शुभम जनार्धन नखाते (वय ३०, रा. साईबाबा मंदिर, तापकीर चौक, काळेवाडी) असे खून झालेल्या तरुणाचे नाव आहे. भाजप नगरसेविकेचा मुलगा राज तापकीर, ज्ञानेश्वर राजेंद्र पाटील (वय २३), प्रवीण ज्योतीराम धुमाळ (वय २१), अविनाश धनराज भंडारे (वय २३), अजय भारत वाकोडे (वय २३) अशी अटक केलेल्या आरोपींची नावे आहेत. त्यांच्यासह मोरेश्वर रमेश आष्टे (वय २१), प्रेम वाघमारे (सर्व रा. काळेवाडी) यांच्या विरोधात गुन्हा दाखल करण्यात आला आहे.

वरिष्ठ पोलिस निरीक्षक डॉ. विवेक मुगळीकर यांनी दिलेल्या माहितीनुसार, वडापावच्या पैशांवरून १५ दिवसांपूर्वी शुभम आणि आरोपींमध्ये भांडण झाले होते. त्या भांडणाच्या रागातून त्यांच्यात बुधवारी (१९ ऑगस्ट) संध्याकाळी साडेचार वाजता पुन्हा भांडण झाले होते. बुधवारी रात्री साडेनऊ वाजताच्या सुमारास आरोपींनी शुभम याला तापकीर चौकातील धुंडिराज मंगल कार्यालय येथे बोलावले. तेथे आल्यावर बोलण्यापूर्वीच वाद सुरू झाले. त्यानंतर शुभमच्या डोक्यात कोयत्याने सपासप वार केले. त्यातच शुभमचा मृत्यू झाला. घटनेची माहिती मिळताच वाकड पोलिसांनी घटनास्थळी धाव घेतली. पोलिसांनी सातपैकी पाच जणांना अटक केली. शुभम याच्यावर विनयभंग आणि पोक्सोचा गुन्हा दाखल आहे. तापकीर आणि नखाते हे नातेवाइक असून, त्या दिशेने पोलीस तपास करीत आहेत.

मनसेचे सरचिटणीस व माजी नगरसेवक यांनी आज पत्रकार परिषद घेऊन कोविड सेंटरच्या कामात व कंत्राटांमध्ये घोटाळा झाल्याचा आरोप केला होता. महापौरांनी पदाचा गैरवापर करून आपल्या मुलाला कोविड सेंटरचे कंत्राट मिळवून दिल्याचं ते म्हणाले होते. तसंच, महापौरांच्या राजीनाम्याची मागणीही केली होती.

महापौर पेडणेकर यांनी तात्काळ या आरोपांचं खंडन केलं आहे. ‘मुंबईतील कोविड सेंटरला मनुष्यबळ पुरविण्याचे काम अनेक कंपन्यांनी केले आहे. त्यात माझ्या मुलाचीही एक कंपनी आहे. माझा मुलगा सज्ञान आहे. गेली दहा वर्षे तो व्यवसाय करत आहे. काम मिळविणे हा त्याचा हक्क आहे. कोणाला यात काही संशय येत असेल तर त्यांनी महापालिकेत जाऊन चौकशी करावी,’ असं आव्हानच त्यांनी दिलं आहे.

वाचा:

महापालिकेतील सत्ताधारी शिवसेनेवर आरोप करणाऱ्या मनसेचाही त्यांनी खरपूस समाचार घेतला. ‘ही कसली पोटदुखी आहे? करोनाकाळात बोंबा मारायला मिळाल्या नाहीत म्हणून आरोप करताहेत की कोरोना आटोक्यात येत आहे हे पाहवत नाही,’ असं त्या म्हणाल्या.

तपासणीचा एक भाग जवळजवळ पूर्ण झाला आहे. सीबीआयने बहुतेकांचे जबाब नोंदवले आहेत. यामध्ये सुशांतच्या फायनान्सशी संबंधित स्टेटमेन्टचा समावेश आहे. याशिवाय सीबीआयने मुख्य आरोपी रिया चक्रवर्तीवरील आरोपांबाबतही जबाब नोंदवला आहे.

याशिवाय सीबीआय एसआयटीला मदत करण्यासाठी एक फॉरेन्सिक विज्ञान तज्ज्ञ आणि विश्लेषकांची एक टीम तयार केली गेली आहे. यासोबतच सीबीआयने या प्रकरणी मुंबई पोलिसांशी औपचारिक संपर्क साधला आहे. सर्वोच्च न्यायालयाच्या निर्णयानंतर सीबीआय सुशांत प्रकरणाची चौकशी करणार आहे. याशिवाय सीबीआयची एक महत्त्वपूर्ण बैठक झाली आहे. यात सुशांतचा खटला कसा चालवायचा यावर चर्चा झाली आहे.

एसआयटी घोषणा

सीबीआयने सुशांत प्रकरणाच्या तपासासाठी आधीच तयारी केली होती. सर्वोच्च न्यायालयाच्या आदेशानंतर या प्रकरणाची चौकशी करण्यासाठी एसआयटीची घोषणा करण्यात आली. एसआयटीचे अध्यक्ष सीबीआयचे सहसंचालक मनोज शशिधर असतील. त्यांच्याशिवाय गगनदीप गंभीर, एसपी नुपूर प्रसाद आणि अतिरिक्त एसपी अनिल यादव हे या संघात सहभागी होतील. हे सर्व सुशांतसिंग राजपूत प्रकरणाची चौकशी करतील.

