मुंबईः राज्यात करोनानं पुन्हा एकदा हातपाय पसरवण्यास सुरुवात केल्यानं आरोग्य विभागाची झोप उडाली आहे. डिसेंबरपासून राज्यातील रुग्णसंख्या झपाट्याने कमी होत होती. आशियातील सर्वात मोठी झोपडपट्टी असलेल्या धारावीतही करोना आटोक्यात आणण्यात यश आलं होतं. मात्र, आता धारावी, माहिम आणि दादरमध्ये करोनानं पुन्हा डोकं वर काढलं आहे.

धारावी लगतच्या माहीम आणि भागात चिंता कायम आहे. धारावीच्या तुलनेत माहिममध्ये अधिक रुग्ण आहेत. गेल्या २४ तासांत माहिममध्ये १३ रुग्णांची भर पडली आहे तर, एकूण ११८ अॅक्टिव्ह रुग्ण आहेत. तर, माहिममध्ये एकूण करोना रुग्णांची संख्या ४ हजार ९०५ इतकी झाली असून तर आजपर्यंत ४ हजार ६३३ इतके रुग्ण बरे झाले आहेत.

वाचाः

दादरमध्ये आज दिवसभरात ३ रुग्ण आढळले असून एकूण रुग्णांची संख्या ५ हजार ०२६ इतकी झाली आहे. तर, आजपर्यंत ४ हजार ७९९ रुग्णांनी करोनावर यशस्वी मात केली आहे. तर, दादरमध्ये सध्या ९४ सक्रीय रुग्ण आहेत.

वाचाः

करोनावर यशस्वीपणे नियंत्रण मिळवणाऱ्या धारावी पॅटर्नचे जगभरात कौतुक होतं होते. जानेवारी महिन्यात धारावीत एक- दोन अशा संख्येनं रुग्ण आढळत होते. तर, अॅक्टिव्ह रुग्णही १०च्या आसपास होते. मात्र, राज्यात करोनाचा संसर्ग वाढला तसा धारावीतही याचा परिणाम होत गेला. धारावीत आज ६ नवीन रुग्ण आढळले आहेत. तर, २१ अॅक्टिव्ह रुग्ण उपचार घेत आहेत.

वाचाः

धारावीत आज ६ नवीन रुग्णांची नोंद झाली असून एकूण रुग्णांची संख्या ५ हजार २६ इतकी झाली आहे. तर, ४ हजार ७६६ रुग्णांनी करोनावर यशस्वी मात केली आहे. धारावीतील सक्रिय रुग्णांचा आकडाही वाढताना दिसत आहे. सध्याच्या घडीला धारावीत २१ रुग्ण उपचार घेत आहेत.

नवी मुंबई: ‘इंटरनॅशनल डॉनसोबत संबंध असतील तर यांची एसआयटी चौकशी करा’, अशी मागणी करतानाच याबाबत आपण केंद्रीय गृहमंत्री यांना पत्र लिहिणार असल्याचे राष्ट्रवादी काँग्रेसच्या खासदार यांनी आज सांगितले. सुप्रिया यांनी घेतलेल्या या पवित्र्यामुळे नवी मुंबईत राष्ट्रवादी विरुद्ध गणेश नाईक हा संघर्ष तीव्र होण्याची शक्यता आहे. ( Latest News )

वाचा:

नवी मुंबईत सध्या महापालिका निवडणुकीचे वारे वाहत आहेत. या निवडणुकीच्या तारखा कोणत्याही क्षणी जाहीर होतील अशी शक्यता असताना राजकारण चांगलंच तापलं आहे. गणेश नाईक यांचं वर्चस्व संपुष्टात आणण्यासाठी महाविकास आघाडी एकजुटीने मैदानात उतरली आहे. नाईक यांचे अनेक शिलेदार शिवसेना आणि राष्ट्रवादीला जाऊन मिळाले आहेत. फोडाफोडीमुळे तणावही वाढत चालला आहे. त्यातच गणेश नाईक यांनी एका जाहीर भाषणात शिवसेना आणि राष्ट्रवादीला अत्यंत सूचक शब्दांत धमकी दिली आहे. ‘कोणत्याही प्रकारच्या गुंडगिरीला घाबरू नका. कुणी गुंडगिरी करत असल्यास रात्री अपरात्री कधीही मला फोन करा. केवळ इथलेच नाहीत तर इंटरनॅशनल डॉनसुद्धा मला ओळखतात. म्हणून घाबरण्याचं काही कारण नाही’, असे विधान गणेश नाईक यांनी तुर्भे येथे एका कार्यक्रमात केले होते. त्याचा सुप्रिया सुळे यांनी आज समाचार घेतला. त्या कार्यकर्ता मेळाव्यात बोलत होत्या.

