सीरम इन्स्टिट्युटने करोना संसर्गावर लस तयार करण्याचे शिवधनुष्य उचलले आहे. सध्या युद्धपातळीवर या लशीवर काम सुरू आहे. त्याबाबत शरद पवार सातत्याने अपडेट्स जाणून घेत आहेत. १ ऑगस्ट रोजी शरद पवार यांनी सीरममध्ये जाऊन लस बनवण्याचे काम कुठवर आलंय याची माहिती घेतली होती. त्यानंतर आज पुन्हा एकदा पवार सीरममध्ये पोहचले.

शरद पवार यांनी सीरमभेटीत टोचून घेतल्याची माहिती काही वेळातच बाहेर पसरली. त्यामुळे सीरम भेटीनंतर पवारांना पत्रकारांनी पहिला प्रश्न हाच विचारला. मग पवारांनी याबाबतची सत्यता सर्वांना सांगितली. पवारांच्या स्पष्टीकरणाने चर्चांनाही पूर्णविराम मिळाला.

मी करोनावरील लस घेतली, असे सांगितले जात असले तरी त्यात कोणतेही तथ्य नाही, असे शरद पवार यांनी स्पष्ट शब्दांत सांगितले. मी सीरममध्ये लस टोचून घेतली हे खरे आहे मात्र ती लस रोगप्रतिकारशक्ती वाढवणारी आहे, असे पवार यांनी नमूद केले. सीरममध्ये प्रतिकारशक्ती वाढवणाऱ्या लशीची निर्मिती होते. मी व माझ्या स्टाफने आज हीच लस घेतली आहे, असेही पवार म्हणाले. सीरमचे प्रमुख पूनावाला हे शरद पवार यांचे वर्गमित्र आहेत. त्यामुळे पवारांसाठी त्यांनी करोना लशीची व्यवस्था केली असेल, असे तुम्हाला वाटत असेल पण तसं काहीही नाही, असे मिश्कीलपणे पवार म्हणाले. करोनावर सीरमची लस यायला नव्या वर्षाचा जानेवारी महिना उजाडेल, असेही पवार यांनी यावेळी सांगितले.

दरम्यान, राज्यावर करोनाचं संकट आलं असताना शरद पवार हे सरकारचे मार्गदर्शक म्हणून सुरुवातीपासूनच मैदानात उतरलेले आहेत. वय आणि प्रकृतीची पर्वा न करता पवार सातत्याने विविध भागांत जाऊन करोना स्थितीचा आढावा घेत आहेत. मुख्यमंत्री उद्धव ठाकरे यांच्याशीही ते या स्थितीवर वारंवार चर्चा करत आहेत. राज्यात अनलॉकची प्रक्रिया सुरू असून त्यातही पवार यांच्या सल्ल्याने अनेक निर्णय घेतले जात आहेत.

शहरी भागात महाराष्ट्र झाडे तोडण्याबाबत अधिनियम १९६४ ची बऱ्यापैकी अमंलबजावणी होते. ग्रामीण भागात मात्र, याकडे दुर्लक्ष केले जाते. मात्र, पाठपुरावा केला तर शिक्षा होऊ शकते, हे या घटनेतून दिसून आले आहे. पठारवाडी येथील घोडाबा मंदिरासमोर मोठे कडुलिंबाचे झाड होते. ते तेथील काही लोकांनी कापले. याची तक्रार परिसरात राहणारे रामदास घावटे यांनी वन अधिकारी व पारनेरच्या तहसीलदारांकडे केली होती. तहसीलदारांच्या आदेशानंतर वन अधिकाऱ्यांनी पंचनामा केला. त्यावेळी तेथे उपस्थित असलेल्या संतोष बबन काळे यांनी झाड तोडल्याची कबुली दिली.

मंदिरात येणाऱ्या भाविकांना अडचण होते व फांद्या तुटून पडण्याचा धोका असल्याने झाड तोडल्याची कबुली काळे यांनी दिली होती. मात्र, यासाठी रितसर परवानगी घेण्यात आली नाही. त्यामुळे काळे यांच्याविरोधात वृक्षतोड बेकायदा केल्याप्रकरणी गुन्हा दाखल करण्यात आला. त्यावर वन अधिकारी गोरे यांच्यासमोर सुनावणी झाली. त्यामध्ये काळे यांना दोषी ठरवून एक हजार रुपये दंड करण्यात आला. तसेच पावसाळ्यात वृक्ष लागवड करून जतन करण्याबाबत शपथपत्र सादर करण्याचा आदेश देण्यात आला. या प्रकरणी लोकजागृती सामाजिक संस्थेचे रामदास घावटे यांनी पाठपुरावा केला होता.

