प्रत्येक मोसमागणिक शुभमनची एकूण धावसंख्या चढत्या भाजणीतच राहिली आहे. यंदाच्या सिझनमध्येही त्याच्या एकूण वैयक्तिक धावा ५०० च्या पल्याड गेल्या आहेत.
रनमशिन शुभमन
४४० धावा – आयपीएल २०२०
४७८ धावा – आयपीएल २०२१
४८३ धावा – आयपीएल २०२२
५०३* धावा – आयपीएल २०२३
विजयानंतर केकेआरच्या संघाला बसला मोठा धक्का, सामना संपल्यावर समोर आली मोठी गोष्ट
शुभमन म्हणतो ‘मी १२-१३ वर्षांचा असल्यापासून विराट कोहली भाईला फॉलो करतोय. मला क्रिकेट समजायला लागलं, तेव्हापासूनच तो माझा आदर्श आहे. त्याच्याकडून मला खूप काही शिकायला मिळाले. त्याची फलंदाजी, पॅशन आणि जोश मला प्रेरित करतात. सचिन तेंडुलकरही माझे रोल मॉडेल आणि प्रेरणास्त्रोत आहेत.’
आठव्या षटकात चौकार मारून शुभमनने अवघ्या २२ चेंडूंत अर्धशतक पूर्ण केले. हे त्याचे मोसमातील सर्वात जलद अर्धशतक ठरले. गिल आणि साई सुदर्शन (३५ चेंडूत ४७) यांनी ८४ चेंडूंत १४७ धावांची भागीदारी केली. गुजरात संघाच्या कोणत्याही विकेटसाठीची ही सर्वोच्च भागीदारी होती.
IPL Playoffs मध्ये पोहोचणारा पहिला संघ ठरला गुजरात टायटन्स, हैदराबाद स्पर्धेतून बाद
सामनावीर म्हणून निवड झाल्यानंतर पुरस्कार सोहळ्यादरम्यान शुभमन गिल म्हणाला की, मी सनरायझर्स हैदराबाद विरुद्धच आयपीएलमध्ये पदार्पण केलं होतं. आता या संघाविरुद्धच पहिलं शतक ठोकलं. या मोसमात मी आणखी शतकं झळकावीन अशी आशा आहे. माझ्या जुन्या खेळींचा विचार करत बसणाऱ्यांपैकी मी नाही. माझे लक्ष सध्या वर्तमानावर आहे. संपूर्ण सामन्यातील सर्वात आनंददायी क्षण म्हणजे अभिषेकला षटकार मारणं, कारण तो माझा बालपणीचा मित्र आहे, अशा भावना शुभमनने व्यक्त केल्या.
Sports News in Marathi: Latest Marathi News on Cricket, Football, Tennis, Hockey & More
