बलरामपूर: ” या संघटनेच्या संशयित अतिरेक्याच्या घरावर छापेमारी केली. उत्तर प्रदेशच्या बलरामपूरमध्ये छापेमारी केली असून, मोठ्या प्रमाणात स्फोटके आणि हस्तगत केला आहे. दिल्लीच्या धौलाकुआं येथून आयएसच्या संशयित अतिरेक्याला अटक करण्यात आली होती. अबू युसूफ असं या संशयिताचे नाव असून, तो मूळचा बलरामपूरचा रहिवासी आहे.

अबू युसूफला दिल्लीत अटक करण्यात आली होती. हल्ल्याच्या योजना आखण्यात यशस्वी झाल्यानंतर सुसाइड बॉम्बर बनून हल्ल्याची तयारी केली होती, अशी कबुली त्याने काल दिली होती. सुसाइड बॉम्बर जॅकेट तयार केला असल्याची माहितीही त्याने दिली होती. आज केलेल्या छापेमारीत त्याचा पुरावाच अधिकाऱ्यांच्या हाती लागला. छापेमारीत मोठ्या प्रमाणात स्फोटके आणि सुसाइड बॉम्बर जॅकेटही सापडला.

दिल्लीच्या धौलाकुआं परिसरातून अबू युसूफच्या मुसक्या आवळल्या होत्या. तो मूळचा उत्तर प्रदेशातील जिल्ह्यातील उतरौला पोलीस ठाण्याच्या हद्दीतील भैंसाही गावचा रहिवासी आहे. गावात त्याचे कॉस्मेटिकचे दुकान आहे. त्याचे कुटुंबीय याच गावात राहतात, अशी माहिती मिळते.

नवी दिल्ली: टीव्ही आणि चित्रपटाच्या शूटिंगसाठी केंद्र सरकारने विस्तृत अशा मार्गदर्शक सूचना () जारी केल्या आहेत. केंद्रीय माहिती आणि प्रसारण मंत्री (Prakash Javdekar) यांनी ट्विट करत ही माहिती दिली. या मार्गदर्शक सूचनांमुळे शूटिंगमधील कर्मचाऱ्यांच्या सुरक्षेसाठी योग्य परिस्थिती निर्माण करण्यात मदत मिळेल, असे जावडेकर यांनी म्हटले आहे. या सूचनांमध्ये सर्व ठिकाणी फेस मास्कचा वापर आणि शारीरिक अंतर राखणे अनिवार्य करण्यात आले आहे. या सूचना कलाकारांवर मात्र लोगू होणार नाहीत. या सूचनांनुसार सीटिंग, कॅटरिंग, क्रू पोझिशन्स, कॅमेरा लोकेशनमध्ये योग्य ते अंखर राखावे लागणार आहे. रेकॉर्डिंग स्टूडिओ, एडिटिंग रूमध्ये देखील शारीरिक अंतराचे पालन करावे लागणार आहे. सध्या सेट्सवर दर्शकांना जाण्याची परवानगी देण्यात आलेली नाही. (new guidelines for during )

काय आहेत नव्या मार्गदर्शक सूचना?

