शार्दुलने मिताली पारुलकरसोबत २०२१ मध्येच साखरपुडा केला होता आणि गोव्यात लग्नाचे संपूर्ण नियोजनही ठरले होते पण काही कारणास्तव त्यांचे लग्न पुढे ढकलले गेले. अशा परिस्थितीत आता दोघेही याच महिन्यात २७ फेब्रुवारीला लग्न करणार आहेत. कोविडच्या काळात प्रवासात येणाऱ्या अडचणींमुळे शार्दुलने गोव्यात लग्न करण्याचा निर्णय पुढे ढकलला. मात्र, आता त्यांनी मुंबईत लग्नाची जोरदार तयारी सुरू केली आहे.
शार्दुलची भावी पत्नी मिताली सध्या बेकरी कंपनी चालवते. मात्र, तिने काही काळ मॉडेलिंगमध्येही हात आजमावला. याशिवाय तिने अनेक मोठ्या कंपन्यांमध्ये सेक्रेटरी म्हणूनही काम केले आहे.
शार्दुल ऑस्ट्रेलियासोबत सुरू असलेल्या कसोटी मालिकेचा भाग नाही. शार्दुल आता थेट आयपीएलमध्ये खेळताना दिसणार आहे. तो आयपीएलमध्ये केकेआर संघाकडून खेळतो. द लॉर्ड्स टोपणनाव असलेला शार्दुल ठाकूर मैदानावर ताल ठोकून बसलेल्या पार्टनरशिप तोडण्यासाठी ओळखला जातो. ३१ वर्षीय शार्दुल ठाकूरने ८ कसोटी, ३४ एकदिवसीय आणि २५ टी-२० सामने खेळले आहेत. यामध्ये त्याने अनुक्रमे २७, ५० आणि ३३ विकेट घेतल्या आहेत.
Sports News in Marathi: Latest Marathi News on Cricket, Football, Tennis, Hockey & more | Maharashtra Times
