Sunday, June 4, 2023
Home Blog Page 5852

आपण लोकशाहीत आहोत का?; 'या' नेत्याची मोदी सरकारवर तोफ

0

पुणे: ‘शेतकऱ्यांवर देशद्रोहाचे खटले दाखल करून आंदोलन चिरडले जात आहे. आपण अस्वस्थ झाले पाहिजे, असा काळ आहे. केंद्रातील हिटलरशाहीप्रमाणे वागत आहे. आपण लोकशाहीत आहोत का,’ अशी घणाघाती टीका महसूल मंत्री आणि काँग्रेसचे प्रदेशाध्यक्ष यांनी शुक्रवारी केली. ( )

वाचा:

महाराष्ट्र साहित्य कला प्रसारिणी सभेतर्फे स्वातंत्र्य सैनिक अॅड. रावसाहेब शिंदे यांच्या स्मृतिनिमित्त आयोजित पुरस्कार वितरण कार्यक्रमात ते बोलत होते. थोरात यांच्या हस्ते आरोग्य मंत्री , ज्येष्ठ कवयित्री आणि कृषी अभ्यासक विलास शिंदे यांना ‘रावसाहेब शिंदे स्मृती पुरस्कार’ प्रदान करण्यात आला. सहकार राज्यमंत्री डॉ. विश्वजित कदम, डॉ. डी. वाय. पाटील विद्यापीठाचे कुलपती डॉ. पी. डी. पाटील, ज्येष्ठ पत्रकार मधुकर भावे, डॉ. राजीव रावसाहेब शिंदे, सभेचे कार्याध्यक्ष सचिन ईटकर उपस्थित होते. अध्यक्षस्थानी विधानसभेचे माजी अध्यक्ष अरुण गुजराथी होते.

वाचा:

‘शेतकऱ्यांना देशद्रोही ठरवण्याचे प्रकार पाहून अण्णासाहेब शिंदे आणि रावसाहेब शिंदे प्रचंड अस्वस्थ झाले असते. दिल्लीतील स्थिती पाहून आपण अस्वस्थ होण्याचा काळ आहे,’ असे थोरात यांनी सांगितले. गुजराथी म्हणाले, ‘जगात काही देशांनी अणू दिला, चीनने विषाणू दिला तर भारताने लसरूपी सहिष्णू वृत्ती दिली आहे. साथीच्या आजाराची तीव्रता पाहता अर्थसंकल्पात आरोग्य क्षेत्रावर आठ टक्के तरतूद आवश्यक आहे.’ सभेचे अध्यक्ष उद्धव कानडे यांनी सूत्रसंचालन केले. उपाध्यक्ष रवींद्र डोमाळे यांनी आभार मानले.

वाचा:

विरोधी विचारांना देशद्रोहाचे रूप!

‘अभिव्यक्तीचे स्वातंत्र्य कोणी कोणाला उचलून देण्याची गोष्ट नाही. लेखकांवर-कलाकारांवर अघोषित बंदी आली आहे. समाजाला लेखन स्वातंत्र्य आणि अभिव्यक्ती निरर्थक वाटू लागली आहे. विरोधी विचारांना देशद्रोहाचे रूप दिले जात आहे. राजधर्माच्या नावाखाली धार्मिक हिंस्रपणा वाढत आहे,’ अशा शब्दांत कवयित्री अनुराधा पाटील यांनी सामाजिक परिस्थितीवर बोट ठेवले. ‘सामान्यांच्या जगण्याचा संकोच करणाऱ्या वृत्ती वाढत असल्याने जगणे अवघड होत आहे. लोकशाहीचे सर्व फायदे घेऊन हुकूमशाही राबवण्याचे जुनेच प्रकार पुन्हा पुन्हा सुरू आहेत. आपण म्हणू तेवढीच लोकशाही आणि इतरांच्या बाबतीतल्या अपमानजनक विधानांचा अनुभव आपण घेत आहोत. सार्वजनिक क्षेत्रातील व्यक्तींची आणि संस्थांची विश्वासार्हता धोक्यात आली आहे. शहरांची नावे बदलून लोकांच्या आयुष्यात फरक पडेल का, यावरून लोकांचे मत विचारात घेतले जात नाही,’ अशी टीका त्यांनी केली.

वाचा:

Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times

कारने स्टंटबाजी करणाऱ्यांची जिरवणार! आरटीओ करणार 'ही' मोठी कारवाई

0

म. टा. प्रतिनिधी, नागपूर: प्रजासत्ताक दिनी शहरातील रस्त्यांसह वंजारीनगर उड्डाणपुलावर ( ) करणाऱ्या युवकांचे परवाने रद्द का करण्यात येऊ नयेत अशी कारणे दाखवा नोटीस प्रादेशिक परिवहन विभागाने या युवकांना बजावली आहे. त्यामुळे आरटीओ या युवकांचे परवाने रद्द करण्याच्या तयारीत असल्याचे स्पष्ट संकेत मिळाले आहेत. याखेरीज आरटीओ या चारही कारची नोंदणी रद्द करणार आहे. या प्रकारची ही पहिलीच कारवाई असल्याचे समजते.

अमन सिंग (२०), कामीन अन्सारी (वय २०), अंकित माहुले (१९) व सोहेल खान (वय २५) अशी या स्टंटबाज युवकांची नावे आहेत. २६ जानेवारीला या चौघांनी वंजारीनगर परिसरातील नवीन उड्डाणपुलावर भरधाव व आडव्या-तिडव्या पद्धतीने कार चालवीत स्टंटबाजी केली. ते पाहून तेथे उपस्थित असलेल्यांनाही धडकी भरली. काही नागरिकांनी या स्टंटबाजीचे चित्रीकरण केले. त्यांच्या स्टंटबाजीचा व्हिडीओ सोशल मीडियावर चांगलाच व्हायरल झाला होता. पोलिस आयुक्त अमितेशकुमार यांनी पोलिस नियंत्रण कक्षाला कारचालकांचा शोध घेण्याचे निर्देश दिले. तसेच वाहतूक शाखेचे उपायुक्त सारंग आवाड यांना युवकांविरुद्ध कारवाई करण्यास सांगितले. सीसीटीव्ही फुटेजच्या आधारे पोलिसांनी कारमालकांचा शोध घेतला. चार कारचालकांना वाहतूक शाखेत बोलाविले. पालकांसमोरच पोलिसांनी युवकांना फटकारले. पोलिसांनी कार जप्त करून युवकांकडून प्रत्येकी ४ हजार २०० रुपयांचा दंड वसूल केला. वाहतूक पोलिसांच्या कारवाईनंतर आता आरटीओनेसुद्धा हे प्रकरण गांभीर्याने घेतले आहे. याबाबत उप प्रादेशिक परिवहन अधिकारी विनोद जाधव म्हणाले, ‘या सर्व युवकांना त्यांचे परवाने रद्द का करण्यात येऊ नयेत अशी कारणे दाखवा नोटीस प्रादेशिक परिवहन विभागाने बजावली आहे. यावर स्पष्टीकरण देण्यासाठी या युवकांना सात दिवसांचा अवधी देण्यात आला आहे. तसेच आम्ही या चारही वाहनांची नोंदणीच रद्द करणार आहोत.’

Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times

सिंघू सीमेवर हिंसाचार; पोलिसावर तलवारीने हल्ला करणाऱ्यासह ४४ जणांना अटक

0

नवी दिल्लीः शेतकरी आंदोलनादरम्यान ( ) शुक्रवारी ( ) झाला. स्थानिक नागरिक आणि शेतकरी यांच्यात दगडफेक झाली. यावेळी अलिपूर एसएचओवरही शेतकरी आंदोलकाने तलवारीने हल्ला केला. या घटनेप्रकरणी पोलिसांनी ४४ जणांना अटक केली आहे. यामध्ये अलिपूर एसएचओवर तलवारीने हल्ला करणाऱ्या आरोपीचाही समावेश आहे. सिंघू सीमेवरील दुपारच्या घटनेनंतर संध्याकाळी उशिरा संयुक्त किसान मोर्चाच्या नेत्यांनी ३० जानेवारीला सद्भावना दिवस म्हणून साजरा करण्याची घोषणा केली. मोर्चाचे नेते या दिवशी सकाळी ९ ते संध्याकाळी ५ या वेळेत उपोषण करतील.

सिंघू सीमेवर शुक्रवारी दुपारी १ च्या सुमारास नरेलाहून काही नागरिक आंदोलनाच्या ठिकाणी पोहोचले होते. त्यांनी घोषणाबाजी करत शेतकर्‍यांना सीमा रिकामी करण्याची मागणी केली. शेतकरी आंदोलनामुळे अनेकांचे व्यवसाय ठप्प पडले आहेत. दीड ते दोनपर्यंत हे लोक शेतकऱ्यांच्या तंबूपर्यंत पोहोचले आणि त्यांनी आंदोलन करणाऱ्या शेतकऱ्यांच्या वस्तूंची तोडफोड केली. यानंतर शेतकरी आणि नागरिकांमध्ये जोरदार घोषणाबाजी झाली. दोन्ही बाजूंनी दगडफेकही झाली.

परिस्थितीवर नियंत्रण मिळवताना ५ पोलिस जखमी

पोलिसांनी आंदोलक शेतकरी आणि नागरिकांमध्ये हस्तक्षेप करण्याचा प्रयत्न केला. पण परिस्थिती बिघडत असल्याचं पाहून लाठीमार करत पोलिसांनी अश्रुधुराचे नळकांडे फोडले. या घटनेत ५ पोलिस जखमी झाले. एका शेतकरी आंदोलकाने तलवारीच्या हल्ल्यात अलीपूर पोलिस स्टेशनचे एसएचओ प्रदीप पालीवाल हे देखील जखमी झाले. या हिंसाचारानंतर हरयाणा सरकारने उद्या संध्याकाळी ५ वाजेपर्यंत खबरदारी म्हणून १७ जिल्ह्यातील इंटरनेट सेवांवर बंदी घातली आहे. यावेळी फक्त कॉलिंग सेवा सुरू राहतील.

टिकरी सीमेवर शेतकर्‍यांविरोधात आंदोलन

टिकरी सीमेवरही आंदोलन सुरू असलेल्या ठिकाणी नागरिकांनी विरोधात शेतकऱ्यांविरोधात घोषणाबाजी केली आणि सीमा रिकामी करण्याची मागणी केली. २६ जानेवारीला लाल किल्ल्याच्या तटबंदीवर झेंडा लावण्याच्या घटनेचा ते निषेध करत होते. त्यांच्या हातात फलक होते. राष्ट्रध्वजाचा अपमान देश सहन करणार नाही, असं त्यावर लिहिलेलं होतं. पण तिथे कुठलाही अनुचित प्रकार घडला नाही. पोलिसांनी खबरदारी म्हणून बॅरिकेड्स आणखी बळकट केली आहेत.

Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times

बीएआरसीच्या वैज्ञानिकाची आत्महत्या; पत्नीशी 'या' कारणावरून वाद होताच…

0

मुंबई: मुंबई येथील येथे कार्यरत असलेल्या एका तरुण वैज्ञानिकाने निवासस्थानी गळफास लावून आत्महत्या केल्याने एकच खळबळ उडाली आहे. (३८) असे या वैज्ञानिकाचे नाव असून कौटुंबिक वादातून त्याने आत्महत्या केल्याचा प्राथमिक अंदाज पोलिसांनी व्यक्त केला आहे. ( BARC Latest News )

वाचा:

अणुशक्तीनगरमधील आकाशगंगा इमारतीमध्ये अनुज हे पत्नी आणि मुलांसह वास्तव्यास होता. गुरुवारी सकाळी ११ वाजताच्या सुमारास अनुज यांनी बेडरूममध्ये जाऊन टॉवेलच्या साहाय्याने पंख्याला गळफास लावून घेतला. बराच वेळ दरवाजा न उघडल्याने पत्नीने पाहिले त्यावेळेस अनुज हे गळफास लावलेल्या स्थितीत आढळले. त्यांना तत्काळ बीएआरसी येथील रुग्णालयात नेण्यात आले मात्र दाखल करण्यापूर्वीच डॉक्टरांनी मृत घोषित केले.