वाचा:

‘ आमदाराच्या गुंडगिरीचा व्हिडिओ समोर आला आहे. या आमदाराने केलेले विधान राष्ट्रीय सुरक्षेच्या दृष्टीने अतिशय गंभीर असून याबाबत देशाचे गृहमंत्री अमित शहा यांना मी पत्र लिहिणार आहे. याप्रकरणी एसआयटी नेमून चौकशी करावी, अशी मागणी मी त्यांच्याकडे करणार आहे’, असे सुप्रिया सुळे यांनी नमूद केले. यांचा ‘पारदर्शकपणे’ हा लाडका शब्द आहे. त्यानुसार यात पारदर्शकपणे नक्की काय आहे, यांचं उत्तर महाराष्ट्रातील जनतेला मिळायला हवं. म्हणजे ‘दूध का दूध आणि पानी का पानी’ होईल, असा टोलाही खासदार सुप्रिया सुळे यांनी लगावला. एप्रिलमध्ये होणाऱ्या संसदेच्या अधिवेशनात हा मुद्दा लावून धरणार असल्याचेही यावेळी सुप्रिया यांनी नमूद केले.

गणेश नाईक राष्ट्रवादीत असताना त्यांना पक्षाकडून पूर्ण सन्मान दिला गेला. ब्लॅंक पेपरवर सही होऊन नवी मुंबईत उमेदवारांची नावे टाकली जात होती. नाईकांच्या घरात आम्ही अन्न खाल्लं आहे, त्यामुळे अन्नाशी गद्दारी कधीच करणार नाही. ते कसेही वागले तरी आम्ही आमची पातळी सोडणार नाही, असेही सुप्रिया सुळे यांनी यावेळी स्पष्ट केले.

वाचा:

म. टा. प्रतिनिधी, पुणे: शहरात करोनाच्या संसर्गाची तीव्रता वाढत असताना आता ग्रामीण भागातही करोनाचा प्रसार वाढत आहे. करोना संसर्गाची साथ अधिक वाढू नये यासाठी आत्तापासून खबरदारी घेण्यात येत आहे. यासाठी जिल्हाधिकारी देशमुख यांनी करोनाचा प्रादुर्भाव रोखण्यासाठी करण्यात येणाऱ्या उपाययोजनांसाठी आदेश काढला आहे

जिल्हयाच्या ग्रामीण भागात करोनाबाधित रुग्ण आढळून आल्यास रुग्णांच्या संपर्कात असलेल्या किमान २० लोकांचा शोध घेऊन संबंधित परिसर प्रतिबंधित क्षेत्र (कंटेन्मेंट झोन) म्हणून घोषित करावे तसेच मंगल कार्यालये, लॉन्स, कोचिंग क्लासेस, शाळा आणि महाविद्यालय, चित्रपटगृहे , शॉपिंग मॉल या ठिकाणांची अचानक तपासणी करून मास्क न घालणाऱ्यांकडून ५०० रुपये आणि दुसऱ्यांदा आढळल्यास हजार रुपये दंड आकारण्याचे आदेश जिल्हाधिकारी डॉ. राजेश देशमुख यांनी दिले ओहत. या ठिकाणी दुसऱ्यांदा अशीच परिस्थिती आढळल्यास संबंधित ठिकाणे १५ दिवस सील करावी किंवा संबंधितांविरुद्ध गुन्हा दाखल करण्याच्याही सूचना त्यांनी दिल्या आहेत.