गेल्या तीन महिन्यांपासून सुशांतसिंह प्रकरणावरून देशभरात राजकीय गदारोळ सुरू आहे. या प्रकरणाशी ठाकरे सरकारमधील मंत्र्यांचा संबंध असल्याचा आरोप भाजपकडून करण्यात येत होता. तसंच, मुंबई पोलिसांच्या भूमिकेवर संशय व्यक्त करून हा तपास सीबीआयकडे देण्याची मागणी केली होती. त्यामुळं राज्य सरकार कोणालातरी वाचवण्यासाठी सीबीआयकडे हे प्रकरण सोपावण्यास तयार होत नसल्याचा टीका सातत्यानं विरोधकांकडून होत होती. मात्र, आता सर्वोच्च न्यायालयानं हे प्रकरण सीबीआयकडे (CBI) सोपवण्याचे निर्देश दिल्यानंतर भाजपनं ठाकरे यांच्यावर निशाणा साधला आहे.

‘राजीनामा महाराष्ट्राच्या मुख्यमंत्र्यांच्या मागितला पाहिजे. आंधळा आणि बहिरा पण सांगेल की मुंबई पोलिसांवर मागच्या ६५ दिवसांत कोण दबाव टाकत होतं. एवढा दबाव फक्त मुख्यमंत्री कार्यालय टाकू शकतं म्हणून राजीनामा पण मुख्यमंत्र्यांनीच दिला पाहिजे,’ असं ट्विट भाजप नेते निलेश राणे यांनी केलं आहे.

दरम्यान, किरीट सोमय्या यांनीही गृहमंत्री अनिल देशमुख यांनी राजीनामा द्यावा अशी मागणी केली होती. मुंबईच्या पोलीस आयुक्तांनी सुशांत प्रकरणात तब्बल दोन महिने साधा एफआयआर नोंदवून न घेणं हे दुर्दैवी आहे. ह्याची जबाबदारी घेऊन महाराष्ट्रचे गृहमंत्री अनिल देशमुख यांनी राजीनामा द्यावा. सुशांतच्या कुटुंबालाचा गुन्हेगार ठरवण्याचा प्रयत्न केला गेला. ठाकरे सरकारची दादागिरी आता संपेल. हे सरकार आतातरी धडा घेईल,’ असं सांगतानाच, ‘सुशांतसिंहच्या कुटुंबाला न्याय मिळेल,’ असा विश्वासही सोमय्या यांनी व्यक्त केला आहे.

गणेश चतुर्थीपूर्वी तीन दिवस आधीच येणाऱ्या सांगली संस्थानच्या चोर गणपतीचे बुधवारी पहाटे आगमन झाले. करोना संसर्गामुळे भाविकांच्या गैरहजेरीत पुजाऱ्यांनी चोर गणपतीची प्रतिष्ठापना केली. रात्रीच्या अंधारातच आगमन होत असल्याने याला असे म्हटले जाते. दोनशे वर्षांची परंपरा असलेल्या चोर गणपतीचे यंदा करोना संसर्गामुळे चोरपावलांनी आगमन झाले.

दरवर्षी सांगलीत संस्थानच्या गणेशोत्सवाचा मोठा उत्साह असतो. परंपरेनुसार भाद्रपद शुद्ध प्रतिपदेला येणाऱ्या चोर गणपतीची भक्तिभावाने प्रतिष्ठापना केल्यानंतर गणेशोत्सवाला सुरुवात होते. हा गणपती रात्रीच्या अंधारात येतो. रात्रीतच त्याची प्रतिष्ठापना होते. बहुतांश भाविकांना तो कधी आला याचा थांगपत्ताही लागत नाही. यामुळे त्याला चोर गणपती असे म्हटल्याची आख्यायिका सांगितली जाते. यंदा मात्र करोना संसर्गामुळे चोर पावलांनीच चोर गणपतीचे आगमन झाले.

वाचा:

मोजक्या पुजाऱ्यांनी पूजाअर्चा करून त्याची प्रतिष्ठापना केली. परंपरेनुसार साडेतीन फुटांच्या दोन मूर्तींची प्रतिष्ठापना करण्यात आली. दोनशे वर्षांपूर्वी कागदाच्या लगद्यापासून पर्यावरणपूरक मूर्ती तयार केल्या आहेत. तेव्हापासून या तशाच आहेत. दरवर्षी रंगरगोटीशिवाय त्यांना हात लावला जात नाही. दरबार हॉलमध्ये मुख्य मूर्तीच्या डाव्या-उजव्या बाजूला या दोन्हीही मूर्ती बसवण्यात येतात. ऋषीपंचमीच्या रात्री लळीत कीर्तनाने उत्सवाचा समारोप होतो. उत्सवानंतर मूर्ती सुरक्षितस्थळी ठेवल्या जातात. दरम्यान, करोना संसर्गाच्या पार्श्वभूमीवर भाविकांनी दर्शनासाठी मंदिरात गर्दी करू नये, असे आवाहन गणपती पंचायतन ट्रस्टने केले आहे.

वाचा: