म. टा. प्रतिनिधी, : करोनाचा अहवाल पॉझिटिव्ह आल्यानंतर कोविड सेंटरमध्ये उपचार घेणाऱ्या एका महिलेच्या अंगावरील सात तोळे सोन्याच्या दागिन्यांवर चोरट्याने डल्ला मारला. शहरातील महाराणा प्रताप चौकातील एका कोविड सेंटरमध्ये घडलेल्या या घटनेने खळबळ उडाली आहे. दरम्यान, या महिन्यात घडलेली ही दुसरी घटना आहे.

कदमवाडी येथे राहत असलेल्या एका महिलेचा तपासणी अहवाल काही दिवसांपूर्वी पॉझिटिव्ह आला. त्यानंतर तिला उपचारासाठी नातेवाईकांनी महाराणा प्रताप चौकातील केपीसी या कोविड सेंटरमध्ये दाखल केले. दोन-तीन दिवसांनंतर तिची प्रकृती आणखी बिघडली. त्यामुळे तिला तेथील आयसीयूमध्ये दाखल करण्यात आले. बुधवारी रात्री उशिरा तिच्या अंगावरील दागिन्यांवर चोरट्याने डल्ला मारला. त्यामध्ये चार तोळ्याच्या पाटल्या, दोन तोळ्याचे मंगळसूत्र, आठ ग्रॅमची कानातील फुले व दोन ग्रॅमच्या बुगड्या असे सात तोळ्यांचे हे दागिने होते. या प्रकरणी अडीच लाखांचे दागिने चोरीस गेल्याची फिर्याद नातेवाईकांनी लक्ष्मीपुरी पोलीस ठाण्यात दिली आहे.

काही दिवसांपूर्वी करोनाचे उपचार घेताना एका महिलेचा रुग्णालयात मृत्यू झाला. त्यानंतर मृतदेहावरील दागिने चोरट्यांनी लंपास केले. या प्रकरणाचा अजूनही तपास लागला नाही. काही व रूग्णालयात मोबाइलसह किंमती साहित्य चोरीस जात आहे. यामुळे उपचारास दाखल होणाऱ्या रुग्णाच्या नातेवाईकांच्या चिंतेत आणखी भर पडली आहे.

आणखी बातम्या वाचा:

कोल्हापूर: मराठा आरक्षणाचा मुद्दा मार्गी लागेपर्यंत महाराष्ट्रात कोणत्याही प्रकारची सरकारी नोकर भरती केली जाऊ नये अशी मागणी असतानाही भरती आदेश निघाल्यामुळं मराठा समाजात तीव्र संताप आहे. भाजपचे राज्यसभेचे खासदार यांनीही तीव्र नाराजी व्यक्त केली आहे. ‘विरोध होणार हे माहीत असताना पोलीस भरतीचे आदेश काढणे पूर्णपणे चुकीचं आहे. मराठा समाजाला एकटे पाडण्याचा हा कुटील डाव तर नाही ना,’ अशी शंका संभाजीराजे यांनी उपस्थित केली आहे.

वाचा:

संभाजीराजेंनी मुख्यमंत्री यांना या संदर्भात पत्र लिहून नाराजी व्यक्त केली आहे. ‘ प्रकरण अंतिम निर्णयासाठी मोठ्या खंडपीठाकडे सोपवताना सध्याच्या आरक्षणाला स्थगिती देण्याचा निर्णय नुकताच सर्वोच्च न्यायालयानं दिला आहे. या निर्णयाचे तीव्र पडसाद सध्या राज्यभरात उमटत आहेत. सरकारनं त्या भावनेचा आदर केला पाहिजे. अशा अडचणीच्या काळात पोलीस भरतीचा निर्णय जाहीर करणे हा मराठा समाजाला चिथावणी देण्याचा प्रकार आहे. या निर्णयाच्या विरोधात प्रतिक्रिया उमटणार हे माहीत असूनही सरकारनं पोलीस भरतीचे आदेश काढले, हे पूर्णतः चुकीचे आहे. मराठा समाजाला एकटे पाडण्याचा हा कुटील डाव तर नाही ना? अशी प्रतिक्रिया समाजातील जाणकारांकडून येत आहेत, असं संभाजीराजे यांनी पत्रात म्हटलं आहे.