वाचाः

जिल्हाधिकारी देशमुख यांनी करोनाचा प्रादुर्भाव रोखण्यासाठी करण्यात येणाऱ्या उपाययोजनांसाठी आदेश काढला आहे. त्यानुसार इन्सिडंट कमांडर म्हणून उपविभागीय अधिकारी, तहसीलदार, गट विकास अधिकारी, पोलिस, नगर परिषदांचे मुख्याधिकारी यांच्यावर अंमलबजावणीची जबाबदारी सोपविण्यात आली आहे.

वाचाः

खाटा आणि व्हेंटिलेटरची व्यवस्था करा

जिल्ह्यातील कोव्हिड केअर सेंटर आणि कोव्हिड हॉस्टिपटलमध्ये असलेल्या व्यवस्थेची पाहणी करण्यात यावी. या ठिकाणी किती खाटा आहेत आणि व्हेंटिलेटर उपलब्ध आहेत का, हे तपासून पुरेसे मनुष्यबळ उपलब्ध करून ठेवण्याचे आदेश जिल्हाधिकारी देशमुख यांनी दिले आहेत.

वाचाः

जिल्हाधिकारी डॉ. देशमुख यांनी केलेल्या सूचना

-खासगी रुग्णालयांतील डॉक्टरांची बैठक घ्यावी. करोनाची प्राथमिक लक्षणे आढळून आल्यास रुग्णांची करोना चाचणी करून घ्यावी.

– भाजी मंडई, दुकानदार यांच्या ठराविक अंतराने करोना चाचण्या घेण्यात याव्या.

– सामाजिक, धार्मिक आणि राजकीय कार्यक्रम घेताना नियमांचे काटेकोर पालन करावे.

– मंदिरांमध्ये येणाऱ्या भाविकांना पास देताना ६५ वर्षांवरील ज्येष्ठ नागरिक तसेच दहा वर्षाखालील लहान मुलांना पास देऊ नयेत.

म. टा. प्रतिनिधी, : अमरावती येथून झालेल्या चार वर्षांच्या बालकाची नगरमध्ये सुखरूप सुटका करण्यास स्थानिक गुन्हे शाखेच्या पोलिसांना यश आले. या मुलाच्या सावत्र आजीनेच नगरमधील आपल्या साथीदारांच्या मदतीने हा गुन्हा केला होता. पोलिसांनी आतापर्यंत एका महिलेसह पाच आरोपींना अटक केली आहे. आपले जुने देणे चुकवण्यासाठी बालकाचे अपहरण करून लुणिया यांच्याकडे खंडणी मागण्याचा आरोपींचा कट होता. मात्र,अमरावती आणि नगरच्या पोलिसांनी तातडीने हालचाली केल्याने तो कट उधळला गेला.

यासंबंधी मिळालेल्या माहितीनुसार, नयन मुकेश लुणिया (वय ४, रा. अमरावती) याचे १७ फेब्रुवारीला अपहरण झाले होते. अमरावतीच्या पोलिसांनी केलेल्या तांत्रिक तपासाच्या अधारे आरोपी नगरला आल्याची माहिती मिळाली. नगर पोलिसांना याची माहिती मिळाल्यानंतर स्थानिक गुन्हे शाखेचे पोलिस निरीक्षक अनिल कटके, गणेश इंगळे, सुनील चव्हाण, दत्ता हिंगडे, संदीप पवार, सागर ससाणे यांच्या पथकाने तातडीने तपास सुरू केला. त्यांनी काही तासांतच हिना शेख उर्फ हिना अनिकेत देशपांडे, अल्मश ताहेर शेख, असिफ हिमायत शेख, मुजाही नासीर शेख व फैरोज नसीर शेख (रा. नगर) यांना ताब्यात घेतले. त्यांच्याकडून नयनची सुखरूप सुटका करण्यात आली. आणखी एका महिलेसह चार आरोपी फरारी आहेत.

