चीनच्या विवो या कंपनीने आयपीएलचे या वर्षीचे प्रायोजकत्व काढून घेतले आहे. त्यामुळे आयपीएलच्या प्रायोजकत्वासाठी आता काही कंपन्यांची नावे पुढे येत आहेत. पण यामध्ये सर्वात आघाडीवर नाव आहे ते बाबा रामदेव यांच्या पतंजली या कंपनीचे. पण यापूर्वी रामदेव बाबा यांचे मत आयपीएलबद्दल फारसे चांगले नव्हते. त्याचबरोबर रामदेव बाबांनी काही वर्षांपूर्वी आयपीएलमधील चीअरलीडर्सबद्दल वादग्रस्त वक्तव्य केले होते.

भारताचे पंतप्रधान नरेंद्र मोदी यांच्या एका घोषणेमुळे पंतजलीला आयपीएलचे प्रायोजकत्व मिळू शकते, असे म्हटले जात आहे. इकॉनॉमिक्स टाइम्सने दिलेल्या वृत्तानुसार या वर्षी होणाऱ्या आयपीएलच्या मुख्य प्रायोजकत्वासाठी आम्ही प्रयत्न करत आहोत. आम्ही पतंजलीला जागतिक पातळीवर घेऊन जाण्याचा विचार करत आहोत. त्यामुळेच आयपीएलचे प्रायजोकत्व मिळवण्याचा प्रयत्न करत असल्याचे पतंजलीचे प्रवक्ता एस के तिजारावाला यांनी सांगितले.

सध्याच्या घडीला रामदेव बाबा आयपीएलच्या प्रायोजकत्वाच्या शर्यतीत आहेत, पण त्यांचे यापूर्वी आयपीएलबाबतचे मत चांगले नव्हते. यापूर्वी आयपीएलबाबत रामदेव बाबा म्हणाले होते की, ” चीअरलीडर्समुळे क्रिकेट हा खेळ अश्लील झाला आहे. हे भारताच्या संस्कृतीच्या विरोधात आहे. आयपीएल हा एक मोठा जुगार आहे, त्याचबरोबर आयपीएलमुळे सट्टेबाजी वाढत असल्याचेही पाहायला मिळत आहे. ”

रामदेव बाबांनी जेव्हा हे वक्तव्य केले होते, तेव्हा त्यांच्यावर काही जणांनी टीकाही केली होती. त्यावेळी रामदेव बाबा हे आयपीएलच्या विरोधात होते. पण सध्याच्या घडीला आयपीएलचे प्रायोजकत्व मिळवण्यासाठी रामदेव बाबा उत्सुक असल्याचे पाहायला मिळत आहे.का

पतंलजीला जर आयपीएलचे प्रायोजकत्व मिळवायचे असेल तर त्यासाठी भारताचे पंतप्रधान नरेंद्र मोदी यांचा महत्वाचा वाटा असू शकतो, असे म्हटले जात आहे. करोनाच्या काळात मोदी यांनी एक घोषणा केली होती. ही घोषणा जर लक्षपूर्वक ऐकली तर पतंजलीला आयपीएलचे प्रायोजकत्व मिळू शकते, असे म्हटले जात आहे. करोनाच्या काळात मोदी यांनी आत्मनिर्भर भारत, अशी एक घोषणा केली होती. या घोषणेनुसार पतंजली ही भारतातील कंपनी असून तिला आयपीएलचे प्रायोजकत्व मिळवणे सोपे होईल, असे म्हटले जात आहे.

Sports News in Marathi: Latest Marathi News on Cricket, Football, Tennis, Hockey & more | Maharashtra Times

LEAVE A REPLY

Please enter your comment!
Please enter your name here