Steve Smith On 1st dya ind vs aus test, IND vs AUS: स्टीव्ह स्मिथ हे काय बोलून गेला… टर्निंग विकेट, जडेजा आणि अश्विनच्या फिरकीवर मोठे वक्तव्य – steve smith australia vice captain on turning wicket pitch and jadeja ashwin bowling after match ind vs aus 1st test nagpur test

नागपूर: बॉर्डर-गावस्कर ट्रॉफी २०२३ मधील भारत आणि ऑस्ट्रेलिया यांच्यातील पहिला कसोटी सामना ९ फेब्रुवारीपासून नागपूर येथे खेळवला जात आहे. पहिल्याच दिवशीच्या सामन्यात भारताच्या गोलंदाजांनी आपली दमदार कामगिरी केली. भारताकडून जडेजाने ५ तर अश्विन ३ विकेट्स घेत ऑस्ट्रेलियाला अवघ्या १७७ धावांवर ऑल आऊट केले. पण या सामन्यानंतर ऑस्ट्रेलियाचा उपकर्णधार स्टीव्ह स्मिथ याने मोठे वक्तव्य केले आहे. त्याने भारताच्या गोलंदाजांना श्रेय न देता त्यांचे खेळाडू चांगले शॉट्स मारू शकले नाही असं तो म्हणाला.

स्टीव्ह स्मिथने गुरुवारी आपल्या संघाने आघाडीचा फलंदाज ट्रॅव्हिस हेडला वगळून चूक केल्याच्या वार्तांना फेटाळून लावले आहे. गुरुवारी भारताविरुद्धच्या पहिल्या कसोटीत दोन ऑफस्पिनर्सना संधी देणे आवश्यक होते, असेही तो म्हणाला.

Ind vs Aus 1st Test Live Score: अश्विन-रोहितची जोडी मैदानात जमली, भारताने गाठला १०० धावांचा पल्ला

स्मिथ (३७) आणि मार्नस लॅबुशेन (४९) यांनी ऑस्ट्रेलियासाठी ८२ धावांची भागीदारी केली. प्रत्युत्तरात, कर्णधार रोहित शर्माने नाबाद ५६ धावा करत २४ षटकांत दिवसाचा खेळ ७७/१ वर संपवला. स्मिथ म्हणाला की ‘मॅट रेनशॉला संधी दिली तेव्हा चांगली कामगिरी केली आणि त्यांनी प्लेइंग इलेव्हनला अंतिम रूप देण्यापूर्वी विविध रणनितींवर चर्चा केली.’

अनुभवी स्मिथने सँडपेपरगेट घोटाळ्यानंतर कर्णधारपद गमावण्यापूर्वी ३६ कसोटी सामन्यांमध्ये ऑस्ट्रेलियाचे नेतृत्व केले आणि मागील दोन हंगामात स्टँड-इन कर्णधार म्हणून काही कसोटींचे नेतृत्व केले. तो म्हणाला की ‘जरी नॅथन लियॉन आणि टॉड मर्फी दोघेही ऑफस्पिनर असले तरी ते वेगळे आहेत आणि त्यांच्या गोलंदाजीच्या पद्धती भिन्न आहेत.’

IND vs AUS: विराट प्लीझ अशी चूक पुन्हा नको करू; मॅच नाही तर मालिका देखील गमवू

चेंडू अधिक फिरेल या आशेने आपले काही फलंदाज खराब फटके खेळून बाद झाल्याचे स्मिथने मान्य केले. जेव्हा चेंडू खेळपट्टीवर टर्न होत असतो तेव्हा असे घडते. त्याने कबूल केले की ती खराब खेळपट्टी नव्हती आणि लॅबुशेन आणि रोहित शर्मा यांनी दाखवल्याप्रमाणे धावा करणे शक्य होते. उजव्या हाताच्या फलंदाजाने सांगितले की, जडेजाने चांगली गोलंदाजी केली. आता भारताला किमान धावसंख्येपर्यंत रोखण्याचा आमचा प्रयत्न असेल, असे तो म्हणाला.