पोलिसांना प्राथमिक चौकशीत मिळालेल्या माहितीनुसार, यातील हिना शेख उर्फ हिना देशपांडे या महिलेने पैशांसाठी हे अपहरण घडवून आणले आहे. यातील आरोपी हिना हिचे अमरावतीला लुणिया यांच्या घरी जाणे-येणे होते. त्यामुळे त्यांच्या आर्थिक परिस्थितीबद्दल तिला माहिती होती. नगरमध्ये एका मैत्रिणीकडून घेतलेले कर्ज चुकते करण्यासाठी तिला पैशांची गरज होती. ते पैसे मिळविण्यासाठी अन्य आरोपींच्या मदतीने नयनच्या अपहरणाची योजना आखण्यात आली. १७ तारखेला नयन याला घरातून बाहेर आणून दुचाकीवरून काही अंतर नेण्यात आले. त्यानंतर नगरला आणण्यात आले. पुढे त्याला कल्याण येथे घेऊ जाऊन तेथून लुणिया यांच्याकडे खंडणी मागण्याची आरोपींची योजना होती. मात्र, अमरावती पोलिसांनी तक्रार येताच हालचाली सुरू केल्या. सीसीटीव्ही फुटेजच्या आधारे नगर पोलिसांशी संपर्क साधला. नगरच्या पोलिसांनीही तेवढ्याच गतीने हाचाली केल्याने अशा गुन्ह्यांत सराईत असलेले आरोपी पोलिसांच्या हाती लागले आणि नयनची सुटका झाली.

मुंबई: , अकोला आणि यवतमाळ या तीन जिल्ह्यांमध्ये अद्याप तरी विषाणूचा कोणताही परदेशी स्ट्रेन आढळलेला नाही. जिल्ह्यातील आणखी काही नमुने जनुकीय तपासणीसाठी पाठवण्यात आले असून त्याचा अहवाल पुढील आठवड्यापर्यंत मिळेल व त्यानंतर यात अधिक स्पष्टता येईल, अशी महत्त्वाची माहिती राज्याच्या आरोग्य विभागाकडून देण्यात आली आहे. ( )

वाचा:

राज्यातील अमरावती, यवतमाळ, सातारा आणि पुणे अशा काही जिल्ह्यांमध्ये मागील आठवड्यापासून कोविड रुग्णांच्या दैनंदिन संख्येमध्ये वाढ होताना दिसत आहे. या वाढीची कारणे शोधण्याचा सर्वतोपरी प्रयत्न करण्यात येत आहे. या भागातील करोना विषाणूच्या जनुकीय रचनेमध्ये काही बदल झालेला आहे का, या संदर्भातही पाहणी करण्यात येत आहे असे आरोग्य विभागाने स्पष्ट केले आहे.

वाचा:

आतापर्यंत अमरावती, यवतमाळ, सातारा या भागातील प्रत्येकी चार नमुने पुणे येथील बी. जे. वैद्यकीय महाविद्यालयामध्ये तपासण्यात आले असून या नमुन्यांच्या तपासणी अहवालानुसार या जिल्ह्यांमधील विषाणूमध्ये ,दक्षिण आफ्रिका किंवा या देशांमध्ये आढळलेल्या नवीन विषाणू प्रकारासारखा कोणताही बदल दिसून आलेला नाही. पुण्यातील १२ नमुने देखील या वैद्यकीय महाविद्यालयात तपासण्यात आले असून त्यामध्येही जनुकीय क्रमामध्ये कोणतेही बदल दिसून आलेले नाहीत. या अनुषंगाने अधिक तपासणी सुरू असून अकोला, अमरावती आणि यवतमाळ या जिल्ह्यातील आणखी काही नमुने आणि राष्ट्रीय पेशी विज्ञान संस्था, पुणे या ठिकाणी जनुकीय तपासणी करता पाठवण्यात आले आहेत. या संदर्भातील सविस्तर अहवाल पुढील आठवड्यापर्यंत मिळण्याची शक्यता आहे.