> कॅमेऱ्यासमोरील कलाकार यांना सोडून सर्वांसाठी फेस कव्हर्स/मास्क अनिवार्य

> प्रत्येक ठिकाणी ६ फुटांच्या अंतराचे पालन करावे

> मेकअप आर्टिस्ट, हेयर स्टायलिस्ट्स पीपीईचा वापर करणार

> विग, कॉस्ट्यूम आणि मेकअपची शेयपरिंग कमी करावी लागणार

> शेयर करण्याजोग्या वस्तूंचा वापर करताना ग्लोव्ह्ज घालावेत

> माइकच्या डायफ्रामशी थेट संपर्क ठेवू नये

> प्रॉप्सचा वापर कमीतकमी व्हावा, वापरानंतर सॅनिटायझेशन आवश्यक

> शूटिंगवेळी कास्ट अॅण्ड क्रू कमीतकमी असावेत

> शूट लोकेशनवर एंट्री/एग्झिटचे वेगवेगळे मार्ग असावेत

> व्हिजिटर्स/ दर्शकांना सेटवर जाण्याची परवानगी नाही

क्लिक करा आणि वाचा-

कमीच कमी संपर्क असावा, हेच लक्ष्य
एसओपी शूटिंगची स्थाने आणि इतर कामाच्या ठिकाणी योग्य ते अंतर राखले जाणे अत्यंत आवश्यक आहे, असे केंद्रीय मंत्री जावडेकर म्हणाले. या बरोबरच योग्य स्वच्छता, गर्दीचे नियोजन आणि सुरक्षात्मक उपकरणांसाठी तरतुदींसह उपायांचा समावेश आहे. कमीत कमी संपर्क, एसओपीमध्ये मूलभूत आहे, असे ट्विट जावडेकर यांनी केले आहे. कमीतकमी शारीरिक संपर्क आणि हेयर स्टायलिस्टांद्वारे पीपीई, प्रॉप्स शेयर करणे आणि इतरांमध्ये मेकअप याबाबत कलाकारांद्वारे विशेष काळजी घेतली जाणार आहे.

पाहा, केंद्रीय मंत्री प्रकाश जावडेकर यांचे ट्विट-

क्लिक करा आणि वाचा-

क्लिक करा आणि वाचा-

पुणे: अंडरवर्ल्ड डॉन पाकिस्तानात असल्याचं पाकिस्ताननंच कबूल केल्यानं आता दाऊदला कोणत्याही परिस्थितीत भारतात आणा, अशी मागणी राष्ट्रवादी काँग्रेसचे आमदार यांनी केली आहे. रोहित पवार यांनी ट्विटरवरून पंतप्रधान यांच्याकडे ही मागणी केली आहे.

दाऊद इब्राहिम कराचीतच असल्याचं पाकिस्तानने आता कबूल केलं आहे. त्यामुळे दाऊदला भारतात आणा. कोणत्याही परिस्थितीत आणा, अशी मागणी रोहित पवार यांनी पंतप्रधान नरेंद्र मोदी यांच्याकडे केली आहे. दरम्यान, पाकिस्तानने पहिल्यांदाच दाऊद पाकिस्तानात असल्याची कबुली दिली आहे. आंतरराष्ट्रीय दहशतवादाला रसद पुरवणाऱ्यांवर देखरेख ठेवणाऱ्या ‘फायनान्शिअल अॅक्शन टास्क फोर्स’ या संस्थेच्या ग्रे लिस्टमधून बाहेर येण्यासाठी पाकिस्तानची धडपड सुरू आहे. पाकिस्तानने ८८ दहशतवादी संघटनांवर, व्यक्तींवर बंदी, निर्बंध घातले आहेत. त्याबाबतची यादी प्रसिद्ध करण्यात आली. या यादीत दाऊद इब्राहिमचा पत्ता देण्यात आला आहे. दाऊद इब्राहिमचा पत्ता हा ‘व्हाइट हाउस, सौदी मशीदजवळ, क्लिफ्टन, कराची’ असा देण्यात आला आहे. मागील अनेक वर्षांपासून दाऊद इब्राहिम हा पाकिस्तानात असल्याचा दावा भारताकडून करण्यात येतो. मात्र, पाकिस्तानने हा दावा फेटाळून लावला होता. आता मात्र, ‘फायनान्शिअल अॅक्शन टास्क फोर्स’च्या कार्यवाहीमुळे पाकिस्तानचे पितळ उघडे पडले आहे.

वाचा:

दाऊद पाकिस्तानातच असल्याचं उघड झाल्यानंतर भारतीय मीडियाने या वृत्ताला ठळक प्रसिद्धी दिल्याने पाकिस्तानने दाऊद पाकमध्ये नसल्याचा पुन्हा कांगावा केला आहे. त्यामुळे आंतरराष्ट्रीय स्तरावर पाकिस्तानचा खोटारडेपणा पुन्हा एकदा उघडा पडला आहे. दाऊदचा एकेकाळचा विश्वासू साथीदार एजाज लकडावालाने मुंबई पोलिसांच्या चौकशीत यावर्षीच्या जानेवारी महिन्यातच दाऊदबाबत अत्यंत महत्त्वाची माहिती दिली होती. १९९३मध्ये मुंबईत झालेल्या साखळी बॉम्बस्फोटांचा मुख्य सूत्रधार असलेला दाऊद आजही कराचीतच आहे, असे सांगतानाच दाऊदच्या दोन घरांचे पत्ते लकडावालाने पोलिसांना दिले होते.

वाचा:

वाचा:

नागपूर : ‘कुत्रा रात्रभर भुंकतो. झोपू देत नाही. त्यामुळे त्याला गुंगीचे औषध द्यायचे आहे’, असे सांगून डॉ. सुषमा राणे यांनी अवंती हॉस्पिटलमधून भूल देण्याचे इंजेक्शन आणले होते, अशी माहिती पोलिसांच्या तपासादरम्यान समोर आली. कोराडी पोलिसांनी अवंती हॉस्पिटलमधील कर्मचारी, धीरज राणे कार्यरत असलेल्या रायसोनी कॉलेजचे प्राचार्य व धीरज यांच्या नातेवाईक महिलेची शनिवारी कसून चौकशी केली.

गत काही दिवसांपासून धीरज राणे तणावात होते. जुलैत केवळ दहा दिवसच ते कॉलेजला आले होते. याकाळात ते कॉलेजमध्ये दारू पिऊन यायचे, असे रायसोनी कॉलेजच्या प्राचार्याने चौकशीत सांगितल्याची माहिती पोलिसांनी दिली. प्राचार्याशिवाय पोलिसांनी धीरज यांच्या एका नातेवाइक महिलेचीही चौकशी केली. या महिलेने दिलेल्या माहितीने पोलिसांना धक्का बसला आहे. ‘धीरज माझ्यावर एकतर्फी प्रेम करायचे. ते सतत माझ्याशी मोबाइलवरद्वारे संपर्क साधायचे. प्रेम करीत असल्याचे ते सांगायचे. मात्र, मी त्यांना प्रतिसाद दिला नाही. त्यांना अनेकदा फटकारलेही होते’, असे महिलेने पोलिसांना सांगितल्याचे कळते.

पती धीरजसह दोन अपत्यांची हत्या करून डॉ. सुषमा यांची आत्महत्या का केली याचे नेमके कारण शोधून काढण्यात कोराडी पोलिसांना यश आलेले नाही. मंगळवारी सकाळी डॉ. सुषमा यांनी भूल देण्याचे इंजेक्शन देऊन पती धीरज राणे (वय ४२), मुलगा ध्रुव (वय ११) मुलगी लावण्या (वय ५) या तिघांची हत्या केली. त्यानंतर पंख्याला गळफास घेऊन डॉ. सुषमा यांनी आत्महत्या केली. या घटनेने उपराजधानीत प्रचंड खळबळ उडाली होती. या चौघांच्या मृत्यू प्रकरणाच्या तपासासाठी पोलिसांची चार पथके स्थापन करण्यात आली. चारही पथक कसून तपास करीत आहे. पण अद्यापही मृत्यूमागचे नेमके कारण पोलिसांना कळू शकले नाही.

गुवाहाटी: भारताचे माजी सरन्यायाधीश ( and mp ) हे आसामा राज्यात भारतीय जनता पक्षाचे असू शकतील असा दावा आसामचे माजी मुख्यमंत्री आणि काँग्रेसचे दिग्गज नेते (Tarun Gogoi) यांनी केला आहे. आसाम राज्यात पुढील वर्षी विधानसभेची निवडणूक होत आहे. (ranjan gogoi may be claims )

गोगोई यांनी शनिवारी प्रसारमाध्यमाशी बोलताना हा दावा केला. मला माझ्या सूत्रांकडून माहिती मिळाली आहे की, रंजन गोगोई यांचे नाव भारतीय जनता पक्षाच्या मुख्यमंत्रिपदाच्या उमेदवारांच्या यादीत आहे. मला वाटते की त्यांना आसमाचा पुढील मुख्यमंत्रिपदाचा उमेदवार म्हणून जाहीर केले जाऊ शकते, असे गोगोई म्हणाले. जर रंजन गोगोई राज्यसभेत जाऊ शकतात, तर ते भाजपच्या मुख्यमंत्रिपदाच्या उमेदवारीसाठी सहमत होऊ शकतात असे आपल्याला वाटत असल्याचेही गोगोई म्हणाले.

