वाचा-
तिसऱ्या सामन्यात इंग्लंडने २६९ धावांनी विजय मिळवला. या विजयासह इंग्लंडने वेस्ट इंडिजविरुद्धची ही मालिका २-१ अशी जिंकली आहे. पण या सामन्यात इंग्लंडचा वेगवान गोलंदाज स्टुअर्ट ब्रॉडने एक विक्रम रचल्याचे पाहायला मिळाले. त्याचबरोबर २० वर्षांपूर्वीच्या एका विक्रमाशीही बरोबरी करण्यात आली आहे. इंग्लंडने वेस्ट इंडिजविरुद्धच्या मालिकेत दमदार कामगिरी केली. पिछाडी भरून काढत इंग्लंडने मालिकाही जिंकली. त्यामुळे पाकिस्तानविरुद्धच्या मालिकेसाठी इंग्लंडच्या संघात कोणताच बदल करण्यात आलेला नाही. हा संघ पाकिस्तानविरुद्धच्या पहिल्या कसोटी सामन्यासाठीच असेल.
इंग्लंडने आपला दुसरा डाव २२६ धावांवर घोषित करत वेस्ट इंडिजपुढे ३९९ धावांचे आव्हान ठेवले होते. इंग्लंडच्या या आव्हानाचा पाठलाग करताना वेस्ट इंडिजचा दुसरा डाव १२९ धावांमध्ये आटोपला. त्यामुळे इंग्लंडला २६९ धावांनी विजय मिळवता आला. या डावात इंग्लंडचा वेगवान गोलंदाज स्टुअर्ट ब्रॉड आणि ख्रिस वोक्स यांनी नेत्रदीपक कामगिरी केली. वोक्सने यावेळी इंग्लंडचा अर्धा संघ ५० धावांत आटोपला. तर ब्रॉडने ३६ धावांमध्ये चार विकेट्स मिळवत या विजयात मोलाचा वाटा उचलला. चार विकेट्ससह ब्रॉडने या सामन्यात विक्रमालाही गवसणी घातली आहे.
वाचा-
या सामन्याच्या पहिल्या डावात जेव्हा ब्रॉडने सहा बळी मिळवले, तेव्हाच त्याला हा विक्रम खुणावत असल्याचे पाहायला मिळाले होते. पण दुसऱ्या डावात त्याला विकेट मिळेल की नाही, याबाबत साशंकता होती. कारण या सामन्यात पावसाने चांगलाच गोंधळ घातल्याचे पाहायला मिळाले होते. त्यामुळे ब्रॉड या सामन्यात विक्रम रचणार की त्याला अजून एक सामना खेळावा लागणार, याबाबत कोणालाही कळत नव्हते. पण अखेर ब्रॉडने विकेट मिळवली आणि चाहत्यांनी एकच जल्लोष केला. कारण ब्रॉडची कसोटी क्रिकेटमधील ही पाचशेवी विकेट होती.
पाकिस्तानविरुद्धच्या मालिकेसाठी इंग्लंडचा संघ : जो रूट (कर्णधार), जेम्स अँडरसन, जोफ्रा आर्चर, डॉमिनिक बेस, स्टुअर्ट ब्रॉड, रॉरी बर्न्स, जोस बटलर, झॅक क्राऊली, सॅम कुरन, ऑली पोप, डॉम सिब्ले, बेन स्टोक्स, ख्रिस वोक्स, मार्क वूड.
राखीव खेळाडू : बेन फोक्स, जेम्स ब्रॅसी, जॅक लीच, डॅन लॉरेन्स.
Sports News in Marathi: Latest Marathi News on Cricket, Football, Tennis, Hockey & more | Maharashtra Times
bookmarked!!, I like your blog!
I am regular visitor, how are you everybody? This article posted at this web site is in fact pleasant.
I learn something new and challenging on blogs I stumbleupon everyday.
I like the valuable information you provide in your articles.
Like!! Great article post.Really thank you! Really Cool.