तिसऱ्या व्हिडिओमध्ये तिने कॅप्शन दिले, तुझी सर्व मेहनत आणि संयम हळूहळू नक्कीच रंगात येताना दिसतील. तर त्याने बॅट उंचावलेल्या पुढच्याच पोस्टवर तिने लिहिले कि, ही तर फक्त सुरुवात आहे.
गोव्यासाठी रणजी ट्रॉफी पदार्पणात अर्जुन तेंडुलकरने सुरुवातीपासूनच आक्रमक फलंदाजी केली आणि संपूर्ण मैदानावर फटकेबाजी केली. त्याची फलंदाजी पाहून विरोधी गोलंदाज चांगलेच गोंधळले होते. अर्जुनने १२० धावा केल्या, ज्यात १६ चौकार आणि २ दमदार षटकारांचा समावेश होता. सचिन तेंडुलकरने १९८८ च्या रणजी ट्रॉफीमध्ये मुंबईसाठी पदार्पणात शतक झळकावले होते. आता अर्जुन तेंडुलकरने त्याच्या या विक्रमाची बरोबरी केली आहे.
अर्जुन तेंडुलकर आयपीएलमधील प्रसिद्ध मुंबई इंडियन्स संघाचा भाग आहे. पण अद्याप त्याला पदार्पणाची समाधी मिळाली नाही. आयपीएल २०२२ च्या लिलावामध्ये मुंबई इंडियन्सच्या संघाने त्याला ३० लाख रुपयांना खरेदी केले होते. तर यंदाच्या लिलावासाठीही एमआयने त्याला संघात कायम ठेवले आहे. त्याचा रणजी ट्रॉफीमधील फॉर्म पाहता त्याला आगामी आयपीएलमध्ये खेळण्याची संधी मिळू शकते.
Sports News in Marathi: Latest Marathi News on Cricket, Football, Tennis, Hockey & more | Maharashtra Times