हे सर्व राजकारण आहे. अयोध्येतील राम मंदिराबाबतच्या निर्णयामुळे भारतीय जनता पक्ष रंजन गोगोई यांच्यावर खूश आहे. रंजन गोगोई यांनीही राज्यसभेच्या सदस्यत्वाचा स्वीकार करून त्यांनी हळूच राजकारणात प्रवेश केला आहे, असे सांगत त्यांनी राज्यसभेत जाण्यासाठी नकार का नाही कळवला, असा सवाल तरुण गोगोई यांनी उपस्थित केला. ते अगदी सहजपणे मानवाधिकार आयोग किंवा इतर मोठ्या संस्थांचे चेअरमन बनू शकत होते. मात्र, त्यांना राजकीय महत्वाकांक्षा आहेत आणि याच कारणामुळे त्यांनी राज्यसभेच्या खुर्चीचा स्वीकार केला, असे गोगोई म्हणाले.

आपण पुढील निवडणुकीसाठी आसाममध्ये काँग्रेसचे मुख्यमंत्रिपदाचे उमेदवार नसतील असे माजी मुख्यमत्री तरुण गोगोई यांनी स्पष्ट केले आहे. त्यांना भारतीय जनता पक्षाला सत्तेपासून दूर ठेवण्यासाठी ‘महाआघाडी’ची निर्मिती करायची आहे. यात बद्रुद्दीन अजमल यांची ऑल इंडिया युनायटेड डेमॉक्रॅटिक फ्रंट (AIUDF) डावे पक्ष आणि प्रादेशिक पक्षांना एकत्र आणण्याचा गोगोई यांचा प्रयत्न आहे.

क्लिक करा आणि वाचा-

मला आसामचा मुख्यमंत्री बनायचे नसून मला एक सल्लागार म्हणून काम करायला आवडेल, असेही गोगोई पुढे म्हणाले. काँग्रेसमध्ये मुख्यमंत्रिपदाच्या उमेदवारीसाठी अनेक योग्य नेते आहेत, असेही ते म्हणाले. मात्र, असे असले तरी गोगोईंसाठी आसाममध्ये समविचारी पक्षांची महाआघाडी तयार करणे तितकेसे सोपे आहे असे दिसत नाही. याचे कारण म्हणजे आसाम काँग्रेसमधील अनेक मोठ्या नेत्यांचा अशा प्रकारच्या महाआघाडीला विरोध आहे.

क्लिक करा आणि पाहा

क्लिक करा आणि वाचा-

नवी दिल्ली: भारतात करोनाची () लागण झालेल्या रुग्णांची संख्या आता ३० लाखांच्या पुढे गेली आहे. १६ दिवसांपूर्वीच ही संख्या २० लाखांच्या पुढे गेली होती. इतकेच नाही, तर शनिवारी तर दिवसभरातील सर्वाधिक रुग्णांची नोंद करण्यात आली. शनिवारी एकूण ७० हजार ४८८ नव्या रुग्णांची भर पडली. तर देशात एकूण ५६ हजार ८४६ रुग्णांच्या मृत्यूची नोंद झाली आहे. देशात रुग्णांच्या संख्येने दुसऱ्यांदा ७० हजारांचा आकडा पार केला आहे. या पूर्वी बुधवारी ७० हजार १०१ नवे रुग्ण आढळले होते. ( in india crossed the 30 lakh mark)

