सौरव गांगुलीच्या करोना टेस्टचा रिपोर्ट आला…

कोलकाता: भारतीय क्रिकेट नियामक मंडळाचे () अध्यक्ष सौरव गांगुलीचा मोठा भाऊ स्नेहाशीष गांगुलीला करोना व्हायरसची लागण झाल्याचे वृत्त काही दिवसांपूर्वी आले होते. स्नेहाशीष यांना रुग्णालयात दाखल करण्यात आले होते. त्यानंतर गांगुलीने कुटुंबासह स्वत:ला होम केले होते.

वाचा-
गांगुली आणि त्याचा मोठा भाऊ एकाच घरात राहत असल्यामुळे गांगुलीने क्वारंटाइन होण्याचा निर्णय घेतला होता. भावाची टेस्ट पॉझिटिव्ह आल्यामुळे गांगुलीने स्वत:ची देखील करोना चाचणी केली होती. आता त्याच्या चाचणीचा रिपोर्ट आला असून तो निगेटिव्ह असल्याने सर्वांना मोठा दिसाला मिळाला आहे.

गांगुलीच्या या रिपोर्टमुळे त्याच्या चाहत्यांना मोठा दिलासा मिळाला. गांगुलीला करोनाची कोणतीही लक्षणे नव्हती. तरी त्याने धोका न पत्करता करोना चाचणी केली होती. त्याचा मोठा भाऊ स्नेहाशीष सध्या एका खासगी रुग्णालयात उपचार घेत आहे. तर गांगुली घरातूनच बीसीसीआयचा सर्व कारभार करत आहे.

वाचा-
कालच बीसीसीआयने आयपीएलची अधिकृत घोषणा केली होती. गांगुली व्हिडिओ कॉन्फरसिंगद्वारे बैठका घेत आहे. गांगुली होम क्वारंटाइन झाल्यामुळे त्याचा बांग्ला रियालिटी शो दादागिरी अनलिमिटेडचे शुटिंग बंद करण्यात आली आहे.

करोनामुळे बोर्डाच्या अधिकाऱ्यांसोबत भारतीय संघातील खेळाडूही घरीच थांबले आहेत. भारतातील सध्याची परिस्थीती पाहता करोना स्थिती सामान्य होण्यास वेळ लागेल.

वाचा-
बीसीसीआयने या वर्षी १९ सप्टेंबरपासून युएईमध्ये खेळवण्याचा निर्णय घेतला आहे. IPLच्या आधी भारतीय संघ कदाचित दक्षिण आफ्रिकेविरुद्ध तीन सामन्यांची टी-२० मालिका खेळेल. त्यानंतर आयपीएल आणि वर्षाच्या अखेरीस ऑस्ट्रेलिया दौऱ्यावर जाईल. ऑस्ट्रेलियात टीम इंडिया चार सामन्यांची कसोटी मालिका आणि तीन सामन्यांची वनडे मालिका खेळणार आहे.

डालमिया देखील क्वारंटाइन
स्नेहाशीष यांची चाचणी पॉझिटिव्ह आल्यानंतर गांगुलीसह बंगाल क्रिकेट असोशिएशनचे अध्यक्ष अभिषेक डालमिया यांनी देखील स्वत:हून होम क्वारंटाइन होण्याचा निर्णय घेतला होता. स्नेहाशीष यांना कधी भारतीय क्रिकेट संघाकडून आंतरराष्ट्रीय क्रिकेट खेळण्याची संधी मिळाली नाही. पण त्यांनी देशांतर्गत क्रिकेटमध्ये चांगली कामगिरी केली आहे. कोलकाता आणि बंगालकडून ते ५९ रणजी सामने खेळले आहेत. फलंदाजीसोबत ते ब्रेक गोलंदाजी देखील करत. फलंदाज म्हणून त्यांनी ५९ प्रथम श्रेणी सामन्यात २ हजार ५३४ धावा केल्या. ज्यात ६ शतक आणि ११ अर्धशतकांचा समावेश होता. प्रथम श्रेणीत त्यांनी १५८ ही सर्वोच्च खेळी केली आहे.

स्नेहाशीष यांनी १९८८ ते १९९७ या काळात १८ लिस्ट ए सामने खेळले. पण वनडेत त्यांची कामगिरी फार चांगली झाली नाही. १८ सामन्यात त्यांना फक्त २७५ धावाच करता आल्या. गोलंदाज म्हणून ते प्रथम श्रेणी अथवा लिस्ट ए मध्ये यशस्वी होऊ शकले नाहीत.