ओपन इंटेलिजेंस सोर्स detresfa ने भारतीय माध्यमांच्या हवाल्याने दिलेल्या वृत्तानुसार सांगितले की, चीनच्या पीपल्स लिबरेशन आर्मीने पँगोग त्सो आणि गोगरा-हॉट स्प्रिंग भागात फायबर ऑप्टिकल केबल टाकण्याचे काम सुरू केले आहे. detresfa या भागातील काही सॅटेलाइट छायाचित्रेही समोर आणली आहेत. लडाख आणि अक्साइ चीन भागातील चिनी सैन्याची संख्या कमी झाली असली तरी १५९७ किमी अंतरावर त्यांची सैन्य अद्यापही असून मागे हटलेले नाही. लडाखमध्ये चिनी सैन्याच्या या हालचालींना चीनच्या केंद्रीय सैन्य आयोगाकडून परवानगी मिळाली आहे. हा विभाग राष्ट्रपती शी जिनपिंग यांच्या अखत्यारीत येतो.

वाचा:

चीनकडून सातत्याने शांतता आणि स्थिरता यावर भाष्य करण्यात येते. मात्र, प्रत्यक्षात त्यांची कृती वेगळीच असल्याचेही समोर आले आहे. भारतीय सैन्याने पँगोग त्सोमधील जुने प्रशासनिक तळ हटवण्याची मागणी चीनने केली आहे. इतकंच नव्हे तर, कुगरंगमधील डोंगराळ भागातून भारतीय सैन्याला माघार घेण्यास चीनकडून सांगण्यात आले आहे.

वाचा:

वाचा: चीनकडून करण्यात आलेली ही मागणी भारतीय सैन्याने फेटाळून लावली आहे. सध्या असलेल्या ठिकाणी आपले सैन्य कायमच ठेवण्याचा निर्णय घेण्यात आला आहे. चीनच्या पीपल्स लिबरेशन आर्मीची कोणतीही मागणी पूर्ण करणार नाही आणि असलेली स्थिती कायम ठेवण्यात येणार आहे. लष्करी आणि कूटनीतिक बैठकांनंतर चीन प्रत्यक्ष नियंत्रण रेषेवरून मागे हटण्यास तयार नाही. त्यानंतर भारतीय सैन्याने देखील कुगरंग नदीवर आपली जागा न सोडण्याचा निर्णय घेतला आहे. चीनने घुसखोरी करण्याआधी असलेली स्थिती पूर्वपदावर यावी अशी मागणी भारताने केली आहे.

दरम्यान, भारत आणि चीन दरम्यान सीमा प्रश्नामुळे तणाव निर्माण झाला आहे. तणाव निवळण्यासाठी या दोन्ही देशांमध्ये लष्करी पातळीवर अनेक चर्चेच्या फैऱ्याही पार पडल्या आहेत. मात्र, अद्यापही त्यावर तोडगा निघाला नाही. प्रत्यक्ष नियंत्रण रेषा ओलांडून भारताच्या हद्दीत घुसखोरी करणाऱ्या चीनच्या उलट्या बोंबा सुरूच आहेत. भारताने सीमा प्रश्न आणखी जटील करू नये चीनने म्हटले आहे. मागील दोन-तीन महिन्यांपासून लडाख येथील चीनसोबतच्या प्रत्यक्ष नियंत्रण रेषेवर तणाव निर्माण झाला आहे. त्यानंतर सुरू झालेल्या चर्चेतून अद्यापही ठोस निर्णय झाला नाही. त्यावर चीनने म्हटले की, सीमेवर आणखी तणाव निर्माण होईल, अशी कोणतीही कारवाई भारत करणार नाही अशी चीनला अपेक्षा आहे. सीमा भागात शांतता आणि स्थिरता निर्माण करण्यासाठी दोन्ही पक्षातील संबंध चांगले होण्यासाठी अनुकूल परिस्थिती निर्माण होईल असेही चीनने काही दिवसांपूर्वी म्हटले.

