चेन्नईने मॅच कोणामुळे जिंकली? उत्तर एकच अजिंक्य रहाणे, एकट्याच्या बळावर मॅच फिरवली Videoपहिल्या दोन सामन्यांत अडखळणारा मुंबई इंडियन्सचा संघ आता मात्र समतोल वाटत आहे. तिलक वर्मा तर आधीपासूनच सरस कामगिरी करत आहे. गोलंदाजीत अनुभवी पियुष चावला फॉर्मात आहे. त्याला नव्या दमाच्या हृतिक शोकीनची छान साथ लाभते आहे. तुलनेत मुंबईचा वेगवान मारा मागे पडतो आहे. जोफ्रा आर्चर दुखापतीमुळे सध्या उपलब्ध नाही. त्याच्या कोपराच्या दुखापतीने डोके वर काढले आहे. त्याच्या अनुपस्थितीत रिली मेरेडिथने वेगवान माऱ्याचा भार उचलला आहे. गेल्या लढतीत मुंबई इंडियन्सने अर्जुन तेंडुलकर आणि डुआन जॅनसेनला संधी दिली, पण त्यांच्या अंतिम अकरामध्ये राखले जाईल की नाही याबाबत साशंकताच आहे.
IPL मॅच पाहताना चिमुकली अचानक ढसाढसा रडू लागली; आईने शेअर केला भावूक व्हिडिओ
दरम्यान सनराझर्स हैदराबादला हॅरी ब्रूक आणि अभिषेक त्रिपाठी यांच्या रुपाने दोन ‘मॅच विनर’ लाभले आहेत. कोलकात्याविरुद्ध ५५ चेंडूंत १०० धावा कुटून ब्रूकने कराराला साजेशी कामगिरी केली, तर त्रिपाठीने पंजाब किंग्जविरुद्धच्या लढतीत ४८ चेंडूंत ७४ धावा फटकावल्या. आवर्जून नमूद करण्याची बाब म्हणजे कर्णधार एडन मार्करमने गेल्या दोन्ही सामन्यांत फलंदाजीतून योगदान दिले आहे. या सर्वांत मयंक अगरवालचे अपयश मात्र सलते.
जुळे भाऊ आमनेसामने?
मंगळवारच्या या लढतीत जुळे दुआन आणि मार्को हे जॅनसेन बंधू आमनेसामने येण्याची शक्यता आहे. दुआन मुंबईचे तर मार्को हैदराबादचे प्रतिनिधित्व करतो.
पुन्हा गोलंदाजी देऊ नका; संजू सॅमसनची धुलाईने राशिद खानवर हात जोडण्याची वेळ, पाहा व्हिडिओ
मुंबई वि. हैदराबाद
स्थळ : राजीव गांधी आंतरराष्ट्रीय स्टेडियम, हैदराबाद
वेळ : संध्याकाळी ७.३० पासून
प्रक्षेपण : स्टार स्पोर्ट्स आणि जिओ सिनेमा अॅप
नाणेफेकीचे समीकरण : प्रतिस्पर्धी संघांनी याआधीच्या दोन्ही लढती धावांचा यशस्वी पाठलाग करताना जिंकल्या आहेत. त्यामुळे नाणेफेक जिंकून प्रथम क्षेत्ररक्षणास प्राधान्य देण्याची शक्यता अधिक
खेळपट्टीचा अंदाज : फलंदाजीस पोषक खेळपट्टीवर १८५ ते १९० धावा होण्याची दाट शक्यता.
हवामानाचा अंदाज : तापमान ३० अंशाच्या वरच असेल
>महत्त्वाचे खेळाडू :मुंबई : सूर्यकुमार यादव, टिम डेव्हिड, पियुष चावला. हैदराबाद- हॅरी ब्रूक, एडन मार्करम, भुवनेश्वरकुमार.
>गेल्या पाच लढतींत :मुंबई- तीन विजय, दोन पराभव. हैदराबाद- दोन विजय, तीन पराभव.
>आमने सामने: १९ लढतींत. मुंबईचे १० विजय, हैदराबादचे ९ विजय
>प्रतिस्पर्ध्यांमधील गेल्या पाच लढतींत :तीन विजय मुंबई. दोन विजय हैदराबाद
मुंबई इंडियन्सची टीम एअरपोर्टवर स्पॉट, जोफ्रा आर्चरने खाल्ला भाव
Sports News in Marathi: Latest Marathi News on Cricket, Football, Tennis, Hockey & More