तर, दुसरीकडे करोनावर मात करत बरे होणाऱ्या रुग्णांची संख्या २२ लाख ७१ हजारांहून अधिक झाली आहे. केंद्रीय आरोग्य मंत्रालयाने शनिवारी सकाळी ८ वाजेपर्यंत प्रसिद्ध केलेल्या माहितीनुसार, शनिवारी देशात करोनाचे ६९ हजार ८७४ रुग्ण आढळले होते. यामुळे देशात करोनाची लागण झालेल्या एकूण रुग्णांची संख्या वाढून ती २९,७५,७०१ वर पोहोचली. गेल्या २४ तासांमध्ये ९४५ रुग्णांच्या मृत्यूसह देशात करोनामुळे मृत्युमुखी पडलेल्या रुग्णांची संख्या ५५ हजार ७९४ इतकी झाली आहे.

शनिवारी रात्रीपर्यंत राज्ये आणि केंद्रशासित प्रदेशांकडून मिळालेल्या माहितीनुसार, देशात एकूण करोनाबाधित रुग्णांची संख्या ३० लाख ४० हजार ५९७ वर पोहोचली आहे. तर मृत्युमुखी पडलेल्यांची संख्या ५६ हजार ७६४ इतकी आहे. तसेच करोनावर मात करणाऱ्यांची संख्या २२ लाख ७१ हजार ५४ इतकी झाली आहे. भारता हा करोना संसर्गामध्ये अमेरिका आणि ब्राझीलनंतर जगातील तिसरा देश बनला आहे.

या आजारावर मात करणाऱ्या रुग्णांची संख्या २२ लाख २२ हजार ५७७ इतकी झाली असल्याचे केंद्रीय आरोग्य मंत्रालयाने शनिवारी म्हटले. तर रुग्ण बरे होण्याचा दर ७४.६९ टक्के इतका झाला आहे. तर मृत्युदरात घट होऊन तो १.८७ टक्क्यांवर आला आहे. बरे होणाऱ्या लोकांची संख्या सक्रिय रुग्णांपेक्षा १५ लाखांनी अधिक आहे.

वाचा ही बातमी:
भारताने गेल्या २४ तासांमध्ये १० लाखांहून अधिक नमुन्यांची चाचणी केली. तर देशात आतापर्यंत एकूण ३ कोटी ४४ लाख ७३ नमुन्यांची चाचणी करण्यात आली. आयसीएमआरने शुक्रवारी १० लाख २३ हजार ८३६ नमुन्यांच्या चाचणीसह २१ ऑगस्टपर्यंत ३ कोटी ४४ लाख ९१ हजार ७३ नमुन्यांची चाचणी केली.

वाचा ही बातमी:

वाचा हे

मुंबई: अभिनेता सुशांतसिंह आत्महत्या प्रकरणात स्वत:ची इमेज चमकवण्यासाठी एक युवा नेता स्वत:हून चौकशीला सामोरे जाणार असल्याचा दावा भाजपने केला आहे. भाजपने या नेत्याचं आणि त्याच्या पक्षाचं नाव घेतलं नाही, मात्र संदिग्ध इशारा दिल्याने तर्कवितर्क लढवले जात आहेत.

भाजपचे नेते आणि प्रवक्ते यांनी एक ट्विट करून हा गौप्यस्फोट केला आहे. एक तरुण नेता आपली इमेज वाचवण्यासाठी स्वत:हून सीबीआयसमोर चौकशीला जाईल. आपण काहीच केलं नाही, हे सिद्ध करण्याासाठी हा नेता सीबीआय चौकशीला सामोरे जाईल. अशी माहिती अत्यंत विश्वसनीय सूत्रांनी दिली आहे. हा पीआर स्ट्रॅटेजीचा एक भाग आहे, असं नाखुआ यांनी म्हटलं आहे. नाखुआ यांनी त्यांच्या ट्विटमध्ये कुणाचंही नाव घेतलेलं नाही. कोणत्याही पक्षाच्या दिशेने इशाराही केलेला नाही. तसेच सुशांतच्या कुटुंबीयांनीही सुशांतप्रकरणी आतापर्यंत कोणत्याही नेत्यावर आरोप केलेला नाही. त्यामुळे नाखुआ यांच्या ट्विटवर तर्कवितर्क व्यक्त केलं जात आहे.

