Akash Singh IPL Debut From CSK vs RR Match; कोण आहे आकाश सिंह, ज्याच्यावर धोनीने दाखवला विश्वास आणि पठ्ठयाने केली दमदार कामगिरी

तो आला, त्याने पाहिलं आणि चक्क थालाला रोखलं! तो विजयी सिक्स रोखणाऱ्या संदीपची काय होती रणनिती?

आकाशची कामगिरी

विश्वचषक २०२० च्या अंतिम फेरीत पोहोचलेल्या भारताच्या १९ वर्षांखालील संघाचा सदस्य असलेल्या आकाश सिंगला आयपीएल २०२० पूर्वीच्या लिलावात राजस्थान रॉयल्सने २० लाख रुपयांना विकत घेतले. यानंतर, त्याला आयपीएल २०२१ साठी देखील कायम ठेवण्यात आले, पण तो एकही सामना खेळू शकला नाही. या वेगवान गोलंदाजाने अंडर १९ विश्वचषकात ७ विकेट्स घेतल्या होत्या.

VIDEO: आधी चेंडू मारला आणि मग हसायला लागला, संदीप शर्मा आणि ऋतुराज गायकवाड यांच्यात वेगळाच खेळ
आकाशने जवळपास क्रिकेटची सर्व तयारी जयपूरमधून केली आणि तिथेच बराच का तो क्रिकेट खेळला आहे. २०१७ मध्ये अकादमीकडून खेळताना खुल्या स्पर्धेत त्याने एका सामन्यात एकही धाव न देता १० विकेट घेतल्या. यानंतर त्याची लगेचच १६ वर्षाखालील संघात निवड झाली. आकाशला लहानपणापासूनच क्रिकेटची आवड आहे. त्यामुळे त्याला अभ्यास करावासा वाटला नाही. यामुळेच तो दहावीच्या परीक्षेत अनेकदा नापास झाला होता. त्याने राजस्थानसाठी १६ वर्षाखालील, १९ वर्षांखालील संघातही चमकदार कामगिरी केली.

अश्विनला केलं आऊट

आकाशने आपल्या पहिल्याच सामन्यात फलंदाज रविचंद्रन अश्विनची शिकार केली. याआधी त्याच्या चेंडूवर चांगलीच धुलाई झाली होती. आकाशच्या तिसऱ्या षटकात अश्विनने दोन षटकार मारले, पण सहाव्या चेंडूवर तो झेलबाद झाला आणि चेंडूला न्याय देऊ शकला नाही. मोठा फटका मारण्याच्या प्रयत्नात अश्विन मगलाकडे झेल देऊन पॅव्हेलियनमध्ये परतला. यानंतर त्याने मागील सामन्यांमध्ये शानदार फलंदाजी करणाऱ्या ध्रुव जुरेलला अवघ्या ४ धावांवर बाद केले. आकाशने पदार्पणाच्या सामन्यात ४ षटकात ४० धावा देत २ विकेट घेतले.