नवी दिल्ली : सध्याच्या घडीला विराट कोहलीकडे दिलेल्या कर्णधारपदाबाबत चांगलाच वाद सुरु आहे. आता भारताचा माजी सलामीवीर आणि खासदार गौतम गंभीरनेही कोहलीवर सणसणीत टीका केली आहे.

अजिंक्यच्या नेतृत्वाखाली भारताने ऑस्ट्रेलियात तिरंगा फडकवला. त्यानंतर इंग्लंडविरुद्धच्या कसोटी मालिकेसाठी विराट कोहलीकडे कर्णधारपद देण्यात आले. यानंतर बऱ्याच जणांनी या निर्णयावर टीका केली. भारताचे कसोटी कर्णधारपद अजिंक्यकडेच राहायला हवे, असे बऱ्याच जणांनी म्हटले आहे. गंभीरनेही यावेळी कोहलीच्या नेतृत्वावर टीका केली आहे. पण गंभीरने आयपीएलमधील त्याच्या कर्णधारपदावर टीका केली आहे. कारण गेल्या आठ वर्षांपासून कोहलीकडे आरसीबीच्या संघाचे नेतृत्व आहे, पण या आठ वर्षांमध्ये एकदाही आरसीबीच्या संघाला जेतेपद पटकावता आलेले नाही.

गंभीरने एका कार्यक्रमात सांगितले की, ” गेल्या आठ वर्षांपासून विराट कोहलीकडे आयपीएलमधील आरसीबीच्या संघाचे नेतृत्व आहे. पण गेल्या आठ वर्षांत आरसीबीच्या संघाला कोहलीच्या नेतृत्वाखाली एकही जेतेपद पटकावता आलेले नाही. आठ वर्षे हा फार मोठा कालखंड असतो. तुम्हीच अशा एका कर्णधार किंवा खेळाडूचे नाव सांगा, ज्याने गेल्या आठ वर्षांत एकदाही आयपीएलच्या जेतेपदाची चव चाखलेली नाही. पण कोहलीला ही गोष्ट करायला अजूनही जमलेले नाही.”

गंभीर पुढे म्हणाला की, ” जर तब्बल आठ वर्षे एका संघाला एकदाही जेतेपद पटकावता येत नसेल तर ते कर्णधाराचे अपयश आहे, असे मला तरी वाटते. कोहलीने एक कर्णधार म्हणून पुढे यायला हवे आणि या गोष्टीला मीच जबाबदार आहे, हे सांगायला हवे. कर्णधार असताना तुम्हाला काही गोष्टींचा स्विकार करावा लागतो, कोहलीनेदेखील कर्णधार असताना या गोष्टींचा स्विकार करायला हवा, असे मला तरी वाटते.”

मुंबई: राज्यात आज ५० बाधित रुग्णांच्या मृत्यूंची नोंद झाली असून दिवसभरात २ हजार ७७९ नवीन रुग्णांचे निदान झाले आहे तर ३ हजार ४१९ रुग्ण करोनावर मात करून घरी परतले आहेत. राज्याचा वाढून ९५.१७ टक्के झाला असून अॅक्टिव्ह रुग्णांची संख्या आता ४५ हजारांच्या खाली आली आहे. राज्यासाठी हा खूप मोठा दिलासा मानला जात आहे. ( Update )

वाचा:

राज्यात कोविड लसीकरणाला वेग आला आहे. पहिल्या टप्प्यात करोना साथीत आघाडीवर लढणाऱ्या आरोग्य कर्मचाऱ्यांना लस दिली जात आहे. या लसद्वारे एकीकडे करोनाला ब्रेक लावला जात असताना दुसरीकडे करोना साथीचे दैनंदिन आकडेही खूप दिलासा देत आहेत. राज्यातील करोना रुग्णांचे प्रमाण वेगाने घटत असून रिकव्हरी रेट सातत्याने वाढताना दिसत आहे. करोना मृत्यूंचा आकडाही गेल्या काही दिवसांपासून कमी झाला आहे.