वाचा:

दरम्यान, राज्यात गेल्या काही दिवसांपासून करोना रुग्णांची संख्या वेगाने वाढू लागली आहे. राज्यात गुरुवारी ५ हजार ४२७ नवीन बाधितांची नोंद झाली. तब्बल ७५ दिवसांनंतर दैनंदिन रुग्णसंख्येने पाच हजारचा आकडा ओलांडल्याने चिंतेत अधिकच भर पडली आहे. यात अमरावती विभागात मोठ्या प्रमाणामध्ये करोनाचा प्रादुर्भाव वाढताना दिसत आहे. अमरावती जिल्ह्याचा दैनंदिन पॉझिटिव्हिटी दर ४८ टक्के असून आठवड्याचा हा दर ३५ टक्के इतका आहे तर यवतमाळ जिल्ह्याचा दैनंदिन आणि आठवड्याचा पॉझिटिव्हिटी दर १५ टक्के आहे. या दोन्ही जिल्ह्यांत लॉकडाऊनचे कठोर पाऊल उचलावे लागले आहे. या पार्श्वभूमीवर अमरावती विभागात करोनाचा नवा स्ट्रेन आढळलेला नसल्याने तो खूप मोठा दिलासा ठरला आहे.

वाचा:

म. टा. प्रतिनिधी, नगर: नगर शहरात छत्रपती शिवाजी महाराजांचे मंदीरवजा स्मृतीस्थळ आहे. ब्रिटिश राजवटीत १८९७ मध्ये तेथे शिवजयंती साजरी केली म्हणून पाच शिक्षकांना देशद्रोही ठरविण्यात आले होते. त्यांना नोकरीतून काढण्यात आले होते. या ठिकाणी तब्बल सव्वाशे वर्षांनंतर सार्वजिक शिवजयंती साजरी करण्यात आली. करोनाच्या निर्बंधांमुळे मर्यादित शिवप्रेमींच्या उपस्थितीत हा कार्यक्रम झाला असला तरी येथील उत्सवाला पुन्हा सार्वजनिक स्वरूप मात्र प्राप्त झाले आहे.

येथील अहमदनगर एज्युकेशन सोसायटीच्या भाऊसाहेब फिरोदिया शाळेच्या आवारात हे मंदिर वजा स्मृतीस्थळ आहे. अर्थात हे मंदिर कधी स्थापन झाले, याचा स्पष्ट उल्लेख सापडत नाही; पण १८९८ च्या पुण्यातील प्लेग साथीच्या आधीपासून हे मंदिर असल्याच्या नोंदी सापडतात. आणखी एका नोंदीनुसार १८९७ मध्ये तेथे शिवजयंती उत्सव झाला होता. त्यावेळी माधव हरि मोडक यांनी तेथे भाषण केले होते. या भाषणावरून ब्रिटिशांनी त्यांना देशद्रोही ठरवून गुन्हा दाखल केला होता. यामध्ये सहभागी झाल्याबद्दल त्यांच्यासह गणपतराव दाभोळकर, शिवरामपंत भारदे, बंडोपंत धसे व रंगनाथ निसळ या शिक्षकांना सेवेतून कमी करण्यात आले होते.

वाचाः

पुढे १८९८ च्या प्लेगमध्ये रँडच्या खुनाने राजकीय वातावरण प्रक्षुब्ध झाले. त्याचे पडसाद सर्व महाराष्ट्रभर पसरले. या शिवाजी मंदिराकडेही कोणी लक्ष देईनासे झाले. शिवाजी मंदीर या नावाची आज विश्रामबागेत असलेली लहानशी इमारत अहमदनगर एज्युकेशन सोसायटीच्या ताब्यात आहे. संस्थेतर्फे तेथे छत्रपती शिवाजी महाराजांच्या मूर्तीची पूजाअर्चा होते. आता या उत्सवाला पुन्हा सार्वजनिक स्वरूप देण्यात आले.