‘मराठा समाज हा इतरांचे हक्क हिरावून घेऊ इच्छित नाही. त्यांना त्यांचा हक्क हवा आहे आणि या लढ्यात सर्व जातीसमूह मराठा समाजाच्या सोबत आहेत. मोठा भाऊ अडचणीत असल्यामुळे सर्व बहुजन समाज हा लहान भावाप्रमाणे मराठा समाजाच्या सोबत होता, आहे आणि राहणार,’ असंही संभाजीराजे भोसले यांनी म्हटलं आहे.

वाचा:

‘सरकारच्या आधीच्या आदेशानुसार विद्यार्थ्यांना शैक्षणिक प्रवेश देण्यात यावेत आणि जोपर्यंत सर्वोच्च न्यायालयातून आरक्षण कायम होत नाही तोपर्यंत कोणत्याही प्रकारची नोकर भरती काढू नये. सध्याच्या परिस्थितीत नोकरभरती केल्यास त्याविरोधात समाज रस्त्यावर उतरल्याशिवाय राहणार नाही. महाराष्ट्रातील सामाजिक सौहार्द टिकवून ठेवण्याची सर्वस्वी जबाबदारी सरकारची आहे. आपण समाजाची भावना लक्षात घेऊन योग्य तो निर्णय घ्याल,’ अशी अपेक्षा संभाजीराजे यांनी मुख्यमंत्र्यांकडे व्यक्त केली आहे.

म. टा. प्रतिनिधी ।

राधाकृष्ण विखे पाटील यांना मी १४ ऑगस्टला झालेल्या बैठकीला बोलावले होते. पण ते आले नाही. ते ज्येष्ठ नेते आहेत व मी ज्युनियर आहे, म्हणून ते आले नसावेत. पण मला त्यांच्या सल्ल्याची आवश्यकता आहे,’ असे वक्तव्य करताना पालकमंत्री यांनी राधाकृष्ण विखे पाटील यांनी केलेल्या टीकेचा समाचार घेतला. ‘मी आधीच सांगितलं होतं की महिन्यातून किमान एकदा नगरला जिंदा किंवा मुडदा येईनच. गेल्या आठ महिन्यात मी १४ वेळा नगरला आलोय, असेही मुश्रीफ यांनी स्पष्ट केले.

नगरमध्ये करोनाचा प्रादुर्भाव वेगाने वाढत आहे. मात्र १५ ऑगस्टनंतर पालकमंत्री हसन मुश्रीफ नगर जिल्ह्याच्या दौऱ्यावर आले नव्हते. त्यावरून त्यांच्यावर माजी मंत्री राधाकृष्ण यांनी नगरला बोलताना टीका केली होती. सरकारमध्ये काम करणारे सत्ताधारी पक्षातील लोकांचा पब्लिसिटी इव्हेंट चालू आहे. त्यांना जनतेची काळजी नाही. जिल्ह्याच्या पालकमंत्र्यांना तर नेमकी कशाची काळजीय ? त्यांचा तर सगळा वेळ ग्रामपंचायतवर मागच्या दाराने प्रशासक म्हणून आपले बगलबच्चे नेमण्याचा प्रयत्नात गेला,’ अशी टीका विखे यांनी केली होती. या टीकेचा आज पालकमंत्री हसन मुश्रीफ यांनी चांगलाच समाचार घेतला. जिल्हाधिकारी कार्यालयात करोना अनुषंगाने आढावा घेतल्यानंतर ते पत्रकार परिषदेत बोलत होते. यावेळी आमदार संग्राम जगताप, आशुतोष काळे, महापौर बाबासाहेब वाकळेआदी उपस्थित होते.

