पिंपरी: डेटिंग अॅपवर ओळख झाल्यानंतर मित्राने एअर होस्टेस तरुणीला हॉटेलवर नेऊन जबरदस्ती दारू पाजली. तिला घरी आणून लाथाबुक्क्यांनी मारहाण केल्यानंतर तिच्यावर केला. या प्रकरणी पीडितेने पुण्यातील पोलीस ठाण्यात तक्रार दाखल केली. पोलिसांनी आरोपीला अटक केली आहे.

अभिजीत असे अटक केलेल्या तरुणाचे नाव आहे. तो काळेवाडीतील तापकीर नगर चौकात राहतो. पीडित तरुणीने दिलेल्या तक्रारीनुसार, तिची आणि आरोपीची ओळख एका डेटिंग अॅपच्या माध्यमातून झाली होती. त्यानंतर त्यांच्यात मैत्री झाली. या मैत्रीचा गैरफायदा घेऊन त्याने तरुणीला शनिवारी दुपारी हिंजवडी येथील एका हॉटेलवर नेले. तिथे तिला जबरदस्ती दारू पाजली. आरोपीने तिला त्याच्या घरी नेले. तिथे तिच्यावर जबरदस्ती करण्याचा प्रयत्न केला.

मित्राच्या या कृत्याने हादरलेल्या तरुणीने त्याला विरोध केला. त्यावरून आरोपीने तिला बेदम मारहाण केली. त्यानंतर तिच्यावर बलात्कार केला, असेही तक्रारीत म्हटले आहे. पीडितेने हिंजवडी पोलीस ठाणे गाठून आरोपीविरोधात तक्रार दाखल केली. पोलिसांनी या घटनेची गंभीर दखल घेऊन आरोपीला अटक केली. या घटनेचा पुढील तपास हिंजवडी पोलीस करत आहेत.

म.टा. प्रतिनिधी, नगर: अंमलबजावणी संचालनालयाची (ईडी) वर्षा राऊत यांना नोटीस आल्यानंतर शिवसेनेचे खासदार यांनी यांनी केलेल्या ट्विटला केंद्रीय राज्यमंत्री यांनीही काव्यओळीतूनच उत्तर दिले आहे. आपण बिडी पित नाही, त्यामुळे आपल्या इडीची भीती वाटत नाही, अशी मिश्कील टिपण्णीही आठवले यांनी केली. ते आज शिर्डीमध्ये पत्रकारांशी बोलत होते.

नोटीस आल्याची बातमी आल्यानंतर राऊत यांनी केलेल्या ट्विटची चर्चा झाली. आ देखे जरा किसमे कितना हे दम, असे ट्विट राऊत यांनी केले होते. त्याला उत्तर देताना आठवले म्हणाले किसमे कितना हैं दम, तो हम भी नही कुछ कम, असा टोला आठवले यांनी लगावला आहे. ईडी ही स्वतंत्र यंत्रणा आहे. ती पक्ष पाहून काम करीत नाही. भाजपच्या लोकांनाही ईडीच्या नोटीसा येतात. मात्र, आपला असा कुठलाही व्यवसाय नाही. त्यामुळे आपल्याला ईडीची भीती नाही. बिडी पित नसल्याने इडीची भीती वाटत नाही. पैसा कमावावा, पण तो सनदशीर मार्गाने कमावावा. योग्य ते कर भरावेत. कागदपत्रे पूर्ण करावीत. असे असेल तर कशाला अशी कारवाई होईल, असा टोला त्यांनी लगावला आहे.

ईडीला माहिती देणारे अनेक जण असू शकतात. अंजली दमानिया यांनीही एकनाथ खडसे यांच्यासंबंधी अनेक तक्रारी केल्या आहेत. खडसे यांनी पक्षांतर करायला नको होते. अर्थात त्यांनी पक्षांतर केले म्हणून इडी कारवाई करीत आहे, असेही नाही. त्यांना विधानसभेला संधी मिळाली नाही, म्हणून नाराज होण्याची गरज नव्हती. त्यांच्यासोबत संधी मिळू न शकलेल्या अन्य नेत्यांना आता जशी विविध ठिकाणी संधी मिळाली, तशीच खडसे यांनाही मिळाली असती. त्यांनी थोडे थांबायला हवे होते, असेही आठवले म्हणाले.