वाचाः

स्मायलिंग अस्मिता कष्टकरी, शेतकरी विद्यार्थी संघटनेच्या पुढाकारातून शिवप्रेमेंनी आज एकत्र येत येथे शिवजयंती साजरी केली. नगर शहराचे पोलिस उपअधीक्षक विशाल ढुमे, नगरसेवक बाळासाहेब पवार, प्रा. सदाशीवराव निर्मळे, संपुर्णाताई सावंत, श्रीपाद दगडे, यशवंत तोडमल, हेमंतराव मुळे, विशाल म्हस्के, श्रेयस सावंत यावेळी उपस्थित होते. करोनाचे नियम पाळून हा कार्यक्रम अटोपशीर करण्यात आला. तेथील सार्वजनिक शिवजयंतीची परंपरा पुन्हा सुरू झाली.

वाचाः

जळगाव: राज्यभरात पुन्हा संसर्ग वाढला आहे. राज्य शासनाने केलेल्या चुकांमुळेच करोना ससंर्ग वाढत आहे. वेळीच उपाययोजना केल्या असत्या तर हे टाळता आले असते, असा आरोप भाजपचे नेते माजी मंत्री यांनी जळगावात केला आहे.

गिरीश महाजन आज सकाळी जळगावात शिवतीर्थ मैदानावर छत्रपती शिवाजी महाराजांच्या पुतळ्यास अभिवादन करण्यासाठी आलेले होते. यावेळी त्यांनी पत्रकारांशी संवाद साधला. त्यांच्यासोबत आमदार सुरेश भोळे, महापौर भारती सोनवणे, उपमहापौर सुनील खडके आदींसह भाजप नगरसेवकांची उपस्थिती होती.

वाचा:

यावेळी वाढत्या करोना संसर्गावर बोलताना गिरीश महाजन पुढे म्हणाले, शासनाने योग्य वेळी काही निर्बंध घातले असते तर ही वेळ आलीच नसती. परंतु, अजूनही वेळ गेलेली नाही. अधिक काळजी घेण्याची आवश्यकता आहे. आताही कडक निर्बंध घातले नाही तर परिस्थिती चिघळेल की काय, अशी शक्यता आहे. त्यामुळे जनतेनेही स्वत:ची व स्वत:च्या कुटुंबाची काळजी घेतली पाहिजे, असे आवाहन त्यांनी केले.

शिवजयंतीवरच निर्बंध कशाला?

शिवजयंती साजरी करण्याबाबत राज्य शासनाने लावलेल्या निर्बंधांवर देखील महाजन यांनी नाराजी व्यक्त केली. महाजन म्हणाले की, एकीकडे राज्य शासनाचे मंत्री, प्रमुख नियमांची पायमल्ली करत आहेत. दररोज मंत्री मोठ्या रॅली काढत आहेत, हजारोंच्या संख्येने मेळावे घेत आहेत. त्यांना कोणत्याही प्रकारची नियमावली नाही. तुम्ही आपल्या लोकांना आवर घालू शकत नाहीत, मग लोकांवर निर्बंध कशासाठी? करोनाचा प्रादुर्भाव आता वाढत आहे. म्हणून सर्वांना नियम लागू झाले पाहिजेत. मात्र, आज आपल्या जाणत्या राजाची जयंती आहे म्हणून आम्ही नियमांच्या चौकटीत उत्सव साजरा करू, असेही गिरीश महाजन यांनी सांगितले.

वाचा:

म. टा. प्रतिनिधी,

केवळ चार तासांत चार करोनाबाधितांचा उपचारादरम्यान घाटीत मृत्यू झाला असून, बळींचा आकडा १२५० पर्यंत पोहोचला आहे. सर्व मृत हे औरंगाबाद जिल्ह्यातील असल्याचेही स्पष्ट झाले आहे. ( Rise in )

वाचा:

