wpl auction, ‘सुंदर, स्पष्ट अन् संतुलित…’ दिनेश कार्तिक फिदा झाला ती WPL ऑक्शनमधली तरुणी कोण? – dinesh karthik tweet goes viral over praises wpl auctioneer mallika sagar

मुंबई : महिलांची आयपीएल अर्थात, महिला प्रीमियर लीगला सुरुवात होत आहे. त्याचा लिलाव सोमवारी झाला. त्यात स्मृती मानधनाला सर्वाधिक ३.४ कोटी रुपयांचा करार मिळाला. या लिलावात अनेक भारतीय खेळाडू करोडपती बनले. परदेशी खेळाडूंवरही मोठी बोली लागलेली पाहायला मिळाली. महिला खेळाडूंना मिळणारी रक्कम त्यांच्यासाठी खूप मोठी असली, तरी काही जण त्याची तुलना पुरुषांच्या आयपीएलशी करीत आहे आणि महिलांना त्या तुलनेत कमी रक्कम मिळाल्याचे आकडे दाखवित आहेत. ही जशी चर्चा सुरु आहे, तशी या लिलावासंबंधी आणखी एक चर्चा सुरु आहे. लिलावाची भूमिका निर्वघ्नपणे पार पाडणाऱ्या एका तरुणीची….

महिलांच्या आयपीएलची उत्तम प्रकारे लिलाव पद्धती पार पाडणाऱ्या मल्लिका सागरची सोशल मीडियावर जोरदार चर्चा आहे. याला भारतीय संघाचा आघाडीचा यष्टीरक्षक फलंदाज दिनेश कार्तिकही अपवाद नाहीये. त्याने ट्विट करुन मल्लिकाचं तोंडभरुन कौतुक केलं आहे.

दिनेश कार्तिकने ट्विट करून मल्लिका सागरचे अभिनंदन केलंय. मल्लिका ही एक उत्तम आणि उत्कृष्ट लिलावकर्ता आहे. आत्मविश्वासाने परिपूर्ण, स्पष्ट आणि अत्यंत संतुलित… महिला प्रीमियर लीगच्या लिलाव सोहळ्या तिला लिलावकर्त्याची भूमिका पार पाडायला दिल्याबद्दल बीसीसीआयचे खूप खूप अभिनंदन…. असं दिनेश कार्तिकने ट्विटमध्ये म्हटलंय. मल्लिकाचं कौतुक करताना तसेच बीसीसीआयने तिला संधी दिल्याबद्दल दिनेशने बीसीसीआयचे देखील आभार मानले आहेत.

महिन्याभरापूर्वी आयपीएलच्या १४ व्या हंगामासाठी लिलावकर्त्याची भूमिका ह्यू एडमीड्स यांनी बजावली होती. बीसीसीआयने महिला प्रीमियर लीगसाठी मल्लिका सागरकडे ही जबाबदारी दिली होती.

मेहंदीच्या कार्यक्रमात भेट, पाहताक्षणी प्रेमात, हिंदू-मुस्लिम धर्म विसरले, माणुसकी धर्माने रबाना-अमोलला एकत्र आणलं!
मल्लिका सागरची यापूर्वीची कामगिरी

• यापूर्वी मल्लिकाने प्रो कबड्डी लीगमधील खेळाडूंचा लिलाव केलाय
• सेंटर फॉर मॉडर्न अँड कंटेम्पररी आर्ट, मुंबई येथेही त्या क्युरेटोरियल सल्लागार
• आर्ट इंडिया कन्सल्टंट्स फर्ममध्येही त्या भागीदार
• आयपीएल लिलावाचे जुने व्हिडिओ पाहून मल्लिकाने WPL लिलावाची तयारी केली.

जातीमुळे लग्नाला नकार, दोघांनी झोपेच्या १५ गोळ्या घेतल्या, त्यातून वाचले, घरच्यांनी लग्न लावलं..!
भारताची उपकर्णधार स्मृतीला जवळपास साडेतीन कोटींचा करार लाभला. त्याचवेळी कर्णधार हरमनप्रीत कौरला मात्र स्मृतीच्या तुलनेत केवळ अर्धी रक्कम मिळाली आहे. मुंबई इंडियन्सने हरमनला स्वस्तात म्हणजेच १.८० कोटींमध्ये करारबद्ध केले. मुंबई संघातही हरमन सर्वाधिक रकमेची खेळाडू नाही, कारण मुंबईने सर्वाधिक रक्कम इंग्लंडची नॅत सायव्हर-ब्रन्ट हिच्यासाठी मोजली आहे. नॅतसाठी मुंबईने ३.२० कोटी खर्च केले.