मुंबई: डॉक्टर आणि रुग्णाचे नाते हे सर्वसाधारणपणे रुग्णाच्या आजारापुरते मर्यादित असते. ‘फॅमिली डॉक्टर’ असेल तर त्यातल्या त्यात संपर्क अधिक असतो. क्वचित काही डॉक्टर-रुग्णांचे नाते मैत्रीतही बदलते. मात्र, त्या पलीकडंही काही डॉक्टर असे असतात, जे रुग्णांना प्रत्यक्ष न भेटताही त्यांचे फ्रेंड, फिलॉसॉफर आणि गाइड होऊन जातात. ” हे त्यापैकीच एक नाव. (Everything about )

भारतातील प्रसिद्ध स्त्रीरोग तज्ज्ञ, लैंगिक तज्ज्ञ, समुपदेशक () व स्तंभलेखक अशी ओळख असलेल्या डॉ. महिंद्र वत्स यांचे आज निधन झाले. वयाच्या ९६व्या वर्षी त्यांनी अखेरचा श्वास घेतला. वत्स यांच्या जाण्यामुळं लैंगिक आरोग्याच्या समस्यांशी झगडणाऱ्या व लैंगिक समस्यांची उत्तरं मिळवून उत्तम आयुष्य जगणाऱ्या हजारोंनी आपला मार्गदर्शक गमावला आहे. मूळचे पंजाबी असलेल्या वत्स यांनी मुंबईतील महाविद्यालयातून वैद्यकीय अभ्यासक्रम पूर्ण केला. तिथंच त्यांची प्रोमिला यांच्याशी भेट झाली आणि पुढे ते विवाहबद्ध झाले. प्रोमिला या मूळच्या सिंधमधील होत्या. लग्नानंतर ते दोघे काही वर्षे ब्रिटनमध्ये राहिले. तिथं महिंद्र वत्स यांनी एका रुग्णालयात रजिस्ट्रार म्हणून नोकरी केली. मात्र, लष्करात डॉक्टर असलेल्या वडिलांच्या आजारपणामुळं त्यांना भारतात यावं लागलं. कालांतरानं ते इथंच स्थायिक झाले. वत्स यांनी ग्लॅक्सोमध्ये मेडिकल ऑफिसर म्हणून काम सुरू केले व सोबत स्त्रीरोग तज्ज्ञ म्हणून स्वतंत्र व्यवसाय देखील सुरू केला.

आस्क द सेक्सपर्ट

वत्स यांनी डॉक्टरकीच्या पलीकडं जाऊन अनेकांना मार्गदर्शन केले होते. टाइम्स समूहाच्या ‘मुंबई मिरर’ या दैनिकात त्यांनी केलेल्या स्तंभलेखनामुळं त्यांना मुंबईत वेगळी ओळख मिळाली होती हे खरे. वयाच्या ८० व्या वर्षी त्यांनी मुंबई मिररमध्ये ‘आस्क द सेक्सपर्ट’ हा स्तंभ सुरू केला होता. तब्बल दहा वर्षे त्यांनी स्तंभ चालवला. या दैनिकातून त्यांनी सुमारे २० हजार वाचकांच्या प्रश्नांना उत्तरं दिली. मात्र, वत्स यांचा म्हणून सुरू झालेला प्रवास त्याही खूप आधीचा. समुपदेशक वा लैंगिक सल्लागार म्हणून त्यांनी ४० हजारांहून अधिक लोकांच्या समस्यांचे निराकरण केले असावे, असा अंदाज आहे.

कार्याची दिशा सापडली!

वत्स यांनी १९६० मध्ये स्तंभलेखन सुरू केले. फेमिना, फ्लेअर आणि ट्रेंड या महिलाविषयक मासिकांसाठी त्यांना वैद्यकीय सल्ला देणारे लेखन करण्याची संधी मिळाली. त्यानंतर १९७० पर्यंत त्यांनी अनेक मासिकांमध्ये लेखन केले. संपादकीय जाच सुरू होताच त्यांनी हे लेखन थांबवले. मात्र, तोवर त्यांना आपल्या पुढील कार्याची दिशा सापडली होती.

