आर्चर हा आपल्या गर्लफ्रेंडला भेटायला गेल्यामुळे त्याला एका सामन्यातून बाहेर काढले होते. पण आता चाहत्यांना त्याच्यावर ऑनलाईन शिविगाळ कराया सुरुवात केली आहे. काहीजणांनी तर आर्चरवर वर्णद्वेषी टीकाही केल्याचे पाहायला मिळत आहे. याबाबत आर्चर म्हणाला की, ” सध्याच्या काळ माझ्यासाठी बिकट असाच आहे. कारण मला दुसऱ्या कसोटी सामन्यात खेळता आले नाही. पण दुसरीकडे चाहत्यांनी मला ऑनलाईन शिविगाळ करायला सुरुवात केली आहे. त्याचबरोबर काही जणांनी तर माझ्यावर वर्णद्वेषी टीकाही केली आहे. त्यामुळे मी त्रस्त झालो आहे. याबाबतची सर्व माहिती मी इंग्लंडच्या क्रिकेट मंडळाला दिली आहे. आता तेच यामधून योग्य तो मार्ग काढतील, असा मला विश्वास आहे.”
इंग्लंडच्या संघाबरोबर असताना गर्लफ्रेंडला भेटायला गेल्यामुळे वेगवान गोलंदाज जोफ्रा आर्चरला आता दंड भरावा लागला होता. कारण इंग्लंडच्या क्रिकेट बोर्डाने त्याच्यावर कडक कारवाई केली होती. पहिला कसोटी सामना संपल्यावर आर्चर हा गर्लफ्रेंडला भेटण्यासाठी मँचेस्टर येथून दोन तासावर असलेल्या ब्रिगटेन येथे तिच्या घरी गेला होता. त्यानंतर इंग्लंडने त्याला दुसऱ्या कसोटी सामन्यामधून संघाबाहेर केले होते. आता त्याला दोन करोना चाचण्या कराव्या लागतील आणि त्यामध्ये निगेटीव्ह सापडल्यावरच त्याला सामना खेळता येणार आहे.
गर्लफ्रेंडला भेटल्यामुळे आर्चरवर आता दंड भरावा लागला आहे त्याचबरोबर इंग्लंडच्या क्रिकेट मंडळाने आर्चरला सक्त ताकिदही दिली होती. त्यामुळे गर्लफ्रेंडला भेटण्याची गोष्ट आर्चरला चांगलीच भोगावी लागल्याचे पाहायला मिळाले आहे. आर्चर हा संघाबरोबर होता. पहिल्या कसोटी सामन्यात त्याने चांगली कामगिरी केली होती. पण दुसऱ्या सामन्यात त्याला संघाबाहेर काढण्यात आले. कारण आर्चर हा गर्लफ्रेंडला भेटण्यासाठी मँचेस्टर येथून दोन तासावर असलेल्या ब्रिगटेन येथे तिच्या घरी गेला होता. ही गोष्ट इंग्लंडच्या संघाला समजली. इंग्लंडच्या खेळाडूंसाठी हॉटेलचा रुम ते मैदानातील प्रवास हा सर्व सॅनिटराईज केला आहे. त्यामुळे काही गोष्टींची काळजी खेळाडूंनीही घ्यायची आहे.
Sports News in Marathi: Latest Marathi News on Cricket, Football, Tennis, Hockey & more | Maharashtra Times