वाचा:

याबाबतची माहीती मिळताच घटनास्थळी पोहोचले. प्राथमिक चौकशीत अनुज यांचे सकाळी ९ वाजताच्या सुमारास पत्नीसोबत भांडण झाले होते. मुलांना खायला देण्यावरून वाद झाल्यानंतर अनुज बेडरूम गेले आणि त्यांनी गळफास लावून घेतला. याप्रकरणी पोलीस ठाण्यात अपमृत्यूची नोंद करण्यात आली असून पोलिसांनी तपास सुरू केला आहे.

वाचा:

Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times

दिल्लीत स्फोट; ही दहशतवादी घटना असल्याचा इस्रायलचा दावा

0

नवी दिल्ली/ तेल अवीव: दिल्लीतील दूतावासाबाहेर झालेल्या स्फोटाचे पडसाद आता इस्रायलमध्ये ( israel embassy in delhi ) उमटले आहेत. इस्रायलच्या परराष्ट्र मंत्रालयाने ही दहशतवादी घटना असल्याचं म्हटले आहं. खळबळ उडवून देण्यासाठी कोणीतरी हे काम केलं आहे, असा दावा दिल्ली पोलिसांनी केला आहे. दरम्यान, परराष्ट्रमंत्री एस. जयशंकर यांनी इस्त्रायलचे परराष्ट्रमंत्री गाबी आश्केनजी यांच्याशी संपर्क साधला. इस्त्रायलाच्या सर्व राजदुतांना पूर्ण सुरक्षा देण्याचं आश्वासन त्यांनी दिलं. या प्रकरणाची चौकशी केली जात असून दोषींना सोडलं जाणार नाही, असं जयशंकर यांनी त्यांना सांगितलं.

दिल्लीचे पोलिस आयुक्त घटनास्थळी

दिल्लीचे पोलिस आयुक्त एस. एन. श्रीवास्तव ( ) यांनी घटनास्थळी जाऊन पाहणी केली. या प्रकरणी गुन्हा दाखल करण्यात आला आहे. पोलिसांच्या विशेष विभागाकडून याची चौकशी सुरू आहे. आताच्या घडीला यापेक्षा अधिक काही सांगता येणार नाही, असं एस.एन. श्रीवास्तव म्हणाले. दरम्यान, स्फोटानंतर फॉरेन्सिक सायन्स लॅबोरेकटरीची टीम घटनास्थळी लगेचच पोहोचली.

इस्त्रायली संस्थांची सुरक्षा वाढवली

दिल्लीतील स्फोटाच्या घटनेसंदर्भात परराष्ट्रमंत्री गबी अश्केनजी यांना सतत अपडेट दिली जात आहे. त्यांनी सर्व आवश्यक सुरक्षा उपाय करण्याची सूचना केली आहे. तसंच सर्व देशातील इस्त्रायली दूतावासांची सुरक्षा वाढवण्यात आली आहे. या स्फोटात कोणालाही दुखापत झाली नाही. भारतीय अधिकारी या घटनेचा तपास करत आहेत आणि इस्त्रायली अधिकारीही भारताच्या संपर्कात आहेत, असं इस्रायलच्या परराष्ट्र मंत्रालयाने म्हटलं.

काय म्हणाले दिल्ली पोलिस?

अत्यंत कमी तीव्रतेचा आयईडी स्फोट होता. या घटनेत कोणतीही जीवितहानी झालेली नाही. जवळपास पार्क केलेल्या तीन वाहनांच्या काचा फोडून कोणत्याही मालमत्तेचं नुकसान झालेलं नाही. प्राथमिक तपासणीत हा प्रकार खळबळ उडवून देण्यासाठी कोणीतरी ही खोडी केल्याचं दिसून येतंय, असं पोलिसांचं म्हणणं आहे. घटनास्थळापासून अवघ्या काही किलोमीटर अंतरावर ‘बीटिंग रिट्रीट’चा कार्यक्रम सुरू होता.