लैंगिक शिक्षणाचे पुरस्कर्ते

वैद्यकीय क्षेत्रात काम करत असतानाच भारतात लैंगिक समस्यांबाबत अज्ञान असल्याचे त्यांच्या लक्षात आले. १९७४ मध्ये ‘फॅमिली प्लानिंग असोसिएशन ऑफ इंडिया’ सोबत सल्लागार म्हणून काम करत असताना त्यांनी देशात लैंगिक शिक्षण कार्यक्रम राबवण्याचा प्रस्ताव ठेवला. त्यांचा प्रस्ताव स्वीकारला गेला आणि त्यानंतर अनेक स्तरांतून विरोध झाल्यानंतरही देशात पहिले सेक्स एज्युकेशन, समुपदेशन व उपचार केंद्र सुरू करण्यात आले. त्यानंतर १९८० मध्ये वैद्यकीय व्यवसाय थांबवून त्यांनी पूर्णवेळ समुपदेशन व लैंगिक शिक्षणाचे काम सुरू केले. सेक्स ही आनंदाची भावना आहे. मात्र, अनेक लेखक अत्यंत गंभीरपणे त्याकडं पाहतात. याउलट वत्स यांनी लैंगिक सल्ले देताना विनोदाचा आधार घेतला. लोकांना समजून घेत त्यांना आधार दिला.

सोशल मीडियात श्रद्धांजलीच्या पोस्ट

डॉ. वत्स यांच्या निधनाच्या बातमीनंतर सोशल मीडियावर त्यांना श्रद्धांजली वाहणाऱ्या पोस्ट्सचा वर्षाव होत आहे. अनेकांनी त्यांचे आभार मानले आहेत. सर्वसामान्यांसह समाजातील अनेक मान्यवरांचाही यात समावेश आहे. त्यावरून डॉ. वत्स यांची लोकप्रियता काय होती, हे लक्षात येते.

अहमदनगर: राज्यातील कृषी विद्यापीठे आणि राज्य कृषी मूल्य आयोगाकडून कृषी मालाचे खर्चावर अधारित भाव ठरवून केंद्रीय कृषी मूल्य आयोगाकडे पाठवितात. मात्र, केंद्र सरकारच्या अखत्यारित असलेला केंद्रीय आयोग कारण नसताना या भावांत दहा ते पन्नास टक्क्यांपर्यंत कपात करतात. त्यामुळे शेतकऱ्यांना खर्चावर आधारीत भाव मिळत नाही. तर दुसरीकडे महागाई वाढत राहते. त्यामुळेच शेतकऱ्यांवर आत्महत्या करण्याची वेळ येते, असा आरोप ज्येष्ठ समाजसेवक यांनी केला आहे.

शेतकऱ्यांच्या प्रश्नांवर दिल्लीत आंदोलन करण्यावर आपण ठाम असल्याचे सांगणारे पत्र हजारे यांनी केंद्र सकारला पाठविले आहे. त्यामध्ये राज्यातून पाठविण्यात आलेल्या शिफारशींमध्ये केंद्रीय कृषीमूल्य आयोगाकडून कशी कपात केली जाते, याची उदाहरणे त्यांनी नमूद केली आहेत. यासाठी केंद्र सरकारला जबाबदार धरून आता यावर फक्त आश्वासन नको, ठोस निर्णय झाला नाही, तर आपण उपोषणावर ठाम असल्याचे हजारे यांनी म्हटले आहे.

वाचा:

हजारे यांनी म्हटले आहे की, प्रत्येक राज्यात कृषीमूल्य आयोग आहेत. या कृषीमूल्य आयोगामध्ये राज्यातील सर्व विद्यापीठांचे वेगवेगळ्या पिकांचे शास्त्रज्ञ प्रत्येक पिकांचे नांगरट, पाळी, पेरणी, बियाणे, खते, पाणी, पीक काढणे, पिक तयार करणे यासाठी लागणाऱ्या मजुरीची किंमत, बैल राबतात त्यांची मजुरी किंमत, बैल नसतील तर मशीनरीची किंमत, धान्य बाजारात नेईपर्यंत जो खर्च येतो त्याचा हिशेब काढून राज्यातून केंद्रीय कृषीमूल्य आयोगाकडे पाठवितात. केंद्रीय कृषीमूल्य आयोग हा केंद्र सरकारच्या कृषी मंत्र्यांच्या आखत्यारीत असल्यामुळे राज्यातून आलेल्या कृषीमूल्य आयोगाच्या अहवालामध्ये दहा टक्क्यांपासून ५० टक्क्यांपर्यंत कारण नसताना कपात केली जाते. त्यामुळे शेतकऱ्यांना खर्चावर आधारीत भाव मिळत नाही. दुसऱ्या बाजूला शेतकऱ्यांच्या जीवनावश्यक गरजांचे कपडे, भांडी यासारख्या गरजांचे भाव वाढत आहेत आणि शेतीवर होणाऱ्या खर्चाचे भाव कमी होत आहेत. म्हणून शेतकरी अडचणीत आला आहे. त्यामुळे काही शेतकरी आत्महत्या करतात.

वाचा:

केंद्र सरकारने हे जाहीर केले आहे की, २०१८-२०१९ पासून स्वामीनाथन आयोगाच्या अहवालाप्रमाणे आम्ही प्रत्येक पिकावर सुरुवातीपासून ते पीक बाजारात येईपर्यंत येणारा सर्व खर्च अधिक ५० टक्के आम्ही शेतकऱ्यांना हमी भाव जाहीर केला आहे. प्रत्यक्षात मात्र, त्यात कपात केली जाते. राज्य सरकारच्या कृषीमूल्य आयोगाच्या शिफारशी जशाच्या तशा स्वीकारून शेतकऱ्यांना प्रत्येक पिकाच्या खर्चावर आधारीत झालेला खर्च देऊन अधिक ५० टक्के मिळायला हवा. तरच शेतकऱ्यांच्या समस्या सुटतील. तो आत्महत्या करणार नाहीत. अन्नधान्य बरोबरच फळे, फुले, भाजीपाला, दूध यांचा हमी भाव ठरविला नसल्याने शेतकऱ्यांना त्याच्या मालाला भाव मिळायला हवा तो मिळत नाही. म्हणून शेतकरी टोमॅटो रस्त्यावर फेकतो. बटाटे रस्त्यावर फेकतो, दूध रस्त्यावर ओततो. त्यासाठी केंद्रीय कृषीमूल्य आयोगाला निवडणूक आयोगाप्रमाणे स्वतंत्र संवैधानिक दर्जा द्या. म्हणजे केंद्रामध्ये राज्यातून आलेल्या राज्य कृषिमूल्य आयोगाच्या अहवालात काटछाट होणार नाही. केंद्र सरकारचा हस्तक्षेप होणार नाही. राज्य कृषिमूल्य आयोगाने पाठविलेल्या अहवालाप्रमाणे तरच शेतकऱ्यांच्या आत्महत्या थांबू शकतील. तीन वर्षे आश्वासने आणि चर्चा झाल्या आता ठोस निर्णय घ्या. अन्यथा मी निर्णयावर ठाम आहे, असेही हजारे म्हटले आहे.

वाचा:

मुंबई: मोबाइल चोरीच्या संशयातून जमावाने केलेल्या बेदम मारहाणीत ३० वर्षीय तरुणाचा मृत्यू झाला. मुंबईतील येथील मुक्तानंद पार्कात ही धक्कादायक घटना घडली. सहा जणांनी तरुणाला एका खांबाला बांधले आणि बेदम मारहाण केली. यात त्याचा मृत्यू झाला. या प्रकरणी पोलिसांनी सहा जणांना अटक केली आहे.

शहजाद खान असे त्याचे नाव आहे. तो पार्कमध्ये करण्यासाठी आल्याचा आरोप परिसरातील काही लोकांनी केला. त्याचदरम्यान काही जणांनी त्याला पकडले आणि बेदम मारहाण केली. यात त्याचा मृत्यू झाला. मात्र, त्याच्या भावाने चोरीचे आरोप फेटाळून लावले. शहजाद हा कधीच चोरी करणार नाही. त्याची हत्या करण्यामागे वेगळे कारण असावे, असे त्याच्या भावाने म्हटले आहे.

पार्कमधील कामगारांचे मोबाइल चार्जिंगसाठी लावले होते. ते मोबाइल चोरण्यासाठी शहजाद तिथे गेला असल्याचा आरोप करण्यात आला आहे. सांताक्रूझ पोलिसांनी रविवारी सहा जणांना अटक केली आहे. ऋषिकेश पासी, हयात अली, अलिमुद्दीन शेख, मोतिबुर आलम, फिरोजुद्दीन आणि पिंटू कुमार अशी आरोपींची नावे आहेत. हे सहाही जण पार्कात रिपेअरिंगची कामे करतात.

मिळालेल्या माहितीनुसार, २५ डिसेंबरला मध्यरात्री साडेबारा ते साडेचारच्या दरम्यान ही घटना घडली. काही कामगार अचानक झोपेतून जागे झाले. त्यावेळी तिथे आलेल्या शहजादला त्यांनी पकडले. मोबाइल चोरीचा संशय त्यांनी घेतला आणि त्याला खांबाला बांधून मारहाण केली. बेशुद्धावस्थेत तो घराच्या जवळ पार्क केलेल्या एका रिक्षात आढळून आला. कुटुंबीयांनी त्याला रुग्णालयात दाखल केले. पण तिथे त्याला मृत घोषित केले. मारहाणीनंतर दोन तासांत तो मरण पावला. पोलिसांनी या प्रकरणी सहा जणांना अटक करून त्यांच्याविरोधात हत्येचा गुन्हा दाखल केला आहे.

मुंबईः ‘मी बाळासाहेबांचा शिवसैनिक आहे. तुमच्यासारखे अनेक लोक पाहिले आहेत. मला तोंड उघडायला लावू नका. मी जर तोंड उघडलं तर भाजपच्या दिग्गज नेत्यांना देशाबाहेर जावं लागेल,’ असा गंभीर इशारा शिवसेना खासदार संजय राऊतांनी दिला आहे. त्याचबरोबर, महाविकास आघाडी सरकार पाडण्यासाठी ईडीचा वापर केला जातोय, असा आरोपही त्यांनी केला आहे. यांच्या पत्नी वर्षा राऊत यांना इडीची नोटिस आल्यानंतर यासंदर्भात आज राऊतांनी पत्रकार परिषद घेत भाजपवर हल्ला चढवला आहे.

‘कोणत्याही बाहेरच्या व्यक्तीला कार्यालयात प्रवेश मिळत नाही. मात्र, गेल्या ३ महिन्यांपासून भाजपचे लोक ईडीच्या कार्यालयात चकरा मारत असून तिथून कागदपत्र व माहिती आणतात,’ असा धक्कादायक आरोप संजय राऊत यांनी केला आहे.

‘महाराष्ट्रातील सरकार पाडण्यासाठी भाजपचे प्रयत्न आहे. शरद पवार, प्रफुल्ल पटेल, प्रताप सरनाईक, माझ्या नावाचा तुम्ही गजर करताय महाराष्ट्रात सरकार बनवण्यात जे आग्रही होते त्यांना अशा नोटीस पाठवल्या जातात,’ अशी टीका संजय राऊत यांनी केली आहे.

‘भाजपचे काही मध्यस्थ आहेत जे मला वारंवार भेटले आहेत. मागच्या वर्षभरात त्यांनी मला हे सरकार पाडण्यासंदर्भात धमकावले आहे. हे सरकार आम्हाला पाडायचं आहे. आमची यंत्रणा सज्ज आहे, तुम्ही या सरकारच्या मोहात पडू नका असं सांगितलं जातंय. पण मी कुणालाही घाबरत नाही मी या सगळ्यांचा बाप आहे, असा आरोप राऊतांनी केला आहे. शिवाय, सरकारच्या खंदे समर्थकांना आणि त्यांच्या कुटुंबीयांना त्रास देणं सुरु आहे,’ असंही राऊतांनी म्हटलं आहे.

‘बायकांच्या पदराआड लपून खेळी करणं भाजपनं थांबवावं. तुमच्या कुटुंबाच्या व्यावहाराचाही आमच्याकडे हिशोब आहे. राजकीय सुडानेच याला उत्तर दिलं जाईल. भाजपच्या १२० नेत्यांची यादी तयार आहे. ईडीत्यांच्यावर काय कारवाई करते ते पाहणार आहे,’ असा इशारा संजय राऊत यांनी दिला आहे.