मुंबई: () आयपीएलमधील सर्वात यशस्वी संघ असलेल्या () संघाने आतापर्यंत चार विजेतेपद मिळवली आहेत. या वर्षी आयपीएलमधील पहिला सामना मुंबई इंडियन्स आणि चेन्नई सुपर किंग्ज यांच्यात होणार आहे. हे दोन्ही संघ गतविजेते आणि उपविजेते आहेत. या वर्षीही विजेतेपदासाठी फेव्हरेट मुंबईचा संघ आहे.

वाचा-

आयपीएलमधील सर्वात मोठा फॅन फॉलोअर्स असलेला संघ म्हणून देखील मुंबईची ओळख आहे. काही दिवसांपूर्वी मुंबई इंडियन्सच्या अधिकृत इंस्टाग्राम पेजचे फॉलोअर्स ५ मिलियनच्या (MI 5 million Followers) पुढे गेले . आयपीएलचे मुंबईनंतर सर्वाधिक विजेतेपद मिळवणारा चेन्नई सुपर किंग्जचा क्रमांक दुसऱ्या क्रमांकावर आहे. त्याचे फॉलोअर्स ४.८ मिलियन इतके आहेत. तर विराट कोहली नेतृत्व करत असलेल्या रॉयल चॅलेंजर्स बेंगळूर संघ ४ मिलियनसह तिसऱ्या स्थानावर आहे.

वाचा-
गेल्या वर्षी झालेल्या अंतिम सामन्यात मुंबई संघाने चेन्नई सुपर किंग्ज संघाचा फक्त एका धावाने पराभव केला होता. तर २०१७ साली देखील त्यांनी पुणे सुपरजायंट्स संघाचा एका धावाने पराभव केला होता. गेल्या काही वर्षात मुंबईच्या चाहत्यांची संख्या मोठी वाढली आहे.

वाचा-
या वर्षी करोना व्हायरसमुळे स्पर्धा युएईमध्ये होते आहे. त्यामुळे चाहत्यांना मैदानात जाऊन संघाला सपोर्ट करता येणार नाही. क्रिकेटपटूंना जसे चाहत्यांशिवाय गमत नाही तसेच चाहत्यांना देखील क्रिकेटच्या मैदानावर गेल्याशिवाय करमत नाही. पण यावेळी प्रेक्षकांशिवाय खेळावे लागणारे आहे.

वाचा-
पण तुम्हाला मैदानात जाता येत नसेल तरी मुंबई संघाचे सर्व अपडेट मिळवून देण्याची सोय करण्यात आली आहे. अगदी सराव, खेळाडूंचे फोटे, व्हिडिओ आदी सर्व गोष्टी आणि स्पर्धा सुरू झाल्यानंतर देखील सर्व अपडेट अगदी तुमच्या हातात येणार आहेत.

वाचा-
मुंबई इंडियन्सच्या चाहत्यांना हे सर्व मिळणार आहे ते त्यांच्या मोबाइलवर, यासाठी मुंबई संघाने एक दिला आहे. तुम्हाला फक्त इतक करायचे आहे की हा नंबर सेव्ह करून त्यावर whatsappवरून फक्त hi पाठवायचा.