देशात जे भूकमरी व बेरोजगारीचे संकट तसेच आर्थिक मंदीचा राक्षस धुमाकूळ घालतो आहे त्याच्याशी मुकाबला कसा करणार? हे संकट आजही घरात निपचीत पडून आहे. ते उपाशी पोटाची आग घेऊन घराबाहेर पडेल तेव्हा या स्वदेशी संकटाचा सामना करण्यासाठी सैन्य बोलवावे लागेल अशी चिंता आम्हाला सतावत आहे. कोट्यवधी चुली विझताना दिसत आहेत, त्याच वेळी घराघरात भुकेचा आगडोंब उसळताना दिसत आहे. जागतिक अर्थव्यवस्थेस गती देण्याचे सामर्थ्य भारतात असल्याचे मत संरक्षण मंत्री राजनाथ सिंह यांनीही स्वातंत्र्यदिनी झेंडा फडकवताना व्यक्त केले. जगाचे राहू द्या साहेब, देशातल्या अर्थव्यवस्थेला धक्का द्या. स्वातंत्र्य दिन येतो व जातो, लाल किल्ला तोच आहे, प्रश्न आणि दुःख तेच आहे, असा टोला शिवसेनेने लगावला आहे. दैनिक ‘सामना’च्या अग्रलेखातून ही टीका करण्यात आली आहे.

शिवसेनेची टीका

>> पंतप्रधान मोदी यांनी राष्ट्राला उद्देशून लाल किल्ल्यावरून जे भाषण केले ते त्याच पद्धतीचे होते. पाकिस्तान किंवा चीनला त्यांचे नाव न घेता इशारे वगैरे देण्याचे सोपस्कार त्यांनी पार पाडले. ते नित्याचेच क्रियाकर्म आहे. चीन अद्यापि आपल्या भूमीत घुसलेलाच आहे. पाकिस्तानचे शेपूट वाकडेच आहे. जम्मू-कश्मिरात जवानांची बलिदाने आणि भाजप कार्यकर्त्यांच्या हत्या थांबलेल्या नाहीत.

>> पंतप्रधानांचे भाषण सर्वसमावेशक होते. करोनामुळे समोर गर्दी कमी होती. त्यामुळे प्रमुख मंडळींच्या चेहऱ्यावरचे भाव ‘मास्क’मुळे समजणे कठीण होते; पण पंतप्रधानांचा आवेश, जोश कमी झाला नव्हता.

>> देशात करोनाचा कहर झाला आहे. गेल्या २४ तासांत ६३ हजार ४८९ नव्या रुग्णांची नोंद झाली, तर हजाराच्या आसपास लोक काल दिवसभरात मरण पावले. एका दिवसातला हा आक्रोश आहे. देशातील एकूण करोनाबाधित रुग्णांची संख्या पंचवीस लाखांवर पोहोचली व आतापर्यंत पन्नास हजारांवर लोक या महामारीत मरण पावले. हे चित्र धक्कादायक आहे. त्यामुळे पंतप्रधानांनी ‘लस’ येत आहे, असे लाल किल्ल्यावरून सांगणे आशादायक आहे.

>> प्रत्येक नागरिकाला डिजिटल हेल्थ कार्ड दिले जाईल, नॅशनल डिजिटल हेल्थ मिशनची स्थापना होईल, असे पंतप्रधानांनी जाहीर केले. या आरोग्य ओळखपत्रात डॉक्टरांच्या भेटीपासून ते औषधोपचारांपर्यंत सर्व काही असेल. हे सर्व डिजिटल प्रकरण छानच असावे; पण आजच्या करोना महामारीने देशासमोर जे आर्थिक महासंकट उभे राहिले आहे त्याचे काय? फक्त आत्मनिर्भर होण्याचा ढोल वाजवून हा प्रश्न तत्काळ सुटेल असे वाटत नाही. आतापर्यंत देशात १४ कोटी लोकांनी रोजगार गमावला आहे. भविष्यात हा आकडा वाढेल. लोकांना घराबाहेर पडायचे आहे; पण घराबाहेर पडून काय करायचे? नोकरीधंदा, रोजगार गेला आहे. त्यांच्या भविष्यावर पंतप्रधानांनी भाष्य केले असते तर बरे झाले असते.

