नवी दिल्ली: भारत आणि ऑस्ट्रेलिया यांच्यातील दुसरी कसोटी १७ फेब्रुवारीपासून दिल्लीतील अरुण जेठली स्टेडियमवर होणार आहे. टीम इंडियाने नागपूर कसोटीत ऑस्ट्रेलियाचा १ डाव आणि १३२ धावांनी पराभव करून मालिकेत १-० अशी आघाडी घेतली. आता दुसऱ्या कसोटीत विजय मिळवून आघाडी मजबूत करण्याचा भारताचा प्रयत्न असेल.

दिल्लीत होणारी दुसरी कसोटी भारताचा स्टार खेळाडू चेतेश्वर पुजारासाठी खास असणार आहे. दुसऱ्या कसोटीत पुजारा मैदानावर उतरेल तेव्हा तो १००वी कसोटी खेळणारा भारताचा १३वा खेळाडू ठरेल.

भारतीय क्रिकेट संघाने इतिहास घडवला; रोहित, हार्दिकच्या नेतृत्वात आजवर कधीही न झालेली कामगिरी केली
इतिहास घडवण्याची संधी

१००व्या कसोटीत पुजाराला इतिहास घडवण्याची संधी आहे. आतापर्यंत एकाही भारतीय खेळाडूला १००व्या कसोटीत शतक करता आले नाही. सचिन तेंडुलकर, विरेंद्र सेहवाग, राहुल द्रविड या दिग्गज खेळाडूंकडून शतकाची अपेक्षा होती मात्र ते अपयशी ठरले. मात्र काही खेळाडूंनी १००व्या कसोटीत अर्धशतक केले पण शतक करता आले नाही. यात व्हीव्हीएस लक्ष्मण (६४ आणि ७ धावा), कपिल देव (५५ धावा), राहुल द्रविड (५२ आणि ९ धावा) सचिन तेंडुलकर (५४ धावा) यांचा समावेश होतो. आता पुजाराकडून अपेक्षा असेल की तो आजवर एकाही भारतीय खेळाडूला न जमलेला विक्रम करेल.

IND vs AUS: दुसऱ्या कसोटीआधी भारतीय संघाला मिळाली गुड न्यूज; विजयाचा हुकमी एक्का संघात परतला
आंतरराष्ट्रीय क्रिकेटमध्ये १००व्या कसोटीत शतक करण्याची कामगिरी आतापर्यंत फक्त ९ खेळाडूंना करता आली आहे. यात सर्वाधिक खेळाडू इंग्लंडचे आहेत. इंग्लंडच्या ३ खेळाडूंनी अशी कामगिरी केली आहे. पाकिस्तान, दक्षिण आफ्रिका आणि ऑस्ट्रेलियाच्या प्रत्येकी २ खेळाडूंनी १००व्या कसोटीत शतक केले आहे. तर वेस्ट इंडिजच्या एका खेळाडूने असा विक्रम केलाय.

नागपूरमध्ये पिचला घाबरले आता दिल्लीत ऑस्ट्रेलियापुढे वेगळंच टेन्शन; मॅचच्या आधीच शस्त्रं टाकली
पॉन्टिंगच्या नावावर स्पेशल रेकॉर्ड

ऑस्ट्रेलियाचा माजी कर्णधार रिकी पॉन्टिंग असा एकमेव क्रिकेटपटू आहे ज्याने १००व्या कसोटीतील दोन्ही डावात शतकं केली आहेत. पॉन्टिंगने १००वी कसोटी ऑस्ट्रेलियाविरुद्ध खेळली होती आणि त्याने पहिल्या डावात १२० तर दुसऱ्या डावात नाबाद १४३ धावा केल्या होत्या.

१००व्या कसोटीत द्विशतक

कसोटी क्रिकेटमध्ये १००व्या सामन्यात द्विशतक करणारे फक्त दोनच खेळाडू आहे, ज्यात इंग्लंडचा जो रूट आणि ऑस्ट्रेलियाचा सलामीवीर डेव्हिड वॉर्नर याचा समावेश होतो.

भारताकडून आतापर्यंत १००हून अधिक कसोटी खेळणारे खेळाडू

सचिन तेंडुलकर- २०० कसोटी मॅच
राहुल द्रविड- १६३ कसोटी मॅच
व्हीव्हीएस लक्ष्मण- १३४ कसोटी मॅच
अनिल कुंबळे- १३२ कसोटी मॅच
कपिल देव- १३१ कसोटी मॅच
सुनील गावस्कर- १२५ कसोटी मॅच
दिलीप वेंगसरकर- ११६ कसोटी मॅच
सौरव गांगली- ११३ कसोटी मॅच
इशांत शर्मा- १०५ कसोटी मॅच
विराट कोहली- १०५ कसोटी मॅच
हरभजन सिंग- १०३ कसोटी मॅच
विरेंद्र सेहवाग- १०३ कसोटी मॅच

Sports News in Marathi: Latest Marathi News on Cricket, Football, Tennis, Hockey & more | Maharashtra Times

LEAVE A REPLY

Please enter your comment!
Please enter your name here