२०१२ मध्ये इस्रायली राजदुतावर झाला हातो हल्ला

इस्रायलच्या दूतावासाबाहेर आज झालेल्या आयईडी स्फोटाने २०१२ च्या घटनेची आठवण झाली. इस्त्रायलच्या एका राजदुताची कार पंतप्रधानांच्या निवासस्थानाजवळ उडवण्यात आली होती. राजदूताची गाडी सिग्नलवर उभी होती तेव्हा मोटारसायकलवर बसलेल्या हल्लेखोरांनी कारवर स्फोटकं लावली होती. ते गेल्यानंतर काही सेकंदात कारचा स्फोट झाला. यात कारमध्ये बसलेल्या इस्त्रायली राजदुताची पत्नी येहोशुआ कोरेन या गंभीर जखमी झाल्या होत्या.

Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times

दिल्ली स्फोटानंतर मुंबईत हाय अॅलर्ट; अजित पवार यांनी दिले 'हे' निर्देश

0

मुंबई: दिल्लीत सुरक्षेच्या दृष्टीने अत्यंत संवेदनशील अशा भागात इस्रायलच्या दूतावासापासून अगदी जवळ आयईडी स्फोट घडवून आणण्यात आल्याने सर्व यंत्रणा हादरल्या आहेत. या घटनेनंतर संपूर्ण स्थितीवर केंद्रीय गृहमंत्री बारीक लक्ष ठेवून आहेत. खबरदारी म्हणून आणि तसेच सर्व प्रमुख ठिकाणी सतर्कता बाळगण्याच्या सूचना देण्यात आल्या आहेत. या ठिकाणांवर सुरक्षा व्यवस्थाही वाढवण्यात आली आहे. ( Update )

वाचा:

दिल्लीतील इस्रायली दूतावासाबाहेर झालेल्या स्फोटाची माहिती मिळताच महाराष्ट्र सरकारनेही अनेक महत्त्वाची पावले उचलली आहेत. विशेषत: मुंबईच्या सुरक्षेचा आढावा घेण्यात आला आहे व पोलिसांना सतर्क राहण्याचे आदेश देण्यात आले आहेत. सुरक्षेच्या बाबतीत कोणतीही उणीव राहू नये, यासाठी खबरदारी बाळगण्यात येत आहे. उपमुख्यमंत्री यांनी राज्याचे गृहमंत्री आणि पोलीस महासंचालक हेमंत नगराळे यांच्याशी चर्चा केली व राज्यातील परिस्थितीचा आढावा घेतला. मुंबई, पुण्यासह राज्यात सुरक्षा व्यवस्था कडेकोट करण्याचे निर्देश उपमुख्यमंत्र्यांनी दिले. याबाबत अजित पवार यांनी ट्वीटरच्या माध्यमातून माहिती दिली. राज्यातील जननेतेही सतर्क राहून आपल्या आजूबाजूला संशयास्पद वस्तू अथवा संशयास्पद हालचाली आढळून आल्यास पोलिसांना तात्काळ कळवावे, असे आवाहन उपमुख्यमंत्र्यांनी केले आहे.

वाचा:

सरकारच्या सूचनांनुसार मुंबई पोलिसांनी संपूर्ण शहरात अॅलर्ट जारी केला आहे. त्याचवेळी शहरातील सर्व प्रमुख ठिकाणी बंदोबस्त वाढण्यात आला आहे, असे मुंबई पोलिसांकडून स्पष्ट करण्यात आले आहे. केंद्रीय औद्योगिक सुरक्षा दलानेही (सीआयएसएफ) सर्व विमानतळे, महत्त्वाची आस्थापने आणि शासकीय इमारतींसाठी अॅलर्ट जारी केला आहे.

हा दहशतवादी हल्ला?

दिल्लीत इस्रायलच्या दूतावासाबाहेर आयईडी स्फोट झाल्यानंतर या घटनेचा तातडीने तपास सुरू करण्यात आला आहे. या स्फोटात सुदैवाने कोणतीही जीवितहानी झाली नसली तरी सुरक्षेच्या दृष्टीने अत्यंत संवेदनशील भागात हा स्फोट घडवण्यात आल्याने सर्व यंत्रणा हादरल्या आहेत. कुणीतरी दहशत पसरवण्यासाठी हा खोडसाळपणा केला असावा असा पोलिसांचा प्राथमिक अंदाज असला तरी सर्व शक्यता तपासल्या जात आहेत. दुसरीकडे इस्रायलचे अधिकारी सातत्याने भारताशी संपर्कात आहेत. इस्रायलने हा दहशतवादी हल्ला असल्याची भीती व्यक्त केली आहे.