वाचा:

राज्याच्या आरोग्य विभागाने जारी केलेल्या आजच्या आकडेवारीनुसार राज्यात करोनाने आणखी ५० जणांचा मृत्यू झाला आहे. त्यामुळे मृतांची एकूण संख्या ५० हजार ६८४ इतकी झाली असून राज्यातील आता २.५३ टक्के इतका झाला आहे. राज्यात गेल्या २४ तासांत २ हजार ७७९ नवीन रुग्णांची भर पडली आहे तर त्याचवेळी ३ हजार ४१९ रुग्ण करोनावर मात करण्यात यशस्वी ठरले आहेत. राज्यात आतापर्यंत एकूण १९ लाख ६ हजार ८२७ करोना बाधित रुग्ण बरे झाले असून रुग्ण बरे होण्याचे प्रमाण (Recovery Rate) ९५.१७ टक्के इतके झाले आहे. राज्यात तपासण्यात आलेल्या एकूण १ कोटी ४० लाख ८० हजार ९३० प्रयोगशाळा नमुम्यांपैकी २० लाख ०३ हजार ६५७ (१४.२३ टक्के) नमुने पॉझिटिव्ह आले आहेत. सध्या राज्यात २ लाख १३ हजार ४१४ व्यक्ती होम क्वारंटाइनमध्ये आहेत तर २ हजार १९ व्यक्ती सांस्थात्मक क्वारंटाइनमध्ये आहेत.

वाचा:

राज्यात ४४ हजार ९२६ अॅक्टिव्ह रुग्ण

राज्यातील अॅक्टिव्ह रुग्णांचा आकडा वेगाने खाली येत आहे. सध्या राज्यात ४४ हजार ९२६ अॅक्टिव्ह रुग्ण आहेत. त्यात सर्वाधिक १२ हजार ९२६ रुग्ण जिल्ह्यात आहेत तर ठाणे जिल्ह्यात ७ हजार ८०८ आणि पालिका हद्दीत ६ हजार ४४२ रुग्ण उपचार घेत आहेत.

वाचा:

नवी दिल्ली, : आयपीएलमधील खेळाडूंची देवाण-घेवाण आता मोठा चर्चेचा विषय ठरत आहे. कारण महेंद्रसिंग धोनीच्या नेतृत्वाखालील चेन्नई सुपर किंग्सच्या संघाने तब्बल तीन कोटी रुपये मोजत राजस्थानच्या एका अनुभवी खेळाडूला आपल्या संघात स्थान दिले आहे. ऑस्ट्रेलियाचा माजी कर्णधार स्टीव्ह स्मिथलाही राजस्थान रॉयल्सच्या संघाने बाहेरचा रस्ता दाखवला आहे.

राजस्थानकडून गेल्यावर्षी रॉबिन उथप्पा खेळला होता. पण या वर्षी राजस्थानच्या संघाने उथप्पाला संघात कायम ठेवले नाही. पण त्यानंतर तब्बल तीन कोटी रुपये मोजत चेन्नईच्या संघाने उथप्पााला आपल्या संघात स्थान दिले आहे. त्यामुळे आता उथप्पा चेन्नईकडून खेळताना कशी कामगिरी करतो, याकडे सर्वांचे लक्ष लागलेले असेल.

गेल्यावर्षी कोलकाता नाइट रायडर्स या संघाने उथप्पाला रिलिज केले होते. त्यावेळी त्याची बेस प्राइज ही १.५ कोटी रुपये एवढी होती. त्यावेळी किंग्स इलेव्हन पंजाब आणि राजस्थान या दोन्ही खेळाडूंनी उथप्पासाठी चांगलीच बोली लावली होती. पण त्यानंतर राजस्थानने तीन कोटी रुपये मोजत उथप्पाला आपल्या संघात स्थान दिले होते. गेल्यावर्षी उथप्पाला मात्र राजस्थानकडून खेळताना चांगली कामगिरी करता आली नव्हती. त्यामुळेच फक्त एकाच वर्षानंतर राजस्थानने उथप्पाला सोडचिठ्ठी दिली आहे.

महेंद्रसिंग धोनीच्या नेतृत्वाखालील चेन्नई सुपर किंग्स या संघाने हरभजन सिंग, पीयुष चावला, मुरली विजय, केदार जाधव, मोनू सिंग या खेळाडूंना सोडचिठ्ठी दिल्याचे पाहायला मिळाले आहे. त्याचबरोबर चेन्नईच्या संघाने सुरेश रैनाला संघात कायम ठेवले आहे. किंग्स इलेव्हन पंजाबच्या संघाने ग्लेन मॅक्सवेलला संघातून बाहेरचा रस्ता दाखवला आहे. त्याचबरोबर ऑस्ट्रेलियाचा माजी कर्णधार स्टीव्ह स्मिथलाही राजस्थान रॉयल्सच्या संघाने बाहेरचा रस्ता दाखवला आहे. त्यामुळे यंदाच्या लिलावामध्ये बरेच नामांकित खेळाडू पाहायला मिळतील. पण या नामांकित खेळाडूंना नेमक्या कोणत्या संघात स्थान मिळते, याची उत्सुकता सर्व क्रिकेट चाहत्यांना नक्कीच असेल.