दरम्यान, सर्वोच्च न्यायालयाच्या निर्णयानंतर सुशांतसिंह आत्महत्या प्रकरण सीबीआयकडे गेलं आहे. सुशांतचा मृत्यू नेमका कसा झाला? याचा उलगडा करण्यासाठी सीबीआयची टीम मुंबईत आली आहे. या टीमने सुशांतचा स्वयंपाकी नीरज सिंहची साक्ष नोंदवली आहे. त्यात सुशांतला गांजा ओढण्याचं व्यसन होतं आणि मृत्यूपूर्वी तीन दिवस आधी तो गांजा ओढत होता, असं म्हटलं आहे. मृत्युच्या काही दिवस आधी त्याने सुशांतसाठी गांजाचे रोल बनवून दिले होते. सुशांतचा मृतदेह आढळला त्या दिवशी त्याने चरस ठेवण्यात येणारा बॉक्स तपासला. तेव्हा तो बॉक्स नीरजला रिकामा आढळून आला होता. हिंदी वृत्तवाहिनीने प्रसिद्ध केलेल्या वृत्तानुसार, नीरजने मुंबई पोलिसांना तीन पानांचा जबाब दिला आहे.

सुशांतप्रकरणाचा तपास करण्यासाठी सीबीआयने मुंबईत दोन टीम तयार केल्या आहेत. एका टीमने वांद्रे पोलीस ठाण्यात जाऊन केस डायरी आणि दस्ताऐवज घेतले. तसेच सुशांतचा लॅपटॉप आणि फोनही ताब्यात घेण्यात आला आहे. तर दुसऱ्या टीमने सुशांतच्या घराच्या डमी टेस्टची तयारीही केली आहे. एसपी अनिल यादव यांच्या नेतृत्वाखालील सीबीआयची टीम पोलीस केसच्या फाइलचा तपास करत आहे. तर एसपी नुपूर यादव यांच्या नेतृत्वाखालील दुसरी टीम फॉरेन्सिक अॅनालिसीस करत आहे.

हरवलेलं प्रेम एक वेळ परत मिळेल

पण
.
.
.
.
.
.
.
.
गाडी पुसायचं फडकं हरवलं की कधीच मिळत नाही

म. टा. प्रतिनिधी, पुणेः अहमदनगर येथील एका खूनाच्या गुन्ह्यात दहा वर्षापासून पोलिसांना गुंगारा आरोपीला गुन्हे शाखा युनिट एकने अटक केली आहे. त्याला पुढील कारवाईसाठी अहदनगर पोलिसांच्या ताब्यात दिले आहे.

सर्फराज रज्जाक मणियार (वय ३६ ,रा. कोंढवा खुर्द, मुळ. माळीवाडा अहमदनगर) असे अटक केलेल्याचे नाव आहे. अहमदनगर येथे ऑगस्ट २०१० मध्ये आरोपीने त्याच्या इतर साथीदाराच्या मदतीने पुर्ववैमन्सातून सराईत गुन्हेगार अमित वाघमारे याचे अपहरण करून खून केला होता. याप्रकरणी अहमदनगर येथील कोतवाली पोलिस ठाण्यात खूनाचा गुन्हा दाखल करण्यात आला होता. या घटनेपासून तो पोलिसांना गुंगारा देत होता. फरार कालावधीत सर्फराजने कोंढव्यात वास्तव्य करून टुर्स अॅण्ड ट्रॅव्हलचा व्यवसाय सुरू केला होता. गुन्हे शाखेचे पोलिस अभिलेखावरील गुन्हेगाराची माहिती तपासत असताना कर्मचारी गजानन सोनुने यांना माहिती मिळाली की, नगर येथे दहा वर्षापूर्वी झालेल्या खूनाच्या गुन्ह्यातील फरार आरोपी सर्फराज हा कोंढव्यातील काैसरबाग परिसरात येणार आहे. त्यानुसार वरिष्ठ निरीक्षक महेंद्र जगताप, उपनिरीक्षक संजय गायकवाड यांच्या पथकाने सापळा रचून सर्फराजला ताब्यात घेतले. त्याच्याकडे अधिक चौकशी केली असता त्याने गुन्हा केल्याची कबुली दिली.