मुंबई इंडियन्सचे सामने

19 सप्टेंबर , शनिवार – चेन्नई सुपर किंग्स विरुद्ध मुंबई इंडियन्स, सायंकाळी 7.30 वाजल्यापासून, अबुधाबी
23 सप्टेंबर, बुधवार – कोलकाता नाइट रायडर्स विरुद्ध मुंबई इंडियन्स, सायंकाळी 7.30 वाजल्यापासून, अबुधाबी
28 सप्टेंबर, सोमवार – रॉयल चॅलेंजर्स बंगळुरू विरुद्ध मुंबई इंडियन्स, सायंकाळी 7.30 वाजल्यापासून, दुबई
1 ऑक्टोबर, गुरुवार – किंग्स इलेव्हन पंजाब विरुद्ध मुंबई इंडियन्स, सायंकाळी 7.30 वाजल्यापासून, अबुधाबी
4 ऑक्टोबर, रविवार – मुंबई इंडियन्स विरुद्ध सनरायझर्स हैदराबाद, दुपारी 3.30 वाजल्यापासून, शारजा
6 ऑक्टोबर, मंगळवार – मुंबई इंडियन्स विरुद्ध राजस्थान रॉयल्स, सायंकाळी 7.30 वाजल्यापासून, अबुधाबी
11 ऑक्टोबर, रविवार – मुंबई इंडियन्स विरुद्ध दिल्ली कॅपिटल्स, सायंकाळी 7.30 वाजल्यापासून, अबुधाबी
16 ऑक्टोबर, शुक्रवार – मुंबई इंडियन्स विरुद्ध कोलकाता नाइट रायडर्स, सायंकाळी 7.30 वाजल्यापासून, अबुधाबी
18 ऑक्टोबर, रविवार – मुंबई इंडियन्स विरुद्ध किंग्स इलेव्हन पंजाब, सायंकाळी 7.30 वाजल्यापासून, दुबई
23 ऑक्टोबर, शुक्रवार – चेन्नई सुपर किंग्स विरुद्ध मुंबई इंडियन्स, सायंकाळी 7.30 वाजल्यापासून, शारजा
25 ऑक्टोबर, रविवार – राजस्थान ऱॉयल्स विरुद्ध मुंबई इंडियन्स, सायंकाळी 7.30 वाजल्यापासून, अबुधाबी
28 ऑक्टोबर, बुधवार – मुंबई इंडियन्स विरुद्ध ऱॉयल चॅलेंजर्स बंगळुरू, सायंकाळी 7.30 वाजल्यापासून, अबुधाबी
31 ऑक्टोबर, शनिवार – दिल्ली कॅपिटल्स विरुद्ध मुंबई इंडियन्स, दुपारी 3.30 वाजल्यापासून, दुबई
3 नोव्हेंबर, मंगळवार – सनरायझर्स हैदराबाद विरुद्ध मुंबई इंडियन्स, सायंकाळी 7.30 वाजल्यापासून, शारजा

मुंबई इंडियन्सचा संघ यावर्षीच्या आयपीएलसाठी सज्ज झाला आहे. यावर्षीच्या आयपीएलसाठी मुंबई इंडियन्सचा कर्णधार रोहित शर्माने खास रणनिती आखलेली आहे. यावर्षीच्या आयपीएलसाठी मुंबई इंडियन्सचा संघ नेमका काय विचार करत आहे, हेदेखील रोहितने यावेळी सांगितले आहे.

युएईमध्ये २०१४ साली आयपीएल खेळवण्यात आले होते. यावेळी मुंबईचा संघ ५ सामने खेळलेला होता. पण या पाचही सामन्यांमध्ये मुंबईला विजय मिळवता आलेला नाही. त्यामुळे मुंबईच्या संघाला युएईमध्ये अजूनही विजयाचे खाते उघडता आलेले नाही. याबाबत रोहित शर्माने सांगितले की, ” युएईमध्ये आयपीएल खेळून बराच काळ झाला आहे. या संघातील फक्त तीन खेळाडू त्यावेळी मुंबईकडून खेळले होते. यावेळी आमचा संघ, खेळाडू आणि प्रशिक्षक हे नवीन आहेत. आम्ही जुन्या गोष्टी विसरून गेलो आहोत. त्यामुळे नव्या जोशात आम्ही यावर्षी आयपीएल खेळण्यासाठी उतरणार आहोत.”

मुंबईच्या संघात अनुभवी ख्रिस लीनचा समावेश करण्यात आला आहे. आतापर्यंत आयपीएलमध्ये लीनने एक सलामीवीर म्हणून दमदार कामगिरी केली आहे. त्यामुळे लीन यावेळी सलामीला खेळणार असेल तर रोहित शर्माला मधल्याफळीत खेळावे लागेल, असे म्हटले जात होते. याबाबत रोहित म्हणाला की, ” आमचा संघ चांगलाच समतोल आहे. ख्रिस लीन हा आमच्या संघात आला आहे आणि तो एक चांगला सलामीवीर आहे. पण यावेळी मुंबई इंडियन्सची सलामी करायला मी येणार आहे आणि एवढेच मला माहिती आहे.”

