करोना व्हायरसमुळे सध्याच्या घडीला भारतात क्रिकेट ठप्प झालेले आहे. गेल्या चार महिन्यांमध्ये भारतामध्ये एकही क्रिकेटची मालिका खेळवली गेलेली नाही. त्यामुळे क्रिकेट चाहते निराश आहे. खेळाडू मैदानात सराव करतानाही पाहायला मिळत नाही. कारण सध्याच्या घडीला खेळाडू आपल्या घरातच आहे. पण घरात राहूनही आपल्या चाहत्यांसाठी ते काही ना काही करत असल्याचे पाहायला मिळत आहे.
खेळाडू घरात बसलेले असले तरी त्यांनी आपल्या चाहत्यांसाठी काही गोष्टी केल्याचे पाहायला मिळते. कोहली आणि अन्य क्रिकेटपटू काही व्हिडीओ किंवा फोटो सोशल मीडियावर चाहत्यांसाठी शेअर करत असल्याचे पाहायला मिळत आहे. विराटने बऱ्याच दिवसांनंतर एक पोस्ट सोशल मीडियावर केली असून ती चांगलीच व्हायरल झाली आहे.
कोहली हा सोशल मीडियावर बऱ्याचदा अॅक्टीव्ह असल्याचे पाहायला मिळतो. कोहलीने आता जी पोस्ट सोशल मीडियावर केली आहे, ती १०००वी पोस्ट आहे. त्यामुळे ही पोस्ट त्याच्यासाठी आणि चाहत्यांसाठी मोलाची असल्याचे म्हटले जाते. त्यामुळेच कोहलीने खास हा फोटो तयार करून आपल्या चाहत्यांसाठी सोशल मीडियावर पोस्ट केला आहे. चाहत्यांनीही या पोस्टला दमदार प्रतिसाद दिला असून कोहलीचा हा फोटो आता चांगलाच व्हायरल झाल्याचे पाहायला मिळत आहे.
कोहलीने आपलेच दोन फोटो घेऊन एक फोटो बननवला आहे. या फोटोमध्ये मैदानात दोन कोहली पाहायला मिळत आहे. या फोटोच्या कोलाजमध्ये कोहलीने आपला १२ वर्षांचा प्रवास दाखवला आहे. पहिला फोटो हा २००८ सालचा आहे, तर दुसरा सध्याच्या घडीचा आहे. एक कोहली कसोटी क्रिकेटमधील आहे, तर दुसरा मर्यादीत क्रिकेटमधील आहे. या पोस्टमध्ये कोहलीने म्हटले आहे की, ” ही माझी १०००वी पोस्ट आहे. आतापर्यंत तुम्ही जो मला पाठिंबा दिला त्याबद्दल मी आभारी आहे.”
या फोटोवर अनुष्कानेही कमेंट केली आहे. तिने दोन इमोजी या फोटोवर कमेंट करताना टाकलेले आहेत.
Sports News in Marathi: Latest Marathi News on Cricket, Football, Tennis, Hockey & more | Maharashtra Times
