Nitin Menon who gives LBW out to kohli, IND vs AUS: विराट नॉट आउट होता? वादग्रस्त LBW देणारे अम्पायर नितीन मेनन आहेत तरी कोण – virat kohli controversial lbw out who is nitin menon who gives out to kohli in ind vs aus 2nd test

दिल्ली: भारत आणि ऑस्ट्रेलिया यांच्यातील दुसऱ्या कसोटी सामन्यात एक मोठा गोंधळ पाहायला मिळाला. आता या गोंधळाचे पडसाद सोशल मीडियावर देखील उमटत आहेत. हा गोंधळ पंच नितीन मेनन यांच्या निर्णयामुळे झाला जेव्हा त्यांनी भारताचा फलंदाज विराट कोहलीला एलबीडब्ल्यू आऊट दिले. मात्र, नंतर स्निकोमीटरमध्ये तपासले असता हा चेंडू विराटच्या पॅड आणि बॅटला स्पर्श करत होता. मात्र, चेंडू आधी पॅडला लागला की बॅटला, हे थर्ड अंपायर ठरवू शकले नाहीत. अशा स्थितीत नितीन मेननच्या निर्णयामुळे विराट कोहली आऊट झाला, कारण मैदानावर त्यांनी विकेटच्या समोर पाहून कोहलीला बाद झाल्याचे संकेत दिले.

नितीन मेनन यांना त्यांच्या निर्णयामुळे सोशल मीडियावर ट्रोल काला जात आहे. मेनन हे भारतातील सर्वोत्कृष्ट पंचांपैकी एक मानले जात असले आणि मैदानावरील त्यांचा निर्णय अतिशय अचूक असतो. इतकेच नव्हे तर आयसीसी पंचांच्या एलिट पॅनेलमध्येही त्यांचा समावेश आहे. भारतातील घरच्या मैदानावर अंपायरिंग करण्याबरोबरच त्यांनी परदेशी भूमीवरही अंपायरिंग केले आहे आणि याशिवाय त्यांना इंडियन प्रीमियर लीगमध्ये अंपायरिंगचाही भरपूर अनुभव आहे.

IND vs AUS 2nd test LIVE: टीम इंडियाची हॅट्रिक, सलग ३ चेंडूत ३ विकेट; अश्विन-जडेजाच्या जोडीची धमाल
नितीन मेनन कोण आहेत?

नितीन मेनन अंपायर होण्यापूर्वी क्रिकेटपटू होते हे फार कमी लोकांना माहिती आहे. त्यांनी दोन लिस्ट ए सामन्यांमध्ये सहभाग घेतला पण त्यानंतर क्रिकेटमधील खेळाडू म्हणून त्यांची कारकीर्द पुढे वाढू शकली नाही. यानंतर त्यांनी वडिलांप्रमाणे क्रिकेटमध्ये अंपायरिंग करायला सुरुवात केली. नितीनचे वडील नरेंद्र मेनन हेही अंपायरिंग करायचे. नितीन मेनन यांचा जन्म मध्य प्रदेशातील आणि त्याच संघासोबत ते देशांतर्गत क्रिकेट खेळले. ३९ वर्षीय मेनन यांना त्यांच्या क्रिकेट कारकिर्दीत केवळ ७ धावा करता आल्या.

नितीन यांनी २०१७ मध्ये आंतरराष्ट्रीय सामन्यांमध्ये अंपायरिंग सुरू केली. २६ जानेवारी २०१७ रोजी, त्यांनी आंतरराष्ट्रीय टी-२० मधून अंपायरिंगमध्ये पदार्पण केले. यानंतर, १५ मार्च २०१७ रोजी, प्रथमच आयर्लंड आणि अफगाणिस्तान यांच्यात खेळल्या गेलेल्या एकदिवसीय सामन्यात अंपायरिंग केले. त्याच वेळी, कसोटी क्रिकेटमध्ये, अफगाणिस्तान-वेस्ट इंडिज कसोटी २०१९ मध्ये अंपायरिंगसाठी ते प्रथमच मैदानात उतरले. याच्या एका वर्षानंतर म्हणजेच २०२० मध्ये, भारताकडून आयसीसी पंचांच्या एलिट पॅनेलमध्ये देखील सामील झाले.

तिसऱ्यांदा सेल्फीसाठी भुणभुण, पृथ्वी शॉची सटकली; मित्राने सांगितली संपूर्ण घटना
नितीन यांच्या अंपायरिंग कारकिर्दीवर नजर टाकली तर त्यांनी आतापर्यंत एकूण १९ कसोटी सामन्यांमध्ये अंपायरिंग केले आहे. याशिवाय ४२ एकदिवसीय आणि ६१ टी-२० सामन्यांमध्येही अंपायरिंग करताना दिसले आहेत.