‘जिल्ह्यात होणाऱ्या सगळ्या मीटिंगला सर्व मंत्र्यांना बोलावले जात नाही. ज्या मिटींगला त्यांना बोलावले जाते, त्याला ते येतातच,’ असे सांगत मुश्रीफ म्हणाले, ‘१४ ऑगस्टला मी जी बैठक घेतली त्याला सर्व लोकप्रतिनिधींना बोलवले होते. त्या बैठकीला सर्व लोकप्रतिनिधी आले, पण राधाकृष्ण विखे आले नाहीत. कदाचित ते ज्येष्ठ नेते व मी ज्युनियर म्हणून ते आले नसावेत. पण मला त्यांच्या सल्ल्याची आवश्यकता आहे,’ असे सांगतानाच पालकमंत्र्यांनी आतापर्यंत जिल्ह्यात किती वेळा दौरा केला याची माहिती दिली.

ते म्हणाले, ‘२० जानेवारीला पालकमंत्री म्हणून माझी निवड झाली. खरंतर माझी निवड सहा जानेवारीला झाली होती. पण बाळासाहेब थोरात कोल्हापूरला व मी येथे अशी पालकमंत्री म्हणून आमची निवड करण्यात आली. मात्र थोरात कोल्हापूरचा चार्ज घेत नव्हते, म्हणून मी इकडचा चार्ज घेत नव्हतो. अखेर २० तारखेला मी पालकमंत्री पदाचा पदभार स्वीकारला. त्यानंतर आजपर्यंत तब्बल चौदा वेळा माझी नगरला भेट झाली आहे. या जिल्ह्याच्या विकासासाठी राजकीय मतभेद बाजूला ठेवून आपल्याला काम करायचे आहे. त्यासाठी आपण चांगल्या निधीची तरतूद केली होती. पण दुर्दैवाने करोना आला. नगर जिल्ह्यात शासकीय मेडिकल कॉलेज काढण्यासाठी माझे प्रयत्न सुरू आहेत. नगर मला सुंदर करायचे आहे. ते माझं स्वप्न करोनाच्या परिस्थितीतून बाहेर पडल्यावर नक्की पूर्ण करू,’ असेही त्यांनी सांगितले.

लंडन: अनेकांना मांजर, पाळायला आवडते. प्राणी पाळण्याचा अनुभव अनेकांचा चांगला असतो. हे प्राणी माणसांसोबत प्रामाणिक आणि अगदी सहजपणे वावरत असतात. काही प्रसंगी श्वानांनी माणसांना मदतही केली असल्याचे किस्से ऐकण्यात आलेले असतात. मात्र, एका कुटुंबासाठी त्यांचा पाळीव श्वान हा धोकादायक ठरला. या पाळीव श्वानाने अवघ्या १२ दिवसांच्या बाळाचे प्राण घेतले.

उत्तर इंग्लंडमधील यॉर्कशायर शहरातील डॉनकास्टर येथे राहणाऱ्या कुटुंबावर हे संकट कोसळले. स्टीफन जोयनेस (३५) आणि अबिगाइल अॅलिस (२७) हे मागील काही दिवसांपासून प्रचंड आनंदात होते. अॅलिसने १२ दिवसांपूर्वीच एका गोंडस बाळाला जन्म दिला. मात्र, त्यांचा आनंद हा फारकाळ टिकला नाही. त्यांनी मागील काही वर्षांपासून पाळलेल्या टॅडी या श्वानाने त्यांच्या १२ दिवसाच्या मुलाचे प्राण घेतले.

वाचा:

रविवारी, अॅलिस आणि जोयनेस यांचा १२ दिवसाचा मुलगा झोपला होता. त्याच दरम्यान दोघांचेही लक्ष त्याच्यावरून हटले. त्यावेळी घरासमोरील बागेत खेळणाऱ्या टॅडीने अचानक घरात उडी मारली आणि लहान बाळावर हल्ला केला. मुलाच्या रडण्याचा आवाज ऐकून अॅलिस आणि जोयनेस त्याच्याकडे पोहचेपर्यंत बाळ रक्तबंबाळ झाले होते. उपचारासाठी बाळाला रुग्णालयात दाखल केले. मात्र, डॉक्टरांनी त्याला मृत घोषित केले.

