रुग्णालयात आले. त्यांनी मुलाची ओळख पटवली, अशी माहिती ठाकूर यांनी दिली. त्यांच्याकडे चौकशी केली असता, शेजारी राहणाऱ्या करण बहादूर याच्यासोबत किरकोळ भांडण झालं होतं, असं त्यांनी सांगितलं. शुक्रवारीच बहादूरला ताब्यात घेतलं. त्याची कसून चौकशी केली असता, त्यानं हत्येची कबुली दिली. या प्रकरणी बहादूरवर हत्येचा गुन्हा दाखल करण्यात आला आहे.

क्रीडा संकुलच्या भिंतीलगत शनिवारी सकाळी एका नागरिकाला युवकाचा मृतदेह दिसला. त्याने पोलिसांना माहिती दिली. माहिती मिळताच मानकापूर पोलिसांचा ताफा तेथे पोहोचला. दगडाने डोके ठेचून युवकाचा खून करण्यात आल्याचे स्पष्ट झाले. पंचनामा करून पोलिसांनी मृतदेह मेयो हॉस्पिटलच्या शवागाराकडे रवाना केला. मानकापूर पोलिसांनी अज्ञात मारेकऱ्याविरुद्ध खुनाचा गुनहा दाखल करून तपास सुरू केला आहे.

४८ तासांत चार खून

उपराजधानीत १५ दिवसांच्या ‘ब्रेक’नंतर गत ४८ तासांत चार खुनाच्या घटना घडल्याने गृहमंत्र्यांच्या शहरात कायदा व सुव्यवस्थेचा प्रश्न पुन्हा चर्चेत आला आहे. गुरुवारी दुपारी सक्करदऱ्यातील भांडे प्लॉट येथे कौटुंबीक कलहातून सोनू शेख याने नऊ महिन्यांच्या चिमुकल्या मुलीची हत्या करून स्वत: आत्महत्येचा प्रयत्न केला. गुरुवारी रात्री गिट्टीखदानमधील पंचशिलनगर येथे सचिन अलोणे या गुन्हेगाराची चाकूने वार करून हत्या करण्यात आली. शुक्रवारी सायंकाळी अजनीतील अभयनगर येथे प्रियकराने प्रेयसीचा गळा आवळून खून केला. तर मानकापूरमध्ये शनिवारी सकाळी दगडाने ठेचून युवकाची हत्या करण्यात आली.

लग्नाची गळ घातल्याने मारले

लग्नाची गळ घातल्याने युवकाने प्रेयसीची गळा आवळून हत्या केल्याचे तपासादरम्यान समोर आले. याप्रकरणी अजनी पोलिसांनी खुनाचा गुन्हा दाखल करून प्रियकराला अटक केली आहे. सोनू ऊर्फ प्रेम पंकज गणवीर (वय २६, रा. रहाटेनगर झोपडपट्टी) हे अटकेतील तर आरती भलावी (वय २५, रा.शताब्दीनगर) हे मृतकाचे नाव आहे.

पोलिसांनी दिलेल्या माहितीनुसार, सोनू याच्याविरुद्ध मारहाणीचा गुन्हा दाखल आहे. तो ऑटोचालक आहे. गत सहा वर्षांपासून त्याचे आरतीसोबत प्रेमसंबंध होते. आरती ही त्याला लग्नासाठी गळ घालत होती. तो लग्नाला नकार द्यायचा. शुक्रवारी सकाळी त्याने आरतीला अभयनगरमधील झंझाळ ले-आऊट येथील एका निर्माणाधीन घरात भेटायला बोलाविले. यावेळी दोघांमध्ये वाद झाला. वाद विकोपाला गेला. सोनू याने गळा आवळून आरतीचा खून केला व पसार झाला. शुक्रवारी दुपारी ही घटना उघडकीस आली. घटनेची माहिती मिळताच अजनी पोलिस व गुन्हे शाखा पोलिसांचा ताफा तेथे पोहोचला. पंचनामा करून पोलिसांनी मृतदेह मेडिकल कॉलेज हॉस्पिटलकडे रवाना केला. गुन्हेशाखेचे पोलिस निरीक्षक अशोक मेश्राम, सहाय्यक निरीक्षक किरण चौगुले, दिलीप चंदन, सहाय्यक उपनिरीक्षक बट्टूलाल पांडे व त्यांच्या सहकाऱ्यांनी सोनू याला पकडून अजनी पोलिसांच्या ताब्यात दिले. अजनी पोलिसांनी सोनू याला अटक केली. रविवारी त्याला न्यायालयात हजर करण्यात येईल.

