ipl2020 : स्वातंत्र्य दिनानंतर भारतीय क्रिकेटपटूंना मिळू शकते खूष खबर

आयपीएलमध्ये खेळणाऱ्या खेळाडूंना १५ ऑगस्टनंतर एक खूष खबर मिळण्याची शक्यता वर्तवली जात आहे. बीसीसीआयने खेळाडूंनी केलेली एक विनंती मान्य केली नव्हती, पण आता स्वातंत्र्य दिनानंतर भारतीय क्रिकेटपटूंना खूष खबर मिळू शकते, असे म्हटले जात आहे.

भारताच्या खेळाडूंना आयपीएल खेळण्यासाठी लवकरच युएईमध्ये जायचे आहे. कारण खेळाडू आतापर्यं जवळपास पाच महिने आपल्या घरांमध्येच आहेत. त्यांना सराव करण्यासाठी मैदानातही जाता आलेले नाही. त्यामुळे त्यांना युएईमध्ये जाऊन जास्त सराव करायचा आहे. त्यासाठी त्यांना लवकर युएईमध्ये जायचे आहे, असे म्हटले जात आहे.

आयपीएल खेळण्यासाठी खेळाडू युएईमध्ये दाखल होणार आहेत. युएईमध्ये दाखल झाल्यावर खेळाडूंना सात दिवस क्वारंटाईन व्हावे लागेल, असे म्हटले जात होते. पण जर खेळाडू आठवडाभर क्वारंटाईन राहिले तर ते सराव कधी करणार आणि आयपीएलसाठी लवकर फिट कसे होणार, हा प्रश्नही सर्वांपुढे आहे. त्यामुळे आता युएईमध्ये पोहोचल्यावर तीन दिवस क्वारंटाईनमध्ये राहण्याची मुभा द्यावी आणि त्यानंतर त्यांनी सराव करायला सुरुवात करावी, असा सूर संघ मालकांमध्ये आहे.

चेन्नई सुपर किंग्सच्या संघाला १० ऑगस्टला युएईमध्ये दाखल व्हायचे होते. त्यासाठी त्यांनी बीसीसीआयची परवानगीही मागितली होती. पण बीसीसीआयने ही परवानगी नाकारली होती आणि सर्व संघ २० ऑगस्टनंतच युएईमध्ये दाखल होऊ शकतात, असे बीसीसीआयने सांगितले होते. पण आता स्वातंत्र्य दिनानंतर चेन्नईच्या खेळाडूंसाठी एक खूष खबर येऊ शकते. कारण आता १५ ऑगस्टनंतर खेळाडूंना युएईमध्ये जाण्यास बीसीसीआय परवानगी देऊ शकते, असे म्हटले जात आहे. त्यामुळे १५ ऑगस्टनंतर खेळाडू आयपीएल खेळण्यासाठी युएईमध्ये दाखल होऊ शकतात, असे म्हटले जात आहे.

खेळाडूंसाठी संघ मालक पंचतारांकित हॉटेलपेक्षा काही रीसॉर्ट किंवा अपार्टमेंटला शोध घेत असल्याचे पाहायला मिळत आहे. सनरायझर्स हैदराबादचा संघ युएईमध्ये एका गोल्फ क्लबच्या रीसॉर्टवर खेळाडूंना ठेवण्यासाठी प्रयत्नशील असल्याचे पाहायला मिळत आहे. त्याचबरोबर मुंबई इंडियन्सचा संघ आपल्या खेळाडूंसाठी एक मोठे अपार्टमेंट पाहत आहे. कोलकाता नाईट राडडर्सचा संघ आपल्या खेळाडूंना दुबईमध्ये नाही तर आबुधाबीमध्ये ठेवण्यासाठी प्रयत्न करत असताना दिसत आहे. करोनाच्या काळात पंचतारांकित हॉटेलपेक्षा रीसॉर्ट हे जास्त सुरक्षित असतील, असे संघ मालकांना वाटत आहे. त्यामुळे आता ते वेगवेगळे पर्याय शोधत आहेत.