IPL 2023 RCB vs CSK Ajinkya Rahane Fielding At Boundary Line Against RCB Match For CSK Glenn Maxwell : चेन्नईने मॅच कोणामुळे जिंकली? उत्तर एकच अजिंक्य रहाणे, एकट्याच्या बळावर मॅच फिरवली Video

बेंगळुरू:आयपीएल २०२३च्या २४व्या लढतीत रॉयल चॅलेंजर्स बेंगळुरूचा चेन्नई सुपर किंग्जने ८ धावांनी पराभव केला. या सामन्यात आरसीबीने टॉस जिंकून प्रथम गोलंदाजी करण्याचा निर्णय घेतला होता. चेन्नईने स्फोटक फलंदाजीकरत २० षटकात २२६ धावांचा डोंगर उभा केला. उत्तरादाखल आरसीबीची सुरुवात खराब झाली. कर्णधार फाफ डु प्लेसिस आणि ग्लेन मॅक्सवेल यांनी शतकी भागिदारीकरत संघाला विजयाच्या जवळ पोहोचवले होते. मात्र अखेर चेन्नईने बाजी मारली.विजयासाठी विशाल लक्ष समोर असताना आरसीबीने सुरुवातीलाच दोन विकेट गमावल्या होत्या. असे असताना देखील चेन्नईने गोलंदाजीत आणि फिल्डिंगमध्ये मोठ्या चूका केल्या ज्याचा फटका त्यांना बसला. अर्थात सीएसकेकडून काही चांगली फिल्डिंग देखील पहायला मिळाली. यात अजिंक्य रहाणेने सीमे रेषेवर एक षटकार वाचवला ज्याचे कौतुक सर्वजण करत आहेत.

हायव्होल्टेज मॅचमध्ये झाले विक्रमावर विक्रम; एका लढतीत कोण मोडणार इतके रेकॉर्ड, चौकारापेक्षा…
बेंगळुरूची फलंदाजी सुरू असताना चेन्नईकडून ८वे षटक रविंद्र जडेजाने टाकले. या ओव्हरमध्ये ग्लेन मॅक्सवेलने दमदार शॉट खेळण्यास सुरुवात केली. ओव्हरच्या चौथ्या चेंडूवर त्याने षटकार मारण्यासाठी मोठा शॉट खेळला. चेंडू उंच सीमारेषे बाहेर जात होता. पण ३४ वर्षीय अजिंक्यने हवेत उडी मारली आणि चेंडू सीमा रेषेच्या बाहेर जाऊ दिला नाही. अजिंक्यमुळे चेन्नईने ४ धावा वाचवल्या. अजिंक्यने अखेरपर्यंत चेंडूवरून नजर हटवली नाही आणि अगदी अचूक क्षणी हवेत उडी मारून षटकार रोखला. अजिंक्यने वाचवलेल्या या ४ धावा चेन्नईला विजयासाठी उपयोगी ठरल्या, कारण सीएसकेने ही लढत फक्त ८ धावांनी जिंकली.

अर्जुनच्या पदार्पणात सर्वजण विसरले रोहितचा विक्रम; संघात नसताना केला सर्वात मोठा रेकॉर्ड

अजिंक्यने फक्त फिल्डिंगमध्ये नाही तर फलंदाजीत कमाल दाखवली. तिसऱ्या क्रमांकावर आलेल्या अजिंक्यने २० चेंडूत ३७ धावा केल्या, यात ३ चौकार आणि २ षटकारांचा समावेश होता. याआधी त्याने १५ चेंडूत अर्धशतकी खेळी करत मुंबई इंडियन्सचा समाचार घेतला होता.

बिन कामाचे ठरले दिग्गज, खराब कामगिरीनंतर होणार मोठी अ‍ॅक्शन; कर्णधार, कोचला दिला जाणार डच्चू
सामन्यात चेन्नईकडून कॉन्वेने ४५ चेंडूत ८३ धावा केल्या, यात ६ चौकार आणि षटकारांचा समावेश होता. तर शिवम दुबेने २७ चेंडूत वादली ५२ धावांची खेळी केली. आरसीबीकडून कर्णधार डु प्लेसिसने ३३ चेंडूत ६२ तर मॅक्सवेलने ३६ चेंडूत ७६ धावा केल्या. पण ही जोडी बाद झाल्यानंतर बेंगळुरूला फिनिशर भेटला नाही.