धोनी सध्या कुठे आहे आणि काय करतोय, हे चाहत्यांना माहिती नव्हते. कारण मार्च महिन्यानंतर धोनी हा नेमका काय करतोय, हे समजत नव्हते. धोनीने फेब्रुवारी महिन्यापासून आयपीएलच्या सरावाला सुरुवात केली होती. थोडे दिवस त्याने चेन्नईला जाऊन सराव केला होता. पण करोनामुळे त्याला सराव थांबवावा लागला आणि चेन्नईहून त्याला राहत्या घरी रांचीला यावे लागले होते. रांचीला आल्यावर काही दिवस धोनीने बॅडमिंटनचाही सराव केला होता. पण लॉकडाऊन कडक झाल्यानंतर धोनी आपल्याच घरी राहत असल्याचे समजत होते.
धोनी घरीच असताना भारताचे काही क्रिकेटपटू त्याच्या वाढदिवसाला घरी आले होते. धोनीची पत्नी साक्षीने त्याचा वाढदिवसाचा एक फोटो सोशल मीडियावर पोस्ट केला आहे. हा फोटो आता चांगलाच व्हायरल झाल्याचे पाहायला मिळत आहे.
या वाढदिवसाच्या फोटोमध्ये धोनी आहे. त्याचबरोबर भारताचा अष्टपैलू खेळाडू हार्दिक पंड्या आणि त्याचा भाऊ कृणालही दिसत आहे. हे दोघे धोनीचा वाढदिवस साजरा करण्यासाठी त्याच्या घरी गेले असल्याचे ऐकिवात आले होते. पण त्याबाबतचा कोणताही पुरावा नव्हता. पण धोनीच्या वाढदिवसाच्या या फोटोमध्ये हार्दिक आणि कृणाल दिसत आहेत.
धोनी गेल्या विश्वचषकात खेळला होता. पण त्यानंतर वर्षभरात तो क्रिकेटचा सामना खेळताना दिसला नाही. वर्षभर तो क्रिकेटपासून लांब आहे. आता आयपीएमधून तो पुनरागमन करणार होता. पण आयपीएल नेमके कधी सुरु होणार, हेदेखील कोणी सांगू शकत नाही. त्यामुळे आता धोनीच्या करिअरचे काय, हा प्रश्न सर्वांनाच पडलेला आहे. पण गेले काही दिवस धोनीला चाहत्यांनी पाहिलेले नाही. धोनी सध्या करतोय तरी काय, हा प्रश्न सर्वच क्रिकेट चाहत्यांना पडलेला होता. पण धोनी आता क्रिकेटमध्ये पुनरागमन करणार की नाही, याबाबत मात्र चाहत्यांना उत्सुकता आहे.
Sports News in Marathi: Latest Marathi News on Cricket, Football, Tennis, Hockey & more | Maharashtra Times
