हरियाणा सरकारने या दोघींना क्रीडा विभागाच्या उप संचालक पदावर नियुक्त केल्याचे पत्र दिले आहे. बबीताने २०१४च्या राष्ट्रकुल क्रीडा स्पर्धेत सुवर्णपदक जिंकले होते. तर २०१० ते २०१८ या काळात राष्ट्रकुल स्पर्धेत बबिताने रौप्य पदक जिंकले होते. २०१२ साली जागतिक कुस्ती चॅम्पियनशिप स्पर्धेत बबिताने रौप्य पदक मिळवले होते. गेल्याच वर्षी बबिताने भारतीय जनता पक्षात प्रवेश केला होता.
वाचा-
कवीता दलाल एक भारतीय कुस्तीपटू असून ती वर्ल्ड रेसलिंग एटरटेनमेंट अर्थात WWE मध्ये जाणारी पहिली भारतीय रेसलर आहे. तिचे रिंगमधील नाव कवीता देवी असे आहे. हरियाणातील जींद जिल्ह्यातील कवीता द ग्रेट खलीची शिष्य आहे. खलीच्या सांगण्यावरूनच कवीताने कुस्तीत प्रवेश केला होता.
बबिता गेल्या काही दिवसांपासून सोशल मीडियावर देखील सक्रीय आहे. देशात होणाऱ्या विविध घटनांवर बबीता तिची स्पष्ट मते व्यक्त करत असते. काही दिवसांपूर्वी बबीताने सुशांत सिंह रजपूतच्या आत्महत्येप्रकरणी अभिनेत्री कंगमाला पाठिंबा दिला होता.
वाचा-
तेव्हा बबिता म्हणाली होती की, ” मला कंगना तुझं म्हणणं पटतंय. बॉलीवूडचा घराणेशाहीचा मोठा आजार झालेला पाहायला मिळतो. त्यामुळेच इथे लहान शहरांतून आलेल्या लोकांना चागली वागणूक मिळताना दिसत नाही. फिल्म इंडस्ट्री ही कोणाच्या बापजाद्यांची मालमत्ता नाही.”
वाचा-
त्याच बरोबर बबीताने सुशांतच्या आत्महत्येवर निर्माता करण जोहरवर जोरदार टीका केली होती. ” कोण आहे का करण जोहर? फिल्म इंडस्ट्रीमध्ये काय घाणेरडापणा करुन ठेवलाय. फिल्म इंडस्ट्री ही काय करण जोहरच्या बापजाद्यांची मालमत्ता आहे का? कोणी करणला सडेतोड उत्तर का देत नाही? माझी बहीण कंगना रनौट वाघिण आहे आणि तीच करणला योग्य ते उत्तर देत आहे. या गोटाच्या सर्व चित्रपटांवर बहिष्कार घालायला हवा, असे बबीताने म्हटले होते.
Sports News in Marathi: Latest Marathi News on Cricket, Football, Tennis, Hockey & more | Maharashtra Times