वाचा:

Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times

करोनाबाधितेचा मृतदेह स्वच्छतागृहात; कोर्टाने दिला 'हा' महत्त्वपूर्ण आदेश

0

जळगाव: प्रशासनाच्या हलगर्जीमुळे रुग्णालयाच्या स्वच्छतागृहात मृत अवस्थेत आढळून आलेल्या करोना बाधित महिला यांच्या वारसांना ५ लाख रुपयांची नुकसान भरपाई देण्याचे आदेश नुकतेच मुंबई उच्च न्यायालयाच्या औरंगाबाद खंडपीठाने दिले आहेत. रुग्णाच्या उपचाराकडे अक्षम्य दुर्लक्ष केल्याने त्याचा दुर्दैवी मृत्यू झाल्याचे निरीक्षण न्यायालयाने नोंदवले. ( Latest Update )

वाचा:

जळगाव जिल्ह्यातील येथील मालती नेहते या ८२ वर्षीय वृद्ध महिलेला करोना संसर्गाची लागण झाली होती. या महीलेस उपचारासाठी शासकीय वैद्यकीय महाविद्यालय व रुग्णालयात दाखल करण्यात आले होते. उपचार सुरू असतानाच ही वृद्ध महिला बेपत्ता झाल्याचे रुग्णालय प्रशासनाने तिच्या नातेवाईकांना कळवले होते. यानंतर वृद्धेचे नातू यांनी याप्रकरणी जिल्हापेठ पोलीस ठाण्यात तक्रार दाखल केली होती. त्यानंतर तब्बल आठ दिवसांनी दि. १० जून २०२० रोजी मालती नेहते यांचा मृतदेह कुजलेल्या अवस्थेत शासकीय रुग्णालयातील स्वच्छतागृहात आढळून आला होता. या घटनेने केवळ जिल्ह्यातच नव्हे तर संपूर्ण राज्यात खळबळ उडाली होती. या प्रकरणाच्या प्राथमिक चौकशीत दोषी आढळलेले रुग्णालयाचे अधिष्ठाता, वैद्यकीय अधीक्षक, वृद्ध महिला बेपत्ता झाली तेव्हा कर्तव्यावर असलेले वैद्यकीय अधिकारी, नर्स यांच्यावर निलंबनाची कारवाई करण्यात आली होती.

वाचा:

या संदर्भात लोकसंघर्ष मोर्चाच्या नेत्या तसेच कमलाबाई देविदास भिडे व रफिक तडवी यांनी औरंगाबाद खंडपीठात याचिका दाखल करून या घटनेला जबाबदार प्रशासनाला शासन व्हावे, कोविड रुग्णांच्या उपचारासंदर्भात खासगी व शासकीय रुग्णसेवा यात तातडीने सुधारणा करून मार्गदर्शक सूचना दिल्या जाव्यात व मालतीबाई यांच्या वारसांना नुकसान भरपाई देण्यात यावी यासाठी न्यायालयाकडे दाद मागितली होती.

महिलेच्या वारसांना ५ लाख देण्याचे आदेश

याबाबत खंडपीठापुढे सुनावणी होऊन, राज्यशासनाने घटनेच्या आर्टिकल २१ चे उल्लंघन झाले म्हणून मालतीबाई नेहते यांच्या वारसांना ५ लाख रुपये नुकसानभरपाई निकालापासून ४ महिन्यांत द्यावी असे आदेश खंडपीठाने दिले आहेत. चौकशीबाबत नियुक्त तीन सदस्यीय समिती तसेच जिल्हाधिकारी जळगाव यांनी दाखल केलेल्या चौकशी अहवालानुसार आढळून आलेल्या दोषींवर राज्याच्या मुख्य सचिवांनी त्वरित कार्यवाही करावी, असेही आदेशात नमूद करण्यात आले आहे. हा निकाल औरंगाबाद खंडपीठाचे न्यायमूर्ती श्रीकांत डी. कुलकर्णी व एस. व्ही. गंगापूरवाला यांनी दिला आहे. याचिकाकर्त्यांच्या वतीने अॅड. श्रीमती गायत्री सिंग तसेच अंकित कुलकर्णी यांनी काम पाहीले.