औरंगाबाद शहरातील संजयनगर, बायजीपुरा भागातील ३८ वर्षीय बाधित पुरुष रुग्णाला गुरुवारी (१८ फेब्रुवारी) शासकीय वैद्यकीय महाविद्यालय व रुग्णालयात (घाटी) दाखल करण्यात आले होते व त्याच दिवशी म्हणजे गुरुवारी रात्री दहा वाजता रुग्णाचा उपचारादरम्यान घाटीत मृत्यू झाला. जिल्ह्यातील पैठण तालुक्यातील पाचोड येथील ७५ वर्षीय बाधित महिला रुग्णावर १२ फेब्रुवारीपासून उपचार सुरू असताना रुग्णाचा गुरुवारी रात्री ११ वाजता मृत्यू झाला. शहरातील चिकलठाणा परिसरातील सविता मंगल कार्यालय परिसरातील ६५ वर्षीय बाधित पुरुष रुग्णावर सहा फेब्रुवारीपासून उपचार सुरू असताना रुग्णाचा गुरुवारी मध्यरात्री १२ वाजून पाच मिनिटांनी मृत्यू झाला. तसेच जिल्ह्यातील करमाड तालुक्यातील वरुड काझी परिसरातील ५२ वर्षीय बाधित पुरुष रुग्णावर ४ फेब्रुवारीपासून उपचार सुरू असताना रुग्णाचा गुरुवारी मध्यरात्री दोन वाजता मृत्यू झाला. त्यामुळे आतापर्यंत घाटीमध्ये ९७६ बाधितांचा, तर औरंगाबाद जिल्ह्यात एकूण १२५० बाधितांचा मृत्यू झाल्याचे घाटी प्रशासनाने कळवले आहे.

वाचा:

नाशिक: करोनाचा प्रादुर्भाव दिवसेंदिवस पुन्हा वाढण्यास सुरुवात झाली आहे. त्यामुळे करोनाच्या नियमांचे सर्वांनी काटेकोरपणे पालन करण्याची आवश्यकता आहे. अन्यथा शासनाला लॉकडाऊनचा निर्णय घ्यावा लागेल,’ असा इशारा राज्याचे अन्न, नागरी पुरवठा व ग्राहक संरक्षण मंत्री तथा नाशिक जिल्ह्याचे पालकमंत्री यांनी दिला आहे.

वाचा:

शिवजयंती कार्यक्रमानिमित्ताने आज नाशिक शहरातील विविध कार्यक्रमांना त्यांनी भेटी दिल्या. यावेळी त्यांनी पत्रकारांशी संवाद साधला. त्यावेळी ते बोलत होते. छगन भुजबळ म्हणाले की, राज्यात करोनाची रुग्णसंख्या दिवसेंदिवस वाढत आहे. त्यामुळे अनेक जिल्ह्यात लॉकडाऊनचा निर्णय घेण्यात येत आहे. नाशिक जिल्ह्यात आपण अद्याप निर्णय घेतलेला नाही. करणे नागरिकांना आणि शासनाला देखील परवडणारे नाही. मात्र रुग्णसंख्या वाढत राहिली तर मात्र यावर पुनर्विचार करून निर्णय घ्यावा लागणार आहे. लॉकडाऊनचा निर्णय हा पूर्णपणे नागरिकांच्या हातात आहे. जर नागरिकांनी करोनाच्या सर्व नियमांचे काटेकोर पालन केले. मास्क आणि सॅनिटायजरचा वापर नियमित केला तरच हे शक्य आहे. अन्यथा शासनाला याचा पुनर्विचार करावा लागणार असल्याचे त्यांनी यावेळी सांगितले.

संमेलनात नियमांचे कठोर पालन

नाशिकमध्ये होणाऱ्या मराठी साहित्य संमेलनाबाबत ते म्हणाले की, करोनाचा प्रादुर्भाव वाढत आहे. यामध्ये नाशिकमध्ये अखिल भारतीय मराठी साहित्य संमेलन होत आहे. संमेलनासाठी महिनाभराचा कालावधी बाकी आहे. यासाठी काटेकोर पद्धतीने नियोजन करण्यात येत असून साहित्य संमेलनाच्या ठिकाणी करोनाच्या सर्व नियमांचे पालन करण्यात येईल. या कार्यक्रमस्थळी मास्कशिवाय कोणालाही प्रवेश दिला जाणार नाही. तसेच या ठिकाणी सॅनिटायझरची व्यवस्था करण्यात येऊन गर्दी होणार नाही याचे काटेकोर नियोजन करण्यात येणार असल्याची माहिती भुजबळ यांनी दिली.

वाचा: