करोना व्हायरसमुळे क्रीडा जगताचे आतापर्यंत मोठे नुकसान झालेले पाहायला मिळाले आहे. खेळ, खेळाडू, संघटना या सर्वांचेच करोनामुळे मोठे नुकसान झाल्याचे पाहायला मिळत आहे. त्यामुळे आता परिस्थिती कधी सामान्य होणार, याकडेच क्रीडा विश्वाचे लक्ष लागलेले आहे.
फुटबॉलच्या विश्वात सर्वात मानाचा पुरस्कार समजला जातो तो बलुन डी ऑर. या पुरस्कांसाठी नामांकन कुणाला मिळते आणि या पुरस्कारावर कोण आपले नाव कोरतो, याकडे फुटबॉल विश्वाचे लक्ष असते. पण सध्याच्या घडीला करोनामुळे पहिल्यांदाच हा पुरस्कार पुढे ढकलल्याचे पाहायला मिळत आहे. आज याबाबतची अधिकृत घोषणा करण्यात आली आहे.
यापूर्वी हा पुरस्कार कोणाला मिळतो, याकडे सर्वांचे लक्ष असायचे. ख्रिस्तियानो रोनाल्डो आणि लिओनेल मेस्सी या दोन नामांकित फुटबॉलपटूंमध्ये गेल्या काही वर्षांत चांगलीच चुरस रंगलेली आपल्याला पाहायला मिळायची. पण आता यावर्षी ही चुरस चाहत्यांना पाहता येणार नाही. पण करोनामुळे हा निर्णय यावर्षी घ्यावा लागला आहे.
सध्याच्या घडीला काही फुटबॉल स्पर्धांना सुरुवात करण्यात आली आहे. काही लीगमध्ये फुटबॉलचे सामने सुरु झाले आहेत. पण या सामन्यांसाठी चाहत्यांना मात्र स्टेडियममध्ये प्रवेश दिला जात नाही. सध्याची परिस्थिती पाहून हा निर्णय घेण्यात आला आहे. पण चाहत्यांना आता घरी बसून फुटबॉलचे लाइव्ह सामने मात्र पाहायला मिळत आहे. त्यामुळे फुटबॉलची जशी सुरुवात झाली तशी क्रिकेटची सुरुवात कधी होणार, याची उत्सुकताही चाहत्यांना आहे. सध्या चार महिन्यानंतर इंग्लंड आणि वेस्ट इंडिज यांच्यामध्ये क्रिकेट मालिका सुरु झाल्याचे पाहायला मिळत आहे. पण दुसऱ्या कोणत्याही देशांमध्ये सध्याच्या घडीला सामने होताना पाहायला मिळत नाहीत.
Sports News in Marathi: Latest Marathi News on Cricket, Football, Tennis, Hockey & more | Maharashtra Times
