ipl 2023 start on 31 march, IPL 2023 Schedule: IPLचे वेळापत्रक जाहीर; गुजरात विरुद्ध चेन्नई पहिली लढत, जाणून घ्या एका क्लिकवर… – bcci announces ipl 2023 schedule gujarat titans and chennai super kings ipl ipl 2023 schedule start on 31 march

मुंबई: आयपीएल २०२३ची सुरुवात ३१ मार्च रोजी होणार आहे. भारतीय क्रिकेट नियामक मंडळ अर्थात बीसीसीआयने आयपीएलचे वेळापत्रक जाहीर केले आहे. २०२३च्या हंगामातील पहिली लढत विद्यमान विजेते गुजरात टायटन्स आणि चार वेळा विजेतेपद मिळवणाऱ्या चेन्नई सुपर किंग्ज यांच्यात होणार आहे. ही लढत अहमदाबाद येथे होतील. पहिल्या मॅचची सुरुवात भारतीय वेळेनुसार संध्याकाळी ७.३० वाजता होईल. स्पर्धेच्या दुसऱ्या दिवशी म्हणजेच १ एप्रिल रोजी डबल हेडर खेळवली जाईल. यातील पहिली मॅच पंजाब किंग्ज आणि कोलकाता नाईट रायडर्स यांच्यात तर दुसरी लढत लखनौ सुपर जायंट्स आणि दिल्ली कॅपिटल्स यांच्यात होईल.

आयपीएल २०२३ मध्ये साखळी फेरीत ७० लढती होणार आहे. त्यापैकी १८ लढतींचा समावेश डबल हेडरमध्ये करम्यात आला आहे. या स्पर्धेत पुन्हा एकदा होम आणि अवे फॉर्मेट परत आला आहे, ज्यानुसार स्पर्धेतील १० संघांच्या ७ लढती या घरच्या मैदानावर तर ७ लढती या बाहेरच्या मैदानावर होतील. ज्या दिवशी डबल हेडरच्या लढती असतील त्या दिवशी पहिली मॅच दुपारी ३.३० वाजता तर दुसरी मॅच रात्री ७.३० वाजता सुरू होईल.

पुजाराच्या १००व्या कसोटीत अश्विनचा धमाका; तिघा फलंदाजांना बाद करत केला सर्वात मोठा रेकॉर्ड
कोणत्या गटात कोणते संघ?

स्पर्धेतील १० संघांना दोन गटात विभागण्यात आले आहे. ग्रुप ए मध्ये मुंबई इंडियन्स, राजस्थान रॉयल्स, केकेआर, दिल्ली कॅपिटल्स, लखनौ सुपर जायंट्स तर ग्रुप बी मध्ये चेन्नई सुपर किंग्ज, पंजाब किंग्ज, सनरायझर्स हैदराबाद, आरसीबी आणि गुजरात टायटन्स हे संघ आहेत.

फायनल मॅच कधी?

आयपीएलच्या नव्या हंगामातील फायनल मॅच २८ मे रोजी खेळवली जाणार आहे. २१ मे रोजी साखळी फेरीतील लढती संपतील. तर २३ मे पासून प्लेऑफच्या लढती होणार आहेत. अंतिम मॅच गुजरातमधील नरेंद्र मोदी स्टेडियमवर खेळवली जाणार असल्याचे कळते, मात्र याबाबत अधिकृत घोषणा झालेली नाही. तसेच प्लेऑफच्या लढती कुठे होतील हे नंतर जाहीर केले जाणार आहे.

कोणत्या मैदानावर होणार लढती

आयपीएल २०२३च्या हंगामातील लढती देशातील १२ मैदानांवर होणार आहे. यात अहमदाबाद, मोहाली, लखनौ, हैदराबाद, बेंगळुरू, चेन्नई, दिल्ली, कोलकाता, जयपूर, मुंबई, गुवाहाटी आणि धर्मशाळा यांचा समावेश आहे. जयपूरसह गुवाहाटी हे राजस्थान रॉयल्स संघाचे होम ग्राउंड असेल. तर मोहाली आणि धर्मशाळा हे पंजाब किंग्जचे होम ग्राउंड असेल.