आयपीएलचा लिलाव नेमका कधी होणार, याबाबतची माहिती बीसीसीआयच्या अधिकाऱ्यांनी दिल्याचे आता समोर आले आहे. यावर्षी कोणत्या संघात कोणते खेळाडू असतील हे सर्वांना १८ फेब्रुवारीला समजू शकते. कारण बीसीसीआयच्या अधिकाऱ्यांनी पीटीआय या वृत्तसंस्थेला खास माहिती दिली आहे. यामध्ये या अधिकाऱ्यांनी सांगितले की, ” यावर्षी आयपीएलचा लिलाव हा १८ फेब्रुवारीला होऊ शकतो. पण याबाबतचे ठिकाण मात्र येत्या काही दिवसांमध्ये निश्चित करण्यात येणार आहे.”

मुंबईः आशिया खंडातील सर्वात मोठी झोपडपट्टी असलेल्या येथून करोनाबाबत खूप मोठा दिलासा देणारी बातमी समोर आली आहे. काही महिन्यांपूर्वी करोनानं थैमान घातलेल्या धारावीक आज करोनाचा एकही नवा रुग्ण सापडला नाही. ()

आशियातील सर्वात मोठी झोपडपट्टी आणि दाटीवाटीची लोकसंख्या असलेल्या धारावीने स्वंयशिस्त आणि सामुहिक प्रयत्नातून कोरोनावर नियंत्रण मिळवले आहे. करोनावर यशस्वीपणे नियंत्रण मिळवणाऱ्या धारावी पॅटर्नचं जगभरात कौतुक होतं होतं. आज धारावीत फक्त १० अॅक्टिव्ह रुग्ण उरले आहेत.

धारावातील करोनाचा प्रादुर्भाव रोखणे आव्हानात्मक काम होते. हे आव्हान स्थानिक धारावीकर, महापालिका प्रशासन आणि स्वंयसेवी संस्थांनी स्वीकारले. अशावेळी चेस द व्हायरस ” उपक्रमातून ट्रेसिंग, ट्रॅकिंग, टेस्टिंग आणि ट्रीटींगची संकल्पना चार पातळीवर वेगाने राबविण्यात आली. आज ही संकल्पाना यशस्वी ठरल्याचे पाहायला मिळतंय. गेल्या महिन्यात धारावीत शून्य करोना रुग्ण आढळले होते. त्यानंतर तब्बल महिना भरात धारावीत एक- दोन अशा संख्येनं रुग्ण आढळत होती. आज तब्बल महिनाभरानंतर धारावीनं पुन्हा शून्य करोना दिवस अनुभवला आहे.

धारावीत सध्या १० करोनाचे अॅक्टिव्ह रुग्ण उरले आहेत. तर, धारावीतील करोना रुग्णांची संख्या ३ हजार ९०४ इतकी आहे. तर, आत्तापर्यंत ३ हजार ५८२ इतके रुग्ण बरे झाले आहेत.

दादर, माहिम भागातही दिलासा कायम
धारावी लगतच्या माहीम आणि दादर भागातही गेल्या काही दिवसांपासून करोना रुग्णसंख्येत मोठी घट पाहायला मिळत आहे. दादरमध्ये आज ०२ रुग्ण आढळले असून एकूण रुग्णांची संख्या ४९०० इतकी झाली आहे. तर, आजपर्यंत ४ हजार ६४५ रुग्णांना डिस्चार्ज मिळाला आहे. तर, आत्तापर्यंत ८२ अॅक्टिव्ह रुग्ण उपचार घेत आहेत. माहिममध्येही आज फक्त ३ करोना रुग्ण सापडले असून सध्या १०१ अॅक्टिव्ह रुग्ण आहेत.