मुंबई इंडियन्सचा वेगवान गोलंदाज लसिथ मलिंगाने आयपीएलमधून माघार घेतली आहे. मुंबई इंडियन्सच्या संघासाठी हा एक मोठा धक्का आहे. याबाबत रोहित शर्मा म्हणाला की, ” मलिंगा या मोसमात आमच्याबरोबर नसेल. मलिंगाची जागा कोणीही घेऊ शकणार नाही. कारण मलिंगाकडे आंतरराष्ट्रीय क्रिकेटचा दांडगा अनुभव आहे. बऱ्याचदा मलिंगा आमच्यासाठी मॅत विनरही ठरलेला आहे. त्यामुळे त्याची जागा भरणे आमच्यासाठी नक्कीच अवघड असेल. पण मलिंगासाठी पर्यायी गोलंदाज आम्ही खेळवणार आहोत. मलिंगाची जागा घेण्यासाठी काही पर्याय आमच्यासमोर खुले आहेत. मुंबई इंडियन्सच्या संघात जेम्स पॅटीन्सन, धवन कुलकर्णी आणि नॅथल कल्टर नाइल असे तीन वेगवान गोलंदाज आहेत. त्यामुळे या तिघांपैकी एका गोलंदाजाला आम्ही मलिंगाच्या जागी खेळवू शकतो.”

चीनच्या कंपनीबरोबर आयपीएलमधील चेन्नई सुपर किंग्स संघाचा कर्णधार महेंद्रसिंग धोनीने करार केल्याचे आता पाहायला मिळाले आहे. आयपीएल सुरु होण्यापूरवीच काही दिवसांपूर्वी ओपो या चीनच्या कंपनीने धोनीबरोबरचे काही व्हिडीओ आपल्या ट्विटरवर पोस्ट केले आहेत. त्यामुळे धोनी चांगलाच ट्रोल होत असल्याचे पाहायला मिळाले आहे. सध्याच्या घडीला भारत आणि चीन यांच्यातील तणावपूर्ण वातावरणानंतर धोनी या कंपनीशी कसा काय करार करू शकतो, असा प्रश्न चाहत्यांना पडलेला आहे.

धोनीचे भारताबाबतचे प्रेम सर्वश्रूत आहे. कारण धोनी बऱ्याचदा भारताच्या आर्मीबरोबर सराव करत असल्याचेही पाहायला मिळाले आहे. गेल्या वर्षी झालेल्या विश्वचषकानंतर धोनी भारतीय आर्मीबरोबर काही दिवस जम्मू आणि काश्मीरमध्ये सराव करण्यासाठी गेला होता. त्याचबरोबर धोनीना मानदपदही भारतीय दलाकडून देण्यात आलेले आहे. त्यामुळे सध्याच्या वातावरणात धोनी हा चीनच्या कंपनीबरोबर कसा काय करार करू शकतो, असा प्रश्न चाहत्यांना पडलेला आहे. पण धोनीने मात्र याबाबत आपले मत व्यक्त केलेले नाही.

ओपो या कंपनीने काही व्हिडीओ ओपो इंडिया या खात्यावरून ट्विट केले आहेत. या व्हिडीओमध्ये धोनी पाहायला मिळत आहे. करार झाल्याशिवाय कोणताही क्रिकेटपटू कंपनीच्या व्हिडीओमध्ये पाहायला मिळत नाही. त्यामुळे धोनी आणि या कंपनीचा करार झाला असेल. या कंपनीने आयपीएलचे औचित्य साधत धोनीचे काही व्हिडीओ आपल्या ट्विटरवरून पोस्ट केल्याचे पाहायला मिळत आहे.

काही दिवसांपूर्वी चीनच्या एका कंपनीबरोबर भारताचा माजी महान क्रिकेटपटू सचिन तेंडुलकरने करार केल्याचेही पाहायला मिळाले होते. पेटीएम या कंपनीमध्ये चीनच्या एका कंपनीची भागीदारी आहे. पेटीएम या कंपनीने आता पेटीएम फर्स्ट गेम्स, असे एक अॅप आणलेले आहे. यासाठी सचिनची सदिच्छादूत म्हणून निवड केल्याचे आता समोर आले आहे. त्यानंतर अखिल भारतीय व्यापारी संघटनेने सचिनला एक पत्र लिहिले होते. या पत्रामध्ये तू चीनबरोबरच्या कंपनीशी करार यापुढे कायम ठेवून नये, तो मोडावा, अशी विनंती व्यापारी संघटनेने सचिनला केलेली होती.