आणखी बातम्या वाचा:

ही घटना रंदेर भागातील पालनपूर पटिया येथील आहे. या भागातील विजय डेअरी वरून ‘१०८’ आपत्कालीन सेवा देणाऱ्यांना एक फोन आला. यानंतर तिथे रुग्णवाहिका पाठवण्यात आली, अशी माहिती १०८ सेवा देणाऱ्या अधिकाऱ्यांनी दिली.

आम्हाल फोन येताच रंदेर भागात असलेली १०८ आपत्कालीन सेवेलीत रुग्णवाहिका घटनास्थळी पोहोचली. इमर्जन्सी मेडिलकल टीमचे ( EMT) सब्बीर खान बेलीम आणि रुग्णवाहिका चालक नीरज गमीत हे घटनास्थळी दाखल झाले. तिथे एक रुग्ण बेशुद्ध अवस्थेत पडलेला होता. सुरेंद्र सिंह बारड (वय ४७ ) असं या रुग्णांचं नाव आहे. तो ओलपड इथला राहणार आहे आणि विजय डेअर येथे तो मिठाई घेण्यासाठी आला होता. डेअरीच्या ठिकाणी तो अचानक कोसळला आणि बेशुद्ध पडला, अशी माहिती GVK-EMRI चे प्रोग्रॅम मॅनेजर आणि समन्वयक फयाज पठाण यांनी दिली.

EMT सब्बीर खान बेली हे घटनास्थळी पोहोचल्यावर त्यांनी रुग्णाला तपासले. रुग्णाला छातीत कळा येत होत्या. त्याला हृदयविकाराचा झटका आल्याचं लक्षणं त्यांना दिसून आली. त्याने रुग्णाला तातडीने जवळच्या रुग्णालयात दाखल केलं. यावेळी रुग्णाकडे काही रोख रक्कम आणि दागिनेही होते. रुग्णाला हॉस्पिटलमध्ये दाखल केल्यानंतर सब्बीर खान आणि नीरज गमीत यांनी रुग्णांच्या नातेवाईकांना फोन केला आणि त्यांना बोलावून घेतलं. रुग्णाकडे आढळून आलेली रोख रक्कम आणि दागिने त्यांनी रुग्णाच्या नातेवाईकांकडे सोपवले, अशी माहिती फयाज पठाण यांनी दिली.

मुंबईतील परिसरात ही घटना घडली. फयाज शेख (वय ३१) आणि सादिक पटेल (वय २७) या दोघांना दिंडोशी पोलिसांनी अटक केली आहे. तर नदीम हा तिसरा आरोपी फरार आहे. पीडित महिला मालाडच्या पूर्वेला राहते. आरोपींनी ब्लॅकमेल करून तिच्यावर दोन वर्षे बलात्कार केला. पीडित महिला पती आणि अडीच वर्षांच्या मुलासोबत राहते. शेख आणि महिला एकाच परिसरात राहत असून, तो तिला आणि पतीला ओळखत होता. पीडितेच्या तक्रारीनुसार, २०१८ मध्ये शेखने तिला कॉल केला. काही कामानिमित्त तिला घरी बोलावून घेतले. चाकूचा धाक दाखवून तिच्यावर बलात्कार केला. त्याचा व्हिडिओ त्याने शूट केला. याबाबत वाच्यता केली तर अॅसिड टाकून मारण्याची धमकी दिली. त्यानंतर तो व्हिडिओ सोशल मीडियावर व्हायरल करण्याची धमकी देऊन त्याने तिच्यावर वारंवार बलात्कार केला.

वर्षभरानंतर शेख याने बलात्काराचा व्हिडिओ आणि तिचा फोन नंबर पटेल याला दिला. त्यानेही महिलेला ब्लॅकमेल केले आणि तिच्यावर अनेकदा बलात्कार केला. याबाबत नदीमला माहीत झाले. त्यानेही महिलेला कॉल करून धमकावण्यास सुरुवात केली. याबाबत पतीला सांगेन अशी धमकी दिल्यानंतर ती घाबरली. आपला संसार वाचवण्यासाठी ती नदीमला भेटण्यास तयार झाली. त्यानंतर नदीमनेही तिच्यावर बलात्कार केला. इतक्यावरच आरोपी थांबले नाहीत. त्यांनी आणखी एका मित्राला तिचा फोन नंबर दिला. त्यानेही तिला फोन करून धमकावण्यास सुरुवात केली.

सोडली तर आपल्याला होणारा हा त्रास किमान थांबेल असं तिला वाटलं. ती आपल्या मूळगावी गेली. सहा महिने ती तिथे होती. मात्र, आरोपी तिला ब्लॅकमेल करत होते. अखेर या त्रासाला कंटाळून तिने ही बाब आपल्या पतीला सांगितली. मुंबईत परतल्यानंतर त्यांनी पोलिसांत तक्रार दाखल केली. २९ सप्टेंबरला पोलिसांनी आरोपींविरोधात गुन्हा दाखल केला. दिंडोशी पोलिसांनी दोघांना अटक केली. तर तिसरा आरोपी नदीम हा अद्याप फरार आहे. त्याचा शोध घेतला जात आहे.

