आयपीएलचे लाईव्ह सामने आता कुठे बघता येणार, पाहा…

यावर्षीच्या आयपीएलच्या एक एक गोष्टी आता पुढे येताना दिसत आहेत. सुरुवातीला आयपीएल कधी आणि कुठे होणार ही बातमी आली. त्यानंतर आयपीएल किती वाजता सुरु होणार, हे समजले. पण आता यावर्षीचे आयपीएल नेमके कुठे पाहता येणार, हे मात्र चाहत्यांना माहिती नसेल. त्यामुळे आता आयपीएलचे लाईव्ह सामने आता कुठे बघता येणार, पाहा…

आतापर्यंत आयपीएल ही भारतामध्ये सर्वाधिक वेळा खेळवली गेली. पण यावेळी आयपीएल ही युएईमध्ये खेळवली जाणार आहे. त्यामुळे युएईतील सरकारच्या नियमांनुसार आता बीसीसीआयला काम करावे लागणार आहे. यापूर्वी आयपीएलचे प्रक्षेपण जी कंपनी करायची, तीच यावर्षी करणार की युएईमधील सरकारच्या नियमानुसार यामध्ये काही बदल झालेला आहे, पाहा…

यावर्षी आयपीएलचे सामने स्टार स्पोर्ट्स या वाहिनीवर प्रक्षेपित होणाार आहेत. कारण बीसीसीआय आणि स्टार स्पोर्ट्स यांच्यामध्ये तसा करार झालेला आहे. त्यामुळे या करारात कोणीही बदल करू शकत नाही. त्याचबरोबर आयपीएलचे सामने हॉटस्टारवरही पाहायला मिळू शकतात. यावर्षी जिओ टीव्हीवर आयपीएलचे लाईव्ह सामने पाहायला मिळतील, असे वाटत होते. यासाठी जिओ आणि हॉटस्टार यांच्यामध्ये करार होणार होता. पण हा करार अजूनही झालेला नाही. पण हा करार लवकरच होऊदेखील शकतो, असेही म्हटले जात आहे.

वर्षी आयपीएलचे आयोजन युएईमध्ये करण्यात आले आहे. पण आतापर्यंत युएईमध्ये एकही आयपीएलमधील संघ पोहोचू शकलेला नाही. सर्व खेळाडूंची करोना चाचणी होणार असून त्यानंतर त्यांना युएईला पाठवण्यात येणार आहे. यंदाचे आयपीएल १९ सप्टेंबर ते १० नोव्हेंबर या कालावधीमध्ये रंगणार आहे. यावेळी आयपीएलचे सामने दुबई, आबुधाबी आणि शारजा या तीन ठिकाणी खेळवण्यात येणार आहेत.

गेल्यावर्षी आयपीएलमध्ये मुंबई इंडियन्सने दमदार कामगिरी केली होती. गेल्यावर्षी मुंबई इंडियन्सनेच जेतेपद पटकावले होते. त्यामुळे यावर्षी पहिला सामना खेळण्याचा मान त्यांचाच असेल. त्यामुळे यावर्षीच्या आयपीएलमध्ये सलामीचा सामना मुंबई इंडियन्स आणि महेंद्रसिंग धोनीच्या नेतृत्वाखालील चेन्नई सुपर किंग्स यांच्यामध्ये होईल, असे म्हटले जात आहे. हा सामना भारतीय वेळेनुसार रात्री ७.३० वाजता सुरु होणार आहे.