पुणेः सीरम इन्स्टिट्यूटला लागलेल्या आगीबाबत चौकशी केली जात आहे. त्यानंतरच हा अपघात होता की घातपात हे स्पष्ट होईल, त्याआधी कोणताही निष्कर्ष काढणे योग्य राहणार नाही, अशी माहिती मुख्यमंत्री यांनी दिली आहे. मुख्यमंत्र्यांनी सीरमच्या घटनास्थळी भेट दिली. त्यावेळी पत्रकार परिषदेत ते बोलत होते.

करोना संकट काळात सीरम इन्स्टिट्यूट आशेचा किरण होती. त्यामुळे सीरमला आग लागल्याचं कळताच काळजाचा ठोका चुकला. मात्र, सुदैवाने जिथे करोनाची लस तयार केली जाते ते केंद्र इथून अंतरावर आहे आणि तिथे कोणतीही दुर्घटना घडली नाही किंवा त्याचा फटका बसलेला नाही. करोना लसीचा साठा पूर्णपणे सुरक्षित आहे, असं मुख्यमंत्र्यांनी सांगितलं.

वाचाः

सीरमच्या या नव्या इमारतीतील दोन मजले वापरात होते. तिथे नवीन केंद्र सुरू करण्यात येणार होतं. तिथेच ही दुर्घटना घडली, असंही त्यांनी सांगितलं आहे.

वाचा:

‘आगीबद्दल चौकशी केली जात आहे. म्हणून मला असं वाटतं की अहवाल जोपर्यंत येत नाही तोपर्यंत कोणताही निष्कर्ष काढणे योग्य राहणार नाही, असं नमूद करतानाच ज्यांचा दुर्दैवाने मृत्यू झाला आहे, त्यांची पूर्ण जबाबदारी कंपनीने घेतली आहे. परंतु त्याव्यतिरिक्त आणखी काही करण्याची आवश्यकता असेल तर सरकार जरूर करेल,’ असं आश्वासन मुख्यमंत्र्यांनी दिलं आहे.

दरम्यान, पत्रकार परिषदेत सीरमचे सीईओ अदर पूनावालादेखील उपस्थित होते. आगीत एक हजार कोटींपेक्षा अधिक नुकसान झाल्याचं यावेळी त्यांनी सांगितलं. तसंच, बीसीजीसह इतर औषधांच्या साठ्यावर परिणाम झाला असून महत्त्वाच्या साहित्यांचं नुकसान झालं आहे, असं पुनावाला यांनी सांगितलं.

नवी दिल्ली: नवीन कृषी कायद्यांबाबत ( ) शेतकरी आणि सरकार यांच्यात ( ) झालेली आजची बैठकही निष्फळ ठरली. आता आपण करण्यासारखे आणखी काही उरलेले नाही, असं सरकारने स्पष्ट केलं आहे. ‘आम्ही आतापर्यंत केलेले प्रस्ताव हे शेतकऱ्यांच्या हितासाठी आहेत. आम्ही आता यापेक्षा अधिक चांगले काही करू शकत नाही. तुम्ही पुन्हा एकदा विचार करा. आपली भेट पुन्हा होईल. पण पुढील तारीख निश्चित केलेली नाही, असं केंद्रीय कृषीमंत्री नरेंद्र सिंह तोमर ( ) म्हणाले.

सुरूच रहावं यासाठी काही छुपे प्रयत्न सुरू आहे. यामुळेच सरकार आणि शेतकरी संघटनांच्या बैठकीत कुठलाही निर्णय होत नाहीए. तरीही शेतकऱ्यांच्या आणि देशाच्या हितासाठी आम्ही दिलेल्या प्रस्तावाचा संघटनांनी विचार करावा. आपला निर्णय शेतकरी संघटनांनी शनिवारपर्यंत द्यावा, असं नरेंद्र सिंह तोमर म्हणाले.

आजची बैठक निष्फळ ठरली. कारण शेतकऱ्यांच्या हिताचा नेत्यांच्या हृदयात नाहीत. यामुळे खेद वाटतो. शेतकरी संघटना कायदे रद्द करण्यावर ठाम आहेत. पण सरकार त्यांच्याकडे याशिवाय पर्याय सादर करण्यास सांगत आहे, असं तोमर यांनी स्पष्ट केलं.

शेतकरी संघटनांनी शनिवारपर्यंत आपला प्रस्ताव सादर करावा. शेतकरी सहमत असतील, तर आम्ही पुन्हा भेटू, असं कृषीमंत्री तोमर यांनी शेतकरी संघटनांना सांगितल्याचं वृत्त ‘पीटीआय’ने दिलं आहे.