वाचा:

Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times

राजस्थानमधील कुख्यात गुंडाला कोल्हापूरात अटक

0

म. टा. प्रतिनिधी, कोल्हापूरः गेले पाच वर्षे पोलिसांना चकवा देणाऱ्या राजस्थान मधील कुविख्यात गुंडास कोल्हापुरात अतिशय धाडसाने अटक केली. जेल फोडून फरार झालेल्या या गुंडाचे नाव विक्रम उर्फ पपला गुर्जर असे असून त्याला पकडण्यासाठी पाच लाखाचे बक्षीस जाहीर करण्यात आले होते. राजस्थान पोलिसांच्या या कामगिरीत कोल्हापूर पोलिसांनीही महत्त्वाची भूमिका बजावली.

पपलावर राजस्थानमध्ये अनेक गुन्हे दाखल आहेत. सप्टेंबर १९ मध्ये तो राजस्थान मधील अल्वर जेल फोडून फरार झाला होता. त्यापूर्वी पाच वर्षापासून फरार होता. त्याला पकडण्यासाठी पोलिसांनी अनेक ठिकाणी छापे टाकले. पण त्याला यश आले नाही. तो कोल्हापुरात असल्याची माहिती पोलिसांना मिळाल्यानंतर गेले आठ दिवस पोलिसांचे एक मोठे पथक येथे दाखल झाले होते.

पोलिस अधिकारी सिद्धांत शर्मा यांच्या नेतृत्वाखालील २६ जणांच्या या पथकाने आठ दिवस सरनोबतवाडी येथे रेकी केली. स्थानिक राजस्थानच्या लोकांकडून माहिती जमा केली. त्यांनतर कोल्हापूर पोलिसांना मदतीला घेऊन काल मध्यरात्री पपला राहत असलेल्या एका घरावर छापा टाकला.

वाचाः

पोलिसांनी छापा टाकल्याचे कळताच पपलाने पळून जाण्याचा प्रयत्न केला. इमारतीवरून उडी मारल्याने तो जखमी झाला. त्या अवस्थेत पोलिसांनी झडप टाकून त्याला ताब्यात घेतले. अतिशय गोपनीय पद्धतीने झालेल्या या कारवाईनंतर त्या गुंडास रात्रीच राजस्थानला नेण्यात आले. दरम्यान, या छाप्यात त्याचा आणखी एक साथीदारही पकडला गेला.

वाचाः

याबाबत कोल्हापूरचे पोलिस अधीक्षक शैलेश बलकवडे यांच्याशी संपर्क साधला असता ते म्हणाले, राजस्थान पोलिसांनी ही अतिशय धाडसी कारवाई केली. या कारवाईत कोल्हापूर पोलिसांनी मदत केली.

Maharashtra News, Latest Maharashtra News in Marathi, ‎महाराष्ट्र ठळक बातम्या | Maharashtra Times

चिंतेत भर; राज्यात करोना बळींची आकडा वाढला

0

मुंबईः राज्यात आज ५६ जणांचा करोनामुळं मृत्यू झाला आहे. तर, दिवसभरात २ हजार ७७१ नवीन रुग्णांची भर पडली आहे, अशी माहिती राज्याचे आरोग्यमंत्री राजेश टोपे यांनी दिली आहे.

राज्यात करोना संसर्गाचा प्रादुर्भाव आटोक्यात येत आहे. मात्र, गेल्या काही दिवसांपासून करोनाच्या रोजच्या आकडेवारीत चढ उतार होताना दिसत आहे. गेले काही दिवस करोना रुग्ण बरे होण्याचा आकडा वाढत होता. तर, गेल्या दोन दिवसांपासून करोना बाधितांचा आकडा पुन्हा वाढला आहे. तसंच, करोना मृतांचा आकडाही काही प्रमाणात वाढल्यानं चिंता वाढली आहे. आज राज्यात ५६ बाधितांचा मृत्यू झाला आहे. त्यामुळं राज्यात आजपर्यंत ५१ हजारपर्यंत करोना बळींचा आकडा पोहोचला आहे. तर, सध्या राज्यातील मृत्यूदर २. ५२ टक्के इतका झाला आहे.