आजोबा – फी कमी घेणार असाल तर मी सांगतो.
.
.
.
.
.
नाही तर तुम्ही शोधून काढा.

श्री विठ्ठल-रुक्मिणी मंदिर समितीचे सह अध्यक्ष ह-भ-प गहिनीनाथ महाराज औसेकर यांच्या अध्यक्षतेखाली व्हीडिओ कॉन्फरन्सद्वारे मंदिर समितीची बैठक घेण्यात आली. या बैठकीला मंदिर समितीचे कार्यकारी अधिकारी विठ्ठल जोशी, व्यवस्थापक बालाजी पुदलवाड, हभप ज्ञानेश्वर महाराज जळगावकर, सदस्य संभाजी शिंदे, शकुंतला नडगिरे, साधना भोसले यांच्यासह अन्य सदस्य व कर्मचारी उपस्थित होते.

आषाढी यात्रा २०२० मध्ये श्री विठ्ठल रूक्मिणी मातेची प्रक्षाळपुजा ९ जुलै २०२० रोजी रूढी व परंपरेनुसार संपन्न झाली. या पूजेच्या बाबतीत काही तक्रारी आल्या नंतर मंदिर समितीने सभा घेवून, मंदिराचे अधिकारी व कर्मचारी यांना गाभारा बंदीची कारवाई केली होती. त्यानंतर कर्मचाऱ्यांनी काम बंद आंदोलनाचा इशारा दिला होता. याबाबत मंदिर समितीची बैठक घेऊन निर्णय घेण्याचे मंदिर समितीच्या अध्यक्षांनी जाहीर केले होते.

त्यानुसार बैठकीमध्ये प्रक्षाळ पूजेच्या विषयावर चर्चा करण्यात आले. यासंदर्भात अधिकारी व कर्मचाऱ्यांचे म्हणणे जाणून घेतले आहे. त्या बाबतचा अहवाल विधी व न्याय विभागाकडे पाठवण्यात येणार आहे. त्याचबरोबर अधिकारी व कर्मचाऱ्यांना करण्यात आलेली विठ्ठल मंदिरातील गाभारा बंदी देखील मागे घेण्यात आली असल्याचे सहअध्यक्ष ह.भ.प. गहिनीनाथ महाराज औसेकर यांनी सांगितले.

काय होता वाद

प्रकशाळ पूजेच्यावेळी देवाची गाभाऱ्यात पूजा सुरू असताना एक कर्मचाऱ्याने कार्यकारी अधिकारी विठ्ठल जोशी यांच्या अंगावर पाण्याचा तांब्या ओतला होता. देवाचे स्नान सुरू असताना आशा पद्धतीने अधिकारी कर्मचाऱ्याने गाभाऱ्यात पाणी अंगावर घेतल्याची क्लिप व्हायरल झाल्यानंतर संभाजी ब्रिगेडने यास आक्षेप घेतल्यावर समितीने या अधिकारी व काही कर्मचाऱ्यांना गाभाऱ्यात जाण्यास प्रतिबंध केला होता. यानंतर कर्मचारी संघटना आक्रमक होऊन त्यांनी काम बंदचा इशारा दिल्यावर समितीने अधिकारी कर्मचाऱ्यांचा खुलासा घेत गाभारा बंदी मागे घेतली आहे. विशेष म्हणजे ज्या अधिकाऱ्यांवर संपूर्ण मंदिराची कायदेशीर जबाबदारी असते त्यांनाच इतके दिवस गाभाऱ्यात प्रवेश नसल्याने सर्व व्यवस्था विठ्ठल भरोसेच सुरू होती.