धोनी गेल्या वर्षी विश्वचषकात आपला अखेरचा आंतरराष्ट्रीय सामना खेळला होता. त्यानंतर धोनी हा भारतीय आर्मीबरोबर जम्मू आणि काश्मीरमध्ये सरावाला गेला होता. त्याचबरोबर भारतीय वायूदलाने धोनीला लेफ्टनंट कर्नल ही मानद पदवीही दिली आहे. धोनी हा वायू दलातील पॅरा रेजिमेंट दलाच्या सरावात सहभागी होत असतो. अशाच एका सरावात धोनी सहभागी झाला होता.

मुंबई इंडियन्सचा वेगवान गोलंदाज लसिथ मलिंगाने आयपीएलमधून माघार घेतली आहे. मुंबई इंडियन्सच्या संघासाठी हा एक मोठा धक्का आहे. कारण आतापर्यंतच्या आयपीएलमध्ये सर्वात जास्त विकेट्स मलिंगाच्या नावावर आहेत. पण मुंबई इंडियन्सने मलिंगासाठी पर्यायी गोलंदाज शोधलेला आहे, असे कर्णधार रोहित शर्माने सांगितले आहे. मलिंगासाठी पर्यायी गोलंदाज नेमका कोण असेल, पाहा…

मुंबई इंडियन्सचा संघ यावेळी पाचव्यांदा आयपीएलचे जेतेपद पटकावण्यासाठी सज्ज झालेला आहे. पण मलिंगा खेळणार नसल्यामुळे संघापुढे मोठी अडचण आहे. कारण मलिंगासारख्या अनुभवी गोलंदाजाची जागा कोणीही घेऊ शकणार नाही. पण त्याच्या जागी मुंबईला एक वेगवान गोलंदाज खेळवावा लागणार आहे. मलिंगाने आतापर्यंतच्या आयपीएलमध्ये १२० सामन्यांमध्ये १७० विकेट्स घेतलेल्या होत्या.

याबाबत रोहित शर्मा म्हणाला की, ” मलिंगा या मोसमात आमच्याबरोबर नसेल. मलिंगाची जागा कोणीही घेऊ शकणार नाही. कारण मलिंगाकडे आंतरराष्ट्रीय क्रिकेटचा दांडगा अनुभव आहे. बऱ्याचदा मलिंगा आमच्यासाठी मॅत विनरही ठरलेला आहे. त्यामुळे त्याची जागा भरणे आमच्यासाठी नक्कीच अवघड असेल. पण मलिंगासाठी पर्यायी गोलंदाज आम्ही खेळवणार आहोत.”

रोहित पुढे म्हणाला की, ” मलिंगाची जागा घेण्यासाठी काही पर्याय आमच्यासमोर खुले आहेत. मुंबई इंडियन्सच्या संघात जेम्स पॅटीन्सन, धवन कुलकर्णी आणि नॅथल कल्टर नाइल असे तीन वेगवान गोलंदाज आहेत. त्यामुळे या तिघांपैकी एका गोलंदाजाला आम्ही मलिंगाच्या जागी खेळवू शकतो.”

मुंबई इंडियन्स सध्याच्या घडीला काही गोष्टी हातच्या राखून ठेवत असल्याचे पाहायला मिळत आहे. कारण रोहितने मलिंगाची जागा कोण घेणार हे सांगताना मुंबई इंडियन्सच्या संघातील एका वेगवान गोलंदाजाचे नाव घेतलेले नाही आणि त्यालाच मलिंगाची जागा मिळू शकते, असे काही क्रिकेट जाणकार बोलत आहेत. मुंबईच्या संघातील मलिंगाची जागा हा वेगवान गोलंदाज ट्रेंट बोल्ट घेऊ शकतो. कारण बोल्टला आंतरराष्ट्रीय क्रिकेटचा चांगला अनुभव आहे. त्यामुळे जसप्रीत बुमराबरोबर बोल्ट हा वेगवान गोलंदाजीची धुरा सांभाळताना दिसू शकतो.