सरकार आणि शेतकरी संघटनांमधील आजची बैठक संपली. पण सरकारने पुढील बैठकीची तारीख निश्चित केलेली नाही, अशी माहिती बैठक संपल्यानंतर बीकेयू क्रांतिकारक (पंजाब) संघटनेचे प्रदेशाध्यक्ष सुरजितसिंग फूल यांनी दिली.

शांततेत आंदोलन सुरूच राहील

मंत्र्यांनीआम्हाला साडेतीन तास बसवून ठेवलं. हा शेतकऱ्यांचा अपमान आहे. मंत्री आले तेव्हा त्यांनी आम्हाला सरकारच्या प्रस्तावावर विचार करण्यास सांगितलं. आणि बैठकीची प्रक्रिया संपुष्टात आली. आमचं आंदोलन शांततेत सुरूच राहील, असं किसान मजदूर संघर्ष समितीशी संबंधित एस. एस. पंढर म्हणाले.

मुंबई : ऑस्ट्रेलियामध्ये नेतृत्व करत असताना त्याला प्रेक्षकांकडून शिविगाळ ऐकावी लागली. पण ऑस्ट्रेलियाच्या प्रेक्षकांकडून शिविगाळ ऐकली असली तरी त्यांचा सन्मान अजिंक्यने एका कृतीतून केला आणि या एकाच कृतीतून त्याने सर्व क्रिकेट विश्वाची मनं जिंकल्याचे पाहायला मिळाले.

ऑस्ट्रेलियातील विजयानंतर भारतीय संघाचा हा कर्णधार जेव्हा घरी आला तेव्हा त्याचे जंगी स्वागत झाले. यावेळी अजिंक्यच्या चाहत्यांनी त्याच्यासाठी एक खास केक आणला होता. या केकमध्ये एक खेळपट्टी बनवण्यात आली होती. त्यामध्ये एक कांगारु तिरंगा हातामध्ये घेऊन बसा होता. हा केक भारताने ऑस्ट्रेलियावर कसा विजय मिळवला, हे दर्शवित होता. पण रहाणेने यावेळी हा केक कापण्यास नकार दिला. त्यानंतर काही जणांनी या केकमधील कांगारु तरी काप, अशी विनवणी अजिंक्यला केली. पण अजिंक्यने हा केक कापला नाही.

हा केक कापून ऑस्ट्रेलियाचा अपमान होईल, असे अजिंक्यला वाटत होता. त्यामुळे अजिंक्यने हा केक शेवटपर्यंत कापला नाही. अजिंक्यच्या नेतृत्वाखालील भारतीय संघाला ऑस्ट्रेलियामध्ये शिवीगाळ झाली होती. त्याचबरोबर काही खेळाडूंवर वर्णद्वेषी टीकाही झाली होती आणि पंचांनी भारतीय खेळाडूंना मैदान सोडण्यासही सांगितले होते. हे सर्व वाईट प्रकार घडूनही अजिंक्यने यावेळी ऑस्ट्रेलियाचा सन्मान केल्याचे पाहायला मिळाले. आपल्या या एका कृतीमधून अजिंक्यने क्रिकेट विश्वातील चाहत्यांची मनं जिंकली आहेत.

अजिंक्यचे पुष्पवर्षाव, तुतारीने त्याचे स्वागत करण्यात आले. सोबत ढोल-ताशे होतेच. अजिंक्य सोसायटीमध्ये येताच तुतारी वाजवण्यात आली आणि त्याच्यावर पुष्पवर्षाव करण्यात आला. उपस्थित सोसायटीमधील लोकांनी ‘वेल डन अजिंक्य’ म्हणत त्याचे स्वागत केले. त्यानंतर ‘आला रे आला अजिंक्य’ आला अशा घोषणा दिल्या. सहा महिन्यांनी अजिंक्य घरी आला तेव्हा त्याने सर्व प्रथम हातात घेतले ते आपल्या लेकीला, सोबत पत्नी होतीच. अजिंक्य आयपीएलसाठी युएईला गेला होता. त्यानंतर तेथून ऑस्ट्रलियाला गेला. इतक्या दिवसानंतर त्याने प्रथमच मुलीला समोर पाहिले. भारतीय आणि महाराष्ट्राचा अभिमान वाढवणाऱ्या अजिंक्य रहाणेच्या या कामगिरीचे कौतुक संपूर्ण जग करत आहे. असा खेळाडू आपल्या जवळ राहतो ही देखील गौरवाची गोष्ट माननाऱ्या त्याच्या शेजाऱ्यांनी मराठमोळ्या पद्धतीने स्वागत करून मन जिंकले.