‘उत्तर प्रदेशात माता – भगिनींच्या सन्मान आणि स्वाभिमानाला इजा पोहचवण्याचा विचारदेखील करणाऱ्यांचा समूळ नाश सुनिश्चित आहे. त्यांना अशी शिक्षा मिळेल जी भविष्यात एका उदाहरण प्रस्तुत करेल. तुमचं उत्तर प्रदेश सरकार प्रत्येक माता – भगिनीच्या सुरक्षेसाठी आणि विकासासाठी संकल्पबद्ध आहे. हाच आमचा संकल्प आहे. वचन आहे’ असं योगी आदित्यनाथ यांनी आपल्या ट्विटमध्ये म्हटलंय.

कायदे-व्यवस्थेवर प्रश्नचिन्ह

उल्लेखनीय म्हणजे, उत्तर प्रदेशातल्या गँगस्टर विकास दुबे प्रकरणानंतरही राज्यातील कायदे व्यवस्थेची लक्तरं वेशीवर टांगलेली दिसली. या प्रकरणातील अनेक आरोपींचा मृत्यू फिल्मी स्टाईल पोलीस एन्काऊन्टरमध्ये झाल्यानंतर यावरही अनेक प्रश्नचिन्ह उपस्थित करण्यात आली होती. त्यामुळेच योगींच्या ‘समूळ नाश सुनिश्चित…’ असल्याचं वक्तव्य काय इशारा करतंय? असा प्रश्न अनेकांना पडलाय.

वाचा :

वाचा :

एसआयटीचा तपास

दरम्यान, हाथरस बलात्कार प्रकरणात प्रशासनाचा बेजबाबदारपणा समोर आल्यानंतर जिल्हाधिकारी प्रवीण कुमार आणि पोलीस अधिक्षकांविरुद्ध कारवाई होऊ शकते, अशी शक्यता वर्तवण्यात येतेय. हे प्रकरण ज्या पद्धतीनं हाताळण्यात आलं, त्यावर योगी आदित्यनाथ भलतेच नाराज झाल्याचं म्हटलं जातंय. या प्रकरणाच्या चौकशीसाठी मुख्यमंत्र्यांनी एक विशेष तपासणी पथकही (एसआयटी) गठीत केलंय.

कुटुंबीयांना प्रशासनाकडून धमक्या

उल्लेखनीय म्हणजे, जिल्हाधिकारी प्रवीण कुमार यांच्यावर सामूहिक बलात्कार प्रकरणातील पीडित मृत मुलीच्या कुटुंबीयांना धमकावण्याचे आणि दबाव टाकल्याचे गंभीर आरोप केले आहेत. प्रकरण मिटवण्याचं सांगतानाच मीडिया निघून जाईल पण प्रशासन मात्र इथंच राहील, असं पीडित कुटुंबीयांसमोर म्हणत असल्याचा त्यांचा एक व्हिडिओ सोशल मीडियावर व्हायरल झालाय.

वाचा :

वाचा :

‘बलात्कार झालाच नाही’

उत्तर प्रदेश पोलिसांकडून मृत पीडितेवर कुटुंबीयांच्या इच्छेविरुद्ध अर्ध्यारात्रीच अंत्यसंस्कार उरकण्यात आल्याचाही आरोप पीडित कुटुंबीकडून करण्यात आलाय. केंद्रीय मंत्री साध्वी निरंजन ज्योती यांनी ‘पीडितेचा मृतदेह कुटुंबीयांकडे सोपवण्यात यायला हवं होतं’ असं म्हणत या आरोपावर शिक्कामोर्तबच केलंय. या आरोपांमुळे प्रशासनाच्या वर्तवणुकीवर अनेक प्रश्नचिन्ह उपस्थित झाले आहेत. इतकंच नाही तर, फॉरेन्सिक सायन्स लॅबच्या रिपोर्टमध्येही पीडितेवर बलात्कार झाल्याचे पुरावे आपल्याला मिळालेच नसल्याचंही अतिरिक्त पोलिस महासंचालकांनी (कायदा व सुव्यवस्था) म्हटलंय.

१४ सप्टेंबर रोजी हाथरसमध्ये पीडित मुलीवर सामूहिक बलात्काराची घटना घडली. कुटुंबीयांनी केलेल्या आरोपानुसार, बलात्कारानंतर तरुणीची जीभ छाटण्यात आली होती तसंच तिच्या पाठीच्या मणकाही तोडण्यात आला होता. गेल्या सोमवारी प्रकृती बिघडल्यानंतर तिला दिल्लीच्या सफदरजंग रुग्णालयात हलवण्यात आलं होतं. मंगळवारी सकाळी तिनं अखेरचा श्वास घेतला.

