सुशांत राजपूतच्या आत्महत्येबाबत सांगणाऱ्या कंगणा रनौटला 'या' क्रिकेटपटूचा पाठिंबा

बॉलीवूड अभिनेता सुशांत सिंग राजपूतच्या मृत्यूनंतर सर्वांनाच धक्का बसला आहे. पण यानंतर बॉलीवूडमधील अभिनेत्री कंगना रनौटने सुशांतने आत्महत्या केल्याचे म्हटले होते. त्याचबरोबर सुशांतवर आत्महत्या करण्याची वेळ आणली आहे, असे म्हणत तिने बॉलीवूडमधील लॉबिंगवर बोट ठेवले होते. कंगणाला आता पाठिंबा देण्यासाठी भारताचा एक क्रिकेटपटू पुढे सरसावला असल्याचे पाहायला मिळत आहे.

सिनेसृष्टीतील काही जणांनीच सुशांतवर आत्महत्या करण्याची वेळ आणली आहे. असं अनेकांनी म्हटलं होतं. अभिनेत्री कंगना रनौट हिनं देखील बॉलिवूडच्या घराणेशाहीवर हल्ला चढवत सुशांतची आत्महत्या नसून प्लॅन मर्डर असल्याचं म्हटलं होतं. कंगनाच्या टीमकडून एक व्हिडिओ पोस्ट करण्यात आला होता. व्हिडिओत कंगनाना प्रचंड चिडलेली दिसून येतेय. त्याचबरोबर या घराणेशाहीमधून लहान शहरांतून आलेल्या लोकांना किती त्रास दिला जातो, हेदेखील कंगनाने आपल्या व्हिडीओमध्ये सांगितले होते. कंगणाच्या या व्हिडीओनंतर एक भारतीय महिला करण जोहरवर चांगलीच भडकलेली पाहायला मिळत होती.

भारताचा क्रिकेटपटू नेमकं काय म्हणाला…भारताचा क्रिकेटपटू मनोज तिवारीने कंगणाला पाठिंबा दिला आहे. यावेळी तिवारी म्हणाला, ” कंगणा विरुद्ध अन्य, असा सामना आपल्याला पाहायला मिळतो आणि तो चालूच राहणार आहे. पण लोकं जाणूनबुजून कंगणावर टीका करत असल्याचे पाहायला मिळत आहे. जर तुम्ही तिला पाठिंबा देऊ शकत नसाल तर किमान आपले तोंड तरी बंद ठेवा. सुशांतच्या आत्महत्येमागील रहस्य सर्वांना जाणायचं आहे. त्यामुळे फक्त कंगणावर टीका करत राहीलात तर मूळ मुद्दा कधीच समोर येऊ शकणार नाही. त्यामुळे सुशांतच्या आत्महत्येमागील सत्य नेमके काय आहे, हे जाणून घेण्यासाठी कंगणावर टीका करणं बंद करा.”

यापूर्वी बबिताने दिला होता कंगणाला पाठिंबा…भारताची महिला कुस्तीपटू आणि भाजपाची नेता बबिता फोगट या सर्व गोष्टींवर चांगलीच भडकलेली पाहायला मिळाली. सुशांतच्या निधनाचा तिलाही मोठा धक्का बसला होता. यावेळी बबिता म्हणाली की, ” मला कंगना तुझं म्हणणं पटतंय. बॉलीवूडचा घराणेशाहीचा मोठा आजार झालेला पाहायला मिळतो. त्यामुळेच इथे लहान शहरांतून आलेल्या लोकांना चागली वागणूक मिळताना दिसत नाही. फिल्म इंडस्ट्री ही कोणाच्या बापजाद्यांची मालमत्ता नाही.”

बबिताने यावेळी कंगणारा पाठिंबा देत असताना बॉलीवूडमधील निर्माता असलेल्या करण जोहरवर जोरदार टीका केली आहे. फिल्म इंडस्ट्री करण जोहरच्या बापजाद्यांची मालमत्ता आहे का, असा सवालही तिने यावेळी उपस्थित केला आहे. बबिता म्हणाली की, ” कोण आहे का करण जोहर? फिल्म इंडस्ट्रीमध्ये काय घाणेरडापणा करुन ठेवलाय. फिल्म इंडस्ट्री ही काय करण जोहरच्या बापजाद्यांची मालमत्ता आहे का? कोणी करणला सडेतोड उत्तर का देत नाही? माझी बहीण कंगना रनौट वाघिण आहे आणि तीच करणला योग्य ते उत्तर देत आहे. या गोटाच्या सर्व चित्रपटांवर बहिष्कार घालायला हवा.”