वाचा: वाचा:
घटनेची माहिती समजताच पोलीस घटनास्थळी दाखल झाले. त्यांनी कसेबसे श्वानावर नियंत्रण मिळवले आणि व्हॅनमधून त्याला घेऊन गेले. त्यानंतर या बाळाच्या आई वडिलांना निष्काळजीपणा दाखवल्याबद्दल अटक करण्यात आली. मात्र, त्यांची जामिनावर सुटका करण्यात आली. काही दिवसांपूर्वी अॅलिसच्या वडिलांचे निधन झाले होते. टॅडी श्वान हा साधारणपणे शांत असायचा.

माले: जगभरातील गरीब आणि लहान देशांना मोठ्या प्रमाणावर कर्ज वाटणाऱ्या चीनचा उद्देश यशस्वी होताना दिसत आहे. कर्जाच्या मोठ्या रक्कमेखाली अनेक देशांचे हात अडकत चालले आहे. भारतासाठी महत्त्वाचा असणारा मालदीवही चीनच्या कर्जाच्या ओझ्याखाली दबला गेला आहे. मालदीववर चीनचे ३.१ अब्ज डॉलरचे कर्ज आहे. तर, मालदीवची संपूर्ण अर्थव्यवस्था पाच अब्ज डॉलरची आहे. करोनाच्या संकटात मालदीवची अर्थव्यववस्था संकटात सापडली आहे.

बीबीसीने दिलेल्या वृत्तानुसार, मालदीवची अर्थव्यवस्था ही पर्यटन उद्योगावर आधारीत आहे. करोनाच्या संकटामुळे मालदीवच्या पर्यटन व्यवसायावर मोठा परिणाम झाला आहे. मालदीवला पर्यटनापासून दरवर्षी सुमारे दोन अब्ज डॉलर्सचे उत्पन्न मिळते. परंतु करोनामुळे उत्पन्नात एक तृतीयांश घट होण्याची शक्यता आहे. करोनाचे संकट कायम राहिल्यास मालदीवला ७० कोटी डॉलरचे नुकसान सहन करावे लागू शकते.

वाचा:

मालदीवचे माजी पंतप्रधान आणि संसदेचे विद्यमान अध्यक्ष मोहम्मद नशीद यांनी सांगितले की, देशावर चीनचे एकूण ३.१ अब्ज डॉलरचे कर्ज आहे. यामध्ये सरकार दरम्यानचे कर्ज, सरकारी उद्योगांना दिलेल्या कर्ज, खासगी उद्योगांच्या कर्जाचा समावेश आहे. या कर्जासाठी मालदीव सरकार हमी दिली आहे. मालदीव सरकार चीनच्या या जाळ्यात अडकू शकतो अशी भीती त्यांनी व्यक्त केली आहे.

वाचा:

नशीद यांनी ज्या प्रकल्पांसाठी चीनकडून कर्ज घेतले गेले त्याच्यावर प्रश्नचिन्ह उभे केले आहेत. या प्रकल्पातून सरकारला किती महसूल मिळणार, त्यातून कर्जाची रक्कम कशी फेडली जाणार, आदीबाबत विचार करण्यात आला नसल्याकडे त्यांनी लक्ष वेधले. चीनच्या मदतीने सुरू असलेल्या अनेक प्रकल्पातील खर्चही वाढला असल्याचे त्यांनी सांगितले. वर्ष २०१३ मध्ये मालदीवमध्ये चीन समर्थक असलेल्या अब्दुला यामीन यांच्या सरकारने ॉमोठ्या प्रकल्पांच्या नावावर चीनकडून कर्ज घेतले होते. हेच कर्ज आता सध्याच्या सरकारसमोरील मोठे संकट ठरले आहे. मालदीवमध्ये नवीन सरकार आल्यानंतर त्यांनी आर्थिक परिस्थितीचा आढावा घेण्यास सुरुवात केली आहे. त्यातून अनेक धक्कादायक खुलासे होत आहेत.