वाचा:

जिल्ह्यात रविवारी सकाळी १३४ बाधितांची वाढ झाली. यामध्ये शहरातील १३, ग्रामीण भागातील २२ व्यक्तींसह सिटी पॉइंटवर केलेल्या तपासणीत १४, तर मोबाईल स्वॅब कलेक्शन पथकाने केलेल्या तपासणीत आढळून आलेल्या ८५ व्यक्तींचा बाधितांमध्ये समावेश आहे. त्यामुळे जिल्ह्यातील करोनाबाधितांची संख्या १० हजार ५३८ झाली आहे. पैकी ५९८६ करोनामुक्त झाले आहेत, तर आतापर्यंत ३९२ बाधितांचा मृत्यू झाला आहे. तसेच सध्या ४१६० बाधितांवर उपचार सुरू आहेत.

महापालिका हद्दीत १३ बाधित

शहरातील बाधितामध्ये जालान नगर येथील १, अक्षदपुरा १, अल्ताफ कॉलनी, गारखेडा १, आंबेडकर नगर १, एन-नऊ सिडको १, खारा कुआँ १, श्रेयनगर १, हेली बाजार परिसर १, मुकुंदवाडी १, जवाहरनगर पोलिस ठाणे परिसर १, एन-१२, विवेकानंद नगर १, तर लक्ष्मी नगर, गारखेडा येथील एका व्यक्तीचा समावेश आहे.

ग्रामीण भागात २२ बाधित

ग्रामीण भागातील बाधितांमध्ये पोखरी येथील १, एमआयडीसी परिसर, बजाज नगर १, सरस्वती सोसायटी, बजाज नगर १, एसटी कॉलनी, बजाज नगर १, वडगाव १, बजाज नगर १, डोंगरगाव कावड १, बाभुळगाव २, आळंद, फुलंब्री २, शिक्षक कॉलनी, गोंदेगाव १, एन्ड्युरन्स कंपनी परिसर २, बोरगाव, गंगापूर १, विटावा, गंगापूर १, संत नगर, सिल्लोड १, जामा मशीद परिसर, सिल्लोड १, केळगाव, सिल्लोड १, टिळक नगर, सिल्लोड १, तर वैजापूर येथील २ व्यक्तींचा समावेश आहे.

सिटी पॉइंटवर १४ बाधित

सिटी पॉईंटवर आढळून आलेल्या बाधितांमध्ये शेंद्रा येथील ४, वाळूज २, बजाज नगर २, शिवाजी नगर ३, पडेगाव २, तर मिसारवाडी येथील एका व्यक्तीचा समावेश आहे.

पथकाच्या तपासणीत ८५ बाधित

मोबाइल स्वॅब कलेक्शन पथकाच्या (टास्क फोर्स) तपासणीत आढळून आलेल्या बाधितांमध्ये नाथ सुपर मार्केट परिसर, औरंगपुरा येथील २५, रिलायन्स मॉल परिसर, गारखेडा १, एन-१३ येथील १, एन-१३ येथील ७, रेल्वे स्टेशन परिसर २, भीम नगर १, पदमपुरा २, संभाजी कॉलनी १४, जाधववाडी ५, पुंडलिक नगर ५, राम नगर १४, राजा बाजार ३, कासलीवाल मार्व्हल पूर्व परिसर १, रेणुका नगर, तर शिवाजी नगर येथील ४ व्यक्तींचा समावेश आहे.