मुंबईः रिपब्लिक टीव्हीचे संपादक आणि बार्कचे माजी सीईओ पार्थो दासगुप्ता यांच्यातील कथित व्हॉट्सअॅप चॅटप्रकरणामुळं देशात राजकारण तापलं आहे. काँग्रेसनं अर्णब यांच्या अटकेसाठी आज राज्यात ठिकठिकाणी आंदोलने केली. दरम्यान, यांनीही या प्रकरणावर प्रतिक्रिया दिली आहे.

पार्थो दासगुप्ता हे टीआरपी घोटाळ्यातील आरोपी असून मुंबई पोलिसांनी दाखल केलेल्या आरोपपत्रातही त्यांचे नाव आहे. दासगुप्ता व अर्णब गोस्वामी यांच्यातील व्हॉट्सअप संभाषणाचे स्क्रीनशॉट समाजमाध्यमांवर चर्चेचा विषय ठरत आहेत. हाच धागा पकडत संजय राऊत यांनीही भाजपवर निशाणा साधला आहे.

देशात आम्ही सत्तेत असतो आणि विरोधी पक्षात तर राष्ट्रीय सुरक्षेच्या प्रश्नावर त्यांनी आतापर्यंत तांडव केलं असतं. प्रधानमंत्री कार्यालयावर मोर्चे काढले असते. आज भाजप का गप्प आहे ? राष्ट्रीय सुरक्षा इतकी स्वस्त आहे का ? याचं उत्तर त्यांनी दिलं पाहिजे, असं राऊतांनी म्हटलं आहे. त्याचबरोबर, अर्णब गोस्वामी आहेत कुठे?, असा प्रश्न विचारला असता त्यांनी अर्णब गोस्वामी कुठे आहेत हे कदाचित भाजपला माहिती असेल, कारण सध्या देश त्यांच्या हातात आहे, असा टोलाही लगावला आहे.

धनंजय मुंडे प्रकरणात भाजप नेत्यांना सल्ला
धनंजय मुंडे प्रकरणात मी पहिलेपासून सांगत होतं सत्य समोर येऊदेत. राजकारण आणि समाजकारणात उभं राहण्यासाठी अनेक वर्षे लागतात. ते एखाद्या तक्रारीवरुन उध्द्वस्त करणं योग्य नाही. त्यांच्यावर जे गलिच्छ आरोप झाले त्यात काही तथ्य नाही हे आता हळू हळू स्पष्ट होतंय, असं संजय राऊत म्हणाले आहेत.

पण जे राजीनामा मागत होते त्यांना माझं एक सांगणं आहे. किमान अशा प्रकरणात माणूसकी ठेवली पाहिजे, आरोप करणाऱ्यांची सत्यता तपासून आरोप केले पाहिजेत, असा सल्ला राऊतांनी भाजपला दिला आहे. तर, धनंजय मुंडे यांच्यावरील जो डाग दूर झाला आहे, त्यामुळे महाविकास आघाडीनं सुटकेचा निश्वास सोडला आहे. कारण, कोणत्याही मंत्र्यांवर अशाप्रकारचे आरोप होणं योग्य नाही. पण आता ती जळमटं दूर झाली, असंही राऊतांनी म्हटलं आहे.

म. टा. प्रतिनिधी, जळगाव: पाकिस्तानातील बालाकोटवर भारताने हवाई हल्ला केला. या कारवाईची माहिती यांना घटनेच्या तीन दिवस आधीच होती, ही देशाच्या सुरक्षिततेच्या दृष्टीने गंभीर बाब आहे. त्यामुळे या प्रकरणाची चौकशी करुन अर्णब गोस्वामी यांना अटक करण्याची मागणी करीत जळगावात जिल्हा काँग्रसेकडून जिल्हाधिकारी कार्यालयासमोर धरणे आंदोलन करण्यात आले. यावेळी आंदोलकांनी गोस्वामी यांच्यासह मोदी सरकारच्या विरोधात घोषणाबाजी करीत तीव्र निदर्शने देखील केलीत.

