त्या एका सारख्या कॅप्शनची चर्चा सोशल मीडियावर; सचिनची मुलगी सारा आणि शुभमन गिल झाले ट्रोल

मुंबई: करोना व्हायरसमुळे घेण्यात आलेल्या मोठ्या लॉकडाउनमध्ये क्रिकेटपटूपासून अन्य स्टार सोशल मीडियावर सक्रीय झाले होते. सिने कलाकार असोत की क्रिकेटपटू नेहमीच त्यांच्या सोशल मीडियावरील पोस्टमुळे चर्चेत असतात. त्यांच्या सोशल मीडिया पोस्टवर सर्वांची नजर असते. अशातच भारतीय संघातील क्रिकेटपटू आणि माजी क्रिकेटपटू मास्टर ब्लास्टर सचिन तेंडुलकरची मुलगी एका पोस्टमुळे चर्चेत आले आहेत.

वाचा-
शुभमन गिल आणि सारा तेंडुलकर यांनी आपल्या सोशल मीडियावर स्वत:चा एक फोटो शेअर केला आहे. अर्थात ही काही खास गोष्टी नव्हे. सेलिब्रिटी किंवा क्रिकेटपटू त्याचे असे अनेक फोटो शेअर करत असतात. पण या दोघांनी शेअर केलेल्या फोटोमध्ये एक साम्य होते. हे साम्य म्हणजे फोटोच्या खालील लिहलेली कॅप्शन होय.

सारा आणि शुभमन यांनी आपल्या फोटो खाली दोन डोळ्यांच्या इमोजीसह i spy असे लिहले आहे. या दोघांनी एकच दिवशी म्हणजे २९ जुलै रोजी फोटो शेअर केले आहेत.

वाचा-
शुभमनने ट्विटवर फोटो शेअर केला आहे असून त्यात तो सनग्लासेस पांढरा शर्ट, त्यावर जॅकेट आणि निळी जिन्समध्ये एक बेंचवर बसला आहे.

तर साराने इस्टाग्रामवर दोन फोटो शेअर केले आहेत. या दोघांनी एकच कॅप्शन i spy अशी दिली आहे.

या दोघांच्या कॅप्शनमध्ये समानता दिसल्यानंतर युझर्सनी वेळ वाया न घालवता प्रतिक्रिया देण्यास सुरुवात केली. सोशल मीडियावर फक्त क्रिकेटपटू शुभमन गिलला ट्रोल केले जात होते. पण त्यानंतर सारा तेंडुलकरशी संबंधित प्रतिक्रिया सुरू झाल्या.

वाचा-

गिलने जानेवारी २०१९ मध्ये भारतीय संघाकडून पदार्पण केले होते. त्याने दोन वनडे सामने खेळले आहेत. त्यानंतर कसोटी संघात त्याची निवड जाली, पण कसोटीत तो पदार्पण करू शकला नाही. प्रथम श्रेणीत त्याने २१ सामन्यात २ हजार १३३ धावा केल्या आहेत. त्यात ७ शतक आणि १० अर्धशतकांचा समावेश आहे. त्याची सरासरी ७३.५५ इतकी आहे. या खेळीत त्याने एका डावात २६८ धावांची खेळी केली होती.