India vs Wales Hockey World Cup 2023 Live Streaming : आज हॉकी विश्वचषकात (Hockey World Cup 2023) स्पर्धेत भारतीय हॉकी संघ (Team India) आपला तिसरा सामना खेळणार आहे. भारताची आजची लढत वेल्स संघाविरुद्ध (India vs Wales) असणार आहे. वेल्सचा संघ यंदा विश्वचषकात खराब फॉर्मात दिसत असल्याने भारताला एक मोठा विजय मिळवण्याची संधी आहे. भारताने आतापर्यंत स्पर्धेत एक सामना जिंकत आणि एक सामना अनिर्णित करत 4 गुण मिळवले आहेत. ज्यानंतर आजचा सामना जिंकून भारत गुणतालिकेत अव्वल स्थानी जाऊ शकतो.
भारताने सलामीचा सामना स्पेन संघाविरुद्ध (India vs Spain) 2-0 ने जिंकल्यावर इंग्लंडविरुद्धचा (India vs England) भारताचा सामना अनिर्णित सुटला आहे. ज्यानंतर आता वेल्सविरुद्ध भारत मैदानात उतरणार आहे. दरम्यान वेल्स संघाच्या कामगिरीचा विचार करता सलामीच्या सामन्यात इंग्लंडने वेल्स संघावर 5-0 असा विजय मिळवला. तर दुसऱ्या सामन्यात स्पेनने त्यांना 5-1 ने मात दिली. ज्यामुळे आता भारताला एक मोठा विजय मिळवण्याची नामी संधी आहे. दरम्यान यंदा ही विश्वचषक स्पर्धा भारतात आयोजित केली जात असल्याने भारत स्पर्धा जिंकेल अशी आशा फॅन्सना आहे. त्यामुळे आजच्या महत्त्वाच्या सामन्यात भारत कसं प्रदर्शन करतो हे पाहावं लागेल दरम्यान त्यापूर्वी आजच्या सामन्यासंबधी माहिती जाणून घेऊ…
कधी होणार सामना?
भारत विरुद्ध वेल्स हा हॉकी विश्वचषक 2023 स्पर्धेतील भारताचा तिसरा सामना आज अर्थात 17 जानेवारी रोजी होणार आहे. भारतीय वेळेनुसार सायकांळी 7 वाजता सामना खेळवला जाईल.
New Reels
कुठे आहे सामना?
आजचा भारत विरुद्ध वेल्स हा सामना भुवनेश्वरच्या कलिंगा आंतरराष्ट्रीय हॉकी स्टेडियमवर खेळवला जाणार आहे.
कुठे पाहता येणार सामना?
भारत विरुद्ध वेल्स या सामन्याचं लाईव्ह टेलिकास्ट स्टार स्पोर्ट्स नेटवर्कच्या विविध चॅनलवर होईल. तसेच हॉटस्टार अॅपद्वारे या सामन्याचं लाईव्ह स्ट्रिमिंग पाहता येऊ शकतं.
कसा आहे भारतीय संघ?
अभिषेक, सुरेंदर कुमार, मनप्रीत सिंग, हार्दिक सिंग, जर्मनप्रीत सिंग, मनदीप सिंग, हरमनप्रीत सिंग (कर्णधार), ललित उपाध्याय, कृष्ण पाठक, निलम संजीप एक्सेस, पीआर श्रीजेश, नीलकांत शर्मा, शमशेर सिंग, वरुण कुमार, आकाशदीप सिंग, अमित रोहिदास (उपकर्णधार), विवेक सागर प्रसाद आणि सुखजीत सिंग.
हे देखील वाचा
sports