वाचा:

मालदीव जर चीनचे कर्ज फेडण्यास अपयशी ठरला तर त्याची अवस्था श्रीलंकेसारखी होईल, अशी भीती नशीद यांनी व्यक्त केली. श्रीलंकेलाही चीनचे कर्ज फेडता न आल्यामुळे त्यांना आपले महत्त्वाचे हंबनटोटा बंदर चीनला ९९ वर्षांच्या भाडेकरारावर द्यावे लागले आहे. मालदीवमधील एखादे बंदर, प्रकल्प चीन सरकार आपल्या कंपनीच्या मार्फत ताब्यात घेण्याचा विचार करू शकतो. लाओस देशातील पॉवर ग्रीडमध्ये चीनच्या सरकारी कंपनीने अशाच प्रकारे शिरकाव केला आहे.

भारतासाठी धोका ?
मालदीवही कर्ज फेडण्यास असमर्थ ठरल्यास भारतासाठी ही धोका निर्माण होऊ शकतो. ९० हजार चौकिमी क्षेत्रफळावर पसरलेला मालदीव देश भारतासाठी खुपच महत्त्वाचा आहे. मालदीवच्या समुद्र सीमेलगत भारतीय बेट मिनिकॉयचे अंतर फक्त १०० किमी आहे. तर, केरळच्या दक्षिण भागापासून मालदीवच्या बेटांचे अंतर फक्त ६०० किमी आहे. चीनकडून भारताची हिंदी महासागरात कोंडी करण्याचे प्रयत्न सुरू आहेत. मालदीवचे सामरिकदृष्ट्या महत्त्व लक्षात घेऊन चीनने या देशाला कर्जाच्या विळख्यात अडकवण्याचाही प्रयत्न केला आहे. व्यापाराच्या माध्यमातून चीन या देशावर आपली पकड मजबूत करण्याचा प्रयत्न करत आहे. मालदीवमध्ये २०१८ मध्ये नवीन सरकार आल्यानंतर चीनसोबत कोणताही मोठा करार करण्यात आला नाही.

नवी दिल्ली : काँग्रेसचे खासदार यांनी यांना ७० व्या वाढदिवसानिमित्त गुरुवारी सकाळीच सोशल मीडियावरून शुभेच्छा दिल्या. सकाळी ७.१५ च्या सुमारास राहुल गांधी यांनी ‘पंतप्रधान नरेंद्र मोदी यांना वाढदिवसाच्या शुभेच्छा’ असं ट्विट केलं. त्यानंतर काही वेळातच बेरोजगारीच्या मुद्यावरून सोशल मीडियावर सुरू असलेल्या #राष्ट्रीय_बेरोजगारी_दिवस (#NationalUnemploymentDay) ट्रेन्डमध्ये सहभागी होत त्यांनी मोदी सरकारला कोपरखळी मारलीय.

वाचा :

वाचा :

‘मोठ्या प्रमाणात बेरोजगारीमुळे तरुणांना आज साजरा करावा लागतोय. रोजगार हा सन्मान आहे. सरकार केव्हापर्यंत हा सन्मान देण्यापासून मागे हटत राहणार?’ असा प्रश्न राहुल गांधी यांनी विचारलाय.

७० व्या वाढदिवसानिमित्तानं पंतप्रधान नरेंद्र मोदींवर आज देश – विदेशातून शुभेच्छांचा वर्षाव होतोय. महाराष्ट्राचे मुख्यमंत्री उद्धव ठाकरे यांनीही पंतप्रधानांना सोशल मीडियाद्वारे शुभेच्छा दिल्या आहेत. तर दुसरीकडे विरोधकांकडून पंतप्रधान नरेंद्र मोदींचा ‘राष्ट्रीय बेरोजगार दिवस’च्या रुपात साजरा केला जातोय. बेरोजगारीच्या मुद्यावर सोशल मीडियावर सरकारला अनेक प्रश्न विचारले जात आहेत. याचमुळे ट्विटवरवर #राष्ट्रीय_बेरोजगारी_दिवस आणि #NationalUnemploymentDay असे दोन ट्रेन्डही सध्या पाहायला मिळत आहेत.

वाचा :

वाचा :