रिपब्लिक टीव्हीचे संपादक अर्णब गोस्वामी यांच्याकडे देशाच्या सुरक्षिततेच्या संदर्भातील माहीती असणे हा देशद्रोहाचा प्रकार आहे. या संपूर्ण प्रकाराची चौकशी करुन गोस्वामी यांना अटक करण्याच्या मागणीसाठी काँग्रेसकडून देशभरात आंदोलन पुकारण्यात आले आहे. जळगावात देखील आज शुक्रवारी दुपारी काँग्रेसचे जिल्हाध्यक्ष अॅड. संदिप पाटील यांच्या नेतृत्वाखाली निदर्शने तसेच धरणे आंदोलन करण्यात आले.

गोपनियतेच्या कायद्यान्वये कारवाईची मागणी
रिपब्लिक टीव्हीचे संपादक अर्णब गोस्वामी आणि बार्कचे अधिकारी पार्थो दासगुप्ता यांच्यातील व्हाट्सअॅप चॅट मधून अनेक गंभीर बाबी उघड झालेल्या आहेत. विशेषतः पुलवामा येथे सीआरपीएफ जवानांवर झालेल्या हल्ल्यानंतर पाकिस्तानातील बालाकोटवर भारताने हवाई हल्ला केला. या कारवाईची माहिती अर्णब गोस्वामी यांना घटनेच्या तीन दिवस आधीच होती असे या संभाषणातून स्पष्ट होते.

देशाच्या संरक्षणविषयक महत्त्वाची माहिती बाहेर येणे हे अत्यंत गंभीर आहे. तसेच गोस्वामी यांनी सांगीतल्यानुसार ही माहिती दिली ती मधील मोठा व्यक्ती आहे. अर्णब गोस्वामी यांचे हे कृत्य ऑफिशियल सीक्रेट्स ॲक्ट १९२३ सेक्शन ५ नुसार कार्यालयीन गोपनीयतेचा भंग करणारे तर आहेच. पण हा देशद्रोहाचा प्रकार आहे म्हणून अर्णब गोस्वामी यांना तात्काळ अटक करून त्याच्यावर कठोर कारवाई व्हावी अशी मागणी काँग्रेसचे जिल्हाध्यक्ष अॅड. पाटील व माजी खासदार डॉ. उल्हा पाटील यांनी केली आहे.

गोस्वामींच्या इतर घोटाळ्याचीही चौकशी करा
अर्णब गोस्वामी आणि त्यांच्या रिपब्लिक टीव्हीने अनेक बेकायदेशीर कृत्य केले असून दूरदर्शन सॅटॅलाइटची फ्रिक्वेन्सी बेकायदेशीर वापरून प्रसार भारतीचे कोट्यावधी रुपयांचे नुकसानही केले आहे. रिपब्लिक टीव्ही दूरदर्शनला पैसे न देता त्यांच्या फ्रिक्वेन्सी वापरणे हा गुन्हा आहे. हा गुन्हा टीआरपी घोटाळ्याची चौकशी करताना या बेकायदेशीर कृत्याची ही चौकशी करावी. दूरदर्शन माहिती व प्रसारण मंत्री राज्यवर्धन राठोड यांच्याकडे यासंदर्भात तक्रार केली असता राठोड यांनी ती तक्रार दुर्लक्षित केली आहे असे या संभाषणातून दिसून येत आहे. याचा अर्थ मोदी सरकारचा गोस्वामीला पाठिंबा आहे आणि जनतेचा पैसा लुबाडणाऱ्या अर्णब गोस्वामी विरोधात तात्काळ कारवाई करीत नसल्याचा आरोप देखील काँग्रेसने यावेळी केला आहे. या प्रकरणात गोस्वामी ला मदत करणाऱ्या उच्चपदस्थांवर देखील तात्काळ कारवाई करण्याची मागणी करण्यात आली.

मोदी सरकार विरोधातही घोषणाबाजी
यावेळी काँग्रेसचे नेते, पदाधिकारी व कार्यकर्ते यांनी जिल्हाधिकारी कार्यालयासमोर निदर्शने करतांना गोस्वामी यांना अटक झालीच पाहीजे, मोदी सरकारचे करायचे काय खाली डोके वर पाय, अशी घोषणाबाजी करीत संपूर्ण परिसर दणाणून सोडला.