IND vs AUS: भारताने दिल्ली जिंकली, तिसऱ्याच दिवशी सामना संपवला! दुसऱ्या कसोटीत दणदणीत विजय
रोहित शर्मा निराश होऊन परतला
दुसरी धाव घेत असताना रोहित शर्मा मधल्या क्रीजवर तसाच उभा राहिला आणि धावबाद होऊन पॅव्हेलियनमध्ये परतला. रोहित शर्मा परत क्रीझवर पोहोचेपर्यंत क्षेत्ररक्षकाने चेंडू यष्टिरक्षक कॅरीच्या हातात टाकला होता, त्यामुळे यष्टीरक्षकाने धावबाद केला आणि रोहित खूपच दूर होता. बाद झाल्यानंतर रोहित निराश होऊन पॅव्हेलियनमध्ये परतला. पण पुजाराने रोहितचे बलिदान वाया जाऊ दिले नाही. त्याने भारतासाठी विजयी चौकार लगावत भारताला विजय मिळवून देण्यात मोठी भूमिका बजावली.
आता चार कसोटी सामन्यांच्या मालिकेतील तिसरा आणि निर्णायक सामना इंदूरच्या होळकर स्टेडियमवर १ मार्चपासून खेळवला जाईल, जो आधी धर्मशाला येथे होणार होता. भारतीय संघाने इंदूरचा किल्लाही जिंकल्यास बॉर्डर-गावस्कर ट्रॉफीवरील आपली पकड कायम राहील. लंडनमधील ओव्हल येथे ८ जून रोजी होणाऱ्या जागतिक कसोटी चॅम्पियनशिप फायनलच्या दृष्टीने ही मालिका भारतासाठी खूप महत्त्वाची आहे. तर भारताने या विजयासह क्रिकेटच्या तिन्ही फॉरमॅटमध्ये अव्वल क्रमांक पटकावत इतिहास रचला आहे. भारत आता कसोटीच्या आयसीसी क्रमवारीत पहिल्या क्रमांकावर आला आहे.
Sports News in Marathi: Latest Marathi News on Cricket, Football, Tennis, Hockey & more | Maharashtra Times