वाचा :

वाचा :

मालिकेच्या सेटवर गटबाजी होत असल्याचं नेहानं अप्रत्यक्षरित्या सांगितलं होतं. पण, त्याबाबत विचारलं असता ती म्हणाली, की ‘गटबाजीबद्दल मला काहीही बोलायचं नाही. कधी कधी शांत राहणं हेच पुरेसं असतं.’ तिनं सेटवरील या विषयाला वाचा फोडल्यानं मालिकेविषयी नवीन चर्चा सुरू झाली आहे.

नेहानं मालिकेतून काढता पाय घेतल्यानंतर निर्माते असित कुमार मोदी यांनी देखील प्रतिक्रिया दिली आहे. आम्ही नेहाला थांबवण्याचा खूप प्रयत्न केला पण तिलाच यापुढं या मालितेचा भाग होण्यात सर नव्हा. तसंच तिनं पुन्हा परत येण्याची इच्छा व्यक्त केली होती. पण तिच्या जागी घेतेल्या नवीन अभिनेत्रीनं देखील चांगलं काम केलंय. त्यामुळं आता तिला काढणं अशक्य,असल्याचं ते म्हणाले.

दरम्यान,’तारक मेहता का उल्टा चष्मा’ मालिकेची सध्या चर्चा सुरू आहे. मालिकेनं ३००० भागांचा टप्पा पूर्ण केलाय. काही कलाकारांनी मालिकेतून काढता पाय घेतल्यानंतर त्यांच्या जागी नवीन कलाकारांची एन्ट्री होत आहे. नेहा मेहता यांनी गेल्या बारा वर्षांपासून अंजली भाभीची भूमिका साकारली होती. मात्र त्यांनी अचानक मालिका सोडण्याचा निर्णय घेतल्यानं त्यांच्या जागी अभिनेत्री सुनैना फौजदार हिची निवड करण्यात आली आहे. आता अंजली भाभीच्या भूमिकेत सुनैना दिसत आहे.

या प्रकरणी तीन जणांना ताब्यात घेतले असून, राजकीय वादातून ही हत्या झाल्याचे प्राथमिक चौकशीनंतर स्पष्ट झाले आहे, अशी माहिती पोलिसांनी शुक्रवारी दिली. दीपक मारटकर हे रात्री जेवण झाल्यानंतर घराबाहेर पडले होते. मध्यरात्री साधारण एकच्या सुमारास दुचाकीवरून आलेल्या पाच ते सहा जणांनी त्यांच्यावर प्राणघातक हल्ला केला. धारदार शस्त्रांनी त्यांच्यावर वार केले. यात जखमी झालेल्या मारटकर यांना तात्काळ रुग्णालयात दाखल केले होते. मात्र, तासाभरानंतर त्यांचा मृत्यू झाला. फरासखाना पोलीस ठाण्यात या प्रकरणी गुन्हा दाखल करण्यात आला होता. दरम्यान, सर्व राजकीय पक्षांच्या पदाधिकाऱ्यांनी पोलीस उपायुक्त स्वप्ना गोरे यांची भेट घेतली असून, आरोपींवर कठोर कारवाईची मागणी केली.

हल्लेखोरांच्या तोंडावर मास्क, दुचाकीवर नंबर प्लेटही नव्हती

मारटकर जेवण झाल्यानंतर घराबाहेर पडले होते. पाच ते सहा जण दबा धरून बसले होते. मारटकर येताच त्यांनी धारदार शस्त्रांनी त्यांच्यावर सपासप वार केले. मारटकर यांनी जीव वाचवण्याचा प्रयत्न केला. ते धावत सुटले. मात्र, हल्लेखोरांनी त्यांना पकडले आणि पुन्हा त्यांच्यावर वार केले. हल्लेखोरांच्या तोंडावर मास्क होते. तर ते ज्या दुचाकीवरून आले होते, त्या दुचाकींना नंबर प्लेटही नव्हती, अशी माहिती समोर आली आहे. गंभीर जखमी झालेल्या मारटकर यांना तात्काळ नजीकच्या रुग्णालयात नेण्यात आले. तेथे त्यांचा मृत्यू झाला. फरासखाना पोलिसांत या प्रकरणी गुन्हा दाखल करून तपास सुरू केला. राजकीय वादातून ही हत्या झाल्याचा संशय होता. या प्रकरणी तीन जणांना ताब्यात घेण्यात आले आहे, अशी माहिती पोलिसांनी दिली.