म. टा. प्रतिनिधी, सांगलीः आणि तासगावातील प्रसिद्ध गणेश मंदिरातील मानाच्या गणपतींची शनिवारी विधिवत प्रतिष्ठापना झाली. करोना संसर्गाच्या पार्श्वभूमीवर यंदा गणेशोत्सवावर मर्यादा आल्या असल्या तरी, भाविकांचा उत्साह मात्र कायम आहे. गर्दी टाळत नागरिकांनी बाप्पांचे भक्तीभावाने स्वागत केले.

सांगलीत दरवर्षी गणेशोत्सव मोठ्या थाटामाटात साजरा होतो. सांगली संस्थानासह तासगावातील गणेश पंचायतन ट्रस्टच्या रथोत्सवाचे भाविकांना आकर्षण असते. लाखो भाविकांच्या उपस्थितीत हा उत्सव साजरा होतो. मात्र, यंदा करोना संसर्गामुळे जिल्ह्यात साधेपणाने गणेशोत्सव साजरा होत आहे. शनिवारी सकाळपासूनच बाप्पांच्या स्वागताची लगबग सुरू होती. गर्दी टाळण्यासाठी सांगली महानगरपालिकेने वॉर्डनिहाय मूर्तींच्या विक्रीचे नियोजन केले होते. यामुळे बाजारपेठांमधील गर्दी टाळता आली. घरगुती गणपतींसह सार्वजनिक मंडळांच्या गणेशमूर्तींचे स्वागत करण्यासाठी नेहमी पारंपरिक वाद्यांसह ध्वनी यंत्रणांचा दणदणाट असतो. पण, यंदा गणपती बाप्पा मोरयाच्या गजरात विघ्नहर्त्याचे स्वागत करण्यात आले. सार्वजनिक मंडळांना मिरवणुका आणि मंडप घालण्यासाठी परवानगी नसल्याने मंडळांनी साधेपणाने बाप्पांचे स्वागत केले. अनेक नागरिकांनी गेल्या दोन दिवसांपासूनच मूर्ती घरी घेऊन जाण्यास सुरुवात केली होती. यामुळे शनिवारी शहरात गर्दी टाळता आली.

सांगलीत विजयसिंह राजे पटवर्धन यांच्या उपस्थितीत दरबार हॉलमध्ये गणेशाची प्रतिष्ठापना झाली. करोना संसर्गामुळे मंदिरातील सर्व कार्यक्रम रद्द करण्यात आले आहेत. मात्र, धार्मिक विधी नियमानुसार होणार असल्याचे यापूर्वीच ट्रस्टने स्पष्ट केले आहे. तासगावातील गणेश मंदिरातही भक्तिमय वातावरणात लाडक्या बाप्पाची प्रतिष्ठापना झाली. दीड दिवसाच्या गणपतीचे रविवारी विसर्जन होणार आहे. मात्र, नेहमीप्रमाणे यंदा रथोत्सव होणार नाही. रविवारी दुपारी ट्रस्टचे पदाधिकारी आणि मोजक्या पुजाऱ्यांच्या उपस्थित गणपतीचे विसर्जन होईल, अशी माहिती ट्रस्टने दिली आहे. २४१ वर्षांच्या परंपरेत यंदा तिसऱ्यांदा रथोत्सव रद्द करावा लागला आहे. १९४२ मध्ये ब्रिटिश सरकारने रथोत्सव रद्द केला होता. यानंतर १९७२ मध्ये दुष्काळामुळे रथोत्सव रद्द झाला. यंदा करोना संसर्गामुळे रथोत्सव रद्द करण्याचा निर्णय घ्यावा लागला. यामुळे भाविकांच्या गर्दीविनाच बाप्पांचे आगमन झाले आणि विसर्जन होणार आहे.