गेल्या २४ तासांत २ हजार ७७१ रुग्णांची भर पडली असून आजपर्यंत करोना बाधितांच्या रुग्णांची एकूण संख्या २० लाख २१ हजार १८४ इतकी झाली आहे. तर, आज दिवसभरात २ हजार ६१३ रुग्ण बरे झाले आहेत. तर, आत्तापर्यंत १९ लाख २५ हजार ८०० रुग्णांनी करोनाची लढाई यशस्विरीत्या जिंकली आहे. राज्यातील रुग्ण बरे होण्याचे प्रमाण ९५, २८ टक्के इतके झाले आहे.

अॅक्टिव्ह रुग्ण घटले
राज्यात करोना रुग्णांची संख्या वाढत असताना अॅक्टिव्ह रुग्णांची संख्या कमी होत आहे. हा राज्यासाठी मोठा दिलासा आहे. सध्या राज्यात ४३ हजार १४७ अॅक्टिव्ह रुग्ण असून मुंबईत ५ हजार ४१७ सक्रीय रुग्ण आहेत. तर, ठाण्यात ७ हजार ६५४, पुण्यात सर्वाधिक १३ हजार २४४ रुग्णांवर उपचार सुरु आहेत.

Maharashtra News, Latest Maharashtra News in Marathi, ‎महाराष्ट्र ठळक बातम्या | Maharashtra Times

रात्री व्हॉट्सअॅपवर 'बाय' स्टेटस ठेवला अन् सकाळी…

0

म. टा. प्रतिनिधी, जळगावः जळगाव शहरातील मेहरूण परिसरात राहणाऱ्या २६ वर्षीय तरूणाने आपल्या व्हाट्सअॅपवर बाय असे स्टेटस ठेवत राहत्या घरात गळफास घेवून केल्याची घटना आज शुक्रवारी सकाळी उघडकीस आली.

प्रेमविवाह झालेल्या या तरुणाची पत्नी कौटुंबिक वादामुळे माहेरी गेली आहे. याच नैराश्यातून त्यांनी आत्महत्या केली असावी असा अंदाज आहे. अतुल रमेश पाटील (वय२६ जय भवानी, कॉलनी मेहरूण) असे मृत तरुणाचे नाव आहे.

अतुल पाटील हा तरूण पत्नी वर्षा आणि अर्णव या दोन वर्षांच्या मुलासह मेहरुण परिसरात राहत आहे. कौटुंबिक कारणावरून पत्नी वर्षा मुलाला घेवून माहेरी निघून गेल्या आहेत. दोघांनी तीन वर्षांपूर्वी प्रेमविवाह केला होता. अतुलचे सिंधी कॉलनीतील संतचोखामेळा वसतीगृहासमोर भक्ती नावाचे मेडीकल दुकान चालवतो.

आज सकाळी नैराश्येतून ६ वाजेच्यासुमारास अतुल पाटील याने राहत्या खोलीत दोरीने गळफास घेवून आत्महत्या केल्याचे उघकीला आले आहे. अतुलने गुरूवारी रात्री ८.३० वाजेच्या सुमारास आपल्या मोबाईलच्या व्हॉटसॲपच्या ‘बाय’ असे स्टेटस ठेवले होते. दरम्यान मित्र आकाश मांडोळे याने घरी सकाळी घरी येऊन पाहिले तर अतुलने गळफास घेतला होता.

याघटनेची माहिती एमआयडीसी पोलीसांना देण्यात आली. अतुलने आत्महत्या केल्याची माहिती काका शांताराम माणिक पाटील यांनी कळविल्यानंतर त्यांनी जिल्हा रूग्णालयात धाव घेतली. वैद्यकिय अधिकारी डॉ. प्रविण पाटील यांच्या खबरीवरुन एमआयडीसी पोलीस ठाण्यात अकस्मात मृत्यूची नोंद करण्यात आली आहे.

Maharashtra News, Latest Maharashtra News in Marathi, ‎महाराष्ट्र ठळक बातम्या | Maharashtra Times

Latest posts