बीसीसीआयला सर्वात जास्त चिंता ही प्रायोजकाबरोबर खेळाडूंचीही आहे. कारण जर एक खेळाडू जरी युएईमध्ये करोना पॉझिटीव्ह सापडला तर आयपीएल रद्द करावी लागू शकते. त्यामुळे बीसीसीआयने युएईला जाण्यापूर्वीच सर्व खेळाडूंना करोना चाचणी करायला सांगितली आहे. या करोना चाचणीचे अहवाल निगेटीव्ह आल्यानंतरच खेळाडूंना युएईला जायला मिळणार आहे.
प्रत्येक खेळाडूला क्वारंटाइन करण्यात येणार आहे. त्यानंतर त्यांच्या दोन करोना चाचण्या करण्यात येणार आहे. त्यानंतरच त्यांना युएईला पाठवण्यात येईल. त्याचबरोबर युएईमध्येही खेळाडूंची प्रत्येक पाच दिवसांनी करोना चाचणी करण्यात येणार आहे. त्यामुळे बीसीसीआय आयपीएलसाठी पूर्ण खबरदारी घेत असल्याचे पाहायला मिळाले आहे.
आयपीएलच्या आधी अजून एक लीग सुरु होणार आहे. कॅरेबियन प्रीमिअर लीगला १८ ऑगस्ट पासून सुरुवात होणार आहे. या लीगमध्ये एकूण ३३ सामने खेळवले जाणार आहेत. यामधील २३ सामने हे ब्रायन लाराच्या अकादमीमध्ये होणार आहेत, तर उर्वरीत १० सामने हे पोर्ट ऑफ स्पेन येथे होणार आहेत. या लीगमध्ये प्रेक्षकांना प्रवेश दिला जाणार नाही. या लीगचे उपांत्य आणि अंतिम लढतीचे सामने ब्रायन लारा अकादमीमध्येच होणार आहेत. या लीगचा अंतिम सामना १० सप्टेंबरला खेळवण्यात येणार आहे. या लीगमधील खेळाडू आणि अन्य स्टाफची करोना चाचणी करण्यात आली होती.
कॅरेबियन प्रीमिअर लीगमधील खेळाडू आणि अन्य स्टाफ अशी एकूण १६२ जणांची करोना चाचणी करण्यात आली होती. या करोना चाचण्यांचे अहवाल आले आहेत. या अहवालानुसार १६२ पैकी एकही व्यक्ती करोनो पॉझिटीव्ह सापडलेली नाही. त्यामुळे आता या सर्व १६२ जणांचा क्वारंटाइन करण्यात येणार आहे. या सर्वांना आता काही दिवस क्वारंटाइनमध्ये ठेवण्यात येणार आहे. त्यानंतरच खेळाडूंचा सराव आणि सामने सुरु होणार आहेत.
Sports News in Marathi: Latest Marathi News on Cricket, Football, Tennis, Hockey & more | Maharashtra Times