करोनाच्या पार्श्वभूमीवर नगर शहरातील अकरा मानाच्या गणपती मंडळांची बैठक आज संपन्न झाली. या बैठकीस शहराचे ग्रामदैवत श्री विशाल गणेश मंदिर देवस्थान ट्रस्टचे अध्यक्ष अॅड.अभय आगरकर, पोलीस उपाधिक्षक संदीप मिटके, शिवसेना माजी शहरप्रमुख संभाजी कदम, नगरसेवक बाळासाहेब बोराटे, मनेष साठे, स्वप्नील घुले, ऋषीकेश कावरे आदिंसह माळीवाडा परिसरातील मानाच्या गणपती मंडळाचे पदाधिकारी उपस्थित होते.

करोनाच्या अनुषंगाने गणेशोत्सव कशा पद्धतीने साजरा करावा, याबाबत या बैठकीमध्ये सविस्तर चर्चा झाली. त्यामध्ये मानाच्या मंडळांनी हा उत्सव चार भिंतीच्या आतमध्येच साजरा करण्याचा निर्णय घेतला आहे. नगरमधील करोना विषाणुची प्रादुर्भावाची परिस्थिती पाहत सार्वजनिक गणेशोत्सव साध्या पद्धतीने साजरा करण्याचा निर्णय बैठकीत झाला आहे. गणेशोत्सव काळात मंडळांकडून कोणत्याही प्रकाराचे कार्यक्रम घेण्यात येणार नाहीत. गर्दी टाळण्यासाठी हा निर्णय घेण्यात आला आहे. तसेच पुढील वर्षी करोनाचे संकट दूर झाल्यावर मोठ्या स्वरुपात गणेशोत्सव साजरा करण्याचे यंदा जाहीर करण्यात आले आहे.
या बैठकीस संगम तरुण मंडळ, माळीवाडा तरुण मंडळ, आदिनाथ तरुण मंडळ, दोस्ती मित्र मंडळ, नवजवान तरुण मंडळ, महालक्ष्मी तरुण मंडळ, कपिलेश्वर मित्र मंडळ, नवरत्न मित्र मंडळ, समझोता तरुण मंडळ, निलकमल मित्र मंडळ, शिवशंकर तरुण मंडळाचे पदाधिकारीही उपस्थित होते.

मिरवणूक रद्द करण्याची पहिलीच घटना – आगरकर

‘गणेशोत्सवाची विसर्जन मिरवणूक रद्द करण्याची ही पहिलीच घटना आहे,’ अशी माहिती ग्रामदैवत विशाल गणपती देवस्थान ट्रस्टचे अध्यक्ष अभय आगरकर यांनी दिली. ते म्हणाले, ‘नगरमध्ये दिवसेंदिवस करोनाचा प्रादुर्भाव वाढत आहे. त्यामुळे आम्ही परंपरा बाजुला ठेऊन विसर्जन मिरवणूक न काढण्याचा निर्णय बैठकीत घेतला आहे. विसर्जन मिरवणूक रद्द होण्याची ही आतापर्यंत झालेल्या गणेशोत्सव काळातील पहिलीच घटना आहे.’

‘करोनाच्या सद्यस्थितीत पुण्यात या वर्षातील मे महिन्यापासून आतापर्यंत नववे अवयवदान यशस्वी झाले. ३९ वर्षाची महिलेच्या मेंदूला दुखापत झाल्याने तिला दीनानाथ मंगेशकर रुग्णालयात दाखल करण्यात आले. तिला ब्रेनडेड जाहीर केल्यानंतर पतीने अवयवदानाची संमती दिली. त्यानंतर त्या महिलेचे हृदय चेन्नईला आणि फुफ्पुस हे हैदराबाद येथील रुग्णांना देण्यात आले. तसेच यकृत मंगेशकर रुग्णालय आणि दोन्ही मूत्रपिंड हे बाणेर येथील ज्युपिटर रुग्णालयातील रुग्णाला देण्यात आल्या. तसेच डोळ्यातील नेत्रपटल आणि यकृत हे मंगेशकर रुग्णालयातील नेत्रपेढीला दिले. या महिलेमुळे सात जणांना जीवदान मिळाले’, अशी माहिती प्रादेशिक प्रत्यारोपण समन्वय समितीच्या समन्वयक आरती गोखले यांनी दिली.